- إنضم
- 20 أبريل 2010
- المشاركات
- 364
- مستوى التفاعل
- 0
- النقاط
- 0
نفاك الليل .. والثلث الاخير موثق الاصفاد
بعد جاوزت ياقلبي .. جحيم الثانيه عشرا
تصومع في متاهات وغياهب .. سجنك المعتاد
بقى ثلثٍ عيونه مظلمات .. ووجنته سمرا
تسمّر بين تعذيب الضمير .. وجفوة الميعاد
بليلٍ زعل سهيل اليماني .. كوكب الزهرا
ايا قلبي نفيت .. ولابقى لك في الوجود بلاد
اخذ قيصر شمالك .. والجنوب احتلها كسرا
حوانيتك خراب .. وشارعك موحش وصمتك زاد
وزفرات الهبايب في ممرات الوله .. غبرا
تهزّ الريح كرسي الدروب .. وينعس النشاد
ايا ويحي ليا منه صحى .. كيف التمس عذرا ؟
انا من لي .. بعذر مثل عذر الأم للاولاد
يتاما في صباح العيد .. واقدار الزمن قشرا
لك الله .. شحت افكاري وجافتني حروف الضاد
ولا باقي بعد عسر الزمن .. في جعبته يسرا
حبيبك غاب .. وعيون العواذل فـي الغياب حداد
وانا قد قلت لك : لن يستطيع مع القسا صبرا
رحل ماكنه اللي .. كان لجروح الزمان ضماد
ابد ماكنه اللي .. لا لمس جرح الغلا يبرا
خلت منه الاماكن .. وانحصر ذكرى وصار ابعاد
تلاحقها عيوني في علامات الجفا .. الكبرا
اشوف الصولجان المنكسر .. والقصر والامجاد
ثلاثٍ بيض ولّت .. والبقى في الليلة الغدرا
واشوف الجافلات من الجوازي .. صادها الصياد
واشوف الباسقات .. من الخريف اوراقها صفرا
انا في كل يوم .. اخسر طبيب والتقي جلاد
خساراتي جسام .. وكل طاقاتي غدت هدرا
لـ / نيـــآفه :eh_s:
