ماي بالجسم بعد الولاده؟؟

[اخفي همومي بضحكتي]

حبيباتي اول مره اشارك معكم....


كنت ضعيفه وزين جسمي ولما حملت زاد وزني 32 كيلو يعني لما يوم الولاده كان وزني 97 (((مصيبه)))

وقالي الدكتور كله ماي ويروح والحمدلله ولدت ونزل وزني وباقي 10 كيلو مو قادره انزلهم ...
واللي احسه ان وزني كلله صوب الافخاذ ..
وشلون اقدر اضعف منطقه الارداف والافخاذ..


والله يوفقكم ويعطي كل وحده الوزن اللي في بالها ان شاءالله

 

[طـفولية]

الجسم بطبيعته يمتن من تحت لي فوق .. ويضعف من فوق لي تحت .. ميخالف شدي حيلج ومسألة وقت ..
امشي على نظام غذائي صحي .. كله اكل بيت .. خضروات وفواكه .. وخري عن المطاعم .. لازم تتغذين عدل انتي ترضعين الحين ..
كل شي تاكلينه يوصل حق البيبي ..
ونعمة ما شاء الله ان بس باقيلج 10 كيلو .. انا ما ادري انتي بالانفاس ولا باي وقت .. بس اذا طاف على انفاسج شهرين وفوق .. الرياضة ولا شيئ غير الرياضة ..
الله يوفقج يا رب

 

[Liv Tyler]

امشي على نظام غذائي صحي .. كله اكل بيت .. خضروات وفواكه .. وخري عن المطاعم ..

صح كلامج اختي وخري عن المطاعم وامشي على نظام صحي ولا تنسين المشي العادي مو الركض والله يوخر الكرش
موفقه يا قلبي​