بنات ابي اتطلق :(

[مرقووقه]

الله يكون بعونج حببتي

 

[أم حووور81]

مبين بخيل واهله بخله بعد .. والبخيل ما ينتعاشر .. الله يعينج .. سوي خيره والله يوفقج ..

استغفر الله ..

 

[حياةأبوها]

حياااتي اللي هذه أولها ينعاااااف تاليها ..فرصه مداام أبوك متحسف وأطلعي بجلدك طلع مو هو بس اللي مايحس وأهله بعد..بعد العرس والله مراح تتهني اللي يرخص فيك والله أبعدي عنه

 

[بحرينية@ماركة]

رايي من راي البنات...اذا هاي اولها ينعاف تاليها

 

[الغاليه نونو]

مادري شقول لج يمه بس قبل ماتفكرين بالطلاق خلي ابوج يكلم اخوه ويقول له بنتي مهي رخيصه ابي مهرها كامل والا مالها طلعه من بيتي واشلون طافت علي ابوج هالسالفه المفروض عند الملاج يذكر ابوج انه ماستلم شي من المهر علشان باجر لا قدر الله ان صار ماصار مايطالبونج تردين المهر لهم واهم بالاساس مودافعين شي

تبين شوري ونصيحتي خليكم مصممين علي المهر واخذوه منهم والحظ بيد الله ان لج نصيب مع هالريال ربي بيسهل امورج ون مالج نصيب وياه ياحيل الله ياقوته
بس لا تشيلين هم ولا تكدرين نفسج الله يطول بعمر امج وابوج لازم يوقفون يمج ويشيلونج بهالظروف والله المستعان

 

[zanobita]

مادري شقول لج يمه بس قبل ماتفكرين بالطلاق خلي ابوج يكلم اخوه ويقول له بنتي مهي رخيصه ابي مهرها كامل والا مالها طلعه من بيتي واشلون طافت علي ابوج هالسالفه المفروض عند الملاج يذكر ابوج انه ماستلم شي من المهر علشان باجر لا قدر الله ان صار ماصار مايطالبونج تردين المهر لهم واهم بالاساس مودافعين شي

تبين شوري ونصيحتي خليكم مصممين علي المهر واخذوه منهم والحظ بيد الله ان لج نصيب مع هالريال ربي بيسهل امورج ون مالج نصيب وياه ياحيل الله ياقوته
بس لا تشيلين هم ولا تكدرين نفسج الله يطول بعمر امج وابوج لازم يوقفون يمج ويشيلونج بهالظروف والله المستعان

معاها ...

و الله يعينج حبيبتي بس اذا قررتي الطلاق لاتنسين سوي استخاره بلاول

 

[حبـ admant ـك]

الله يعينج

 

[لؤؤؤؤدي]

تسلموون لي والله ماقصرتوو فديتكم

وفي انتظار البقيه


..,,

ومن شااور ماضااع ^_^

 

[الأميرة الحزينة]

استغفر الله دام هذا اولهم ينعاف تاليهم من الحين يكاسرون!!! وين قاعدين لازم ابوج يعطيهم كلام بالعظم تعدلوا اهلا وسهلا ما تعدلوا مع السلامه هذا وانتي بعد مارحتي عندهم جذي عيل عقب شبيسوون ؟؟

 

[تعويذه الحب]

حبيبتي اهم يتصرفون جذي لانهم اهلج والولد ولد عمج يعني لانج قريبه منهم

وبنظرهم ان بين الاهل مافي هالسواااااالف عرفتي

حبيبتي لازم تحطين النقاط على الحروف وتتخذين قرار

 

[eng.meema]

استخيري مالج الا الاستخاره
واذا ارتحتي حق الانفصال خيره انفصلي الحين احسن ما تتزوجين وتتدبسين عدل بعيال انفصلي دام ليلحين ما دخل عليج وكل اللي صار بس ملجه

 

[ريماس77]

اي والله هذي موسالفه مايبي يفل بالطيب خل يعطون اهلج فرصه لهم لاانتي مطلقه ولامزوجه الله يهديهم

 

[كويتيه مذهله 87]

الله يعنيج الصراحه

 

[روحي تحبه غصب]

لاترخصين في نفسج ولا شي حبيبتي اذا هذي اولتها تنعاف تاليها
اذا ماقدروا ابوج من قبل الدخله تعتقدين احد يبي يقدره بعد العرس اذا صارت مشكله


حبيبتي قولي لامج تقول لابوج انج ماتبينه وقولي اسبابج ومخاوفج

دام انج على البر وما طاح الفاس بالراس

 

[ام احلى خلودى]

استخيرى حبيبتى وسالو عنه خوفج بخيل وتوهقون عقب

 

[((shoOoshoOo))]

انا مااستلمت المهر بس يابوو شبكه !

اهما لاشبكه ولا مهر !

احنا عندنا عادي قبل العرس ب5 او 4 شهور اييبون المهر يعني الثقه موجودهـ

والله مادري شقولج بس انتم عاداتكم جذيه ؟؟

 

[إبشر بعزك]

لا حول ولا قوة الا بالله

اذا هذي بدايتها شلون بعدين؟؟

دام توكم مادخل عليج استخيري وتوكلي على الله ونفصلي والله يعوضج والقرار النهائي لج

 

[انا طال عمري]

والله مدري شقول بس البنات ماقصروا والله يفرج همك يااختي

 

[انا طال عمري]

والله مدري شقول بس البنات ماقصروا والله يفرج همك ياارب

 

[أسيرة إنسآن]

الله يعينج حبيبتي
خل ابوج يكلمه اكثر من مره
اذا كان الولد يستاهل زين وخوش ريال ومحترم
ويمكن يمر بظروف ومايبي يقولكم فعشان جذي خل ابوج يكلمهم اكثر من مره
اما اذا كان مايستاهل وظروفه الماديه زينه وممتازه ومافي اي سبب يحرمج من حقج الشرعي الصراحه اشتري راحتج
اذا هذي اولها ينعاف تاليها
ولاتنسين يالغاليه قبل كل شي صلي استخاااااره
وعسى ربي يريح بالج