ياروح الروح حبك فرضته فرض ياروح الروح اصبحت انت النبض

[@أحلاهم وأتحداهم@]

لوووووووووووول يعني رياييلنا اهما الي السبب بعد شنسوي:denya:

بعد كاشتين فيهم ومجابلين الاب بس جنه مو وقته بتخلص القصه الانه الحين كاس العالم وهما الي بسكبون فينا

 

[spongebob93]

waaay alpaart y'9ayeg al5lq oof shabka mn phone ma agdar a3lq 3la ra7ty
bs a7lahum plz la t5t9ren waayed nbe altfa9eel
w thaaanx tslam edench =D

 

[MeeMeeYoo_2]

Waiting

 

[ma3boocha]

لا لا لا لا لا لا لا لا لا لا لا

لييييش تمشين فيها بسرعه؟؟؟؟؟

على أأل من مهلك

 

[F.M.36]

بعد كاشتين فيهم ومجابلين الاب بس جنه مو وقته بتخلص القصه الانه الحين كاس العالم وهما الي بسكبون فينا

اي اي حدا اصلن اهوا طول اليوم مسكب فيني علشان امباريات و تدري انا شسوي لمن تخلص اخر مبارات اقعد على الاب و اقوله وحده بوحده :krkrkr::dddds:

 

[@أحلاهم وأتحداهم@]

لا لا لا لا لا لا لا لا لا لا لا

لييييش تمشين فيها بسرعه؟؟؟؟؟

على أأل من مهلك

لا زم اخلصها مامليتو مني...كل يوم بويهكم هههههههههه

 

[ام حمادي309]

لا مما ملينه هههههههههههههههههههههههههههههههههههههههههههههه

 

[F.M.36]

متى راح ينزل البارت ؟

 

[warood]

A7laahum 7beeebti .. Plz la te5ta9raaain shay o la t5al9yyynha bser3a 5al tkooon 6weela kthr ma tegderyyyn .. Madaam raylich laaahi weya "World Cup" .. Faaa Entay 5alich Weyaana .. o 7beeebtii a7laaahum ana ma3te8id ib yoooom !! Eni mmkn amil meniich !! o Pplllllllllllz etha 5ale9at hal rewaya ketbaay wa7da thaannyaa !! 3aaffyaaaa !!! .. A7eeeeeebbiiiicch !!! ;*** ;D

 

[MISS.D&G]

نااااااااااااااااطرينج

 

[@أحلاهم وأتحداهم@]

a7laahum 7beeebti .. Plz la te5ta9raaain shay o la t5al9yyynha bser3a 5al tkooon 6weela kthr ma tegderyyyn .. Madaam raylich laaahi weya "world cup" .. Faaa entay 5alich weyaana .. O 7beeebtii a7laaahum ana ma3te8id ib yoooom !! Eni mmkn amil meniich !! O pplllllllllllz etha 5ale9at hal rewaya ketbaay wa7da thaannyaa !! 3aaffyaaaa !!! .. A7eeeeeebbiiiicch !!! ;*** ;d

حبيبتي كل شي له نهايه ولازم الروايه تخلص بيوم من الايام
واذا على اروايه ثانيه ماأوعدج بس انشالله

 

[حقووقيــــــه]

waiting

 

[راعية الطويلة]

يااااا

 

[warood]

Waaaaaaii 7beeebtii walla .. Plllz ketbaay wa7da thaaanyaa ;*** .. Fdaaaaaaaiitiich ;** Na6reeeeeeeenniiich !! ;**

 

[Zozαĺiиaђ]

وااااي لا البارت عوار قلب توني اقراااه !
الله يتر انشالله ما يصير شي
ما عندي تعليق اكثر منصدمة حيل :|

ههههه احلاهم ترا اذا بتاخذين راينا في الاحداث بنقولج خليها مليون بارت خخخ
ما ننعطى ويه

اوكي حبيبتي ناطرينج
انشالله عمار يقنع عبدالله ان يسمع لجين و يصدقها

 

[F.M.36]

الذين تشاهدون محتوى الموضوع الآن : 15 ( العضوات 6 والزائرات 9)
‏F.M.36, ‏.sadtear., ‏@أحلاهم وأتحداهم@+, ‏ماسيتي, ‏ام حمادي309, ‏روح ابوها
يلا حبي وين البارت !!!

 

[hakokaa]

البارت صج إنه مو صج
تكفين لا تخلص القصة
كتبي على أأقل من مهلك ههههههههههههه
ناطرة البارت على ناااااااار

 

[hakokaa]

البارت صج إنه مو صج
تكفين لا تخلص القصة
كتبي على أأقل من مهلك ههههههههههههه
ناطرة البارت على ناااااااار
لو يحصلي جان عفست ويه خلود بيدي

 

[@أحلاهم وأتحداهم@]

البارت 38




طلال وخرها شوي ولمها وكان يمسح على راسها لين اختفا صوتها مره وحده
طلال اخترع:ليجن لجين ..وطق على ويها...لجون ردي علي ...يصارخ ...راشد لجين ماتتحرك



بعد نص ساعه
الشباب كانو يحاولون ياخذون معلومات من سيكيورتي عن سعد..بس ماكو فايده ماعطاهم شي......ولجين كان مغمى عليها من كثر البجي ... وتوها بدت اتصحصح
طلال:لجون خوفتينه عليج
لجين كانت ساكته وبس تتلفت جنها ادور عبدالله...بس عبدالله ماكان موجود
طلال:لجون تبين انرد البيت
لجين ودموعها بدت تنزل:ابي عبدالله ودوني عنده
طلال:حبيبتي خليه اليله وباجر انروحله
لجين:مابي ابي اروح الحين
طلال:لجون حتى اذا رحنا الحين ماراح يسمعج الانه تحت تأثير الصدمه والي سمع ماكان شي سهل .....خليه اليوم وباجر انروحله
لجين:عمي الله يخليك قوله لايطلقني انا احبه ومستعده اعيش طول العمر اخدمه حتى لو مايعاملني عدل
طلال تضايق وايد من الي سمع:لجون لهدرجه تحبينه
لجين:طلال عبدالله انبض الي بقلبي والدم الي يسري بشرايني
طلال:قولي آمين انشالله كل شي ينحل
الكل:آمين
أميره:لجون والله عمج صاج الحين لاتكلمينه اهوا اكيد معصب عطيه فرصه لين يطخ وبعدين انشالله كل شي ينحل
لجين:أميره طلبتج ...قوليله اني احبه قوليله ماقدر اعيش من غيره ..واذا موعلشاني علشان الي بطني
أميره:انشالله بس ابيج توعديني ماتبجين
عبدالرحمن:وانا باجر ايبه لج يعتذر منج عن الي صار
لجين:عمي انا مابي يعتذر انا ابي يصدقني بس



خلال شهر من الي صار ....الكل كان يحاول يكلم عبدالله بس اهوا ماكان يسمع احد....وطلال حاول كثر مايقدر انه يلاقي سعد ...او يحل المشكله بأي طريقه بس ماكو فايده....ولجين المسكينه كل يوم اتروحله البيت تنطره عند الباب وكان يصدها وساعات يطقها بس هم مايأست كانت تبي عبدالله يسمعها بأي شكل من الاشكال وماهما الكلام الي كان يقوله لها ...لين يه اليوم الي قررت فيه اتروحله المستشفى وتكلمه ووعدت طلال انها تكون آخر محاوله
بس كل عاده عبدالله ماعطاها مجال والي صار كله بوجود عمار والحوار كان
لجين:عبدالله مابي منك شي بس اسمعني
عبدالله:مابي اسمع غصب اهوا
لجين:عبدالله الله يخليك احلفك براس امك
عبدالله يقاطعها :لاتيبين سيرت امي على لسانج لا اقصه لج فاهمه
لجين:انزين علشان الي بطني اسمعني ...والله انا مضلومه
عبدالله:الله ياخذ الي بطنج وافتك منج ومنه
لجين طاحت على ريله وتبجي:عبدالله والله مظلومه شلون تحكم علي بدون ماتسمعني
عبدالله يرفسها بقوه:ذلفي عن ويهي... ماني ناقص فضايح انا
عمار بصوت عالي:عبدالله انت ينيت ترفسها وتدري انها شايله ولدك...حرام عليك يظالم
عبدالله:عمار لو سمحت لاتدخل....وبعدين انتي تربيت حمد الوصخه ...تبيني اصدقج
لجين:لو ماكنت مظلومه مثل ماتقول ليش اي واذل نفسي جذي...مو الاني احبك
عبدالله: اتحبيني انتي تعرفين شنو معنى الحب يابابا الحب شي اكبر منج وانتي ماذليتي نفسج الانج ماتبين تنفضحين جدام العالم او رفيجج هدج وفلستي منه وقلتي ماكو الا هل مدمغ اقص عليه

لجين:حرام عليك ....سويتني من بنات الشوارع
عبدالله:والله حتى بنات الشوارع اشرف منج
عمار:عبدالله ثمن الكلمه قبل ماتقطها
عبدالله:عبالك هذي تحس لايبه هذي عديمت احساس..ولو كان عندها ذرت كرامه ماذلت روحها جذي
لجين قامت اوقفت:الحين انا صرت جذي ...انا الي كنت احاول احافظ على حبنا صرت جذي...اسمع ياعبدالله ...الله يشهد علي اني مظلومه والي ياني منك كفايه وبعد الي سمعته منك ...اذا عرفت بيوم من الايام انتي مظلومه ويت تعتذر مالي رده لك
عبدالله بستهزاء:انتي وايد مصدقه روحج على شنو ...والله لو اتيبين الصبي يحلف على المصحف جدامي انه مايعرفج ماراح اصدقج ولا اردج ....تدرين ليش الانه تربيت حمد الوصخه
لجين:حسبي الله ونعم الوكيل بكل الي ظلمني ...وطلعت من المكتب
عمار:لا انت اكيد مينو ...انت شنو ماتحس الي ينبض بصدرك مو قلب ...ياخي اسحت على ويهك البنت ذلت نفسها بمافيه الكفايه ماتقولي ليش تركض وراك جذي اذا ماكانت اتحبك....صج انك مو كفو...انت يبيلك وحده من طقت روانو الي كانت مشيتك وراها مثل الخروف
عبدالله:عمار لو سمحت لاتتدخل بشي مايخصك
عمار :والله بيك اليوم الي بتعض اصابعك ندم
عبدالله:لاتخاف مابي
عمار هز راسه وطلع من المكتب


بشقة طلال
لجين كل مره كانت اترد البيت وهيا تبجي بس هل مره كانت ساكته
طلال:بشري انتي وعبدالله تصالحتو
لجين:وايد متفائل
طلال:اي بس انتي
لجين اتقاطعه:مليت من البجي ....طلال خلاص كل شي انتها ووعدك اني ماراح ابجي بعد....كل هذا من صحتي وهوا ولا هامه ...الحين اقولك انا الي مابيه بس تعبت...ذليت نفسي وايد بس بدون فايده

طلال يسمعها وقلبه يتقطع من داخل
طلال:انتي متأكده من كلامج...يعني مالج رده له حتى اذا عرف انج مالج ذنب بالي صار
لجين من ورا قلبها: مابيه بس انا تعبت وابي انسى كل شي
طلال:يابعد عمري..والله لنسيج كل شي
لجين:الله يخليك لي ولا يحرمني منك انت الي بقتلي بدنيا
طلال:والي بطنج لاتنسينه
لجين:طلال ودي اسافر ابي اغير جو
طلال:والله خوش فكره ...بس جنه مايصير الانج حامل
لجين:مابي اقعد بهل مكان الانه يذكرني بعبدالله
طلال:امممم ..شرايج نشتري بيت
لجين:بيت ... موكبير علينا
طلال:لا موكبير باجر لي ولدتي ولدج يبيله مكان كبير يحوس فيه
لجين:طلال...ابي اطلع من هل مكان بسرعه
طلال:من عيوني باجر اروح اشوف لنا بيت على قدنا

وبهل وقت تبطل باب الشقه
مريم:صباح الخير
لجين وطلال:صباح النور
مريم:كليتو ولا بعد ترا حدي يوعانه
طلال:ههههههه شنو ابيتكم ماكو اكل كل يوم يايتنا يوعانه
مريم:والله فيه بس ماحب آكل هناك
لجين:ليش
مريم:آكل بروحي ...امي وابوي من الفير يتريقون
طلال:دام جذي امشو نتريق بره
لجين:الحين وقت غدا موريوق
طلال:ولا يهمج نتغدا بره ...بمانسبت الخبر السعيد
مريم:اي خبر
طلال:قررنا نشتري بيت ...بس ملينا من هشقه
مريم:صج والله
طلال:اي باجر ولد لجون يبيله مكان راهي يلعب فيه مو شقه
مريم:اممم...شرايك تاخذ بيت جارنا انا سمعت بيبيعه
طلال:اي جار
مريم :بيت بو علي الي مينا على طول...طلال عفيه اخذا والله وناسه كل يوم اطيح عندكم
طلال: الي يسمعج يقول مسكينه مقصره ...ماتيه عندنا كلش ...ولا جنج 24 ساعه هني
مريم:لا لي صرتو يمنا احلى حتى امي اسحبها معاي كل يوم ههههههههههه والله لخربها على ابوي
طلال:لجون شرايج انروح انشوف البيت
لجين:اي على الاقل يبت عمتي عاليه قراب مني
طلال:خلاص امشو الحين انشوف البيت.
البنات :اوكي
لجين:طلال انا ابدل وايلكم ...ثواني بس
طلال:اخذي راحتج
مريم بصوت واطي:اليوم جنها احسن
طلال:اي احسن اي بطيخ لو سامعتها توه شتقول
مريم:انشالله بعد راحت اليوم
طلال:اي ...بس مادري شصار بينهم كل الي قالته انها ماتبيه خلاص....حتى اذا عرف انها مظلومه ماراح اتردله
مريم:والله ماتستاهل كل هذا ...وهوه مو كفو اتسوي جذي بروحه علشانه
طلال:ماتنلام بيتها خترب بدون سبب ماتبينها تسوي جذي...بس انشالله الله بعوضها بالي احسن منه
مريم:آمين يارب....ويعل اشوف فيك يوم ياعبيد ياولد حنان
طلال يقاطعها :لاتدعين عليه اهوا بعد ضحيت المؤامره الي صارت
مريم:طلول بعد كل هذا اتدافع عنه
طلال :انا ماأدافع عنه بس اهوا بعد عبالج مرتاح بيته انهدم ....والكلام الي سمعه موشويه واي واحد بمكانه بسوي جذي
مريم:وشدعوا هامه
طلال:والله مادري شقول بس حسبي الله ونعم الوكيل بالي كان السبب
مريم:اي والله انشالله الله ياخذ حق هل يتيمه منه
لجين:انا خلصت
مريم:يالله يابنت جيرانه مشينا
لجين تبتسم

طلال ولجين راحو شافو البيت وعجبهم وايد ....وطلال بدون مايناقشه بسعر على طول واقف عليه كان يبي يسعد لجين بأي طريقه... بعد ماسجل البيت ......اتفق مع لجين انهم يعدلون بعض ديكورات البيت واثاثه كله...وخذا شهرين علما خلص ....لجين كانت تحاول تنسى عبدالله والحمدلله ماقامت تبجي مثل اول وكانت تدعي ليل ونهار انه الحقيقه اتبان وبسرعه ....وبهل فتره ساره انملجت على عمار

واتفقو على انهم مايسون عرس بس سوو حفله صغيره بعدها بسبوع سافرون شهر عسل


لجين والبنات كانو بسوق وبنفس المكان عمار وساره كانو موجودين
عمار:سارونه هذي مو مرت عبدالله
ساره:اي والله اهيا ...بس شكلها متغير وطالع لها بطن
عمار:اكيد بيطلع لها بطن المره مابقى شي على ولادتها
ساره:ماقول الاحسبي الله ونعم الوكيل بالي فرقهم....امش انسلم عليها
عمار :اوكي

وراحو صوب البنات
عمار وساره:السلام عليكم
البنات :وعليكم السلام
ساره لمت لجين وباستها:لجون شلونج والله لج وحشه يالخايسه
لجين تبتسم:حبيبتي والله حتى انا مشتاقتلج ...والف مبروك على الزواج ولو انها متأخره وايد
ساره:ولو اني زعلانه منج بس ماعليه ..مقبوله منج....الا شلون ولدنا وتحط ايده على بطنها
لجين:الحمدالله ماشي حالها
ساره:لجون فيج بنيه
لجين:اي
ساره:وناسا...ببشر عبود والله بطير من الفرحه اذا عرف انه الفيج بنيه
لجين ويها تغير من اسمعة اسمه
عمار يغير الموضوع:وين بتولدين
لجين:انشالله بالمواساة
عمار:لا مايصير لازم اتين عندنا
لجين:لي ذاك الوقت الله كريم
ساره:لجون جم لج الحين
لجين :مادري يابثامن او بآخر السابع
ساره افهمت عليها الان البنات كانو معاها:الله يتمم عليج انشالله وتقومين لنا بسلامه
لجين:مشكوره حبيبتي والفال لج انشالله
ساره:لجون اذا يالج الطلق دقي علينا امي لازم اتكون موجوده وقت ولادتج
لجين:انشالله
ورن تليفون مريم
مريم:هذا طلال...الوووو
طلال:وينكم
مريم:بسوق وينا يعني...نشري حق زبوطة النقعا...ملابس وشباصات
طلال:هههههههههههه شباصات من الحين ...المهم قولي حق لجون غرفت بنتها وصلت
مريم:صج وناسا ...وشلون طالعه
طلال:حلوه...وينها عطيني اكلمها
مريم:اوكي...لجون طلال يبيج
لجين:هلا طلال
طلال:غرفت بنتج النزغه وصلت
لجين:يالله زين ...يالله يمدينا انرتب اغراضها
طلال:هذي ليلحين ماطلعت وغراضها ترس البيت ...باجر لي شرفت بتاخذ بيتنا وبيت عاليه
لجين:ههههههههه محتر من بنتي
طلال:اهيا ختي بس ...لشتريلها بيت بس حق اغراضها
لجين:هههههههه بيت مره وحده
طلال:اي هذي بنت الغاليه...المهم ماودكم تطلعون اليله
لجين:ماأقولك لا بس وين
طلال:مادري مشتهي زفر
لجين:لايسمعونك دلي وملي والله يفضحونك
مريم:شفيه بعد
لجين:طلال مشتهي زفر ...وين تبون
دلال:بعد هذا بطنه ماخاس من الزفر
مريم:قوليله انروح فش ماركت الي على البحر
دلال:تعادتي منه انتي بعد....بس عادي
مريم: هذا احسن من غيره
لجين:طلال يبون فش ماركت
طلال:اوكي متى بتروحون
لجين:امممم الحين
طلال:اوكي انا اسبقكم ...بس موتزرعوني سنه
لجين:لا الحين نطلع من المجمع
طلال:اوكي ...يالله ياحلوه باي
لجين:باي
دلال:الحين بتروحون
لجين:اي اهوا سابقنا هناك
دلال:مريوم مالقيتي الا هل مطعم لاعت جبدي منه
مريم:كيفج والله انا احبه
لجين:سارونه احنه نستأذن الحين
ساره:خلينا نشوفج
لجين :انشالله...يالله مع السلامه
عمار وساره:الله يسلمج
ساره:عمار شرايك
عمار يبتسم:مايبيله رايي من رايج الحين ادق عليه وقوله اني عازمه هناك
ساره:حبيبي تفهمها وهيا طايره
عمار :افا عليج انا حق هسوالف عند ويهج
ساره:ههههههههه ...بس انشالله قلبه يحن عليها ...والله شكلها حلو اهيا وبطنها
عمار :مابي احبطج بس اخوج مانه فود
ساره:الانه غبي
عمار:ههههههههههه ...خل ادق عليه اقوله...ودق على عبدالله
عبدالله:حيالله نسيب
عمار:الله يحيك
عبدالله بستهزاء:ها قاز مع مره ..هههههههه
عمار:تضحك نسينه ياعبيد...قبل كنت لزقه
عبدالله:الله يقطع بليسك لوعت جبدي
عمار يهز راسه:المهم وينك الحين
عبدالله:والله توني طالع من الدوام
عمار:دام جذي يعني يوعان
عبدالله:مو وايد يعني
عمار:اوكي ...انا وسارونه عازمينك على فش ماركت يالله تعال
عبدالله:يالجعص اول مره تعزمني
عمار:جب زين ...والله مايي بعينك شي
عبدالله:هههههههههههه اتغشمر والله لاتزعل
عمار:اوكي احنه انروح هناك وانت الحقنا
عبدالله:ماشي بس اروح البيت ابدل وايلكم



بالمطعم
دلال:لجون شوفي منو قبالج
طلال يلتفت وراه :منو
لجين :هذي ساره عمار ريلها
طلال:اها
مريم:اذا ماخاب ضني اهما متعمدين ايون هني
دلال: ليش مطعم بس لنا وانا مادري
لجين:ادري عنها
مريم:انزين بتشوفون الحين
طلال :شنشوف
مريم:انطر وبتشوف
وماصار ربع ساعه الا وعبدالله دخل المطعم
مريم:والله كنت حاسه
طلال لف ويها وشاف عبدالله:اشعلينا منه اهما بروح وحنا بروح

ساره وعمار كانو متعمدين يخلون الكرسي الي قبال طاولت لجين فاضي ...عبدالله سلم وقعد وعلى طول طاحت عينه عليها
عبدالله:اهيا الي قالتلكم
ساره اتسوي نفسها ماتعرف شي:منو هيا
عبدالله :لاتستعبطين لجين...اهيا الي قالتلكم ادقون علي
عمار:حشى والله البنت ماقالت شي ولا ندري عنها
عبدالله:انسدت نفسي عن الاكل
ساره:شدعوا ...عبود بلا سوالف يهال ...انت شعليك منها
عبدالله:ماحب اشوفها
ساره:لا اهيا الي ميته عليك وانا مادري


بطاولة لجين
لجين عتفست من شافت عبدالله:طلال
طلال:نعم
لجين:خنبدل الاماكن
طلال:اوكي ...وغير اماكنهم
دلال:طلال اذا خلصنا نبي نفتر على البحر
لجين:لا انا برد البيت
طلال:ليش
لجين تاخذ نفس عميق:مالي خلق شي
طلال:شفيج ماتاكلين
لجين:الحمدالله شبعت
طلال:ماكليتي شي
لجين:لابس الحمدالله
الكل حس انها تضايقت من وجود عبدالله بس شيسون ماباليد حيله.....وعبدالله كان متضايق بس كان يبين حق عمار وساره عكس هشي...وسبحان الله كل مظلوم بيله وقت الي الكل يعرف عن الظلم والاذا الي صارله ...احمد وخليل ربع سعد كانو توهم داشين المطعم وشافو عبدالله
احمد:خليل والله اهوا
خليل:دام متأكد روح وقوله عن الي صار
احمد:امش معاي....وراحو صوب الطاوله
احمد وخليل:السلام عليكم
عمار وعبدالله:وعليكم السلام
احمد يكلم عبدالله:اخوي اذا ماعليك امر بغيتك شوي
عبدالله:انا.... انت تعرفني
احمد:اي اعرفك بس انت ماتعرفني
عبدالله:خير
احمد:بغيتك بموضوع يخصك
عبدالله:تكلم ماكو احد غريب
احمد:والله ماني عارف من وين ابدي بس اتمنى انك تسمعني ليل الاخر وبعدين اتقول الي عندك
عبدالله:مومشكله تفضل
احمد:تعرف وحده اسمها خوله سالم ال....
عبدالله:اي شفيها
احمد:تفضل هذا جيك
عبدالله مسك الجيك:وانا شعلاقتي بالموضوع
احمد:هذا الجيك عطته خوله حق رفيجي سعد ....بالمقابل خراب بيتك
عبدالله بسخريه:اكيد لجين اهيا الي قالتلك تقولي هل كلام
احمد يقاطعه :انت اسمعني بالاول وبعدين احكم
عبدالله :مابي اسمع شي
عمار :عبدالله بس عاد خل الريال يتكلم وماقلنالك ردها ...بس اسمع منت خسران شي...كمل احنا نسمع
احمد:خوله اطلبت من سعد يخرب بيتك وبالمقابل هل مبلغ وغيره كاش ...وعتطته كل المعلومات عنها ...وتفقت معاه على وقت معين اتكون اهيا موموجوده بشاليه ...والي قالته انك كنت ريل اختها وهل بنت خذتك منها
عبدالله@@
عمار@@
ساره@@:والله كنت حاسه انهم ورا الي صار ... انا ماشفت اوقح من جذي
عمار سكتي خل الريال يكمل
احمد:احنه قلنا حق سعد لايسوي هشي بس كان حاب يردلك الطقه بطقه اكبر ...وفعلن سوى الي براسه اخذا المبلغ منها
عبدالله :وانا شيضمنلي انه كلامك يكون صح
احمد:مستعد اتواجه معاها ....وهذا الجيك اكبر دليل روح البنك وشوفا لجيك يخص منو
عمار :ورفيجك هذا وينه الحين
احمد:سعد ....سعد بعد ماطلعنا من الشاليه كان حاط اباله يروح الصبح يصرف الجيك ...لاكن ماقام من النوم...والحين بالمستشفى ينازع الموت...كل شي وقف ماعادا قلبه ليلحين ينبض
ساره:حوبة هل مضلومه ...واما اليتيمه فلا تقهر
عبدالله:عمار ولا عليك امر نادلي طلال
عمار: انشالله
عبدالله:والله انطلع كلامك جذب بتشوف شي بحياتك ماشفته
احمد:وشمصلحتي اجذب هذا بدلال ماتشكرني الاني قتلك الي صار...وبصلح الي خربه سعد
عبدالله:مو يمكن لجين اهيا الي محفضتك هل كلام
احمد:قتلك مستعد اواجه البنت وفوق كل هذا روح شوف سعد ...تلاقيه بالمستشفى...وهم الجيك اكبر دليل ..انا الي علي سويته



عمار:السلام عليكم
الكل:وعليكم السلام
عمار:طلال ممكن اشوي
طلال:خير
عمار:والله مادري اذا خير ولا لاء بس تعال معاي وانت بتعرف
طلال:اوكي الحين اي .....مريم طلعو من المطعم الحين
مريم:انشالله ...وقامو البنات وطلال راح عندهم....لجين وهيا تمشي كانت منزله راسها وعبدالله كان يشوفها من فوق لي تحت ولاحقها بعيونه
طلال:خير
عمار:اسمع الريال وبتعرف
طلال :تفضل اسمعك
احمد رد عاد كل الكلام وطلال كان متشنج بمكانه يسمع وهوا مومصدق الي يسمعه
احمد:وهذا كل الي صار وانا مستعد اواجه البنت اذا حبيتو
طلال:حسبي الله ونعم الوكيل فيهم كل شي توقعته الا هشي ماتوقت يكونون اهما السبب فيه...اخ احمد مثل مافضحتو البنت جدام الله وخلقه تبرئونها جدامهم
احمد:وانا ماعندي مانع
طلال:اوكي بس لحظه شوي ...ودق على سالم
سالم:هلا طلال
طلال:شلونك ياخوي
سالم:بخير دامك بخير
طلال:اشعندك الحين
سالم:ولا مشغول شوي ...آمر بغيت شي
طلال:اي في موضوع لازم نتناقش فيه والحين
سالم :اذا جذي مو مشكله عطني نص ساعه اواكون فاضي
طلال:اوكي انطرك عندي بالبيت
سالم: على خير
طلال:بس ييب الهل والبنات معاك ضروري ماتي بدونهم
سالم:صاير شي
طلال:انت تعال وبتعرف بس ياخوي لايكون عندهم خبر بشي
سالم :انشالله
طلال:اوكي يالله مع السلامه
سالم:الله يسلمك

طلال:عبدالله دق على اهلك خل ايون على العنوان الي بعطيك ياه ...ويالله امشو معاي
الكل قام وراحو مع طلال

بسيارة طلال
طلال دق على كل الي الاهل وقالهم ايون بيته
وبعدها دق على دلال
طلال:دلول عرفنا منو ورا السالفه
دلال:صج والله منو
طلال:خل اوصل وكل شي بتعرفينه ...انا ياي الحين ومعاي عبدالله وجم واحد...واذا امج اوصلت او اي احد من الاهل خليهم ينطروني
دلال:اوكي بس لجون اقولها
طلال:اي مهديلها الموضوع بس لاتقوليلها نه عبدالله ياي
دلال :اوكي
طلال وصل وعبدالله وعمار وساره كانو معاه
طلال:تفضلو
عبدالله:طلال هذا بيتك
طلال:اي هذا بيتي وبيت لجون
ساره:وين لجين
طلال:اكيد فوق...خل ادق عليهم ينزلون....دق عليهم ونزلو...لجين اول ماشافت عبدالله قاعد على طول طالعت طلال
طلال:تعالي يمي
لجين:طلال
طلال:لجون انتي تعالي سمعي وبعدين سوي الي تبينه
لجين:انشالله...وراحت اقعدت عنده وكانت منزله راسها
عبدالله عينه كانت على لجين ولا قادر يشيلها ....شكلها كان وايد حلو لابسه نفنون حوامل طويل ازرق فاتح ابيج...وفاله شعرها وحاطه مي كاب خفيف....كان يشوف كل شي فيها حتى بطنها الي كبر

لجين انقزت
طلال:شفيج
لجين اتأشر على بطنها:اذتني
طلال ينزل راسه صوب بطنها جنه يكلمها:بس قعدي عاجل شوي عندنا ضيوف
لجين تبتسم
ساره:طالعه على عمتها تحب الحركه
عبدالله:فيج بنت
طلال:اي
لجين بصوت واطي:طلال بقوم واذا يو الكل نادني
طلال :قعدي بس ادري فيج اذا دخلتي غرفتج ماتطلعين منها
وشوي بدا الكل يوصل لين اكتملو كلهم
طلال:انا يمعتكم عني الحين الانه في كلام مهم لازم الكل يسمعه
راشد:تفضل
طلال:احمد قول الي عندك...بس لو سمحتو مابي احد يقاطعه لين يخلص
الكل:تفضل
احمد قال الي عنده والكل كان منصدم من الي يسمعه...شلون يتلهم الجرئه يسون كل هذا ...ولجين شنو ذنبها الي خربو بيتها وسيرتها الي صارت على كل السان
خوله :اكيد هسالفه من تأليفكم بعد
سالم:خوله بسج جذب هذا الجيك مو لج مو وهذا مو رقم حسابج
خوله:يبا يمكن لجين باقته
سالم بصراخ:جب ولا كله ...سودتو ويهي جدام الكل
عايشه:بنتي صاجه ليش ماتكون اهيا بايقه الجيك ومسوي كل هشي
راشد بصراخ:لجين متربيه احسن من بناتج الي ماعرفتي تربينهم
لجين قامت من مكانها:عن اذنكم
طلال:وين رايح
لجي:مالا داعي اقعد
راشد:اشلون ماله داعي والموضوع يخصج
لجين:لا عمي الموضوع مايخصني ...انا من الاول قتلكم اني مظلومه بس انتو ماصدقتوني ...بس كنت ابي اعرف من ورا السالفه والحمدالله عرف وهذا المهم
راشد:لا يبه كلانا مصدقينج
لجين:لا عمي مو كلكم ومو مهم الي ماصدقو هذا شي راجعلهم
عبدالله كان ساكت ولا كلمه
لجين :خلود بنهايه انتي الي ربحتي
خلود بكل وقاحه:افا عليج والله لو كل الي سويته مافاد تأكدي جان سويت اكثر من جذي
لجين:بس انتي خدمتيني خدمه ماراح انساها بحياتي كلاها ...خليتني اشوف الويه الثاني حق عبدالله..
الكل انصدم من ردت فعل لجين وشلون كانت بارده ولا جنها كانت تبجي كل يوم تبي ترد حق عبدالله...ولا كانت تترجاهم يكلمونه علشان لايطلقها ويسمعها

سالم:حسبي الله ونعم الوكيل فيكم من بنات ...انتو بنات ولا اباليس حتى البليس يتبرى من عمايلكم
عايشه:سالم من متى تصارخ على بناتك جذي وعلشان منو وحده ماتسوى
سالم اول مره يصير ريال وقام يطق عايشه طراق وجدام الكل:هذي تسواج وتسوى اهلج ...بصراخ...خالد اخذ امك وخواتك بيتي يتعذرهم وورقت طلاقج توصلج الي عندج

عايشه:اطلقني علشان بنت اخوك
سالم:واذبحج بعد ....طول عمري راسي مرفوع وانتي وبناتج وطيتوه الحين
راشد:مايصير جذي ياخوي ...انحل مشكل وندخل بثانيه
سالم:راشد لو سمحت لاتتدخل كافي كل هل سنين متحمل وصابر


بغرفة لجين
مريم:لجون الحين شبتسوين
لجين:ولا شي
دلال:مابتردينله
لجين:طبعن لا
مريم:ليش الحين عبدالله عرف انج مظلومه
لجين:هذا شي يخصه مايخصني..كل شي انتها خلاص
دلال:لجون فكري عدل علشان الي ابطنج
لجين:دلول انا انسانه ولي مشاعري ماني حجر
مريم:لله مادري شقولج...بس دلو لمعاها حق فكري عدل
لجين:فكرت ونتهى الموضوع



بصاله بعد ماراح سالم وعايشه واحمد وخليل

عبدالرحمن:دام كل شي انحل لازم المياه ترجع لمجراها
راشد:حسبي الله عليم والله تفكيرهم شيطاني...اعفسو حيات البنت وقعدو
عبدالرحمن:المهم كل شي صار واضح....عبدالله اشقلت بعد الي سمعته
عبدالله ساكت وماتكلم
عبدالرحمن:طلال ولا عليك امر ناد لجين لازم اترد بيتها
طلال يطالع عبدالله:والله ماودي اردك بس لجين ماعندها غير هل بيت
عبدالرحمن:لا ياطلال بيتها اهوا بيت ريلها
طلال:ريلها اي ريل الي صدق اول واحد قال عنها انها رفيجته وتخونه معاه ولا فكر يسمعاه ...وين كان ريلها لمن كانت ترجع البيت كل يوم تبجي لين يغمى عليها...وين ريلها لمن كنت اوديها بنص اليل المستشفى ...ولا خلاص الحين بعد ماعرف انه غلطان صارت مرته
عبدالرحمن:كلامك كله على عيني وراسي ..بس مايصير تحرمهم من بعض
طلال:لا يبه لجين عافته ماتبيه
عبدالرحمن :لا حول الله
عبدالله:طلال ابي اكلمها
طلال:مالك كلام معاها ...تبي شي قولي انا....ولا نسيت الي سويت
عبدالله:ابي اسمع الكلام هذا منها
طلال:الحين تبي تسمع منها لا يبه مانبيك تسمع شي ويليت اطلقها وتريحنا منك
راشد:طلال احنه بنحل الموضوع وانته تعقده
طلال: انا ماأعقد راشد لجين تعبت وايد ومابيها تتعب اكثر ...كافي الي صار
راشد:الي صار غصبن عليه وترى عبدالله ماينلام اي واحد بمكانه بسوي جذي
طلال:راشد هذي بنت اخوك ..وبعدين شنو ماينلام هذي زوجته شلون يصدق الي نقال عنها ...على العموم انا الحين اناديها واذا بتردله انا ماراح اعارض هشي ...بس والله والي رفع سابع سما اذا اذا بيوم من الايام نهايتة بتكون على ايدي

طلال دق على لجين وقالها تنزل تحت ...بالبدايه ارفضت بس اهوا اصر عليها ونزلت
لجين:خير طلال
عبدالرحمن:يابنتي الامور كلها وضحت وعبدالله عرف غلطته ...وماله داعي قعدتج هني بيتج
لجين تقاطعه:عمي هذا بيتي وماعندي بيت غيره
عبدالرحمن:لايبنتي بيتج اهوا بيت ريلج
عبدالله:لجون كل انسان يغلط
لجين تقاطعه:صح كل انسان يغلط...بس انا ماغلطة بشي ...وفوق كل هذا تحملت غلطه انا مالي ذنب فيها ....ولا تنسى انك قتلي حتى لو الريال يه وحلف على القران جدامك اني ماعرفه هم ماراح اتصدقه...شلي تغير بالموضوع الحين
عبدالله:كنت بحالة غضب ومادري شقلت
لجين :لا والله...ليش اهيا مره ولا مرتين ولا ثلاث... شهر كامل وانا كل يوم اي واترجاك تسمعني... ياما طحت على ريلك وذليت نفسي وسمعت منك اهانات مالها اول وتالي ...تحملت كل هذا بس علشان لايخترب بيتي ...مومشكلتي انك ماصدقتني ولا مشكلتي انك ماسمعتني .....عبدالله انت خترت وتحمل ختيارك
عبدالله:كنت غلطان
لجين:اي مو انا على مزاجك وقت ماتبيني قلتلي بيتي وقلبي مفتوحين لج ...او وقت مامليت قتلي انتي تربيت حمد الوصخه... ...لي هني وكفايه ...وبعدين ماتخاف باجر اخونك ولا اسوي شي من وراك بعد تربيت حمد شتطلع
عبدالله:بنتي لازم تتربى عندي...ومالازم تنحرم منا احنه الاثنين ..وكل شي يتصلح
لجين :بنتك ...بنتك الي كنت تدعي عليها تموت علشان تفتك مني ومنها ...عبدالله بعطيك من الاخر لو تنطبق السما على الارض ماأردلك ...وانسى انه لك بنت مني ...روح تزوج ويبلك درزن غيرها ...وبنتي انساها
عبدالله عينه غورقت ونزل راسه
لجين راحت حق عبدالرحمن
لجين:عمي سامحني بس انا كرامتي ماتسمحلي اني ارجع... ولدك هاني وايد وعمري ماشفت معاه ايام حلوه غير الايام الي كنه بشاليه ...وباست راسه ...سامحني اذا اذيتكم بيوم ولاسببتلكم مشاكل

عبدالرحمن:لا يبوج انتي رايتج بيضه ...بتظلين عزيزه وغاليه وبيتي مفتوحلج على طول



نهاية البارت

 

[@أحلاهم وأتحداهم@]

بس انا ابجي انتو بعد ابجو معاي

http://www.youtube.com/watch?v=wfPZe6b4QkY