تجمع مسافرات لندن في صيف 2010

[mr000]

ربوع شفته السايت خوش شبره عندهم..حضاره وينج..لا لا مايصير لازم أروح لندن بسرعه أدورج هناك أخاف ضعتي وإلا شي..محد راح ستاربكس أجوررود شاف أبوي..واي قلبي يعورني ودي أروح له...البنات اللي بلندن عطونا آخر أخبار السوق..وشنو اليديد عندهم..أبي أسم الستريتر مال الشعر اللي ب99 باوند الكل يشتري منه إلا آنا شفته العام في دبنهامز وهديته ماشريته تالي تحسفت..

 

[جوجوا]

صباح الخير بنات قبل امس شفت ولي امر كنت ادرس ولدها وقالتلي انها رايحة لندن وحجزت شقق فندقية ورا الماكدونلدز اللي بالماربل ارتش غرفتين وانتو ابكرامة حمامين وصالة ومطبخ واطلعت عليها بالاسبوع 1100 باوند عند سفريات المحيط الازرق عند وحدة اسمها ندى النقيب واللي تبي رقمها تقولي اطرشلها بالخاص لان رقم موبايهل مو المكتب وسلامتكم

 

[جاذبية]

يلا مابقى شي بدا العد التنازلي حق اول 7 وااااااااااااااي

 

[الدلال]

هلا فيج مروووو

اتصدقين انا بعد من كثر ما تحجوا عن الستريتر ودي اخذه مع اني كنت امر يمه وامشي

 

[الدلال]

صباح الخير بنات قبل امس شفت ولي امر كنت ادرس ولدها وقالتلي انها رايحة لندن وحجزت شقق فندقية ورا الماكدونلدز اللي بالماربل ارتش غرفتين وانتو ابكرامة حمامين وصالة ومطبخ واطلعت عليها بالاسبوع 1100 باوند عند سفريات المحيط الازرق عند وحدة اسمها ندى النقيب واللي تبي رقمها تقولي اطرشلها بالخاص لان رقم موبايهل مو المكتب وسلامتكم

والله خووش سعر

بس الشقه فندقيه؟؟؟

انا اللي حجزتهم 2 استيديو في المارليبون طلعوا علي 1900 دينار تقريباا

 

[الدلال]

يلا مابقى شي بدا العد التنازلي حق اول 7 وااااااااااااااي

اي يوم من شهر 7؟؟

انا 21\7

 

[جاذبية]

انا اللله يسلمج 5\7 بس الصراحه اول شي ودي اجدم حجزي جم يوم ! وابي اعرف في عروض عالطيرانات وله لا

 

[mr000]

بجريدة الوطن كاتبين إنه الخطوط البريطانيه مسويه عروض حق أوربا وأمريكا..أوربا 164 وأمريكا 266 بس الحجز لازم يكون قبل 5/7 وصالحه للسفر حتى 31/12

 

[الدلال]

انا السنه اللي فاتت كنت 30\7 بس هالسنه جدمنا شوي علشان رمضان

وكل ما اخرتي السفر كان الجو احلى هناك

وبالنسبه حق عرض البريطانيه شامل الضرايب بعد؟؟؟

 

[جاذبية]

بجريدة الوطن كاتبين إنه الخطوط البريطانيه مسويه عروض حق أوربا وأمريكا..أوربا 164 وأمريكا 266 بس الحجز لازم يكون قبل 5/7 وصالحه للسفر حتى 31/12

تكفين يالغالية لحقيني فيهم صالي ساعة اعابل بموقع البريتش عالعروض وموراضي يصير .. انا لقيت هالعرض بس لمن اطق علية يطلعلي السعر القديم مادري اشلون ماعرف ابي احجز اشلووووووووووون( ببجي بسرعه لحقوني قبل لايخلص الحجز!!:krkrkr:

 

[mr000]

جاذبيه خل أشوفلج ألحين بالأنترنت وأرد عليج بس شنو التاريخ كتبيلي من متى لي متى

 

[بسمه الم]

سفرتنا انشالله راح تكون 21\7 اذا الله كتب

والحمدالله حجزنا تذاكرنا وجهزنا الفيزا وحجزنا الفندق وربي يسهل

بالسلااااامه يالغااااليه ,, ربي يسهل عليكم انشاءالله :eh_s(7):

 

[mr000]

شوفي جاذبيه آنا ماطلعلي السعر اللي بالجريده بس من 15/غ7لي 30 /7 السعر أغلى بالروحه 195 والرده81 دينار=276 بينما 16/7 و17/7 الروحه ب141 والرده 81 =222 وتاريخ 18/7 الروحه 131 والرده 81=212

 

[جاذبية]

انا ابي اول لمدة شهرررر

 

[جاذبية]

جاذبيه خل أشوفلج ألحين بالأنترنت وأرد عليج بس شنو التاريخ كتبيلي من متى لي متى

انا ابي اول شهر 7 ولمدة شهررررررررر بليز... الله ينولج اللي في بالج ياقادر ياكريم

 

[mr000]

بسمه اشلونج حبيبتي شخبارج..

 

[بسمه الم]

بسوووووووومة الحمد لله على سلامتج حبيبتي وما عليج شر وانا اقول شفيها الكويت نورت اذا برجعتج يالغالية

ياااااابعد عمرررري انتي ,, النووووور نوووورج حياااااااااتي ,, فديتج والله اخباارج ياااقلبي واخبار اعيالج الحلويين ؟؟

 

[بسمه الم]

السلااااام اشلونكم لندنيات..هلا والله بسمه الغاليه..اشلونج شخبارج..الله يوفقج ويسهل أمورج ان شاءالله..ليالي اشلونج حبيبتي شخبارج وينج من زمان زين تذكرتينا..الله يكتب لكم سفره ان شاءالله وتستانسين..ربوع أنتي تقولين من محطة واترلو وأمس وحده بموضوع ثاني كاتبه من charing cross يعني كلهم يودون أروح من أي وحده؟؟ بس ماجاوبتيني شنو تقولين له بحجز التذكره بلوووتر وإلا كنت وإلا غرين هايث؟؟جاذبيه بالسايت مال البريطانيه تشوفين الأسعار يحطون لج سعر الروحه بروح وسعر الرده بروح بس لما تكملين يطلع لج السعر الإجمالي وعموما من 1/7 ترتفع الأسعار..بنات اشلونكم كلكم..كويتيه والدلال وعز وأم العيال..خل أفتن عليها ترى توني شفتها بتجمع أمريكا.. ماقلت لكم اليوم رحت آخذ الأبليكيشن مال الفيزا..الللللللله اللللله زحمه زحمه..أمة محمد كلها بتروح لندن ماشاءالله..فراح أكتبهم بدون التاريخ وأخليهم لي أول شهر 8 !!!حضاره وام عبودي مادري شخبارهم..

هلااا وغلاااا يااعمري ,, الحمدالله بخير عساج بخير حبيبتي ؟؟ مشكوره يالغاليه عالدعوه الحلوه ياقمر ,, اجمعين انشاءالله ,,

 

[الدلال]

يسلمج ربي بسووومه يالغاااااليه

 

[ربوع الحلوة]

mr000 مشكوره قليبي علي موقع القطار

أنا قريت لج رد إنج إدورين بوت المطر (( رين بوت )) حق بنتج شوفي أنا شاريه لون أخضر غامق من محل (( office )) بلندن