تكفون ساعدوني حيييييييييييل تعبانه من اللوز والبلاعيم علاج الطبيب ما فادني

[ام ناصر 2009]

السلااام عليكم والرحمه
شلونكم بنات شخباركم
حبيباتي ياليت تساعدوني صارلي جم يوم حيييييييييييييل تعبانه:eh_s(16):
اللوز البلاعيم نازله وأن بلعت ريقي أحس كأنه سكاكين يقطعني وأذني تعورني
وصار فيني حراااه وصلت 40 وعطوني مخفض الحراره بس همن ترجع
وراسي يعورني حيل اخذت مضاد كباسيل ولاافاد
والحين صارلي جم يوم ابر مضاد مده خمس ايام ومافي تحسن
والمشكله مو قادره أكل:botetoo: ولا أشرب حتى ماي :eshrab:وتعبانه حيل وراسي يعورني
ياليت تفيدوني
شنو الأعشاب اللي تنزل البلاعيم
والله لأدعيلها اللي تفيدني:eh_s(16):

 

[ام ناصر 2009]

وينكم ليش ما تردون علي افا وانا طالبتكم

 

[ام ناصر 2009]

لا اله الا الله

 

[قمر2009]

والله انا كنت نفسج بس سويت عمليه وشلتهم وارتحت

 

[حبيبي]

حبيبتي ام ناصر 2009 سلامات شربي ماي انخي على اريج وهو اشوي حار راح اطخخ لوزج او عصري ليمونه مع برتقال اهوه صج مر بس راح هم اريحج وصغرهم ومعافيه ان شاء الله طمنينه عليج والله اساعدج

 

[ام ناصر 2009]

حبيبي
فديتج يالغلاااا
سويتها والله همن مااافاد
والله يعوروني حيل ما ينفع اشيلهم يقولون لازم وقت عشان يروحون بس يعورون والله
الله يصبرني

 

[الغاليه نونو]

روحي مستشفي المواساة والله العظيم يازينهم وياااااااازين علاجهم بنتي صارت نفس حالتج ومااااسنعها عقب الله الا دواهم
وبعطيج شغله سويها وعسا ربي ينفعج فيها
شربي زنجبيل صج انه حار بس ترا الزنجبيل احسن مضاد حيوي حق البلاعيم وماتشوفين شر غلاتي

 

[ام ناصر 2009]

روحي مستشفي المواساة والله العظيم يازينهم وياااااااازين علاجهم بنتي صارت نفس حالتج ومااااسنعها عقب الله الا دواهم
وبعطيج شغله سويها وعسا ربي ينفعج فيها
شربي زنجبيل صج انه حار بس ترا الزنجبيل احسن مضاد حيوي حق البلاعيم وماتشوفين شر غلاتي

حبيتي الغاليه نونو يسلموو ياقلبي والله رحت وكاني ماشيه عالأبر
والله يشفيني ياارب
وبجرب الزنجبيل صارله جم يوم بالي بس متعاسره اسويه
وان شاء الله بسويه شاكره مروروج يالغاليه

 

[روروو]

احسن شي للوز العنزروت 3 مرات باليوم اشربيه ولاتشيلينها الا اذا مره قالك الدكتور ماعاد تنفعك لانها تعطي الجسم مناعه
وغرغري بشاي مر وملح وليمون​

 

[عمشه المنتفشه]

تغرغري بشاي وملح وليمون عجييييب بتشوفين بالمغسله وصخ وصديد

واغلي بعد ليمونه بقشرها وبعدين رشي شوية ملح وشربيه

 

[عمار يا كويت]

عليج بالزنجبيل ونفغي مره وشربيها والاحسن انج تغسلينها من الوسخ وتمصينها مثل الحلاو
ما تشوفين شر

 

[عمار يا كويت]

قصدي نقعي مره

 

[دمثة]

شيليهم انا شلتهم وافتكيت

 

[ريم وبس]

ام ناصر قبل انا نفسج رحت الطبيب ومافادني واخذت من الصيدليه اعلاجات وهم ما فاد معاي

شفتني عمتي وقالت اخذي بطل صحه وحطي فيه مره مطحونه وبندول اثنين مطحون وملح خشن واعصري ليمون وفوحي ماي حار

وانطري لين يدفى وبعدها حطيه في البطل وتغرغري فيه .. كل ساعه وربي راح يخف عنج ويروح وطبقت كلام عمتي وصج كلامها
راح ومن يومها وانا مااعرف الا اللي قالته عمتي صارلي ثلاث سنين اذا حسيت فيني بلاعيم ع طول اسويها

حتىا اخوي 15 يوم ماخلى مستشفى وطبيب ولا صيدليه ومافاد معاه وع طول سويت له اللي قالته عمتي واهو كان مو مصدق

بس تغرغر فيها اقل من اربع ايام خفت عنه .. انتي جربي وشوفي

 

[شمس 20]

انا اللوز الحمدالله مافيها صديد بس كبر بالحجم عرفتي ورحت لدكتور بالهادي مصري ياحليله فحصلي
وقالي حراام لوزج نظاااف حراام تشيلينهم قتله احس بكبر بالحجم قالي لالا حرام نظاف لافيهم التهاب ولا صديد

ولا شي فخليتهم وطردني ياحليله لو غيره جان قالي لا شيليهم وحط بجيبه ال 400 دينار


والحين صج اعاني من الكبر بس تعودت

فاحلى شي تروحين لمره ترفعهم فوووق وبس

 

[::كيك وعسل::]

الله يشفيج
@@

 

[DKNY]

والله انا ذااابحتني البلاعيم بس بروح اتغرغر

 

[ابله رشا]

شربي زنجبيل و عسل
و هم الاخت الي قالت ليمون و برتقال هم عدل بس يكون دافي
الله يشافيج يارب

 

[ward-ward]

اللة يشفيج يااارب انا قريت فية وحدة مثلج تعبانة قالت لها خدامتها الفلبينية اخذى كسرة صغيرة من الزنجبيل الطبيعيى وحطية بالسانج عشان يذوب وعصارتة راح تفتح البلاعيم وبالشفا انتى جربيها وقولى لنا كذا مرة سويها

 

[m'3rOoOra]

بنات انا ولدي همن فيه بلاعيم وحرارته 40 وفي بلاعيمه صديد شنو يعني صديد؟؟

انا مو فاهمه وهمن لما الدكتوره شفت ولدي عمره3 قالت امبيه حيل ولدج تعبان و فيه صديد خرعتني