ديوانية بيت العمر

[مشاعل]

مساء الخير

خلصنا الاسود ومددنا الصحي والكهرباء لله الحمد

وطرطشنا البيت والسبت ان شاء الله بيبدون بالمساح الداخلى

واول شهر 7 ان شاء الله برح الصين الله يسهل ان شاء الله

كنت حابه اسوى تجاويف فى الصالات بس الله يسامح المقاول قالى لى خلصت يبا واحد يسويهم ويوم خلص الاسود يبت لى باكستانى قالى الطابوق عرضه 10 و15 مايصير اسوى لى تجاويف

والله يسهل ع الجميع

 

[قــ القلوب ــوت]

لا قوت
انا برايي تخلين سريرج على طوفه الحمام دايما ينصح خبراء الديكور ان السرسر ما يكون بقرب الباب فبالتالي الطوفه اللي ورا سريرج اهي تكون الحمرا واكو بابيات معلقات للاضاءه على شكل شموع باللون الاحمر وااايد عجبوني
ومبروك عليج الغرفه

الله يبارك فيج .. بس انتي مافهمتي قصدي انا مستحيل احط السرير عند الباب .. انا قصدي محتاره بين طوفتين الي فيها الشباك او الي فيها مدخل غرفه التبديل الي تكون نفسها طوفه الحمام وانا بصراحه الي مقررته نفس الي اقترحتيه بس امي واختي شككوني بنفسي بصراحه فقلت استشيركم .. ومشكوره على رايج :eh_s(8):

 

[dectora 7elwa]

الف مبروك مشاعل
الفال لنا كلنا
قبل لا تروحين الصين لفي هني وشوفي الانواع والالوان وحددي احتياجاتج وعسى ربي يوفقج

 

[sara3]

سارة مشكورة حبيبتي ... الله يوفقج على الرد اللي يبرد القلب

بالنسبه لي .. انا خذيت الارضيات كله اسباني من العصيمي و بسامكو بأسعار مناسبه لي ...


المطبخ من شارع المطابخ اللي بالشويخ... خذيت خشبي شرايح و الرخام بيج فاتح... مطبخي وسط 5 في 5.... طلع علي ب 1300 ان شاء الله يطلع حلو و مرتب


الاصباغ اتفقت مع الصباغ بس تو ما بلشنا ... اخترت من اصباغ الجزيره و ناشيونال افكار ناعمه و نيو على قولتهم


الديكورات كله مخفي و ناعم ما عدا الاستقبال كورنيشه شوي فخم ... حتلى راعي الديكور قال لنا كورنيشكم مركبين نفسه بقصر بيان>>> يعني كاشخه الحين

سؤالي لكم بنات و بالاخص سارونه الحلوة ... اضاءة الديكور المخفي اخليها اصفر او ابيض..؟؟... انا اللي بدار النوم باخذ من ابيات اللي تتغير اربع الوان انا اتحكم فيها بس حق الصالات و الغرف مادري شنو احط الاضاءة المخفيه؟؟ بليز بنات بسرعه ردوا ... العصر ان شاء الله بروح اشترى



و شكرا

هلا كنوز يعلك اتهنين باختياراتك .بالنسبة لسؤالك عن الاضاءة انا افضل الاصفر

وانشوف اراء البنات

 

[sara3]

قوة بنات


في عندي سؤالين بعد>>> ميخالف تحملوني



1) شنو طريقة تركيب اطقم الحمام و مغسلته بدون سيليكون؟؟ لأ، الحين ما قاموا يحطون سيليكون و يخربون منظر المغسله بس مادري شلون تتثيت المغاسل ؟؟

2) وين المركز الاسباني للسيراميك؟


عفيه ناطرة ردودكم

يا عمرى انتى سالى عادى والبنات ماراح يقصرون ترى كلنا خوات ونفر ايفر:bbbiu:اتحسين انك مثقله على احد

بالنسبة لتركيب المغاسل ما ادرى انا بالشقة عندى مثلات الشريط ابيض


السؤال الثانى ما عندى فكرة بس جربى البدالة

 

[sara3]

مرحبا بنات
هلا بساره والله لمطابخ رحت البرازيليه حق الفاري والرياض ودريم دوراند كيتشن راح افصلج تجربتي بس على اقشاط لاني بطيئه بالعربي
اخر محل كان ارخص محل عطاني 3900دك بحدود 140 دك للمتر الطولي اللي يشمل الخزاين فوق وتحت مع النعله والرف الداخلي لكن حساب سطح العمل غير حسب اذا اخترتي كوريان(رخام صناعي) او طبيعي او الجرانيت وهو الوسط الغريب ان هالسعر مع الكوريان ولما سالت اكثر عرفت ان وكيل الكوريان بالكويت هو الفارسي وراح يحيب المتر على المحل اللي انا متعاقده معاه فيطلع سعر المتر94 دك لكن المحل يقول انا احطه من عندي !
الرياض وايد دقيق وسعره وسط 4500 لكن مع جرانيت وطريقته انه اول يقعد مع العميل وياخذ كل طلباته بعديت ياخذ المقاس من الموقع عالطبيعه ويصمم لج مع كل طلباتج حتى اللون وعنده 8انواع مسكات فري تختارين منهم لكن الباقي يحاسبج عليهم ولااازم تعلمينه شبتحطين داخل الخزاين يعني سلال او رفوف او------ لان كلشي بحسابه
اما الفارسيفهو اغلاهم وبعدهين افصل لج بس لحقي الحين مسوين تنزيلات بفرع الشويخ لحقي

حبيبتى والله بعد نبى تفاصيل من مراسلتنا الدكتورة الحلوة

والفارسى اهو اللى مسوى تنزيلات

واشلون:RoadRunner:الحق انا وين على العموم انا نازله الديرة اخر الشهر وبشوف

 

[sara3]

_shh_::gr4uu::tomato2::tomato2:

سارة خوش فكرة بس بغيت اسال الحين الغاز لازم يكون بمكان مبرد ......
شغلة ثانية شلون انعرف اذا حصل تسرب في نظام امان للسالفة هذي بعد ممايندري الخدامة دايخة واتركبة عدل
وبالنسبة لموقعه يعني افكر ان المفروض موقعه يكون بعيد عن الاخرج علشان لاسمح الله لي صار حريق ولا شي واهو بالمدخل ماتطلعين وايدج علي قلب لانه اذا انفجر ايصكر عليج المخرج

وعندي تساؤل ثاني للي حطوا شتر للبيبان الرثيسية يعني اذا صار انقطاع للكهربا ولا حتي حريق في خاصية فتح يدوي علشان الواحد ماينحكر لان اذا مافيه يا مااحط مكينه او مااحط كلش
ماعليه احب احسب حساب هالشغلات علي الاقل علشان العيال ياريت ارائكم بس علشان ماتفلعون اذكر اني الي الان مااستلمت الارض يعني لي الحين بمرحله التخطيط بس بمخي احب اخطط كل شي مو تفلعوني :23_asmilies-com: :tomato2:

بالنسبة للشترات الخاصة بالبيبان اللى اعرفة انك ما تسكرينهم الا لمن اتسافرين ولا شغلة اذا بتفتحين واتسكرين .غير مصرف الكهرباء

الغازلازم مكان فية ظل على الاقل .عندك اللى برة المطبخ يكون فى صندوق الامنيوم


اما بالنسبة للنظام اللى ذكرتة فى المشاركه

يكون تحت سلم المؤجرين.او تحت السلم الساقط وايصير مثل الغرفة وله تمديدات خاصه وبايبات امان.وفى شركات خاصة حق هذى السوالف اذا ما تبين المقاول يمدد لك

واذا عندك شقق اتخصصين سلندر لكل شقة والباب ينقفل واحد فاهم حق التركيب واذا الخدامه يكون باشرافك لا يصير شى بالاوادم

 

[sara3]

ستارز حلوة الطاولات جدا جدا جدا

ومثل ما قلتى فكرة جذع الشجرة غريبة

 

[thenutybee]

بالنسبة للشترات الخاصة بالبيبان اللى اعرفة انك ما تسكرينهم الا لمن اتسافرين ولا شغلة اذا بتفتحين واتسكرين .غير مصرف الكهرباء

الغازلازم مكان فية ظل على الاقل .عندك اللى برة المطبخ يكون فى صندوق الامنيوم


اما بالنسبة للنظام اللى ذكرتة فى المشاركه

يكون تحت سلم المؤجرين.او تحت السلم الساقط وايصير مثل الغرفة وله تمديدات خاصه وبايبات امان.وفى شركات خاصة حق هذى السوالف اذا ما تبين المقاول يمدد لك

واذا عندك شقق اتخصصين سلندر لكل شقة والباب ينقفل واحد فاهم حق التركيب واذا الخدامه يكون باشرافك لا يصير شى بالاوادم

حبيبتي سارة كلك زوء

ماقصرتي
سارة خذيتي حق مطبخ الغاز build in ولا عادية وشنو الفرق

 

[thenutybee]

كوليشكن منوع للحلوين
صبغ الديكور

لمطبخ تحضيري

عجبني لون القعدة

طريقة سلم ....سارة ابي رايج فيه

ديكور بالسقف حلو

حمامات عزكم الله

 

[كنوز78]

مشكورة سارة عالرد يا قلبي

 

[سافانا]

كيف الحال بنات ,,,

ودي كل وحده تكتب الاخطاء الي لو رجع الزمن تفادتها ’’’’

مثلي انا فيه اماكن ماكان ناصح المقاول لنا فيها لما اقول بسوي تجاويف جداريه كان يقول مانصحكم فيها خلوها بعدين وسووها ولمابغيت

اسويها قالوا مايصير لازم من البنيان , وبعد الممر الي يكون تحت حوش المؤجرين المفروض استفدت منه وضميته للبيت بس المقاول سكره

وماعطانا فرصه نستغله , بعدين عرفت انه يدور الشغل الاسرع له , والشي الثاني لما طلب منه ابونا انه يخلي سقف البيت عالي ارتفع الدرج

وماعطانا خبر وسوا لنا الدرج بطريقه صراحه متعبه , وبس اذا تذكرت شي بعد بكتبه وسلامتكم .

 

[رحيق]

السلام عليكم
من زمان ما شاركت في الديوانية
كنت حيل مشغولة في فرش بيتي
عسى الله يهنيكم في بيوتكم وتنزلون على صحة وعافية

لاحظت ان وايد بنات ضايق خلقهم لانهم مو قادرين اسون تجاويف جدارية
آنا كنت نفسكم بعد ما نزلت بيتي وايد ضاق خلقي على هذا الموضوع
لكن ربي كريم فتح علي ، سويت طوفة تجاويف من الجبس . اتعرفون الكرنيش الخاص بالستائر هذا سويت فيه تجاويف على شكل حرف اليو
بس راح يكون بارز ويا حلاتة مع الصبغ ومع الاضاءة المخفية صار روعة
وعندي بعد مكان ثاني صالة الاستقبال الثانية النجار سوالي تجاويف مساحة صغيرة تقريبا مترين على شكل اعمدة وصبغتها فلفيت وخليتها خلفية للكونسول وناوية أحط فيها اضاءة مخفية وما يصدقون الناس لما أقول لهم ان هذا خشب
أرجوا اني افدتكم في هذا الموضوع
وما أبي منكم الا الدعاء لأمي تمر بازمة قلبية حادة


أم وهابي اختاري لون قماش القنفات مشمشي وايد حلو مع الاخضر

 

[كنوز78]

قوة بنات


شلونكم؟ شلونج سارونه يا قلبي؟؟؟


فصلت لي قعدة للمعيشه ستايل مودرن ..الوانها بيج و اورانج و بني... ابي افكاركم لصبغ الطوف ... شنو الالوان اللي تمشي معاها.. انا مفكره اصبغ بيج بذهبي ...و احط طوفه وحدة اورانج بس الهادى اللي مايل على مشمشي نفس القعده لأن لونها الاورانج الهادى ....اذا عندكم اقتراحات ثانيه للصبغ اسدحوها هون


و شكرا

 

[dectora 7elwa]

كسره بخور الف مبروك
ياليت اذا تقدرين تنزلين صور بس للتجاويف او تحطين رقم النجار اللي سوالج عشان الكل يستفيد وتتضح الصوره واذا ماتبين عالعام انا ودي بالرقم عالخاص وشكرا

 

[العوضيه نور]

السلام عليكم بصراحه هذي الدوانيه موضوعها حلو بالنسبه حق موضوع المطبخ عندكم شركة الرياض في حولي وشويخ

 

[اخت فروحه]

سلاااااااااااااااااااااااااام مربع للكل

وحشتوووووووني

حدي حدي حي مشغووووووووووووووولة امتحانات وتشطيبات وقاعدة انقل قشي شوي شوي

 

[سافانا]

صباح الخير على وجوه الخير

لاتنسوا قراءة سورة الكهف

 

[سافانا]

اخت فروحه تسكنين بالعافيه يارب

وتسهل لك امورك يارب

وعفبالنا يارب زهبوا المكان ليما نجيكم

 

[كنوز78]

اخت فروحه الف مبروك حبيبتي و تسكنين بالعافيه


سافانا عقبالك يا قالبي و ناطرينج بالديوانيه