مستلزمات السفر

[غديران]

أي والله أم العيال بصراحة وايد فادتنا بهالموضوع

الله يوفقها وينولها اللي في بالها ويسعدها يارب دنيا وآخرة

 

[حبة خاله]

حبة خالة هذا اهو وانا طلبت منه وجربته وايد ينفع احسن من الابريج تكرمين او البطل

اشكبرها تقريبا و من وين نشتريها

 

[غديران]

حبة خاله

حبيبتي تكفي 2 لتر ماي

أنا خذيتها العام من عضوة بالمول أسمها أم راشد 2002

وايد فادني بالسفر

كنت مخليته بالفندق

وايد مريح وعملي

ولما كنا نطلع كنت آخذ معاي بطل ماي صحة اللي فيه بوز من جدام

 

[ms_5ajoola]

بغيت اسأل سؤال مهم انا بروح امريكا وبالنسبة للخطوط البريطانية أو اليونايتد يصير نودي معانا خرابيط مثل كاكاو وحلاو وبطاط وهالخرابيط بالهاند باق ولا ما يصير ؟؟

 

[om l3yal]

بغيت اسأل سؤال مهم انا بروح امريكا وبالنسبة للخطوط البريطانية أو اليونايتد يصير نودي معانا خرابيط مثل كاكاو وحلاو وبطاط وهالخرابيط بالهاند باق ولا ما يصير ؟؟

هلا فيج مس خجولة اي حبيبتي تقدرين تودين معاج هالخرابيط بس لازم ما يكون في اي سوائل

 

[غديران]

مساء الورد

بصراحة العام أكثر شي ريحني

وإنتوا بكرامة الجوتي

ما أذاني كلش

كنت ماخذتة من كروكس بس الموديل العادي

كان عملي ومريح

بس شكله كبير من جدام

وهالسنة دشيت على الموقع مالهم وطلبت لي هالموديل

 

[مدرسة طفشانة]

حبيبتي غديران انا دخلت موقع كروكس وعجبني وايد بس ماني عارفة حق المقاسات وطريقة الطلب
يا ريت تفيديني اشكثر يطول الطلب وطريقته الله يجزاج خير

 

[غديران]

حبيبتي غديران انا دخلت موقع كروكس وعجبني وايد بس ماني عارفة حق المقاسات وطريقة الطلب
يا ريت تفيديني اشكثر يطول الطلب وطريقته الله يجزاج خير

مساء الورد

بالنسبة للمقاس دقيت على المحل ماهم بديسكفري

وقلت له بطلب من النت ومقاسي 39 جم يعني

قالي W8 يعني نسائي

إذا m قبل الرقم يعني رجالي

يعني اهوا اللي ساعدني بالمقاس

بس بالنسبة للطلب

أنا ما أعرف بهالسواف

ريلي اهوا اللي طلبه لي

وتقريبا 10أيام يوصل

وهذي بصراحة أول مرة أطلب منهم

كله آخذ :q8:

ناطرة و أشوف المقاس إن شاء الله عدل

 

[om l3yal]

مساء الورد

بالنسبة للمقاس دقيت على المحل ماهم بديسكفري

وقلت له بطلب من النت ومقاسي 39 جم يعني

قالي w8 يعني نسائي

إذا m قبل الرقم يعني رجالي

يعني اهوا اللي ساعدني بالمقاس

بس بالنسبة للطلب

أنا ما أعرف بهالسواف

ريلي اهوا اللي طلبه لي

وتقريبا 10أيام يوصل

وهذي بصراحة أول مرة أطلب منهم

كله آخذ :q8:

ناطرة و أشوف المقاس إن شاء الله عدل

عليج بستين الف عافية غديران وانتي صاجة اهم شي وانتي بكرامة الجوتي علشان تكونين مرتاحة وانا بعد السنة اللي طافت قزرتها بكروكس بس عيبه عريض وايد من جدام بس السنة رحت الافنيوز المحل اللي فوق الدوو اسم ناتشورلايز اعتقد وجواتيه تكرمين حدهم مريحة ومسوي خصم عجيب خذيت لي 2 ب 24 دينار وطبععا ما نستغني عن الكروكس

 

[مدرسة طفشانة]

تسلمين غديران
الصراحة انا لقيت بموقعهم ان لهم افرع بالكويت في مجمع الكوت وفي ديسكفري
وان شاء الله بروح لهم واشوف اا في فرق كبير بالأسعار راح اطلب احسن لي
تدرين بروحها مصاريف قبل السفر اشكثر تكلف بحاول أوفر بالشغلات هذي
ومشكورة مرة ثانية

 

[عبير-الشرق]

شلونكم بنات ابي اسال عن جوتي (وانتو بكرامه) مريح طبي وشكله حلو لان دايما اشكالهم الطبيه مو حلوه جنهم رجاليه لاني العام شريت جوتي رياضه من الرياضي وكان زين لما قسته ومع المشي قام يعورني وتوهقت بي جوتي طبي وثاني رياضه

 

[غديران]

تسلمين غديران
الصراحة انا لقيت بموقعهم ان لهم افرع بالكويت في مجمع الكوت وفي ديسكفري
وان شاء الله بروح لهم واشوف اا في فرق كبير بالأسعار راح اطلب احسن لي
تدرين بروحها مصاريف قبل السفر اشكثر تكلف بحاول أوفر بالشغلات هذي
ومشكورة مرة ثانية

العفو حبيبتي

ما سويت شي :aha:

 

[غديران]

أم العيال


الله يعافيج إن شاء الله

 

[غديران]

شلونكم بنات ابي اسال عن جوتي (وانتو بكرامه) مريح طبي وشكله حلو لان دايما اشكالهم الطبيه مو حلوه جنهم رجاليه لاني العام شريت جوتي رياضه من الرياضي وكان زين لما قسته ومع المشي قام يعورني وتوهقت بي جوتي طبي وثاني رياضه

حبيبتي شوفي كروكس

جواتيهم خفاف وعمليين

أنا العام وايد ريحني

عندهم فرع بديسكفري

والثاني بالكوت

وحياج يالغالية

 

[mr000]

غديران الجوتي تكرمين اللي أنتي حاطه صورته ماكو منه بالكويت ؟حتى لو أغلى من الأنترنت ميخالف..ماأعرف حق سوالف الطلب من الأنترنت..عيالي كلشي يطلبون ولي طلبت منهم بس أسمع كلمة ان شاءالله وسلامتج ماشوف شي..

 

[mr000]

توني شفت الجوتي بموقعهم والله بلاش سعره تقريبا 40 دولار..بحاول أطلبه من موقعهم..شوفوه بالسايت مالهم http://www.crocs.com/womens-footwear/women-footwear,default,sc.html

 

[mr000]

في شغله آنا دايما آخذها بالسفر والعام ماأخذتها وتوهقت شويه يعني مشى الحال لأنها كانت سفره قصيره 10 أيام فماغسلت وايد كنت ماخذه ملابس داخليه ودلاقات حقي وحق ولدي مو يدد فقطيتهم هناك ماغسلتهم واليدد يبتهم معاي..المهم ....تعرفون العلاقه مالت الملابس اللي فيها جلاليب حق الدلاقات والملابس الداخليه تعلقينها بالحمام على حديدة الستاره أو علاقة الفوط هي بلاستك وفي منها أحجام..إذا أنتوا عايله كبيره أخذي 2 أو وحده كبيره..وايد تنفع لما تغسلين الدلاقات والملابس الداخليه..ماأعرف أحط صور جان حطيت صورتها تلاقونها بلوازم العائله أو كارفور ..ان شاءالله أحصلها وأقولكم من وين بالضبط..ومشكوره أم العيال عالموضوع..آنا سفرتي تو الناس عليها وماجهزت شي ليلحين بس ياريت الموضوع يظل لي شهر 8 عالأقل علشان ماأنسى شي..

 

[غديران]

غديران الجوتي تكرمين اللي أنتي حاطه صورته ماكو منه بالكويت ؟حتى لو أغلى من الأنترنت ميخالف..ماأعرف حق سوالف الطلب من الأنترنت..عيالي كلشي يطلبون ولي طلبت منهم بس أسمع كلمة ان شاءالله وسلامتج ماشوف شي..

مساء الورد حبيبتي

أكو نفس الموديل

بس اللون الكحلي وفيه أحمر

عشان جذي طلبت من النت

اللون الاسود يمشي مع كل شي

 

[غديران]

توني شفت الجوتي بموقعهم والله بلاش سعره تقريبا 40 دولار..بحاول أطلبه من موقعهم..شوفوه بالسايت مالهم http://www.crocs.com/womens-footwear/women-footwear,default,sc.html

أسعارهم بالنت بلاش

وحتى هني سعره 15 دينار

 

[mr000]

خلاص مو مشكله اشتري الكحلي بس ان شاءالله أحصل مقاسي هني وإذا ماحصلت أطلبه من الانترنت..مشكوره غديران على هالمعلومه..عاد صج الجوتي المريح تكرمون ضروري بالسفر..بس وين شفتيه بالكوت وإلا ديسكفري؟ خل أروح باجر أشوفه..