مشكلتها أزلية وللحين ماقدرت تحلها ، تعالوا حلوها

[مدام تنازلات]

مراحب






















هاذي مشكلت صديقتي أعرفها عز المعرفة و من زمان حيييييل تشكيلي وما قدرت أساعدها وقالت خنشوف كويتيات
والمشكلة على لسانها






















المشكلة
((((( أمها )))))


!!!!!

تقول امها من النوع العصبي جدا جدا جدا لدرجة تخافين تحتكين فيها تفوم تقلب عليج
بعطيكم نبذة
امها عصبيه لدرجة انه كل اللي معاها في البيت يتحاشون يسولفون معاها ! ليش ؟
تقول دايم لما أسولف مع امي من يومي صغيرة على طول ماسكة اعصابي وماسكة قلبي اخاف تعصب
لأنها من النوع اللي تقولين شغلة عادية جدا تفهمها شي ثاني وعلى طوووووول تنقلب السالفة هوشة !
تقول انا و أي أحد في البيت لما نجي بنسولف مع امي ونضحك حتى أبوها آخرت السوالف هوشة وأحيانا ضرب لأنه امها متعودة على الطق حتى لو عيالها أطول منها !! عااااادي

مثال :
تقول اسولف مع امي انه بنت خالتي دقت علي تبيني أسير على امي انا وياها العصر
وقلت لأمي قالت خلاص انا بروح مشوار ولما تجي س 7 اجي البيت
قلت يمة موحلوة خلي مشوارج يوم ثاني (البنت متغربة ومن زمان ما شافت خالتها )
المهم وقالت او تروحين لمشوراج الضحى فشلة !
قالت الأم : فلااااااااانة !!! تعرفين تراددين يللي ما تربيتي هذا اسلوب تكلمين امج يلي ما تستحين أنا امج ماتسيطرين علي
اروح وين ما أبي ومتى ما أبي
انتي ما تربيتي ! انا تسبيني وتلعنيني ؟

البنت : طبعا مصدووووووومة !
انا متى سبيت ياربي شقلت ؟
شك ... وتسكر السماعة بوجهها
وراحت اعتذرت من البنت

يعني امها من هانوعية صعب تعيشين معاها وصعب تتعاملين معاها على طول معصبة وعلى طول نفسيتها خايسة وتموت على الهواش إذا مالقت احد بالبيت تهاوشه مسكت الخدم وقامت تهاوشهم
ولدرجة انها وخوانها في البيت كل يوم كانت تقومهم الصبح على المدارس بهواش وصياح من الصبح واحيانا طق !
تخيلوا نفسية العيال وهم رايحين للمدارس شلون؟
تفول ما أقدر اكلمها وأقولها ربع اللي بقلبي تحطني عاقة الوالدين وتطردني عاااااادي عندها
مع إنه البنت والله جدا محترمة ومو من النوع اللي تلاسن
وامها طبيعتها هالشكل مع الناس كلهم فكل البيت متأذي منها
تقول امنية حياتها تشوف امها صدرها وسيييييييع وامنية حياتها انه تسولف مع امها وتقولها كل اللي بصدرها من غير ما تنقلب عليها وتهاوشها لأنها على طول تتحاشاها مع انها امها ومفروض تكون اقرب الناس لها

وهي ما تتكلم عادي نفسنا !! تقول طول الوقت كلامها صياااااح وازعاج ماتكلم بصوت واطي الا جدام الناس!
وتقول انه اهل البيت كلهم يستانسون لما يشوفونها تضحك ! بالأحرى يستغربون
يعني مستحيل تصارحها
وتقول شكثر دعيت ربي يغير طبعها بس سبحان الله ما صار شي
شرايكم بنات تقدرون تحلون مشكلتها ؟

 

[نور كوليكشن]

شتسوي بعد الله يعينها

وخل تدعيلها بالهدايه
الله يهديها يارب

 

[ايامنا الحلوة]

يماه الله يعينها ع امها


ياربي صبرها

 

[مهستره بس أخلاق]

امهااا تبي تفرض شخصيتها بالبيت ماتحب احد يراددها
خليها تحاول تتقرب من امها ..او تحااول تقول لشخص قريب لامها وتقوله عن مشكلتهم يعني يحاااول يصلح من وضعهاااا
وتكثرر من الدعاء

 

[الماسة]

حبيبتي ....... كلنا نعرف حق الوالدين علينا ...وكلنا انشالله بارين بوالدينا ... بس صدقيني الام الجاسية هذا ابتلاء ... تصبر عليها وما تزعلها ابد ... وانشالله لها اجر بر الوالدين واجر الصبر على البلاء... تحياتي

 

[om Firas]

حبيبتي ....... كلنا نعرف حق الوالدين علينا ...وكلنا انشالله بارين بوالدينا ... بس صدقيني الام الجاسية هذا ابتلاء ... تصبر عليها وما تزعلها ابد ... وانشالله لها اجر بر الوالدين واجر الصبر على البلاء... تحياتي

كلامها عين العقل
الله يصبرها ياااارب :eh_s(2):

 

[سمردحه]

الله يعين حريم عيالها ههههههه


شتسوي بعد امها ماتقدر تغيرها خالتدعي ان الله يهديها
ويابخت رفيجتج بالاجرر لانها امها وصابره عليها

 

[غمزه وإبتسامه]

الله يعينها يارب

 

[حلوه ولمآحه]

الله يكون بعونها،،

 

[ديانا سبنسر]

امها ولازم تحملها ودور طريقة تتفاهم فيها معاها

 

[كويتية84]

الله يكون بعونها هذي امها لازم تتحملها ,,,

 

[رفاعيه]

امها ولازم تتحملها اكيد!!
بس يمكن الام مو حساه بنفسها ! لانه محد كلمها لانه بالاساس صعب التفاهم وياها والكل يتجنبها يمكن الام فاهمه انه اهما مبتعدين عنها لانها شخصيه قويه ويخافون منها مو لانه نافرين ومايحبون القعده معاهم
الحل الوحيد انها تكتب لها رساله تكتب كل الي في خاطرها ويفضل انها تكون بعدها بتسافر او شي عشان تكون بعيد خوفج تعصب وتروح لها البيت ولا شي وتكلمها باسلوب حلو ولين ترد اكيد بتكون الام فكرت فالكلام وخفت عصبيتها

 

[مـيـراس]

الله يعينها على هالام

 

[.،:"$الـعـوبــــة$":،.]

أمها هذي أمها !!
مهما سوت وقالت هذي أمها !!
ياليت أمي للحين عايشة والله لو تكسر راسي عسل على قلبي !!
الله يرحمك يا أميمتي ،،​

 

[أحبه موت]

الله يعينها المشكلة امها يعني مانقدر بعد انحرضها على امها
يا انها تقعد معاها بسلوب جدااااا هادي واتفاتحها بالموضوع وتقولها كل شي وانها تصبر وتتحمل بعد شتسوي المسكينة