ياروح الروح حبك فرضته فرض ياروح الروح اصبحت انت النبض

[hakokaa]

بس قلبي وقف وأنا أنطر
متى ينزل البااااااااااااااااااااااااااارت

 

[miss disaster]

انتو مايطلع وانا كله معلق اسمي تحت حتى اذا مو شابكه خخخخخخخخ

لوووووووووووووووووووووووووووووووووووول


هاذي الدنيا :eh_s(14):


:fun22:


:tek:


ناطرين

 

[FinDi]

هههههههههههههههههههههههههه
الله البارت حده عجيييييييييييييييييييب
توني رادة من إمتحاني الفيزيا
الله يستر ^.^

ونبي بارت

 

[MISS.D&G]

واااااااااي استغفر الله مادري شقول

 

[@أحلاهم وأتحداهم@]

قلبي بيوقف تخيلو كتبت البارت كله جان اتي بنتي وطفي الاب ابكبره والقهر انه انمسح مادري ليش ماتسيف

 

[MeeMeeYoo_2]

لااااااااااااااااااااااااا

بنتج ما تسلطت علينا الا الحين !

الله يسامحها

ناطرين

 

[hakokaa]

الله يهداج
بجيتيني أكثر من القصة
هههههههههههههههههههههه
الله يخليها لج إنشالله
وشكلج امطوله
رحمي حالي ونزلي البارت بعيد عن اليهال
تكفيييييين

 

[miss disaster]

قلبي بيوقف تخيلو كتبت البارت كله جان اتي بنتي وطفي الاب ابكبره والقهر انه انمسح مادري ليش ماتسيف

لووووووووووووووووووووووووووووووووووووووووووووووول (والله فصلت لاني مو نايمه انطرج:eh_s(14): )


ما اقول الا يمال العافيه الله يخليها لج وان شاء الله تشوفينها عروووس :tek:



انطرج:eh_s(14):

 

[@أحلاهم وأتحداهم@]

حبيباتي والله احس اني ادقركم وايد يالله الحين قاعده اكتب نومتها علشان اخلص ابسرعه

 

[MeeMeeYoo_2]

لااعاادي شدعوه

نوم العوافي بوسيها بوسه كبيييييييييييييييله

 

[ma3boocha]

لوووووووووووووووول الله يخليها لج

 

[DreaMo'O]

يحليلهااا بنتج

ناطريينج

 

[ماسيتي]

بصراحه بدون مجامله ومن قلبي طالع هل كلام قصتج من اروع القصص الي قريتها وشهادتي فيج مجروحه بلشت بالقصه اول امس توني خلصتها وبصراحه روعه ناه بارتج على نار ابي انجب الغدا حق ريلي موقادره اهد لاب شكرا لج

 

[@أحلاهم وأتحداهم@]

البارت 39



لجين:عمي سامحني بس انا كرامتي ماتسمحلي اني ارجع... ولدك هاني وايد وعمري ماشفت معاه ايام حلوه غير الايام الي كنه بشاليه ...وباست راسه ...سامحني اذا اذيتكم بيوم ولاسببتلكم مشاكل

عبدالرحمن:لا ياأبوج انتي رايتج بيضه ...بتظلين عزيزه وغاليه وبيتي مفتوحلج على طول


بعد اسبوع
لجين كان بطريج رايحه المستشفى مع دلال
دلال :لجون تدرين منو لاحقنه
لجين:منو
دلال:عبدالله
لجين:الحمدالله وشكر ... يقولي ماأردلج لو شنو والحين وين ما أروح وراي
دلال:لجون اكيد ندمان
لجين:ندمان ولا مو ندمان هذا شي يخصه
دلال:لجون يعني الحين ماتحبينه
لجين:مادري
دلال:مايصير ماتدرين
لجين:دلول عفيه غيري الموضوع مالي خلق اتكلم فيه
دلال:تدرين كنه ناوين انزوج طلال ...حماتج بس الحين ماعتقد يوافق
لجين:حماتي ...متى وشلون...وليش ماقلتولي
دلال:والله..... انشالله تبيني اجاوبج على كل هل اسأله
لجين:اي وبالتفصيل الممل
دلال:الله يسلمج لمن كنا بالشاليه مريوم كانت اتراقب طلال لمن يلعب مع طلال الصغير ...وتفقنا انا وياها انه انفاتحه بالموضوع ....وكنا خايفين لا يجعمنا بس انصدمنه لمن تناقش معانا وقال عطوني مهله افكر
لجين:والله أميره ماتتطوف خوش وحده...اليوم بكمله بالموضوع
دلال@@:بعد كل الي صار بتكلمينه
لجين:اي مافيها شي ...وبعدين لاني اول ولا آخر وحده تفشل بزواجها ...وأميره مالها ذنب بالعكس انا اشوفها مناسبه له
دلال:ماعتقد طلال بوافق
لجين:طلال خليه علي....وبعدين لي متى بضل عانس لامره والعيال ....دلول والله الفكره عجبتني
دلال:هههههههههههههه حلوه عانس ...واي فكره الزواج ولا اميره
لجين:اكيد الاثنين ....لو تصير السالفه صج ...وناسه
دلال:والله انتي غريبه
لجين:ليش
دلال:بس



بشركة راشد
عبدالرحمن:سلام عليكم
السكرتيره:وعليكم السلام ..تفضل
عبدالرحمن:زاد فضلج....بو احمد موجود
السكرتيره:اي موجود...منو اقوله
عبدالرحمن:قوليله عبدالرحمن بو عبدالله
السكرتيره :انشالله....وتكلم راشد من الجهاز....بو احمد في واحد اسمه عبدالرحمن بو عبدالله موجود عندي
راشد يقاطعها:اي خليه يتفضل
السكرتيره قامت:تفضل
عبدالرحمن:مشكوره
راشد كان بستقبال عبدالرحمن
عبدالرحمن:السلام عليكم
راشد:وعليكم السلام...حياك بو عبدالله توه مانور الشركه
عبدالرحمن:منوره بصحابها
راشد:تفضل
عبدالرحمن :زاد فضلك....وقعد....يابو احمد بدخل بالموضوع على طول
راشد:تفضل
عبدالرحمن:بخصوص موضوع العيال ....بغيت اقعد مع لجين اكلمها ...وابيك اتكون حاضر معاي واذا ماعندك مانع ابيك اتساعدني البنت لازم نقنعها ترد بيتها
راشد:والله انا اتمنى هشي اليوم قبل باجر ...بس لو نعطيها فرصه جم يوم ترتاح فيها وبعدها انا وياك انكلمها ولازم عبدالله يقعد معاها ويتفاهمون
عبدالرحمن:انت عارف انها حامل ومانبي الي صار معاها يتككر مع بنتها وانا ابي بنتي تتربا بحضني ...والزمن هذا مامنه آمان
راشد:صاج ياخوي....لوبيدي جان رديتها بيتها من اول يوم بس الي صار صار وحنه عيال اليوم
عبدالرحمن:والله مكانها خالي بالبيت ...يالله انشالله كل شي يتصلح وانت عارف الزواج لازم في مشاكل
راشد:اي والله وزمن هذا غير عن زمنه حتى مشاكل الزوجيه غير.....والله الواحد مايدري شيسوي هل بنت وايد تأذت بحياتها....بس انشالله عطها اسبوع مهله ترتاح فيها وبعدها مايصير خاطرك الاطيب ...والبنت مردها لبيت ريلها
عبدالرحمن:مشكور وماتقصر ..والله هذا العشم فيك
راشد:ماسوينا شي ومثل مالجين بنتنا عبدالله هم ولدنا والي حصل مابغير شي انشالله


بالمستشفى
د.افنان:لجين المشيمه عندج نازله شوي
لجين:من شنو
د.افنان:ساعات تكون الاسباب غير معروفه او من كثرت الحركه وساعات اتكون المشيمه حجمها كبير بس هذي لمن تكونين حامل بتوأم...او اذا كنتي مصابه بسكر الحمل بس انتي تحاليلج كلها ايجايه والحمدالله
ونطق الباب ودخل عبدالله
د.افنان:هلا د.عبدالله تفضل
لجين لفت ويها الصوب الثاني ماتبي اتشوفه
عبدالله:بشري شلون بنتي...وعينه على لجين
د.افنان:د.عبدالله مرتك لازم انسويلها دخول الانه المشيمه نازله عندها واذا مارتفعت تولد قبل موعدها
لجين:لا مابي انام بالمستشفى
د.افنان:بس لازم نتطمن على البيبي
لجين:دكتوره قتلج مابي انام واذا على الراحه لاتحاتين ارتاح بالبيت وماأتحرك
د.افنان:والله كيفج د.عبدالله لازم اتخليها ترتاح وماتتحرك كلش لين ترتفع المشيمه
عبدالله وعينه على لجين:انشالله
د.افنان:لازم اشوفا السبوع الياي
لجين:انشالله
د.افنان:ولازم تتغذين عدل

وبدخلت دلال عليهم
دلال والابتسامه على ويها:لجون باركيلي
لجين:الف مبروك بس على شنو
دلال:انا حامل
لجين:الف الف الف مبروك حبيبتي والله يتمم عليج انشالله
د.افنان:الف مبروك ...وانشالله مراجعاتج عندي
دلال:انشالله....لجون اذا خالصه خنمشي بروح ابشر زيودي
لجين:اي خالصه وقامت
د.أفنان:لجين لازم تحافضين على روحج ولا بتولدين قبل موعدج
دلال:ليش اشفيها
د.أفنان:المشيمه نازله شوي ومحتاجه لراحه
دلال اتطالع عبدالله :واااي لجون وانتي ماتترقعين كلش
لجين:نصيبي جذي شسوي....يالله نمشي دكتوره مشكوره وماقصرتي
د.أفنان:العفو حبيبتي هذا واجبي ماسويت شي
دلال ولجين:مع السلامه
د.افنان وعبدالله:الله يسلمج
لجين ودلال اطلعت وعبدالله وراهم
دلال بصوت واطي:ورانه
لجين:شسويله
وراحوالسياره
دلال انشوف لجين وتضحك.....عبدالله كان حاط ورده حمره من جدام السياره وصوب لجين
دلال:يعني على الحركات الحلوه
لجين حبت تقهر الانها تدري انه وراها خذت الورده وقطتها على الارض...وركبت
دلال:لجون من صجج في احد يقط الورد بشارع جذي
لجين:اي انا...وسكتت
دلال:حرام والله عور قلبي ليلحين ورانا
لجين:سبحان الي يغير ولا يتغير ولا جني كنت اركض وراه بيوم من الايام صج الدنيا دواره ...وصار اهوا الحين الي يركض وراي
دلال:اشفيج هذا ريال وينطبق عليه المثل الي يقول ...الريال مثل الكره حطيه على راسج يطيح ..طقيه بطوفه يرجعلج
لجين:هههههههههههه دلول الله يغربل ابليسج من وين يايبه هل المثل
دلال:وي هذا المثل معروف ...توج تدرين عنه
لجين:ههههه اي والله
دلال:اوهن ستيني خل ادق ابشر زيود
لجين:اي وانا بدق على طلال اقوله يزهبلج الغرفه الي يم غرفت بنتي
دلال:تخيلي احنه وعيالنه مجابلين طلال على طول هههههههههه
لجين:ياخوفج باجر يصير ازعاج ويطردنا بشارع
دلال:هههههههههههه....لا حرام طلال مايسويها
لجين دقت على طلال...الووو
طلال :هلا لجون
لجين:طلال ولا عليك امر الغرفه الي يم غرفت بنتي ابيك اتضبطها حق بيبي ثاني
طلال:لجون فيج توم ...ماقلتيلي
لجين:هههههههه توأم مره وحده انا واحده ومأذيتني بعد اثنين...الغرفه مو لي
طلال:حق منو تبينها
لجين:حق بيبي دلول
طلال :دلال حامل من متى...خو انتو صايرين كل شغلكم بالخش
لجين:ههههههههههه حرام عليك....لا توها حللت وانت اول واحد يعرف الخبر
طلال:وينها خل اباركلها
لجين:دلول طلال يبيج
دلال:الوووو
طلال:عل بركه يقولون بتصيرين ام
دلال:شفت شلون
طلال:الله يعينه هل يالهل عليج
دلال:ليش انشالله
طلال:امه فيها خبال موطبيعي
دلال:اصلن يحمد ربه اني امه
طلال:ههههههههه ....مواقولج خبله
دلال:لا والله ...طلال انا حامل واي كلام ينرفزني يأثر على الجنين
طلال:ههههههههههههههه ...وايد عايشه الدور
دلال:واي اشتبي....المهم الفال لك انشالله انشوف عيالك
طلال:انشالله
دلال:احلف يعني فكرت بالموضوع
طلال:اي موضوع
دلال:موضوع زواجك
طلال:يصير خير الحين مو وقته...قلتي حق ريلج
دلال:لا بودي لجون البيت وانا بروح له الشركه...وقوله
طلال:والله راشد اذا سمع الخبر بطير من الفرح...مزوج 3 وماعندا حفيد واحد
دلال:لا ابشرك بصيرون اثنين جمانه جنها حامل
طلال:زين الحمدالله...وهل هيس الياس ليش ماقالي
دلال:مادري عنه يمكن بينطر لي تدخل الرابع بعدين يقول
طلال:انتو شفيكم بالخش ...ترى حتى القطاوه اتحمل مو بس انتو
دلال:ههههههههههههههههه والله القطاوه تحمل اكثر منا


دلال وصلت لجين البيت وراحت الشركه تبشر زيد وراشد

بالشركه
دلال :السلام
السكرتيره:هلا وعليكم السلام...امري اختي
دلال:خالي راشد موجود
السكرتيره:اي موجود بس لحظه شوي
دلال تقاطعها:لاتقوليله انه بنت اختك تبيك
السكرتيره:اوكي...ادخلت المكتب وبعدها اطلعت....تفضلي
دلال:مشكوره
السكرتيره:العفو
ودخلت دلال
راشد:هلا وغلا حيالله الغاليه بنت الغاليه
دلال:الله يحيك ...خالي عندي لك خبر حلو
راشد:الله سمعينه الاخبار الحلوه
دلال:انا حامل ...وانت بتصير بابا عود
راشد:الله يبشرج بالخير والله خوش خبر الف الف مبروك والله انشالله يكون من الذريه الصالحه
دلال:آمين
راشد:وانشالله ايمان وجمانه وراج
دلال:انشالله يارب....خالي مستانس الانك بتصير بابا عود
راشد:اكيد استانس وماأعز من الولد الا ولد الولد



بيت طلال
لجين كانت بالغرفه منسدحه على الفارش وتبجي...وينطق الباب
لجين تمسح دموعها :تفضل
طلال:مساء الخير
لجين:مساء النور
طلال شاف عيونها وارمه من البجي:ليش قاعده بروحج هني
لجين:دقيت على مريوم والحين يايه
طلال:انزين تعالي قعدي معاي بصاله
لجين:لا ماقدر اتحرك وايد
طلال:ليش
لجي:المشيمه نازله والدكتوره قالتلي ممنوع الحركه لين تشوفني السبوع الياي
طلال:امممممممممم دام جذي بتملين اسبوع كامل بالغرفه ...شرايج احطلج سرير بصاله تقعدين هناك
لجين ماتبي اتعبه:لا طلال خلني بداري اريحلي
طلال:لا مو اريح قولي علشان تاخذين راحتج بالبجي بس مارح اخليج انتي وعدتيني ماتبجين
لجين:طلال
طلال:نعم
لجين:عبدالله صارله فتره وين ماأروح وراي
طلال:مومشكله اعتبريه بدي قاردج ولا تعطينه اي اهميه
لجين:انزين ليشي سوي جذي ...مو هذا الي كنت اروح واترجاه مو هذا الي قالي لو تموتين ماأردج ليشي سوي جذي...تتوقع يراقبني
طلال:لا مايراقبج ..عبدالله ندمان على الي سواه فيج وقاعد يحاول يقرب منج بس موقادر
لجين:ليش
طلال:يمكن منحرج منج ولا موعارف شيقولج الانه الي سواه موشويه بحقج
لجين:بس جذي انا الي قاعده احترق
طلال:لجون اتحبينه
لجين:مادري
طلال:تبين رايي
ليجن:اي
طلال:عطيه فرصه ثانيه ...وبعدين انتي سامحتي خوله وخلود ماتسامحين عبدالله
لجين:بس عبدالله غير ...اشلون يصدق اي واحد اي وقوله مرتك اتخونك معاي...مو المفرض يكون في ثقه بين الزوجين
طلال:هذا المفروض...بس صدقي اي واحد بمكانه بيتصرف جذي...بس عبدالله غلط الانه ماسمعج وانه صدق الكلام بسرعه
لجين:طلال بس سكر الموضوع....في موضوع ثاني اهم
طلال:قولي
لجين:اشرايك تتزوج اميره...قبل لاتقول شي البنت اذهب وماتتطوف
طلال:آخذ وحده اخوها نزل دمعت اغلى انسانه بحياتي
لجين:طلال والله اهيا مالها ذنب وبعدين انا احبها وايد طلال عفيه خل نخطبها لك
طلال:لا
لجين:طلال البنت فيها عيب غير انه اخوها عبدالله
طلال:لا
لجين:عيل خلاص ..طلال انا مو اول وحده يخترب بيتها بهطريقه والحمدالله هشي صار من البدايه مو معاي كوكش يهال
طلال وقلبه متقطع عليها:مابي ايب وحده اتأذيج باجر
لجين:هههههههههه سامعها بأي مسلسل....الي يسمعك يقول البنت نسره والله اتهبل ...ولا لها حس بالمره
طلال:مادري يصير خير
لجين:ادق على عمتي عبير اتخطبها لك
طلال:لجون من صجج
لجين:اي من صجي الي بعمرك كلهم عيالهم طولهم وانت ليلحين...وبعدين أميره بتونسني هني وكافي طلول فديته والله مشتاقتله
طلال:وماكو بهل بلد الا هل ولد
لجين:لا اهيا ممو ولد اهيا بنت
طلال يبتسم
لجين:شقلت
طلال:خوفج باجر اشوف عبدالله واذبحه
لجين:لا ماتذبحه ولا شي ....يالله شقلت
طلال:لجون اشكثر اتحنين خلاص سوي الي تبينه
لجين:ياااااااي وناسه ولمته حيل...يالعيار قول تبيها مو تتدلع لي ودورلي سوالف
طلال:لجون انتي متأكده انه الموضوع عادي بنسبه لج
لجين:ماتشوفني مستانسه اكيد عادي ...الف الف الف مبروك
طلال:خل يصير بالاول
لجين:لا تخاف انا متأكده انه بصير


بعد يومين بشقة عبدالله
عبدالله كان قاعد يكلم العصافير ودموعه على خده
عبدالله:لجون مشتاقلج وايد...آآآآآآآآآآخ احبج والله احبج والله انا الي يبت كل هشي حق روحي...والله مكانج خالي بالبيت كل زاويه اتذكرني فيج ...اتذكرني بضحكتج الحلوه ...اتذكرني بدلعج..بهتمامج فيني ...البيت اظلم بدونج...آآآآآآآآخ والله احبك وكل الي صار غصبن علي بس يليتج تسامحيني ...انا ظلمتج وايد وغلت عليج وايد ومستعد اتحمل كل شي بس علشان ارضيج وتردينلي مثل قبل

وبهل وقت ينطق الباب عليه
عبدالله: يمسح دموعه بسرعه
عبدالله:تفضل
حنان:عبدالله لي متى حاكر نفسك جذي ياطالع يافوق بشقتك...مايصير جذي شوف شكلك شصاير فيه..لا اكل ولا نوم حتى دوامك ماقمت اتروحله مثل قبل
عبدالله:وليش اداوم كلش بحياتي ضاع
حنان وهيا تبتسم:لا مافي شي ضاع كل شي بيتصلح انشالله
عبدالله:شلون وانا ذليتها وايد وقسيت عليها بشكل مو طبيعي يمه والله احبها والي صار غصبن علي مو بيدي انا ينيت لمن يالنا على البحر وقالي بنام بحظنها وستغربت من جرأته وبعدها يالي وقالي انه يحبها ولمن عرفت انه يعرف اسمها وانها حامل وانها مومرتاحه معاي مادري ليش صدقت كلامه يمكن الانه لجين ماكانت مرتاحه معاي بالول ...يمه والله تعبت حتى لمن كانت اتيلي وتبجي ...كنت اوقف جدامها وجني صخر وماحس ومن تطلع والله يعلم الي يصير فيني ...بس ماراح اسكت ولا اضيعها من ايدي ...بحاول بكل الطرق ومستعد اخسر كل شي علشانها الانها فعلن تستاهل كل الحب الي بداخلي
حنان:انشالله ينلم شملكم قريب
عبدالله:يمه عفيه ادعلي كثر ماتقدرين
حنان:المهم عبير عمت لجين توها داقه علي اتخطب أميره حق طلال
عبدالله:من صجج وبعد كل الي صار...لجين تدري بالموضوع
حنان:اي واهيا الي قايله حق طلال عنها
عبدالله:معقوله بعد كل الي سويتا فيها
حنان:علشان اتعرف انه مرتك مافي منها اثنين
عبدالله:آآآآآآآآآآآآآآآآخ انا الي يبت كل هذا عمري
حنان:انشالله كل شي يتصلح
عبدالله:واميره شنو رايها
حنان:قالت عطوني مهله افكر
عبدالله:وطلول شلون عليه
حنان:عبير اتقول انه طلال يبيها مع طلول
عبدالله:الله يتمم على خير...والله طلال مايتطوف ريال ونعم فيه
حنان:والله مادري شلون بفارق طلول احس البيت بدون ياهل موحلو
عبدالله:انشالله لجون ترد وبنتي تاخذ مكانه وزود
حنان:انشالله يارب والله انا وابوك ننطر متى تولد ومدوخني كل يوم يسأل متى تولد ودقي عليها سأليها مافيها عوار ولاده
عبدالله يبتسم:والله شكلها بتاخذ مكان الكل
حنان:اي والله هذي مايت وميتين عليها لي يت شبنسوي مادري

بعد يومين لجين ماقدرت تنطر اسبوع لين موعدها ...كانت رايحه مع مريم المستشفى تبي تتطمن على بنتها ...وعبدالله مثل كل مره لاحقهم بسياره
مريم:لجون والله يعور القلب حرام عليج سامحيه ...شوفي شكله شلون صاير
لجين:مريوم ماأقدر واذا سامحته ورديتله وبعدها بجم شهر خلود سوت شي ثاني وصدق ماتقوليلي شسوي بعمري
مريم:لا ماراح يصدق
لجين:دام صدق بأول مره بصدق كل مره هذا ماعنده ذرت ثقه فيني ...وطول الوقت يعايرني بحمد
مريم:لجون اكيد الي صارله كان درس له والله حرام شوفي شكله
لجين:انتو ماتفكرون الا فيه وانا شنو بطقاق
مريم:لجون ليش زعلتي بذمه ماودج بنتج اتعيش بينكم ...مو كافي الي صارلج ليش تحرمين بنتج من هشي...وبعدين انتي تحبينه وطول ماأنتي بعيده عنه قاعده تتعذبين ...ولا عبالج احنه مانعرف انج كل يوم تبجين...لجون والله الحيات الزوجيه جذي لازم فيها كلح شوي...بذمه تقدرين تاكلين عيش بدون ملح
لجين ساكته
مريم:لجون كل الناس تغلط مو بس عبدالله صج انه مو كفو بس والله خوش ريال
لجين:بالله فهميني اشلون مو كفو وخوش ريال
مريم:موكفو الانه صدق وماعطاج مجال تدافعين عن روحج وخوش ريال الانه لو ماكان يحبج جان ماشفتيه كل يوم وراج وناطرج عند باب البيت...تدرين لمن اي واشوفه واقف بره ينطر تطلعين احس جنه من السواق الي ينطرون معزبتهم تطلع
لجين:خوش تشبيه
مريم كانت حاطه على المرينا وحطوا غنيه نوال ايام حلوه

أيام حلوه كانت أيام حبك

كنت في روحي تسري كنت بجنون أحبك
قاسي القـلب لكـن كــان قلــبي بقــلبك

ويــن مـوعــــد جمعـــنا وين ذاك المكان
وضــحكــنا الي ضـــحكنا والوله والحنان

تقـلـــب الكــون كله لو تأخرت خــــــطوه
ضعـت مني بثــواني والله دنـيا ما تسوى
أيام حلوه كانت أيام حبك

لجين طولت عليها وردت راسها لي ورا ودموعها بدت تنزل...وقبل ماتخلص الغنيه
لجين:مريوم وقفي السياره
مريم@@:نعم
لجين بصراخ:اقولج وقفي السياره
مريم:وين اوقف
لجين:أي مكان بس اوقفي
مريم:اوكي ..وو قفت ...وعبدالله وقف...لجين انزلت من السياره وراحت صوب سيارت عبدالله ..الي من شافها يايه صوبه نزل ابسرعه
لجين قرب منه حيل:انت مالوعت جبدي ...كل يوم وراي شتبي مني
عبدالله:لجونتي
لجين اتقاطعه:ولا كلمه ياأخي ماتحس مو كافي الي سويته اشتبي بعد تبيني اموت علشان ترتاح
عبدالله:يعل يومي قبل يومج
لجين ودموعها على خدها وقلبها يتقطع:آمين...وطقه على صدره ..اكرهك اكرهك
عبدالله وخر ايده ولماها حيل..بس لجين دزته بسرعه وعطته كف
لجين: هذا طراق من الطراقات الي كليتهم منك وان شفتك اقرب مني يويلك سامع
عبدالله مسك ايدها وسحبها بقوه:موبكيفج بضل وراج لين تردينلي
لجين:املك وامل فلسطين واحد...وبطلقني غصبن عليك
عبدالله:ماأطلقج لو تموتين وبتضلين لي طول عمرج ...تدرين لي شالاني احبج والله احبج ومابي اخسرج
لجين دزته وراحت السياره

نهاية البارت

 

[@أحلاهم وأتحداهم@]

حبيباتي في شغله مهمه بقولها لكم

المشاكل الي صارت حق لجين كلها واقعيه بس انا غيرت فيها
يعني كل الاحداث صارت بطريقه العن من جذي بس انا ماحبيت اكتبها بمس الطريقه الانها بشعه وايد<<<اقصد الاغتصاب الي صار بشقة حمد...وحتى الاحداث الي بعدها والمشاكل الي صارت مع عبدالله
احداثها واقعيه
بس المشاكل كانت من اكثر من شخص وانا خليتها بس من خولد وخوله
الي ابي اوصله انه المشاكل الي مرت فيها صارت بس بشكل مختلف شوي وابشع
هذي اهيا الاحداث الواقعيه الي بروايه والاحداث الي بالاول البارتات كانت من وحي خيالي

ومشكورين على المتابعه وعلى هل كلمات الحلوه الي تكتبونها بحقي والله انها تنسيني وايد اشياء
واهمها اني اقعد بساعات علما أكتب بارت خخخخخ وبعدها ينمسح

 

[MeeMeeYoo_2]

Waaaaaaaaaay
7araaaaaam
Lujain 5ala9 3aaad riday ;(

Thank u 7ubi;*

 

[Lilly - KSA]

بارت جميل اخر
ودي تصفقه بعد مايكفي هذا
ثاانكس احلاهم

 

[قلب مهموم]

وااااااااي على عصاافير الحب
لوول

مشكوورة اختي ويعطيج العاااافية

وناااطرة الباارت اليااااي مافيني صبر فيني دوودة

 

[F.M.36]

لالالالالالالالالالالالالالالالالالالالا احلاهم ما اتفقنا جذي لييييييييش
لالالالالا لازم يردون حق بعض لالالالالاززززززززززززززم
ما يصير جذي والله
مالي شغل البارت الياي لازم يردون حق بعض

 

[DreaMo'O]

حراااااااااااااااااااااام
خل يردووووووووون

عسااج عالقوه حبيبتي احللاهم