تكفون والله خايفة حيل من مشكلتي ووضعي مع زوجي

[كويتية ملاك]

مرحبا بنات شلونكم وشخباركم

انا صار لي متزوجة سنتين وماعندي عيال

اول شهرين زوجي مد ايده علي بسبة اختة
ورحت لاهلي وزعلت وتراضينا

ويعدين ردت الامور مستقرة وحلووووووووووووووووة حيل

وبعدهااااا تهاوشت انا وياه على سالفة تاااااااااااااااااافهه
وزعلت ورضيت


وبعدين ردت الامور الى مجاريهااااااااااااااااااااااا وتهبل

وبعدها بسنة تهاوشت هووووووووووووووووووووووووووووووووووووشه قوية حيل
زعلت عند اهلي وكبرتها حيل حيل والكل درى عنها
وبعد شهر ونص راضاني واهله راضوني ورجعت
والحين انا صار لي شهرين راده لزوجي

بنات انا خايفة حيل حيل
قاعدة ادور الحمل من دكتور لدكتور ومافيني شي ولاهو فيه شي
بس خايفة احمل منه خايفة حيل يرجع لطبعه ويمد ايده

شنو رايكم ؟؟؟؟؟توقعون تادب ولا لأ
بصراحة هو مافيه شي ينعاب كل شي فيه حلوووووووووووووووووووووووو
ومايقصر معاي
بس جد جد جد خايفة من حياتي معاه احس ودي ارجع واطلب الطلاق منه موقادرة انسى طقته لي الاخيرة
شنو رايكم؟؟؟؟

هذا يستحق اكمل معاه حياتي ولا شنو
لان بصراحة بخاطري طفل بس خايفة
ياليت وحده تفهمني وتكتب لي شنو اسوي؟؟؟؟؟

 

[3emya_Berry]

يا بعد عمري الحياه الزوجيه فيها العسل وفيها المر والمر اكثر من العسل ريلج لا تعلمينه يمد ايده عليج يا قلبي لان هذا غلط انا ريلي بحياتي مد ايده علي مرتين مره وانا حامل ومره سويتها قصه وقضيه ودخلت الاهل فيها وبغت توصل مخفر وطلاق لولا انا هديت وصكرت السالفه ورديت بيتنا بس من يومها والريال ما يمد ايده ولي عصب يطلع عشان يتفاده الهواش انا اقول لي الله بيرزقج نعمه ولي الله ما عطاج خيره وعسى ان تكرهو شيئا فهو خير لكم

 

[Tutti-Frutti]

نـطـري شـوي لا تـحـمـلـيـن الـحـيـن بـعـديـن تـتـدبـسـيـن

شـوفـي زوجـج اذا تـغـيـر ولا لا


ولا تـعـوديـنـه يـمـد ايـده عـلـيـج .. اذا تـعـود عـلـى هـالـشـي راح يـصـيـر عـنـده عـادي ووضـع طـبـيـعـي
خـلـج عـزيـزه نـفـس

واذا صـار بـيـنـكـم هـواش هـدي الـمـوضـوع ولا تـخـلـيـنـه يـوصـل لـي حـد الـطـق

والله يـسـخـرلـج زوجـج

 

[قلبي سلومي]

الله يرزقج
ويهديه الله

 

[منيرة خالد]

ديري بالج كثر التفكير والوسواس والمحاتات تأثر على الحمل وتأخره



انتي لازم تعرفين شنو السبب اللي يخلي زوجج يمد ايده عليج

مثلا لما يعصب انتي تراددينه وتزيدين من عصبيته >> انتي تتحملين جزء من المشكلة ولازم تغيرين اسلوبج معاه علشان ترتاحين


هل اهو من النوع اذا عصب بسرعه يستخدم ايده >>> هذا يبيله وقفه وتعهد منه انه يترك هالعاده


والله يسخر لج زوجج

 

[غلا ستايل]

تحملي يا قلبي وفهميه ان الطق ومد الايد مو تصرف رجولي
وان ياثر عليج وعلى نفسيتج فهميه هالحجي

 

[Tulips]

ديري بالج كثر التفكير والوسواس والمحاتات تأثر على الحمل وتأخره



انتي لازم تعرفين شنو السبب اللي يخلي زوجج يمد ايده عليج

مثلا لما يعصب انتي تراددينه وتزيدين من عصبيته >> انتي تتحملين جزء من المشكلة ولازم تغيرين اسلوبج معاه علشان ترتاحين


هل اهو من النوع اذا عصب بسرعه يستخدم ايده >>> هذا يبيله وقفه وتعهد منه انه يترك هالعاده


والله يسخر لج زوجج

معاها لازم تعرفين شنو سبب مدة ايده عليج عشان تشوفين اذا تقدرين تكملين معاه ولا لا

بعدين انتي الوحيدة اللي تعرفين زوجج واطباعه واذا كان مايتعامل الا بالطق ولا لا

و بالنسبه للحمال وكلي امرج لله وهو اللي بيرزقج دام مافيكم عيوب

والله يسخرلج زوجج

 

[*سوسو ستار*]

الله يهديه ويسخره لج يآآآآرب

 

[غزالي وبس@@]

الله يسخره لج ويهديه بس موضوع الطلاق دام الرجال زين شيليه من بالج بس لازم تحطين حد حق مدت ايده تدخلين كبار وعاقلين من اهله واهلج ويقول كلمه رجال انه ماعاد يعيدها

 

[المستغفرة 74]

مرحبا بنات شلونكم وشخباركم

انا صار لي متزوجة سنتين وماعندي عيال

اول شهرين زوجي مد ايده علي بسبة اختة
ورحت لاهلي وزعلت وتراضينا

ويعدين ردت الامور مستقرة وحلووووووووووووووووة حيل

وبعدهااااا تهاوشت انا وياه على سالفة تاااااااااااااااااافهه
وزعلت ورضيت


وبعدين ردت الامور الى مجاريهااااااااااااااااااااااا وتهبل

وبعدها بسنة تهاوشت هووووووووووووووووووووووووووووووووووووشه قوية حيل
زعلت عند اهلي وكبرتها حيل حيل والكل درى عنها
وبعد شهر ونص راضاني واهله راضوني ورجعت
والحين انا صار لي شهرين راده لزوجي

بنات انا خايفة حيل حيل
قاعدة ادور الحمل من دكتور لدكتور ومافيني شي ولاهو فيه شي
بس خايفة احمل منه خايفة حيل يرجع لطبعه ويمد ايده

شنو رايكم ؟؟؟؟؟توقعون تادب ولا لأ
بصراحة هو مافيه شي ينعاب كل شي فيه حلوووووووووووووووووووووووو
ومايقصر معاي
بس جد جد جد خايفة من حياتي معاه احس ودي ارجع واطلب الطلاق منه موقادرة انسى طقته لي الاخيرة
شنو رايكم؟؟؟؟

هذا يستحق اكمل معاه حياتي ولا شنو لان بصراحة بخاطري طفل بس خايفة
ياليت وحده تفهمني وتكتب لي شنو اسوي؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟
سؤال غريب بصراحة؟؟؟؟
واجابتة بس انتي الي تعرفينها .
اختي الحياة الزوجية موكلها حب ورومانسية الحياة الزوجية فيها المد وفيها الجزر وانتي القبطان الي يسيطر على السفينة .وكل فعل لة بالطبع ردة فعل المعنى : ما سالتي نفسج ليش ريلج مد ايدة عليج ؟؟؟
اكيد تعرفين .
اذا تبين نصيحتي حمدي ربج عالنعمة وكثري الاستغفار عشان الله يرزقج الذرية الصالحة ويسخر لج زوجج .وصدقيني عن تجربة الاستغفار يغير حياتج للاحسن باذن الله تعالى .
وديري بالج على بيتج وعلى ريلج دام انج تقولين انة زين وحبوب .قبل لا يفوت الفوت وما ينفع فية الندم .
وانت الي تقررين مو تخلين الناس الي تسير حياتج .( قولولي شسوي استمر معاة او لا )._shh_:
والله يوفقكم ويسخركم لبعض .

 

[*سوسو ستار*]

الله يهديه ويسخره لج


ويرزقج الذريه الصالحه انتي وكل محروم يآآآآآآآآآآرب

 

[شمعة_حزن]

السلام عليكم،،
حبيبتي أنا معاج صعب ان الريال يمد ايده على زوجته بس انتي حاولي انج ما توصلينه لهالشيء ،ادا شفتيه معصب لا تردين عليه ولا تعصبين ولا ترفعين صوتج،وادا مو قادره حاولي انج تلهين نفسج بأي شىء خلي المكان الى هو فيه وروحي مكان ثاني ولما يهدى الوضع تفاهمي معاه واخدي بالكلام الحلو والسياسه، والله راح تشوفين الفرق وهو راح ينسى سالفة الطق مع الأيام وتكونين كسبتي احترام نفسج واحترامه بنفس الوقت (انتي فرضي عليه انه يحترمج وبعدها الحب) واخديها نصيحة اخت لا تتكلمين يم زوجج أبدا عن أهله ولا تدمينهم ودايما تكلمي بالشيء الزين الى تشوفينه منهم،وانشالله ماكو الا كل خير هدي الدنيا يوم مر ويوم حلو ،وسالفة الطلاق لا تفكرين فيها أبدا وانتي اعترفتي انه انسان زين والحياة بدايتها صعبه للأن في اختلاف بالاطباع بس الحياة تمشي ادا في تنازل وحال أهو من حال ،والله يرزقكم بالدريه الصالحه بأقرب وقت ويهدي سركم ولا في داعي للخوف ماكو الا الخير وادا حبيتي تراجعين للحمال في د.ناهض حماديه بالمواساة وايد شاطر وهم د. خالده مجيبل برويال حياة.وموفقه انشالله
طمنيني عليج وانشالله ما أكون ضايقتج بكلامي أو ثقلت عليج لأني فعلا أتمنالج كل الخير وحسبيني اخت لج ولا تتضايقين من أي كلمه قلتها لج

 

[ريتااجي]

حبيبتي ترى الحياة الزوجية موكلها عسل

أكيد راح تمر لحظات وتتهاوشون بس مدت يده أنا ماأأيدها

ودامه بدا يطقج أول مرة أتوقع الحين كل مرة تتهاوشون راح يرجع يطقج

إنتي لو تكلمين واحد من أهلج أبوج أو أخوج يكلمونه ويفهمونه

وربي يهديه لج ويوفقج

 

[سعوديه مووت]

شوفي حبيبتي انتي بيدك هالشي انتي اللي تقدرين تخلين زوجك مايمد يده عليك لانو مافيه زوج يمد يده على زوجته الا تنرفز من شي او لحظتها قعدتي تردين عليه وهو يرد اكيد بيتنرفز ويمد يده ونصيحتي لك لو صارت اي هوشه لاتردين الزمي الصمت وربي ماراح يمد يده عليك حتى لوكان هو الغلطان لاتتكلمين وتراددينه وبعد مايهدا الجو اعطيه وجهة نظرك موفقه قلبو

 

[حنين المشاعر]

حبيبتى بديكى انتى تنهى هالصفه لما تتهاوشون استغفرى الله
وسكتى حتى لا يتتطور الموقف حتى يمد يده عليج
والله يسخره لج ان شالله

 

[احلى سماء]

عطيه فرصه اربع خمس اشهر شوفي طبعه
ولا تحاولين تستفزينه او تجيبين ضرب لنفسج خلج ساكته وعلاقتج رسميه معاه
واجباته سويها
وكلامج قد السؤال وخلاص وجاني في طلبات للبيت دزيله مسج او قوليله وخلاص شوفي عاد شلون ردات فعله وشيسوي

 

[غلاتي ديرتي]

اللللللله يسخره لج يااارب

 

[tolay]

غلط الريال يطق مرته لكن كل شي من البدايه اذا عودتيه من البدايه انه مايطقج ماراح يطقج

وقفيه عند حده اذا طقج مره ثانيه

وادعي بكل صلاة انه الله يهديه

ولاتحاتين كل شي يتصلح وان شاءالله مايرجع يطق

 

[حجيه هيونه]

الله يهديه ويسخره لج


ويرزقج الذريه الصالحه انتي وكل محروم يآآآآآآآآآآرب

انا معاها امين يارب

الله يهديكم اثنينكم لبعض

 

[ام هالدنيا]

حبيبتي عادي وشي عادي اذا مد يدة عليج اصلا ضرب الحبيب زي اكل الزبيب وزي العسل على القلب نصيحة اذا ضربج لاتردين علية وروحي الدار الثانية وخلية ولا تكلمين معة وبعدين راح يجيج بس موبسرعة باجر او بليل واكشخي وسوي شعرج والبسي ولما يجي لج يراضيج قولي لة انا الحين مالي غيرك بهالدنيا هذة انت عقب عين ابوي وانت اخوي وانت غضيدي في هالدنيا وانت زوجي وعمري وحبيبي والله انا خلاص ما اقدر استحمل بس علشان احبك استحمل والله لو ما احبك لو من زمان رايحة بيت ابوي بس المصيبة احبك واموت عليك وقومي لميه وبوسية وقولي لة اذا انا غلطانة انا اسفة وما ابي تعورني مرة ثانية وهم من كلة هذة لااحد يعرف انة يمد ايدة عليج علشان حمولتج ما يتشمتون عليج ديري بالج نصيحتي لج راح يقولون ما يحبة كل يوم لسانة طويل علية وهو مستحملة اثبتي انة يحبك ويموت عليج كل ما ينزل امسكي يدة ونزلي وية وخلية يقعد يمج موهو اللى راح يقعد يمج لا انتي قولي له قبل ينزل انا احب اكون يمك امانة اقعد يمي ما احب فراقك ابي احس اني لصقة فيك وجسدنا واحد لا تقعد بعيد ونزلي وراح هو يقعد يمج قدامهم ويقولون هو اللى قعد يمة مو هي وشذى تثبتين لهم انة يحبج وقولي لة اذا طلب منج شي قدامهم لبة يا عمري خليهم يموتون قهر ديري بالج صوتج لا يطلع بر ة ترى حماتج يمج وتسمعج واذا تبين تسمع كلامج تكونين تضحكين انتي وية بصوت عالي علشان تموت قهر الكلام لكم كلكم يا بنات المنتدى وموهي وبس وديري بالج تزعلين وتروحين بيت ابوج علشان مافي احد يدري بمشكلة واحملي وترى الياهل يقربكم من بعض اكثر وخلي ولدج انشاءالله قريب من ابوة وعلقية فية وخلية يحب ابوة اكثر منج علشان راح يحبة ابوة وثم ابوة يحبج ونصيحة روحي لصالون كل اسبوع وغيري في حواجبج مرة عريض ومرة ضعيف ومرة مكياج ناعم ومرة مكياج صارخ وشذى راح يحبج والمهم المعشرة خلية على كيفة لو كل ساعة وحسسية انج تبينة لو انتي ما تحبينة نصيحة ولو مالج خلق