شنو آخر كتاب قريتيه ؟ و شنو اللي استفدتيه منه ؟ الكل يشارك

[سويت غيرل]

مرحباااااااااا





أتمنى كل وحدة تشارك : شنو آخر كتاب قريتيه ؟ و شنو اللي استفدتيه منه ؟ :ggdw:

اللي تقدر يا ريت تحط صورة الكتاب

بانتظار مشاركاتكم الحلوة

تقبلوا مشاركتي معاكم سواء كان الموضوع مكرر ( أبحث عن المتعة و الاستفادة ) :ggdw:

 

[سويت غيرل]

ناطرة مشاركاتكم و تفاعلكم يا أحلى بنوتات

منكم نستفيد و نفيد

 

[خلي بالك مني]

هلا حبيبتي

آخر كتاب قريته للكاتب المميز باولو كويللو و اسمه ( على نهر الريفييرا جلست فبكيت ) رواية رااائعة و استفدت منها اشلون الانسان يقدر بالايمان و العزيمة و قوة الارداة يتغلب على المشاكل اللي تواجهه في الحياة و هالمشاكل سواء كانت في السياسة و الدين أو حتى الحب

مشكورة على الموضوع الرااااائع

 

[تاليا sody]

موضوع وايد حلو

أنا قريت مؤخرا كتاب المبدع عبد الوهاب السيد و هو جزأين :

اسمه رسائل الخوف أنا بصراحة ما حبيت الجزء الأول حسيت فيه قصص مكررة بس الجزء الثاني روعة و أروع قصة فيه هي ( عندما احترقت زوجتي ) عجيييبة و كتاباته كلها عن عالم الغموض و علوم ما وراء الطبيعة

:stars:​

 

[عهود الحب]

كل كتاب نقراه نستفيد منه

انا اكثر من كتاب استفدت منهم لحد الآن



كتاب شكرا ً أيها الأعداء للكاتب سلمان العودة

استفدت منه انه من الممكن الانسان يسامح أعدائه لأنهم بعداوتهم نتحدى انفسنا والظروف وننجح

كتاب لغة الجسد للكاتب آلان بيير و معاه كاتبة نسيت اسمها


استفدت وييييييييييييييييييييييييييييييييييه وللحين ماخلصته
بس صرت أقدر أقرأ مشاعر بعض الناس خصوصا السياسيين العرب

وصرت ابطل بهاليوتوب مقاطع واتفرج على الاستجوابات وأقرأ انفعالات النائب والوزير

وسبحان الله شوية الكلمتين اللي قريتهم قدرت اكتشف فيها مشاعرهم

حتى الافلام الوثائقية عرفت مشاعر أهل الضحايا والمجرمين وسبحان الله فعلا فعلا قدرت أقرأ مشاعرهم حتى لو بدون صوت او لغة مفهومة

لأن لغة الجسد عاااااااالمية وانصح كل بنت تقراه جدا رائع جدا مفيد



كتاب ثقتي بنفسي للكاتبة فوزية الدريع

روعة شوية عليه خصوصا أنها كتبته بطريقة كأنج قاعدة معاها وتسولف معاج وتسولفين معاها
وحطت نماذج من شخصيات اهي كانت تعالجهم نفسيا ً طبعا بدون ذكر لأسمائهم بس صج صج تأثرت بالكتاب

وحسيت اني اقدر اجددد ثقتي بنفسي وازرع ثقة كبيرة بنفس كل واحد من عيالي

و حسيت انه الثقة بالنفس اساس كل شي و ياما ناس كانوا مبدعين لكن لعدم الثقة بالنفس ما بين للعالم ابداعه

سبحان الله

و في كتب شكثر و شكثر

لو بقول ما اخلص

بس انا ذكرت اخر كتب بخلاف الروايات

شكرا عالموضوووع الحلو

 

[Tom ♥ Jerry]

.


انا أخر كتاب قريته ( هسمه في اذن فناه )
و أهوه يتكلم عن البنات و اخلاقها و كل شي يخص البنت في كل نوآحي حيآتهآ

و حآليا قأعده اقرا كتاب ( ضع بصمتك ) للشيخ محمد العريفي ..
و مآ خلصته يعني توني آول صفحات و يتكلم عن الصلاه و التعامل و العباده و كل شي مفيد و شلون تحطين بصمه في كل شي و لو كان بسيط في حيآتج

و بعدها انشالله ببدي اقرا كتاب ( بناتي ) مآل سليمان العوده و بعد يتكلم عن البنات و من الغلاف و الفهرس مبين أنه مو صج ..

 

[بمبة المفترسة]

قريت كتيبين صغار تاريخ الدولة الاموية يحتاج الي انصاف
ويتكلم عن انصاف معاوية بن سفيان والدولة الاموية وانها هي اللي توسعت بعهدها الفتوحات الاسلامية
كتيبين روعة عن 100 كتاب


وكتاب كيف اصبحوا عظماء للكريباني روعة
وقاعدة اقرأ عبدالملك القائد
وكتيب شهر رمضان وانتصارات المسلمين

 

[سويت غيرل]

تسلمولي يا رب على تواصلكم و مشاركاتكم الرااائعة

في بنات ذكروا كتب و الله من العنوان شوقتوني عليهم و انشاء الله راح أقراهم

 

[bigsmile66]

يااا مرحبتين

انا حاليا اقرا كتاب( حول العالم في 200 يوم) للكاتب أنيس منصور رووووعة وايد مفيد وممتع وفي وايد معلومات يتكلم عن رحلته حول العالم يوصف البلد والناس وعاداتهم في البلد والاحداث اللي صارتله ..

وشكرا على موضوعج الرائع

 

[حمام شاقني فنه]

قصه >نور القمر لنجيب محفوظ


حقيقه المغزى والمقصد الي يرمي له الكاتب انو مالازم نطارد خيآل
وهم

ونعمر بخيآلنا قصور ساساتها هشه

وهذا الي حصل فالقصه أن الرجآل الهيمان باع سمعته و شرفه و غير قناعاته لجل وحده

ولمن صرح لها تجاهلت مشاعره ولآ حتى عطته الفرصه في انه يبوح لها بالي ضحى فيه عشانها !!

مآظفر شي بالعكس
خسر كلللللللللل شي




من جد مافي حد يستاهل تغير وتبيع نفسك وتغير قناعاتك عشانه





ام هذا آخر مآقرأته

 

[احلا كويت]

انا حاليا قاعدة اقرى كتاب " الانطباعات الاولى " للكاتبة د.ان ديماري و د. فاليري وايت
توني بصفحة 22 بس حلو ,, يعلمج شلون تتركين انطباع حلو عنج ,, حيل عجبني
وعندي وااايد كتب بس نوعي ما اكمل بس قلت ان شاء الله بقراهم بالصيف

 

[نسمة الحياة]

أعتقد جنه جنه كان حبيبة لعلياء فاضل الكاظمي ايدد قصة لها واااايد حلوة اجتماعية

 

[Little_Queen]

اممممممممممممممممممممممممم .. غير كتب الجامعه

اخر كتاب قريته كان

الكويت و جاراتها .. لديكسون


وايد حلو ، اللي كاتبه اهو السير ديكسون اللي كان يعتبر سفير بريطانيا في الكويت قبل الاستقلال ، و الكتاب كله تاريخي

بس منوع
مابين السياسه و المجتمع و الاقتصاد .. بس كله باسلوب بسيط و حلوووووووووووووووووووو


اهو و زوجته تشاركوا بالكتابه .. عن العروس و عن عادات البدو و عادات الحضر و الزواج و الطلاق و الهواش و البيوت و الملابس .. و حفلات الزار و الطقاقات و كلللللللللللللل شي بالتفصيل باسلوب عجيب

عجيب صراحة و استمتعت فيه

 

[DốǾốDї]

اخر كتب قريتها

لغه الجسد

صج عجيييب وقمت افهم حركات الناس ونظراتهمم

وحاليا اقره كفاحي مال هتلر

هالانساان يعجبني حيييل حبيت شخصيته خلال الكتاب

واذا خلصته بقرا نهايه الطغاة وعاشق مهزوم مادري شبدي فيه اول لول

 

[سويت غيرل]

مشكورين يا رب على ردودكم الحلوووة و ذوقكم العالي

موفقين جميعا انشاء الله

 

[أم ورود الحلوه]

رواية ذهب مع الريح

قريته للمره الالف يمكن

روعه بشكل موطبيعي


تعلمج ان الحرب تغير الانسان و الابوه بعد


روايه مايبيلها كلام ,,,,,,,,,,,,,

 

[pink_dream]

اخر كتاب قريته اسمه نصف المرأه نهوض المراه من فشلها للكاتبه سعاد صليبي

لفتني غلاف الكتاب اوعنوانه اول مره اقرى كتاب موجه بصفه خاصه للمره بهالطريقه
حسيته غير عن الكتب الثانيه..الكتاب يتكلم انه شلون المره لمن تتعرض لتجارب قاسيه و مريره قادره
بتوكلها على رب العالمين و بثقتها بنفسها انها تقوم من اي مشكله تواجهها..و ان مواجهتها للازمات و الصعوبات اهو اللي يشكل نص المره..و الحلو فيه ان موجه من كاتبه لبنات جنسها.. مو من ريال بس يكتب بدون لا يعيش التجارب..الكاتبه بكتابها ذكرت قصص لرفيجاتها او قصص سمعتها..و ما اقتصر كلامها على جذي ذكرت نصايح او توجيهات تساعد البنات على التغيير بنفسها و حياتها او روتينها ..واللي لفتني انها تقول خلاص ماله داعي نبجي ونضيع عمرنا على اشياء صارت من الماضي و انه ماا لادعي نخاف من الوحده لانه هم بالوحده في اشياء ايجابيه

 

[سويت غيرل]

رواية ذهب مع الريح

قريته للمره الالف يمكن

روعه بشكل موطبيعي


تعلمج ان الحرب تغير الانسان و الابوه بعد


روايه مايبيلها كلام ,,,,,,,,,,,,,

تسلمين حبيبتي على الرد و الله يخليلج ورود انشاء الله و تشوفينها عروووووس

 

[سويت غيرل]

اخر كتاب قريته اسمه نصف المرأه نهوض المراه من فشلها للكاتبه سعاد صليبي

لفتني غلاف الكتاب اوعنوانه اول مره اقرى كتاب موجه بصفه خاصه للمره بهالطريقه
حسيته غير عن الكتب الثانيه..الكتاب يتكلم انه شلون المره لمن تتعرض لتجارب قاسيه و مريره قادره
بتوكلها على رب العالمين و بثقتها بنفسها انها تقوم من اي مشكله تواجهها..و ان مواجهتها للازمات و الصعوبات اهو اللي يشكل نص المره..و الحلو فيه ان موجه من كاتبه لبنات جنسها.. مو من ريال بس يكتب بدون لا يعيش التجارب..الكاتبه بكتابها ذكرت قصص لرفيجاتها او قصص سمعتها..و ما اقتصر كلامها على جذي ذكرت نصايح او توجيهات تساعد البنات على التغيير بنفسها و حياتها او روتينها ..واللي لفتني انها تقول خلاص ماله داعي نبجي ونضيع عمرنا على اشياء صارت من الماضي و انه ماا لادعي نخاف من الوحده لانه هم بالوحده في اشياء ايجابيه

مشكووووورة حبيبتي وااايد على المشاركة الرااااائعة

 

[شمع تحترق]

انا الحين قاعدة اقري ( شوربة دجاج لحياة الاباء ) حلو

و قبله ( مستحيل ) دانيال ستيل قمة الروعه