ياروح الروح حبك فرضته فرض ياروح الروح اصبحت انت النبض

[سارووونه22]

قوووووه عليكم بنات اكيد احلاهم صارلها ظروف ماقدرت تنزل لنه بارت
احلاهم ناطرينج حبوبه ولاتضغطين على عمرج متى ماقدرتي نزلي البارت

 

[حقووقيــــــه]

ناطرينج احلاهم

--

 

[anomy]

وينج عسى ماشر

 

[JaN JaN]

نحن في الانتظار

 

[@أحلاهم وأتحداهم@]

صباح الخير ياحلوات ادري طولت عليكم بس مو بيدي
امس ريلي سوا فيني فلم وسحب الاب مني واي شي احاول فيه مارضى يعطيني الاب يقولي انا اهم من البنات ههههههههههه
اشسوي اكتشفت انه يغار منكم بعد ههههههههههههههههه عاد انا ماقدر على زعله

 

[A7la Jekra]

looooooooooooooooooooooooooooooooool
allllaH Y5lekm 7g b3'9

 

[@أحلاهم وأتحداهم@]

الذين تشاهدون محتوى الموضوع الآن : 41 ( العضوات 12 والزائرات 29)
‏حقووقيــــــه, ‏.sadtear., ‏@أحلاهم وأتحداهم@, ‏ميمي كات, ‏almost famous, ‏hakokaa, ‏حمايم قلبي, ‏جيكوو, ‏ma3boocha, ‏meemeeyoo_2, ‏قلب مهموم, ‏كيكة حبيبي


--
ماشاءالله ;p

هههههههههههههههههههه المنتدى مخرف من قلب اشلون اسمي ومجود وانا الاب ماكان عندي ههههههههههه
بنات عظم الله اجركم بالمنتدى

 

[حبي الاول]

ناطرينج حتى من البي بي قمت ادش اشوفج نزلتي بارت او لا القصه عجيبه تسلم ايدج

 

[@أحلاهم وأتحداهم@]

looooooooooooooooooooooooooooooooool
allllah y5lekm 7g b3'9

تسلمين يقلبي

 

[@أحلاهم وأتحداهم@]

ثواني ونزل البارت

 

[@أحلاهم وأتحداهم@]

البارت 42



الصراخ علا بالمستشفى الكل يبجي طلال طايح بصوب وعبدالله دخلوه اقرب غرفه وعطوه مهدء...ولجين داخل غرفة العمليات بين الحيات والموت



بعد ثلاث ساعات
الكل كان واقف عند باب غرفت العمليات الي يدعي والي يبجي...وطلال بغرفة الملاحظه أهوا وعبدالله..واميره وساره وعمار ودلال وزيد موجودين عندهم
طلال بطل عينه ورد سكرها
اميره:ماتشوف شر يالغالي
دلال وهيا تبجي :طلال خوفتنا عليك
طلال رد فتح عينه:لجون
زيد:ليلحينها بغرفة العمليات
طلال غمض عينه ونزلت دمعته:يارب اخذ عمري بس خلها تعيش
أميره :اسم الله عليم لا تقول جذي وانشالله لجون اتقوم بسلامه...وكل شي يرجع مثل الاول واحسن
دلال:طلال لاتقول جذي اذا انت صار فيك شي لجون بتتعذب اكثر لاتنسى انها متعلقه فيك وايد ..انشالله اتقوم بسلامه

ساره تبجي:عمار عفيه روح شوف شصار عليها والله قاعده اموت ابمكاني
عمار:انشالله

عند باب الغرفه
راشد كان قاعد يقرا قرآن وهوا يبجي ... صوته كان عذب ..وشيخه وعاليه قاعدين عنده يسمعون ويدعون...اما عبير كانت قاعده على الارض ومريم حاطه راسها بحظنها وتبجي كانو قاعدين عند باب غرفة العمليات وعبير .. مغطيه ويها وبس تبجي ...وسالم قاعد على اعصابه وكل اشوي يهدي عبير ويروح يطل على طلال...حنان كانت رايحه وراده بالممر تبجي بصوت عالي وعبدالرحمن يهدي فيها...
عمار كان ياي من بعيد حنان من شافته راحتله بسرعه
حنان:يمه ادخل وطمنا عليها طولو وايد
عمار :انشالله عمتي
وهوا رايح صوب غرفة العمليات الباب تبطل وطلع الدكتور وهوه مبتسم.....الكل راح عنده بسرعه
راشد بخوف:دكتور بشر
د.محمد:انت ابوها
راشد:لا انا عمها
د.محمد:والله مادري شقولكم ..الي صار اكبر من اني اسميه معجزه
عبير:لجون صار فيها شي
د.محمد:ماأجذب عليكم حالتها كانت خطره وايد بس الحمدالله الله كتبلها عمر يديد بآخر لحظه...الحمدالله على سلامتها
الكلهم استانسو والبجي تحول لي يباب ودموع الفرح
راشد:مشكور وماتقصر والي تامر فيه انا تحت امرك
د.محمد:انا ماسويت الا والواجب...وين د.عبدالله خل ابشره
عبدالرحمن:والله ماندري عنه
عمار:بغرفة الملاحضه
د.محمد:بس محتاجين احد يتبرعلها بدم الانها فقدت نسبه كبيره من الدم فياليت اتروحون اتسون تحاليل ..بسرعه
الكل انشالله
عاليه:دكتور اهيا شنو صار معاها بضبط
د.محمد:انقطاع احد اشراين عندها أثناء الولاده وهذا ادا الي حدوث نزيف حاد بس الحمدالله الله كتبلها عمر يديد
عبير :ومن شنو صار معاها جذي
د.محمد:حجم الياهل كان كبير وايد ولاتنسون انه ميت يعني ولادته اصعب بوايد...مع الضغط انقطع عندها الشريان

سالم:الف الحمدالله على كل حال
د.محمد:الحمدالله على سلامتها
الكل:الله يسلمك
عبدالرحمن:مشكور وماقصرت
د.محمد:هذا واجبي ..عن اذنكم
الكل:حياك
عمار :خل اروح ابشرهم
حنان:يمه عبدالله شلونه الحين
عمار:عطيته مهدء الحين نايم
عبير:الحمدالله يارب بروح اصلي ركعتين شكر
راشد:اي والله لازم كلنا انصلي ركعتين شكر لله

عبدالرحمن:لازم انسوي التحاليل بالاول يمكن يحاجون الدم بأي وقت
سالم:صاج... يالله قومو بسرعه
عمار :انتو روحو وانا الحقكم بعد اشوي


عمار راح غرفة الملاحظه علشان يبشرهم
ساره:في اخبار يديده ؟
عمار وهوه يبتسم:اي الحمدالله عدت مرحلة الخطر
دلال وهيا تبجي:وااااي الله يبشرك بالخير
طلال قام من مكانه
أميره:وين بتروح انت ليلحين تعبان
طلال:ابي اروح اشوفها ..اول مره احس انه صارلي دهر مو شايفها...ودموعه تزل الحمدالله يارب الف الحمدالله وشكر لك يارب
عمار:انت ارتاح الحين اهيا ليلحين بغرفة العمليات واذا طلعوها بيودونها العنايه المركزه
طلال:انت موتقول مافيها شي
عمار:اي الحمدالله بس لازم يودونها غرفة العنايه لمدة 48 ساعه
طلال:يعني ماراح اشوفها الا بعد يومين
عمار:اذا صحت قبل اليومين بيطلعونها انتو بس ادعولها الله يقومها بسلامه...وعلى فكره احنه محتاجين حق متبرعين بدم ..الي فصيلة دمه اطابق فصيلة دمها يروح يسوي تحاليل بسرعه الانهم محتاجين دم
طلال:انا دمي يطابق دمها
عمار:انت ارتاح الحين مانقدر نسحب منك دم لي صحصحت انشالله نسحب منك
طلال:انا مافيني شي
عمار:طلال الله يهداك ترى الكل يبي يتبرع لها مو بس انت ولاتخاف راح ناخذ منك الانها فقدت دم وايد وحتاج اكثر من 6جياس دم
ساره:والله 6اجياس ..هذي ناشفه على الاخر
عمار:واذا مو اكثر لاتضيعون الوقت قومو بسرعه سوو الفحص
الكل: انشالله
طلال:اميره انتي روحي سوي الفحص لا تقعدين هني
أميره:ماقدر اخليك بروحك..انطرهم ايون بعدين اروح
طلال:بس لازم اتسوين اتحليل
أميره:من غير ماتقول لجون اختي
طلال:الحمدالله انها عندت مرحلت الخطر
أميره:ماتوقعتك متعلق فيها جذي
طلال:فوق ماتتخيلين...لجون كل شي بنسبه لي كل شي امي ابوي اختي بنتي صديقتي حبيبتي كل شي ...والي خلاني اتعلق فيها اكثر ضروفنا المتشابه...وفوق كل هذا يوسف الله يرحمه موصيني عليها
أميره:طلال جني بديت اغار
طلال يبتسم:كيفج والله.... بس لجون غير محد يقدر ياخذ مكانها
أميره:الانها طيبه وحبوبه وتستاهل كل خير

بهالوقت عبدالله قعد
عبدالله بطل عينه ويلتفت حوالينه ماشاف احد غير اميره واقفه عند طلال ...بصوت واطي:اميره
أميره:عبود انت قعدت حمدالله على السلامه وابشرك لجين بالف خير
عبدالله ابتسم:الحمدالله...اميره ناديلي عمار بسرعه
أميره:انشالله...ودقت على ساره
ساره:الووو
أميره:سارونه نادي ريلج عبود قعد ويبيه بسرعه
ساره:اوكي ...الحين اقوله

بعد دقايق
عمار:خطاك السوو
عبدالله:خطاك اللاش....عمار ابي اروح اشوفها
عمار:توني اقول حق طلال مايصير اهيا الحين ودوها العنايه وبيخلونها 48 ساعه
عبدالله قام وقعد:شفتها تموت جدام عيني وماقدرت اسوي شي
عمار:د.محمد والستاف الي معاه ماقصرو
عبدالله:المنظر كان يخوف دمها مطشر بكل مكان
عمار:عبدالله الحين اهيا بخير والحمدالله لاتفكر بالي شفته
عبدالله:الحمدالله رب العالمين وقام راح على سرير الي كان نايم عليه طلال
طلال:الحمدالله على سلامتك
عبدالله:الله يسلمك وانت بعد حمدالله على سلامتك...طلال مابي احد يقولها عن الي صار ودموعه نزلت
طلال:استغفر الله ربي واتوب اليك ..الي قاعد يصير للبنت محد يقدر يتحمله ...والله مادري اذا درت شبيصير فيها بعد
عبدالله:اهم شي صحتها الحين والياهل بداله عشره ...بس ماب احد يقولها الحين اي شي عن الموضوع
طلال:عبدالله ودني عندها ابي اشوفها
عبدالله:مو بس انت الي تبي اتشوفها حتى انا ...بس عطني نص ساعه ..وبعدها بنروحله ...عمار اطلبلنا ويل جير
عمار:انتو من صجكم اثنينكم تحت تأثير البنج ليلحين
عبدالله :عمار بنروح بالويل جير مو على ريلنا
عمار:ماكو طلعه الا بعد نص ساعه
عبدالله :عمار
عمار:بشوف كلامي ولا كلامك ياعبدالله

عمار كلامه اهوا الي مشى عليهم...عمار حط عليهم حراسه مشدده من السسترات... بعد ساعه عبدالله كان معصب وقاعد على اعصابه وطلال نفس الشي
عمار دخل عليهم وهوه مبتسم :يالله افراج
عبدالله جنه ماصدق:طلال بسرعه قبل ماحط علينا حراسه ثانيه
طلال وعبدالله قامو وبسرعه راحو فوق ....صوب قسم العنايه المركزه...مريم وسالم وراشد كانو خالصين من التحاليل وصاعدين فوق على امل انهم يدخلون داخل
مريم من شافت عبدالله ينت وقامت اتصارخ وتبجي:كل منك انت السبب بتعاستها ....ليش كل هذا مو حرام عليك وهجمت على عبدالله بتطقه...بس راشد وسالم وخروها عنه

مريم تبجي وتصارك:الله ياخذ حق هل يتيمه منك انشالله ماتشوف يوم حلو بحياتك ..انشالله تموت انت وخلودوه ونفتك منكم بيوم واحد
راشد بصوت علي:مريم عيب يبا شهل كلام الي تقولينه
مريم تبجي وتشاهق:خالي لجون كل يوم تموت اكثر من اليوم الي قبله...خالي عبدالله ذبحه بس الحمدالله انه بنتكم ماتت علشان تتطلق وتفتك منك
راشد مسكها وخضها بقوه:مريم سكتي خلاص
مريم:ماراح اسكت انشالله تموت انشالله تموت

عبدالله :عمي خلها الله يلوم الي يلومها
مريم:جب ولا كلمه انت كفو تاخذ لجون انت المفروض تاخذ خلودوه علشان اتطلع عينك مو هل مسكينه

طلال بصرخه:مريم خلاص محنه ناقصينج انتي بعد
عبدالله كمل طريجه
طلال:صبر بدخل معاك
عبدالله:انا ادخل واشوف الوضع وبعدين انت ادخل...ودخل عبدالله الغرف هالي قبل غرفت العنايه ...لبس اللبس الخاص ..وبعدها دخل الغرفه...كانت خطواته ثقيله قصب يمشي...اول مره اييله هالشعور المخيف قلبه يطق بقوه ..رعشه بكل جسمه ....وصل صوب السرير الي كانت نايمه عليه
كان شكلها مخيف...ويهها اصفر مثل الكركم جنه مافيه نقطة دم والاجهزه عليها ...وجياس الدم حولها بكل مكان كانو حاطيلها اكثر من 5اجياس بوقت واحد ...لازم يرجع الدم بجسمها بسرعه
عبدالله راح صوبها وباس راسها بقوه وبعدها باس خدها ....سحب ايدها من تحت الغطا كان ناوي يمسكها بس ماقدر...ايدها كانت متروسه ابر
عبدالله قعد على الكرسي الي يمها ودموعه تنزل:حبيبة قلبي والله شلون جسمج هالضعيف متحمل كل هالاجهزه والابر
السستر:د.عبدالله مايصير تطول عندها
عبدالله:انا بطلع الحين وعمها بدخل بس برد اقعد عندها لين تصحى
السستر تبتسم
عبدالله طلع بره:طلال تفضل
راشد:عبدالله ممكن ادخل معاه
عبدالله:لا مايصير اكثر من واحد
راشد:طلال طمني عليها
طلال:انشالله
عبدالله:طلال اذا موبايلك معاك عطه حق اي احد
طلال:مريم اخذي تليفوني
مريم:انشالله

دخل طلال ومن شافها على هل حال ماقدر يمسك نفسه وقع يبجي مثل الياهل ...عبدالله ماقدر يتحمل الوضع وقعد يبجي معاه
السستر:د.عبدالله مايصير جذي قاعدين تبجون على راسها ...وطلعتهم بره
راشد شافه يبجون اخترع:صار شي ثاني بعد
طلال يمسح ادموعه:شكلها يقطع القلب ..لجون وين وهل بلاوي كلها وين
راشد:هذا نصيبها والحمدالله على كل حال...وروح سو تحليل دم ابسرعه
طلال:انشالله
د.محمد:د.عبدالله حمدالله على سلامتك وسلامة المدام
عبدالله:الله يسلمك ومشكور وماقصرت


ثاني يوم الصبح
عبدالله كان قاعد عند لجين بغرفت العنايه ..طلال واقف عند الباب وكل ساعتين يدخل 10 دقايق ويطلع

بغرفة العنايه
لجين افتحت عينها وكانت حاسه بتعب موقادره تتحرك من كثر الاجهزا الي عليها ...كانت اطالع المكان ومو عافره الي صار ...وهيا تتلفت شافت عبدالله قاعد على الكرسي الي يمها ومجتف ايده ونايم
لجين بصوت واطي :عبدالله
عبدالله ماسمعها وكان بسابع نومه
لجين ارفعت صوتها شوي:عبدالله
عبدالله اتبه وبطل عينه بسرعه :لجونتي حبيبتي والله .....الحمدالله على السلامه
لجين:ابي ماي
عبدالله وهوا يبتسم :تامرين امر ..ويابلها ماي مقطر صغير ...وقام يقطر بحلجها....بس ولا بعد
لجين بصوت واطي:بس
عبدالله يكلم السستر: Nurse call doctor mohammed please
السستر: Okay doctor
عبدالله:لجونتي شلونج الحين
لجين:وين طلال
عبدالله:طلال بره واقف
لجين:ابي اشوفه
د.محمد:صباح الخير
عبدالله :صباح النور
د.محمد:لجين اشلونج الحين انشالله احسن
لجين:الحمدالله بس مهدود حيلي
د.محمد كان يشوف ملفها :لا الحمدالله احنه وين كنا او وين صرنا
عبدالله:الحين انطلعه من الغرفة العنايه
د.محمد:الحمدالله كل شي تمام وماتحتاج تقعد اكثر بالعنايه
عبدالله:الحمدالله

بعد ماشالو كل الاجهزه الي عليها طلعوها من العنايه اودوها غرفتها

طلال: الحمدالله على السلامه....الحين روحي ردت ابمكانها ...وباس راسها
لجين تبتسم
عاليه :يابعد عمري والله خوفتينه عليج
عبير:عبدالله نقدر اندخلها الحمام انبدلها الحين
عبدالله:لا خلوها بعد ساعه اخاف اتدوخ
راشد وعبدالرحمن وحنان توهم واصلين :السلام عليكم
الكل:وعليكم السلام
راشد:يقولون القمر طالع بنهار بس ماصدقت لمن شفت بعيني ..الحمدالله على السلامه
لجين بصوت واطي:الله يسلمك عمي
طلال:الحين اتردين عليه وانا لا انزين يلجون الايام بينا
لجين تبتسم
عبدالرحمن:يبا اشلونج الحين
لجين:الحمدالله..ولفت ويها على طلال ...شفت بنتي
طلال قلبه يتقطع:اي شفتها
لجين:حلوه...وينها ابي اشوفها يبوها لي ...ماني قادره انطر ابي اشوفها
الكل ساكت ومحد عرف يرد عليها ...موقادرين يقولولها انه بنتج انولدت وهيا ميته
لجين الخوف تسلل لي قلبها ...حست انه فيها شي ..قلب الام:بنتي فيها شي
راشد راح وقعد عندها على الفراش وخذا راسها وحطه على صدره وماكان عارف من وين يبدي:لجون انتي بعدج صغيره والعمر جدامج
لجين اتقاطعه:بنتي فيها شي
عبدالله ماتحمل اكثر هدهم وطلع بره...طلال قعد على الطرف الثاني من السرير ومسك ايدها
راشد سكت فتره وبعدها:انتي مؤمنه وتدرين انه الموت حق ومثل ما الله يعطي اهوا الي ياخذ
لجين مومستوعبه :يعني شنو
راشد ياخذ نفس عميق:لاحول الله ...لجون انتي كنتي بين الحيات والموت وبنتج عطتج عمرها وانتي عشتي بدالها
لجين:بنتي ماتت
طلال يمسح على ايدها ودموعه تنزل:لجون انتي بعدج اصغيره واتقدرين اتيبين غيرها
لجين من الصدمه ماتكلمت ولا كلمه وحتى دمعه مانزلت


بعد سبوع لجين اطلعت من المستشفى وراحت بيت طلال وحالتها من سيأ الي اسوء ..حرارتها كله مرتفعه (اصخونة حليب)....كله ساكته ...حتى الاكل ماقامت تاكل ونومها قليل والغريبه انها من يوم اسمعت انه بنتها ماتت مانزلت لها دمعه...وكله سرحانه.... بهل وقت لجين كانت توها نايمه

مريم بصوت واطي:نامت
عبيربصوت واطي:اوووش...امشي نطلع بره ....وطلعو بره

عبير ومريم اقعدو بصاله الي قبال غرفت لجين

عاليه :ليشط لعتو من الغرفه الحين تقعد وماتلاقي احد حوالينها
عبير:لا توها نايمه
مريم:والله هل بنت ماتترقع .....يما مايصير جذي اكيد في شي
عاليه:مافيها شي بس نصيبها جذي
عبير:الا قولي عين ماصلت على النبي
مريم:لامن دراستها ولا من ريلها ولا من بنتها
عبير:ليش اهيا ماخلصت دراستها
مريم:لا وين كان عندها انذارات وايد وفصلوها
عاليه:وييييي متى
مريم:طلال امس قالي
عبير:لا حول الله
عاليه:والحل ماتقدر ترجع الجامعه الحين
مريم:لاء الا اذا بتدرس على حسابها
عبير:اي خل تدرس على حسابها مافيها شي ..بس المهم تدرس
عاليه:عبدالله مابين من طلعنه من المستشفى
مريم:خل يولي زين والله ان شفته ياي هني حشيت ريله
عبير:مريوم شهل كلام هذي مرته لازم اي يتطمن عليها
مريم:خالتي سكتي بس لحد يسمعج وصدق
عاليه:مريوم اشفيج قلبتي عليه مو انتي الي كنتي تقنعينها تردله
مريم:كنت غلطانه عبدالله مايستاهلها وكافي كل الي يصيرلها من تحت راسه
عبير :وهوا شدخله
مريم:شلون شدخله لجون اكرهت الطلعه بسبته ...وماقامت اتروح مراجعاتها الاخيره الانه كان يلحقنا بسياره...ويدخل عليها غرفت الفحص
عبير:مافيها شي
مريم:واي انتو ليش جذي هذي مو بنتكم...ولا عبدالله ولدكم وهيا بنت الناس
عبير:مريوم حبيبتي الزواج لازم في انواع واشكال من المشاكل ومو من اول مشكله بينهم انقوله طلقها ترى البنت مو كل يوم لها ريل

وهما يسولفون اسمعو صراخ لجين من الغرفه وراحولها ركض...عبير بطلت الباب وراحت اقعدت عندها على الفراش ولمتها
عبير:اسم الله عليج يما
لجين تبجي وتشاهق:عمتي ودوني المقبره بنتي يوعانه
عاليه :لجون حبيبتي بنتج الحين طير بالجنه
لجين:عمتي والله لحمت فيها تبج يوميته من اليوع ..وتمسك ايد عمتها عاليه...عمتي الله يخليج وديني المقبر
عبير:مريوم دقي على راشد ولا طلال بسرع
لجين تبجي وتصارخ:مابي احد ابي بنتي ودوني المقبر ليش دفنتوها تخت التراب الحين تختنق
عبير:يما مايصير جذي استغفري ربج كلنا ماشين بهدرب ومحد فينا بضل
لجين:عمتي ابي ارضعها صدري يعورني ...عمتي بلبسها هدومها الي شريتهم...ابي العب معاها واناغيها ...ليش تروح وتخليني مو كافي امي وابوي
عبيرتبجي:بس يما بس والله قطعتي قلبي
عاليه:عبير خليها اطلع الي بقلبها مو زين تخش الحزن بقلبها اكثر من جذي
لجين:عمتي عفيه يبيها بس ابي اشوفها وبعدين ردو دفنوها عمتي الله خليج ابوس ايدج وريل جابي اشوفها ابي المها ...تعبت والله تعبت ليش كل الي احبهم يخلوني بروحي ....ليش كل هذا يصير فيني
عبير:لجون الله اذا حب العبد ابتلاه

مريم اطلعت دقت على طلال بس مارد عليها الانه كان بالمحاضره ...ودقت على راشد ...وراشد دق على عبدالله....بعد ثلث ساعه عبدالله وصل

عبدالله:السلام عليكم
الكل :وعليكم السلام
لجين من شافت عبدالله هسترت اكثر:اطلع بره كله منك ...كل الي يصير فيني بسبتك ...برا
عبير:لجون حبيبتي هدي شوي
عبدالله كان يايب معا هابرة مهدء:عمتي مسكي ايدها عدل لاتتحرك
عبير:انشالله
لجين:مابي ابره اذلف بره
عبدالله عطاها الابره ...وبعدها بشوي نامت
عبدالله:عمتي شلي صار
عبير:قامت من النوم تصارخ اتقول ودوني المقبره ابي ارضع بنتي
عبدالله عينه غورقت وضل يطالعها وهوه ساكت
عاليه:الله يصبرها انشالله...وعوضكم بغيرها
عبدالله بقلب مكسور:آمين
لجين ضلت على هل حاله شهر كامل كل يوم اتفز من النوم وتبجي تبي بنتها ...وعبدالله كل مابغا يشوفها منعوه الانه من اتشوفه تتعب اكثر ...وبيت طلال ماكان يخلا كلش ماكنو يقدرون يخلونها بروحها
ساره كل يوم اتي تقعد عندها ساعتين وتمشي وحنان وعبدالرحمن نفس الشي...بس اميره ماكانت اتي الانها بدت اتغار من لجين وايد الانه طلال مجابلها على طول وكاشت بأميره ..والي زاد الطين بله انه طلال اجل العرس 3 اشهر
أميره اتكلم طلال بتليفون:طلال من صجك ليش اجلت العرس
طلال:حلفي والله شنو ليش اجلت العرس انتي شايفه حالت لجون كل يوم اسوء من الي قبله شلونا سوي عرس وبنت اخوي جذي
أميره:اي مافيها شي كلها ليله
طلال بعصبيه:وليله هذي مو فرح مو الكل بكون مستانس ..قالولج ماعندي قلب اسوي عرس وولجون تعبانه وحالتها حاله
أميره:طلال مايصير جذي انت 24ساعه معاها وانا ماتدري عني ...شنو اهيا ماعندها اهل غيرك
طلال بصراخ:اميره تكلمي عدل فاهمه ...وانا اول ماخطبتج حطيتلج النقاط على الحروف وقتلج لجون بحياتي خط احمر محد يقرب منه وانتي وافقتي شلي يغير الحين
اميره:طلال والله مايصير جذي ابي اشوفك اقعد معا كانا لي حق مثلها
طلال:اوووه انتي الحجي ضايع معاج احنا وين وانتي وين ...اميره انا الحين مو فاضي باي
أميره :اكيد مو فاضيلي روح روح لاتتأخر عليها ...وصكته بويها
طلال انصدم من ردت فعلها:ماتنلامين اخت الزفت عبيد

بشقة عبدالله
اميره:لاعت جبدي 24ساعه مجابلها
عبدالله:اميره هذي بنت اخوه
اميره:وانت موريلها ليش ماتجابلها
عبدالله :شتبين الحين خلصيني
أميره:بلادل ماتقعد تتبجبج مثل الحريم روح ردها
عبدالله عطاها طراق
أميره حاطه ايدها على خدها منصدمه
عبدالله:هذا علشان تصحين شوي انا مادري شلي غيرج مو هذي لجين لي كنتي تحبينها شلي قلبج عليها
أميره:صايره مثل الشريجه ماخذه ريلي مني ماتبيني اتغير...وهدته ونزلت

نهاية البارت

 

[MeeMeeYoo_2]

اميره لالا ما اتفقنا على جذي @@
تطلقتي مره لا تتطلقين مره ثانيه المره مو كل يوم لها ريل @@

ولجين حرام عورت قلبييي

انشالله ترد طبيعيه وترد حق عبدالله
يعطيج العافيه

 

[قلب مهموم]

واااي عورتي قلبي ودمعتي بعيووني

بس هم طمنتيني على لجين

والله ما تنلام والله يعينها

ننطر التكملة وربي يستر بس

مشكورة ويعطيج العافية

 

[so_what]

البارت عوااااار قلب ‏:‏( ‏,‏ يسلمووو ناطرينج

 

[@أحلاهم وأتحداهم@]

انا برب بكتب البارت الثاني قبل مايطيح علي بعلولي خخخخخخخخخخخخخ

 

[DreaMo'O]

بييه تكسر الخاااطر لجيين


يعطييج العافيه حبيبتي احلاهم عالبارت

 

[Zozαĺiиaђ]

وااا ي اشوا الحمدلله على سلامة لجون
و انشالله تعدي الحالة الي اهيا فيها الحين
و ترتاح

و شفيها اميرة قلبت @@
ما تفقنا على جي اتعدت خط طلال 1 الاحمر

احلاهم الله يخليلج ريلج و يخليه لج طول العمر

يعطيج العافية حبيبتي
ناطرينج !

 

[M!Ss_No0oNa]

مــــــــــشكورة وايد احلاهم و اتحداهم الروايه اكثر من روووووووووووووووووووووووعة
بس يلا ابيهم يردون حق بعض حرااااااااااام ....
و جم بارت باقي على النهاية ما فيني صبر صراحه :sfg:

 

[readflawer]

redflower : ويينج من زماااااان ؟؟؟
ولهناا عليييج :*
--
ماكو روايات ثانيه بالطريييج؟ :$

هلا بمحاميتي اشلونج شخبارج

حياتي والله ماياني الالهام ليما الحين كتبت بارتين ووقفت

لان قصة ريم نشفت مخي ههههههههه

 

[readflawer]

الذين تشاهدون محتوى الموضوع الآن : 26 ( العضوات 6 والزائرات 20)
‏readflawer, ‏.sadtear., ‏حقووقيــــــه, ‏روان العلي, ‏روح ابوها, ‏نجاح بلا حدود


واخيراااااا طلع اسمي هاهاهاها


احلاهم عزيزتي ابدعتي خليتيني ابجي من قلب

وااااااااي فرقا الضنى مو سهله ياقلبي عليج يالجين

واميره خليها تهدى شوي انا ماالومها بس لازم تقدر الظروف شوي مرحله وتعدي وبتشبع من طلال واللازم منه ههههه