امهاات ساعدووني ولدي والخصيه المعلقه امهات الأولاد ساعدوني منو عندها فكره؟؟

[تعبت ياذالصباح]

السلام عليكم ورحمه الله وبركاته
شلونكم أمهات
انا رحت لعلاج لولدي لمستشفى الفروانيه بمرض ثاني
وسوووله فحص من راسه لرجليه واكتشفوا ان الخصيه معلقه وحده منهم اليمين موجوده واليسار معلقه
والمشكلهم مايدرون وينها لازم سونار وعطوني موعد لسونار وتحويل لأبن سينا بعد السونار
المشكله عزيزاتي انا ماعندي فكره عنها وهل فيها خطوره عمليه وشق وجذي
لأني سويت بحث عنها
واكتشفت اذا خليتها يصير جذي بولدي
وتدرون بعد احنا امهات ونخاف من عبث الدكاتره
ارجوكم امهات فيدوني والله اني حيل متضايقه
ما المشاكل التي يمكن ان تتعرض لها الخصية غير النازلة اذا بقيت في البطن ؟

يمكن ان تتعرض الخصية غير النازلة للإنفتال اي ان ترويتها الدموية تنقطع بسبب انفتال الاوعية المغذية للخصية و يصاب الطفل عندها بالم شديد ناحية الخصية و الصفن و يجب عند الشك بهذه الحالة ان تقوم باسعاف الطفل مباشرة الى طبيب الاطفال او الى المشفى لان الخصية المنفتلة غير المعالجة قد تتموت و تصبح عاطلة عن العمل و يعالج انفتال الخصية بالجراحة

و يمكن ان تتعرض الخصية غير النازلة للضمور و عدم القدرة على إنتاج النطاف و قد يصبح الطفل عقيما اذا كان لديه خصيتان غير نازلتان وتأخر إنزالهما لفترة طويلة و هناك ايضا احتمال التحول نحو الاورام في حالات قليلة اذا لم يتم انزالها

المعالجة : يمكن ان يستفيد الطفل من اعطاء الهرمونات لانزال الخصية اذا كانت قريبة جدا من الصفن و اكثر الحالات تحتاج للعلاج الجراحي و العمر المفضل لإجراء العمل الجراحي هو ما بين عمر سنة الى سنتين

أمهات منو نفس حاله ولدي وسووله نزول بالخصيه؟
وهل لها أضرار؟
تكفون امهات ساعدوني عزيزاتي اكيد حاسين فييني
ولدي بعمر سنه وشهرين
أتوكل على الله واسويها والا أصبر
لأني يقولولي مو زين تصبروون تتلف الخصيه
1-الضمور2-تصبح عاطلة عن العمل لأن تكوين الحيوانات المنوية يحتاج إلى درجة حرارة أقل من درجة حرارة الجسم
3-حدوث أورام فيها
أسم الله على وليدي


منو عندها فكره؟
تكفووووووووووووون ساعدوني شسوي؟؟

 

[تعبت ياذالصباح]

وينكم امهات

 

[ام اغلى الناس]

يا قلبي الله يخليه لج
بغيت اعرف .... الخصيه المعلقه ما تبين بالنظر؟ يعني ما كنتي ملاحظه شي مو طبيعي؟
و شنو اسم هالفحص اللي بينه؟
اذكر وحده تقول انا تأخرت ب طهور ولدي لانه كان فيه خصيه معلقه
لكن ما اعرفها ما شفتها الا مره ف ما اقدر اسالها
بس الاحسن تروحين تتأكدين بالخاص واذا صج توكلي و سويها

 

[حروف من ذهب*]

سؤال انتي طهرتي ولدج ؟؟

والصراحه ما عندي خلفيه عنها والله يخليه لج وما يشوف شر

 

[om mido]

الخصية باللمس تبين اذا موجوده ولا لأ بس الظاهر الطبيب ما شافها فعشان جذيه بسوي السونار عشان يتاكد انها موجود

وعقب اتوقع راح يسووله عملية عشان ينزلونها بمكانها

لا تخافين عمليه بسيطه ان شاءالله نفس اليوم يطلع يعني ما ينام بالمستشفى

انا ولدي كانت عنده الخصية مو نازله وقالولي ننطر ليه يصير عمرة سنتين اذا ما نزلت راح يحتاج عملية والحمدالله سويتله العملية والحين ولدي عمره 9 سنين وكل شي طبيعي
فلا تخافين ان شاءالله ماكو الا العافيه والحين بعد اعتقد ما ينطرون ليه سنتين بس سنه ونص ما نزلت راح يحتاج عمليه
الله يسهل ويقومه بالسلامه ان شاءالله

 

[مـيـراس]

كم عمرة ولدج؟؟ انا اقول لحقي عليه قبل ما تذوب بالجسم لان لها درجة حرارة معينه واذا ما عالجتيه من صغرة وشفتي له صرفة وطنشتيها راح تصير اورام اذا كبر
عالاقل حتى لو انها ذايبة لا سمح الله يقدرون يتصرفون ويشيلونها
وهذا كله قبل ما يتم سنتين من عمره

جذي قالو لولدي

ترا السالفة مو خطيرة وسهالات ولا فيها شي

مجرد منظار والعملية ما تاخذ ساعه يمكن نص ساعه بعد

مجرد فتحة طولها سانتي بالبط وفتحة صغيرة عند الخصية

ينزلونا من عند البطن ويثبتونها عند الخصية

ما في اي خوف والولد من يومه يمارس حياته الطبيعية ولا تحاتين

ترا العلم تطور

انصحج عالجيه من صغرة وانا اختج

 

[Zeshtoo]

الله يشافيه انشالله اول مره اسمع بالموضوع

 

[3rosa]

ما يشوف شر .. والبنات فادووج ..

 

[أم عنوبي]

السلام عليكم
الله يشافي وليدج يارب ويبلغج فيه معرس يارب
آنا اللي أعرفه يقولون تتلف مع الوقت اذا أهملتيها

 

[تعبت ياذالصباح]

يا قلبي الله يخليه لج
بغيت اعرف .... الخصيه المعلقه ما تبين بالنظر؟ يعني ما كنتي ملاحظه شي مو طبيعي؟
و شنو اسم هالفحص اللي بينه؟
اذكر وحده تقول انا تأخرت ب طهور ولدي لانه كان فيه خصيه معلقه
لكن ما اعرفها ما شفتها الا مره ف ما اقدر اسالها
بس الاحسن تروحين تتأكدين بالخاص واذا صج توكلي و سويها

مشكوره حبيتي اغلى الناس عالرد
انا كنت ملاحظه من زمان ان الخصيه صغيره بس قلت يمكن ولدي صغير عادي
الفحص اللي سووه تلمسوه اثنين دكاتره بيدينهم يقولون وحده موجوده والثانيه مو حاسين فيهاو
ولازم سونار يتأكدون أهي وينها
اا الخاص منو أحسن طبيب اروحله؟؟

 

[تعبت ياذالصباح]

سؤال انتي طهرتي ولدج ؟؟

والصراحه ما عندي خلفيه عنها والله يخليه لج وما يشوف شر

اي طهرته من كنت بلأربعين
كافي ردج حبيبتي ماقصرتي

 

[تعبت ياذالصباح]

الخصية باللمس تبين اذا موجوده ولا لأ بس الظاهر الطبيب ما شافها فعشان جذيه بسوي السونار عشان يتاكد انها موجود

وعقب اتوقع راح يسووله عملية عشان ينزلونها بمكانها

لا تخافين عمليه بسيطه ان شاءالله نفس اليوم يطلع يعني ما ينام بالمستشفى

انا ولدي كانت عنده الخصية مو نازله وقالولي ننطر ليه يصير عمرة سنتين اذا ما نزلت راح يحتاج عملية والحمدالله سويتله العملية والحين ولدي عمره 9 سنين وكل شي طبيعي
فلا تخافين ان شاءالله ماكو الا العافيه والحين بعد اعتقد ما ينطرون ليه سنتين بس سنه ونص ما نزلت راح يحتاج عمليه
الله يسهل ويقومه بالسلامه ان شاءالله

اي اهم تلمسوها اثنين دكاتره قالولي الشماليه موجوده بس الثانيه مو حاسين فيها
ولازم سونار نتأكد وينها
انزين ولدج اثنين والا بس وحده انا ولدي بس وحده
انا ولدي عمره سنه وشهرين توقعون يسوونها له
انزين وين سويتيها بخاص والا حكومه لأننا حولونه لأبن سينا بعد السونار بالفروانيه
ويسوون وشق وجذي امبيه و صعبه ولدي صغير حيل ماكو حل ثاني؟؟
الله يسلمج حبيبتي
مشكوره عالرد ياقلبي

 

[تعبت ياذالصباح]

كم عمرة ولدج؟؟ انا اقول لحقي عليه قبل ما تذوب بالجسم لان لها درجة حرارة معينه واذا ما عالجتيه من صغرة وشفتي له صرفة وطنشتيها راح تصير اورام اذا كبر
عالاقل حتى لو انها ذايبة لا سمح الله يقدرون يتصرفون ويشيلونها
وهذا كله قبل ما يتم سنتين من عمره

جذي قالو لولدي

ترا السالفة مو خطيرة وسهالات ولا فيها شي

مجرد منظار والعملية ما تاخذ ساعه يمكن نص ساعه بعد

مجرد فتحة طولها سانتي بالبط وفتحة صغيرة عند الخصية

ينزلونا من عند البطن ويثبتونها عند الخصية

ما في اي خوف والولد من يومه يمارس حياته الطبيعية ولا تحاتين

ترا العلم تطور

انصحج عالجيه من صغرة وانا اختج

شق بالبطن وشق بالخصيه:0bee2e8d89:

انزين ماكو حل ثاني والمنظار شلون يسوونه له ماعندي فكره
سويتي عمليه ولدج بخاص والا حكومه
ولدي عمره سنه وشهرين عادي يسوونها له بهالعمر
جم عمر ولدج يوم سوها له؟؟
شلون تذوب ممكن تأثر على الأنجاب المستقبل اذا لا سمح الله ذايبه
ممكن تذوب واهو بهالعمر افيديني بالموضوع

 

[تعبت ياذالصباح]

الله يشافيه انشالله اول مره اسمع بالموضوع

امين يارب العالمين
تسلمين ياقلبي
اي انا نفسج أول مره اسمع بالموضوع اول ماقالولي الدكاتره
وأستفسرت ويقولون سهالات اسهل من الطهار
لأنه خلل بهرمونات الأم بالحمل وأنا فعلا بحمالي اكلت أدويه كثير لأني كنت حيييييييييل تعبانه
سوي سيرج بقوقل وراح تعرفون كل شي

 

[فديت بعلي]

ولد خالتي كان نفس ولدج
سووله العمليه
وماطول
والحمدلله الحين بيروح ثانيه روضه ومافيه الا العافيه

 

[تعبت ياذالصباح]

السلام عليكم
الله يشافي وليدج يارب ويبلغج فيه معرس يارب
آنا اللي أعرفه يقولون تتلف مع الوقت اذا أهملتيها

وعليكم السلام
امين يارب العالمين
اي شكلي بتوكل على الله وبسويها
بس خل اشوف السونار شيقول

 

[تعبت ياذالصباح]

ولد خالتي كان نفس ولدج
سووله العمليه
وماطول
والحمدلله الحين بيروح ثانيه روضه ومافيه الا العافيه

الله كريم بروح اللأحد بشوف شصير وياي
وان شاء الله ما يحتاج عمليه

 

[حلاتي بندرة وجودي]

حبيتي ولد اختي مثل حالة ولدج مو وحده بالخصيتين
ودته لابن سينا قالولها جراحه وعشان تتاكد دمازن العيسى دزها على الدكتور محمود البدر استشاري جراحة اطفال
وشافها وقال لازم تسوي العملية عمر ولد اختي كان سنتين وقال المفروض من سته اشهر وسواها لها بسرعة عبارة عن فتحه بكيس الخصيه
اقل من سانتي وفتحه بالحده سوى الخصيه اليمنى بمستشفى المواساة وبعدها ب3 اشهر سوى اليسرى وماتاخذ نص ساعة بنج كامل وبعدها بساعتين راحت للبيت ويكون اول يوم عايش على السوائل اكيد اول يوم راح تتعبين معاااه بس لا تخافين احسنلج لان قالها كل ماكبر تموت الخصيه ولا تخافين بسيطة واذا تبين رقمه انا حاضر دزيلي مسج عالخاص
والدكتور مااشالله عليه شااطر ويقنعج خصوصا انا من طرف د مازن العيسى والحمدلله سوتهم كلهم وارتاحت
وماتشوفين شر

 

[توته سعوديه]

الله يشافيه ويحفظه لك
استخيري ربك متى تسوين العمليه
وقبل العمليه استودعي ولدك عشان ربي يحفظه لك

 

[جبنة بيضة]

يعني اشقالولج بالظبط افتاق انا اقولج في دكتور شاطر جراح اطفال انترناشنال اكلينك هذا الجراح الوحيد التخصص في الكويت تخصص جراحة اطفال ودي ضروري عبدالله دهام