ديوانية شموسه ورينبو...الي ولادتها بالصيف تتفضل تقرق معانا

[مي الحلوة]

شلونكم حوامل...شخباركم؟؟؟؟
والله لكم وحشة...والله يسهل عليكم ان شاء الله..:eh_s(8)::eh_s(8):
حبيت ادش وأشوف منو ولد فيكم...
عاد انا اليوم صارلي 30 يوم وباقي لي كم يوم ان شاء الله واطلع.. واروح بيتى..:eh_s(9)::eh_s(9):
اللى على وجه ولادة حبيت اذكركم لا تنسون ادعية الولادة والاستغفار والله انها فادتنى الحمد الله وقت الولادة:eh_s(16)::eh_s(16):
هذا غير العسل انا قبل لا اروح المستشفى اخذت ملعقة عسل سمعت انه بعد
يسهل الولادة..
انا رحت المستشفى 16/6 عشان اشوف نبض البيبي لاني حسيت انه ما قام يتحرك..المهم مجرد ما شافنى الدكتور طاح فينى زف انتى عندج الزلال مرتفع
دخول الحين ولادة..انا ما كان فينى شيء لا عوار ولا ماي ولا طلوق..
قال انتى مرتفع معاج الزلال وخطر على البيبي..
دخلت غرفة الولادة الساعة 8 باليلل وكنت حاطة عيالي والخدامه عند اهلى وقايله لهم اني بروح امشي بالافينوز..عشان ما يحاتوني...:eh_s(15):
المهم عطوني طلق صناعي الساعة 8 وقالوا بنشوف اذا ما فتح الرحم حطينا
تحميله طلق صناعي مرة ثانية بعد 6 ساعات..
ومن الساعة 8 بالليل لساعة 12 وانا ادعي واستغفر واقرأ سورة الملك
وأيه الكرسي..وابتدأ الطلق يزيد والعوار يزيد..لين الساعة 3 الفجر
وجت الدكتورة وافحصتنى وبطت الماي وقالت تو الناس ما فيه ولادة الحين بس فاتح 5 سانتى...قلت لها انا احس بولادة قالت لاتشدين قلت لها انا تعبانه بالحيل قالت لا تو الناس..المهم انا مجربه الولادة ولا دكتور مار جان اقوله
دكتور انا احس اني بولد طبعا فحصني وصاح على السسترات وقال ولادة
والحمد الله ولدت وجبت عبد الرحمن..وسبحان الله التساهيل من الله...
ولا تنسون الدعاء انا كنت ادعي طول ما انا حامل ان الله يسهلها ويجعلها
اسهل ولاداتي..
والحمد الله على سلامة د.شريفه...وسلامه كل اللى ولدواااا..
والله يسهل للي الدور عليهم............

 

[ريماااااس]

بشرى نونيا إن شاء الله كل شى تمام
وشقالتلج الدكتوره متى ولادتج

 

[rainbow_brite]

ملاك هدية حمد الله على سلامة الوالده



:eh_s(17):


نونيا ريلي عاد ما يحب فريق البرازيل واي فريق يلعب ضده يشجعه حتى لو كان الهند


اهو ما يحب البرازيل عشان طلعو فريقه فرنسا من كاس العالم

الله يسهل عليج نونيا ولا اتحاتين الله يسهل امورج


:eh_s(17):


اوشال وحصه وام حمودي طافتني السهره معاكم وعليج الف عافيه اوشال الريوق

:eh_s(17):




شموس هذا الموضوع شاغل بالي بعد شلون امنع الحمل انا بعد ما ابي حبوب ومفكره بلولب



:eh_s(17):



بنات بنت النوخذه غطت من جم يوم ما ندري شنو اخر اخبارها



:eh_s(17):


باجي البنات سامحوني اذا ما رديت عليكم لي عوده ان شا الله مع الردود

 

[أوشال]

لووووووووول ... امبيه بدعتو اوشال .... يلا عليكم بالعافيه ريوق ماكدونالدز ييبولي معاكم <======== شكووووو اشتبيييييييين

اوشال سيرو ونحن من ورائكم انا بعد بروح انام اخاف يقوم ريلي الحين حق الدوام ويشوفني قاعده ويهفني باللاب توب على راسي واصير ضحية دوانية شموسه ورينبو واولد عليكم عاد (حشا ماصارت ... فلم هندي)

سي يو تمورو مدام

هلا والله ام حموودي

والله يعافيج حبيبتي ..

بس في معلومه بتأكد منها اخاف خربوطه ام حموودي
تهقين اذا هفني ريلي باللاب توب أولد !!!
أنا ابي اولد اليوم قبل باجر

 

[nonia]

بشرى نونيا إن شاء الله كل شى تمام
وشقالتلج الدكتوره متى ولادتج

بعد قلبي مشكوره على السؤال , قلت خل أشبك أطمنكم قبل لا أروح شقتي .
رحت حق الدكتوره سوت لي سونار طلع الماي يم البيبي شويه وتقولي شوفيه شلون لاصق طبعا انا مو شايفه شي وما ادري شالسالفه جان تقولي لازم أفحصج , عاد فحصت والا عنق الرحم مفتوح 2 سم ووسعتني :eh_s(16): بس الحمد الله على كل حال وقالت لي لي الساعه 3 الفير اذا ما ياج الطلق شربي قرشة خروع كامله مع علبة عصير منجا وتكرمون بييني اسهال جايد وعقبها لازم أدخل المستشفى ولازم قبل الساعه 9 الصبح أكون هناك والله كريم انشاءالله ادعولي بنات الله يسهل علي انشاءالله وأولد بالسلامه والله يسهل عليكم كلكم يارب.

 

[nonia]

:eh_s(17):
نونيا ريلي عاد ما يحب فريق البرازيل واي فريق يلعب ضده يشجعه حتى لو كان الهند

اهو ما يحب البرازيل عشان طلعو فريقه فرنسا من كاس العالم

الله يسهل عليج نونيا ولا اتحاتين الله يسهل امورج

هلا حبيبتي . . .

وي عيل لا تشوفين لويتنا أمس على البرازيل يحاتي ومتنرفز والكمبيوتر بحضنه (هذا اللي حارني) , يا معوده أشوه فازوا جان أنا اللي أكلتها

مشكوره حبيبتي على الدعوه والله يسهل عليج وعلي وعلى كل البنات انشاءالله .

 

[nonia]

مي الحلوه ...

حبيبتي مبروك ما ياج ويتربى بعزج انشاءالله وألف الحمدالله على سلامتج بروح بعد شوي آخذ شور و أبلش أقرى قرآن وأدعيه عسى الله يسهل علي انشاءالله .

 

[ريماااااس]

الله يسهل عليج يانونيا وتكون ولادتج سهالات بإذن الله
طمنينا عليج وبشرينا يالغاليه ...

 

[أوشال]

بنات حدي خايفه والبيبي تسوي حركات موطبيعيه كل يوم ذبحتني احسها تضغط لتحت اطلع روحي

وبسالكم سؤال يأرقني

شلون امنع الحمل بعد النفاس؟!؟!

حبوب نو واااااااااااااااااي

اصلا فيني غده درقيه وماتناسبني حبوب المانع

وانا مثل ماتعرفون اتاخر على ماحمل... الشهر الي فات كملت 8 سنوات زواج ماشالله... وبجري عمرها 3 سنين ونص يعني حيل تاخرت

بس هالحمله سبحان الله مادري شلون حملت ورا الاربعين

وخايفه تصير فيني مره ثانيه

لولب ماحبه اخاف منه

شسوي؟!؟!

كان في بالي سوالف شكثرها بس نسيت "(

هلا بشمووس

والله كلنا نحاتي المنع بعد الولادة

شوفي الوحده بعد الولادة تتعدل هرموناتها وتتزبط الحسبه :eh_s(6):
علشان جذي حملتي والله القادر على كل شي

وشوفي خلي المنع على ريلج ...

وترى 8 سنوات مو وايد شموس وانتي ادرى بظروفج لا تنسي انج حملتي 3 مرات ولدتي فيهم ...

ولا تقيسين نفسج بناس أمي تقولي جذي من راقب الناس مات هما

والحمدلله عندج أحلى الكتاكيت شمووس

 

[أوشال]

رينبو

الله يعينج على الخدامه
بس صج مايوون الا بالزف ولا اذا طلبت ي منها بهدوء
ما تسوويه عدل لازم اصير جاده واتحجى بعصبيه علشان
تندقر وتفهم ما ادري شبسووي معاها بالنفاس ...


نونيا

مشكووره على الصورة وااااي هذا اللياستخدمه وايد حلو
وريحته وايد حلوه

ملووكه

قرة عينج بووصول الوالدة
والحمدلله على سلامتها

ويارب تتسهل امورج وتطلعين لبنتج بقرب وقت


مي الحلووة

الحمدلله على سلامتج
بس اشلوون جذي مفتوحه 5 سم وولدتي
اخاف الدكتورة ما فحصت عدل ..
سبحان الله يسر وسهل عليج ولادتج ..
والله يخلي لج حمني

 

[أوشال]

بعد قلبي مشكوره على السؤال , قلت خل أشبك أطمنكم قبل لا أروح شقتي .
رحت حق الدكتوره سوت لي سونار طلع الماي يم البيبي شويه وتقولي شوفيه شلون لاصق طبعا انا مو شايفه شي وما ادري شالسالفه جان تقولي لازم أفحصج , عاد فحصت والا عنق الرحم مفتوح 2 سم ووسعتني :eh_s(16): بس الحمد الله على كل حال وقالت لي لي الساعه 3 الفير اذا ما ياج الطلق شربي قرشة خروع كامله مع علبة عصير منجا وتكرمون بييني اسهال جايد وعقبها لازم أدخل المستشفى ولازم قبل الساعه 9 الصبح أكون هناك والله كريم انشاءالله ادعولي بنات الله يسهل علي انشاءالله وأولد بالسلامه والله يسهل عليكم كلكم يارب.

:eh_s(11): نونيا خرعتيني حسيت أن ساعة الجد بدت
يارب يارب يهوون عليج الليله يارب ودام الدكتورة اسمحت لج تشربين
خروع توكلي على الله... بس اشلون الدكتوره اليوم بس لاحظت أن الماي
شويه ؟؟! انتي تراجعين اسبوعيا ولا ؟؟!!

 

[nonia]

:eh_s(11): نونيا خرعتيني حسيت أن ساعة الجد بدت
يارب يارب يهوون عليج الليله يارب ودام الدكتورة اسمحت لج تشربين
خروع توكلي على الله... بس اشلون الدكتوره اليوم بس لاحظت أن الماي
شويه ؟؟! انتي تراجعين اسبوعيا ولا ؟؟!!

لا حبيبتي لا تخترعين ولا شي , انا رحت لها بأول التاسع وتدرين انا كانو التوأم اللي بالحمله اللي قبل متوفين ببطني بعيد الشر عن الكل وكنت باول السادس عاد هلمره قالت لي انا ما راح أخليج تطولين بالحمله ولا تيين بعد اسبوع خليها اسبوعين عاد اليوم بالضبط صار لي اسبوعين وكانت قايلتلي امشي ساعه باليوم وسوي التمرين اللي تكرمين جنج على حمام عربي انا بصراحه ما مشيت وايد بس كنت أسوي هالتمرين مرتين باليوم لمدة أربع ايام ما سويته وايد واليوم بس راجعت سوت لي سونار جان تقولي انتي ما تحسين بطلق قلت لها احس بعوار بس ما اعرف هذا شنو ومرات يخف جان تقولي ترى الماي شويه على الياهل وقلت لها ما ينزل زايد جان تقول الحنفيه لو بتنقط بيخلص مايها وبس فحصتني قالت لي انتي فيج ولاده ووسعتني بعد زياده وقالت لي قبل لا تنامين شربي خروع والصبح انتي بالمستشفى ضروري والله بنات أحس الياهل جنه صخره ببطني وتييني الحين تقلصات بس قاعده ألهي نفسي وقاعده أحاتي الخروع ريحته تلوع الجبد قالت لي شربي القرشه كلها مع عصير منجا واحد أحس محتاجه 5 علب منجا يالله يضيع الطعم والله كريم انشاءالله بس قاعده أحاتي البيبي سألتني يتحرك 10 حركات باليوم قلت لها اي قالت خلاص وعطتني ورقة دخول وتقول لا تتأخرين عن التسع وبس أبي دعواتكم .

 

[nonia]

الله يسهل عليج يانونيا وتكون ولادتج سهالات بإذن الله
طمنينا عليج وبشرينا يالغاليه ...

حبيبتي ما قصرتي الله كريم انشاءالله يسهل علي وعليكم .

 

[شمس و قمر]

نونيا

الله يهون عليج ياقلبي وتفرحين بالنونو

اشربي الخروع مع عصير منجا كي دي دي تقول اختي الي توها والده ماحسيت فيه كللللللللللللللش

ماكو طعم مع منجا كي دي دي

اهي اهي اهي

خلاص بدا الجد

ان الاوان ودقت الساعه
وكل منااااااا شمّر بطنه

ههههههههههههههههههههههههههههههههه

 

[nonia]

بنات شوفو من كثر مو لايعه جبدي من الخروع ومالي قلب أشربه قلت خل أصوره وأحطه لكم صج ما عندي سالفه .

 

[شمس و قمر]

ملوكه

الف الحمدلله على سلامة الوالده وعقبال مانباركلج برجوع الوالد بالف سلامه

طمنينا عليج موتلهين مع الوالده وتنسينا

سلميلي عليها


رينبو

ههههههههههههه الله يعينج موكافي يكشت فيج ويتابع المباراة يعني لازم تقعدين تواسينه بعد؟!؟!؟

امس عاد امي حكمت علينا انا نشوف المباراة وتدعي ان الارجنتين يفوز اقولها يمه قبستي عليهم وخسروا

كل هذا عشان اخوي حبيب قلبها يشجع الارجنتين هههههههههههههههههه

الحمدلله زوجي مايتابع المباريات كللللللللللش كلللللللللللش الف الحمدلله

 

[nonia]

نونيا

الله يهون عليج ياقلبي وتفرحين بالنونو

اشربي الخروع مع عصير منجا كي دي دي تقول اختي الي توها والده ماحسيت فيه كللللللللللللللش

ماكو طعم مع منجا كي دي دي

اهي اهي اهي

خلاص بدا الجد

ان الاوان ودقت الساعه
وكل منااااااا شمّر بطنه

ههههههههههههههههههههههههههههههههه

حبيبتي شمس لو قايلتلي مبجر لازم كي دي دي جان شريت لأني أحب هالعصير وما أشتري منجا غيره

 

[شمس و قمر]

نونيا

ههههههههههههههههههههههههههههههههههههههههههههههه

الله يعينج يارب


اوش اوش

الله يعينا صج ماندري شنو نسوي بعد النفاس

وانا يوم اقول 8سنوات زواج

موقصدي اراقب الناس ابددددد

امس نتناقش بهالموضوع مع مرت اخوي وبنت خالي

اقولهم احلى ايام عمري قضيتها بالخمس سنين الي ماكان عندي فيها عيال

بس خرب علي العلاج والقلق والخوف

يعني لو كنت متأكده بيجيني عيال كان ماعندي مانع اقعد 8 سنين بدون عيال اتدلع على كيفي

الحين امي تقول شوفي ماكو حبوب وخرابيط الا لمن تجيبين ولد؟!؟!؟!؟!

يعني بالعربي تبيني اصير ماكينة تفريخ

 

[أوشال]

بنات شوفو من كثر مو لايعه جبدي من الخروع ومالي قلب أشربه قلت خل أصوره وأحطه لكم صج ما عندي سالفه .

خخخخخخ بدعتي نونيا

والله يعينج على طعمه ... بس ما قالت لج الدكتوره بتسوي لج طلق صناعي ؟؟ ولا اشبتسوي ؟؟
وين بتولدين نونيا ؟؟ قلتي حق امج باجر بتدشين ولادة ولا ؟؟

خلاص كل شي زاهب ...:eh_s(2):

 

[شمس و قمر]

نونيا

اختي الي توها والده موصيتها فوزيه القطان لازم كي دي دي تقول اهو اثقل شي مايبان فيه طعم