مأساة طالبة جامعية شاركوني

[سوكا موكا]

السلام عليكم ورحمة الله وبركاته
أول شي بقولكم مأساتي والحمدلله على كل حال أنا راضية بقضاء الله وقدره
أنا قدمت 3 مرات بوزارة الأوقاف ولا قبلوني الاختبارات كانت صعبة حيل
رحت للسراج المنير ورسبت في المقابلة الشفوية

الحين طلع اسمي بالعدل
تنصحوني أروح لها او لأ

أنا خريجة شريعة تخصص تفسير وحديث
تخرجت بمعدل حلو
جيد جداً
3,45

عفيه بنات أبي خبرتكم
وزارة العدل فيها مقابلة !!
حدي تعقدت من المقابلة اللي طافت
رجعت البيت وأنا أبكي :eh_s(11):​

 

[ms_5ajoola]

هلا حياتي واللهما عندي فكرة انا ادرس بالحقوق اذا الشريعة يحطونكم بوزارة العدل عيل احنا وين يعينونا ؟؟

 

[سوكا موكا]

هلا حياتي واللهما عندي فكرة انا ادرس بالحقوق اذا الشريعة يحطونكم بوزارة العدل عيل احنا وين يعينونا ؟؟

احنا يحطونا موثقات على ما أظن
موعارفة بالضبط :080402ask_prv:

نورتي المكان ​

 

[سوكا موكا]

أتمنى منكم التفاعل يا بنات
راح أنزل لكم
السلبيات اللي لاحظتها في مقابلة السراج

طبعاً السلبيات اللي جت مني مو منهم ​

 

[بولندية]

بس غريبه ليش الاوقاف ما قبلوج كان المفروض تييبين واسطه البنات اللي اعرفهم يشتغلون هناك اغلبيتهم واسطه عاد الله و الشغل بس جذي قاعدين حتى تخصصاتهم ترى مو مطلوبة بالاوقاف بس الله يخلي الواسطه

العدل مادري شوفي اللي يشتغلون هناك يفيدونج اكثر ان شالله

 

[غلا الأيام]

اب اب

بس ليش كل هل الاحباط

حبوبة (عسى ان تكرهوا شيئا وهو خير لكم )

حبوبة تفاءلي عشان ربي يفتحها عليج ، وبعدين ترا تقريبا الوزارات كلها صارت نفس الشي

ماكو مكان احسن من مكان

وربي يوفقج يا رب

 

[سوكا موكا]

بس غريبه ليش الاوقاف ما قبلوج كان المفروض تييبين واسطه البنات اللي اعرفهم يشتغلون هناك اغلبيتهم واسطه عاد الله و الشغل بس جذي قاعدين حتى تخصصاتهم ترى مو مطلوبة بالاوقاف بس الله يخلي الواسطه

العدل مادري شوفي اللي يشتغلون هناك يفيدونج اكثر ان شالله

والله تعبت من سالفة هالواسطات
معدلي وشهادتي ما تحتاج واسطة
ومو ذنبي أن الكلية ما تعطينا ميداني للي تبي تدرس

بجد والله شيء يحبط الواحد
لا حول ولا قوة إلا بالله​

 

[سوكا موكا]

اب اب

بس ليش كل هل الاحباط

حبوبة (عسى ان تكرهوا شيئا وهو خير لكم )

حبوبة تفاءلي عشان ربي يفتحها عليج ، وبعدين ترا تقريبا الوزارات كلها صارت نفس الشي

ماكو مكان احسن من مكان

وربي يوفقج يا رب

كل هذا يا غلا وماتبين اتحبط
الحمدلله على كل حال
ديرة واسطات
لا تنفعك شهادة ولا شي​

 

[ابتثجح]

ضييقتي خلقي الله يسامحج
أنا مثلج خريجة تفسير و حديث و ناوية أقدم عالاوقاف ادرس بدار القران او اي مركز من اللي عندهم
الله يرضى عليج قوليلي بالضبط شصار بالمقابلة شسويتي؟ شنو الاسئلة ؟ منو اللي يقابلج؟ شلون نفسياتهم يوترون الواحد و الا حليوين؟ شنو الكتب اللي قروروها للمقابلة ؟؟و كلللللللللللللللللللل شي صار لج من ايجابيات و سلبيات ؟؟

ادري مصختها بس ضروووري تردين حددددي خااايفة و محتارة

الله يوفقج و يكتب لج اللي فيه خير لج

 

[ماس ولولي]

محد يذم العدل معناته اكيد زينه والله يوفقج يارب

 

[ابتثجح]

اب
اب
اب
ناطرة ردج عن اللي صار بالمقابلات

 

[خالده الفارس]

توكلي على الله
وربج يدبرها ،،، إذا لج نصيب في هالوظيفة ...
الله راح يرزقج إياها.

 

[صآعده تحت}..]

رفع لعـيونـكم :>

والله يكتب لكم الى فيه الخير

 

[ابتثجح]

وينج يا سوكا موكا
ما فيه احد يفيدنا عن هالمقابلات ؟؟ وينكم يا بنات الشريعة؟؟

 

[ابتثجح]

احد يفيدنا يا جماعة عن هالمقابلات التعجيزية
سوكا موكا مدري شفيها راحت عالوجه

 

[سوكا موكا]

أشكر كل من رد علي
ما قصرتوا والله
__

بخصوص المقابلات أنا قدمت 3 اختبارات بالدراسات الاسلامية اللي هي دار القرآن ورسبت
هم نظامهم أول شي تختبرين تحريري اذا نجحتي فيه تختبرين شفوي ( شفوي تسميع قرآن 4 أجزاء)
وبعدها تقدمين درس قدام اللجنة يشوفون تقديمج شلون

طبعاً الاختبار التحريري عشان تنجحين فيه لازم تكون نسبتج 75 %
الكتب المطلوبة : نيل الأرب , مصطلح الحديث للطحان , روضة الأنوار في سيرة النبي المختار عليه الصلاة والسلام للمباركفوري

الأسئلة في الكتب هذي لازم تدرسينها مضبوط .

أما السراج المنير
نظامهم أول شي تختبرين شفوي
لجنة مكونة من كويتي ومصري
وواحد ثالث ماله دخل بشيء بس يسجل
رسبت فيها بعد , مقابلة الشفوي هذي لازم تكونين حافظة 4 أجزاء
يسألونج بأشياء عامة , مثلاً قالولي اذكري 6 فوائد من سورة الفاتحة
أنا كنت متوترة شوي , يمكن هالشيء أثر على اجاباتي

اتصلوا علي بعد ما رجعت البيت , قالولي للأسف ما تجاوزتي الاختبار وفيه موعد ثاني لكن ما حددوا متى
بس أنا مو ناوية أرجع للسراج , لأني رحت له وأنا مو مقتنعة فيه.



حبيبتي اللي قالت اني حبطتها
لا فديتج بسم الله عليج من الاحباط
كل انسان ينجح ويفشل ويحاول مرة ومرتين وثلاث
وأنا استفدت من كل تجربة مقابلة مريت فيها
وأي شيء أنا حاضر
واعذريني على التأخير , توني أشوف رسائلج
​

 

[!الجادل الصعب!]

السرآج المنير كلن يبيه ويمدحه ليش ماتبينه ..!

ولا تقولين شهادتي دوريلج واسطه وخليج عالاوقاف الناس طق مطاقق عليها كلن يبيها ..

انا لو يحصل لي انقل من التربيه للاوقاف ..


صج مافكرتي بالتربيه ؟

 

[ابتثجح]

مشكوووووورة ما قصرتي عالرد المفصل
موفقه ان شاء الله

بس بغيت اسئلج بالنسبة لمقابلات دار القران انتي كنتي كله تسقطين بالتحريري ؟؟ و الا سقطوج بالشفوي ؟؟
و ليش سقطتي بالتحريري لهالدرجه صعب ؟؟ يعتمد عالفهم و الا اسئله واضحه ؟؟

منو اللي يسوون مقابلة شفوي بدار القران ؟؟؟
اختبار الشفوي بس تسميع و الا يسئلون اسئله عن التخصص ؟؟

بالنسبة للاترجة عندج فكرة عنه ؟؟؟اختباراتهم او مقابلاتهم و شروطهم؟
سمعت انهم ما يتشددون بالمقابلات يتساهلون _ اعرف وحده سقطت بمقابلة دار القران و نجحت بالاترجه و قبلوها
ادري اني مسختها حيل حيل حيل حيل بس محتاااجه احد يفيدني - ما لج الا الاجر ان شاء الله

الله يكتب لي و لج اللي فيه خير لنا

 

[سوكا موكا]

السرآج المنير كلن يبيه ويمدحه ليش ماتبينه ..!

ولا تقولين شهادتي دوريلج واسطه وخليج عالاوقاف الناس طق مطاقق عليها كلن يبيها ..

انا لو يحصل لي انقل من التربيه للاوقاف ..


صج مافكرتي بالتربيه ؟

للحين محتارة بس خلاص مالي إلا التربية
الخيار الأخير
حاولت أروح الأوقاف لكن مثل ما قلت لكم مافي فايدة
وبيني وبينكم كل مكان وله سلبياته سواء التربية أو الأوقاف

​

 

[سوكا موكا]

مشكوووووورة ما قصرتي عالرد المفصل
موفقه ان شاء الله

بس بغيت اسئلج بالنسبة لمقابلات دار القران انتي كنتي كله تسقطين بالتحريري ؟؟ و الا سقطوج بالشفوي ؟؟
و ليش سقطتي بالتحريري لهالدرجه صعب ؟؟ يعتمد عالفهم و الا اسئله واضحه ؟؟

منو اللي يسوون مقابلة شفوي بدار القران ؟؟؟
اختبار الشفوي بس تسميع و الا يسئلون اسئله عن التخصص ؟؟

بالنسبة للاترجة عندج فكرة عنه ؟؟؟اختباراتهم او مقابلاتهم و شروطهم؟
سمعت انهم ما يتشددون بالمقابلات يتساهلون _ اعرف وحده سقطت بمقابلة دار القران و نجحت بالاترجه و قبلوها
ادري اني مسختها حيل حيل حيل حيل بس محتاااجه احد يفيدني - ما لج الا الاجر ان شاء الله

الله يكتب لي و لج اللي فيه خير لنا

دار القرآن ايه سقطت بالتحريري
كانت نسبتي 63 %
نسبتي زينة بس عاد شسوي لازم أجيب 75

التحريري كله بالكتب اللي قلت لج , يعني يطلبون منج تكتبين اسماء كتب في غريب الحديث مثلاً أو يعطونج اسم كتاب ويقولون لج منو المؤلف
أنا اختبرت 3 مرات , والأسئلة كانت مختلفة
فلا تعتمدين على كلامي مية بالمية


أما الشفوي ما ادري عنه لاني ما نجحت بالتحريري عشان اختبر شفوي , فهمتيني ؟


الأترجة والله ما ادري عنهم أبداً


___

الأوقاف عشان الزحمة اللي عليهم الظاهر صعبوا الاختبارات
بس والله فيه بنات نجحوا والحين موظفات ما شاء الله

كلن واللي مكتوب له

روحي وماعليج لا تحكمين على نفسج من تجارب الآخرين
روحي وحاولي
وعلى الأقل عندج معلومات مو مثلي رحت وأنا ما ادري شلون صاير الاختبار

وأنا حاضر لو تبين شيء مومشكلة


:eh_s(17):​