عاااااجل خدامتي المسافرة

[شمحوطة 11]

حبايبي خدامتي المسافرة حاجزتلها ردة بس دقت على تقول المكتب يي 100 دينار شكووو المكتب انا مددت الإقامة وحاجزة تذكرة شسالفة ؟؟ صارت معاكم هالسالفة ؟ عفية عطوني خبر شسالفة تقص على ؟ شايفتني غشيمة تقول ما عندى اعطيهم

 

[الدلال]

شكو يبي 100؟

اللي اعرفه ان دامج حاجزه مرجع لها ودافعه قيمة تذكرتها كامله ما يحتاج تدفع هناك

 

[راعية الطويلة]

ما عليج منها؟؟

تنصب عليج

قولي لها تبين تجين و لا أطلب!!!!

 

[شمحوطة 11]

قلت لها ترد انا ابيج بس ما عندى فلوس

 

[أم حمد 4]

هذة نصابة تقص عليك

 

[شمعة*البيت]

(ان بعض الظن اثم) صدق الله العظيم
في قانون بالفلبين والهند خدامتج ما تطلع من ديرتها من غير ما تدفع لهم مبلغ قيمة تجديد عقدها وهالشي صار مع سايقي

 

[شمحوطة 11]

(ان بعض الظن اثم) صدق الله العظيم
في قانون بالفلبين والهند خدامتج ما تطلع من ديرتها من غير ما تدفع لهم مبلغ قيمة تجديد عقدها وهالشي صار مع سايقي

اهي انونيسية ما ادري شسوى اطنشها؟ ولا اسمع لها واطرشلها وبعدين افلس منها واللة محتارة

 

[cheese cake 84]

لاااااااااااااااااا مبين جذاااااااااااااااااااابه شكووو 100 كاا خالتي خدامتها اندونيسيه توها راده لا ادفعت 100 ولا شي والمكتب ماااله شغل فيها اللحين مر عليها سنتين شكوووو وبعدين دقي سالي المكتب واذا اللي بالمكتب اندونيسيه خوفج متفقه معاها يبه قوليلها مااكو فلوس تبين تييين تعالي ماتبين ماتشوفين شر الخدم على افا من يشييل

 

[توتو11]

المكاتب هم اللي يوزون الخدامات عالشي ذا و100 دينار هذه نصابه

 

[راعية الطويلة]

(ان بعض الظن اثم) صدق الله العظيم
في قانون بالفلبين والهند خدامتج ما تطلع من ديرتها من غير ما تدفع لهم مبلغ قيمة تجديد عقدها وهالشي صار مع سايقي

قعد نطلب من هالمناطق و يروحون و يردون ما سمعنا عن هالمبلغ

المبلغ هذا قبل الكفالة و قبل استقدامها للديرة اللي تبي تشتغل فيها​

 

[حلم الطفله]

اختي صح كلامها لانه خدامتي و خدامة اختي سافرن و نفس الشي يدفعون مبلغ مرة ثانية بمطارهم بس تقريبا 50 دينار

بس انا اللي عرفته انه بعض الخدامات يدفعنه بروحهن و بعضهن ايطلبنه من الكفيل

و نحن اتصلنا نتاكد بمكتب و قال لنا نفس الكلام فحرام فقيرة ما تقدر تدفع

ادفعي عنها دام انها زينة بتشوفها شيفة

نحن بصراحة ندفع عنهم هالمبلغ من دام ارتحنا من المكاتب و بترجع لنا

 

[مارون جلاسيه]

ترى حرام مو جذابة صج يطلبون منهم هالمبلغ
في طريقة حق المرة الثانية تروحين السفارة الاندونيسية قبل لاتسافر وتقوليلهم ان اهي بترد وتاخزين منهم ورقة وهي توقعها
انا كذي بسوي قبل لاتسافر خدامتي وكذي ماراح يطلبون منها فلوس اذا بترد مرة ثانية

 

[أم حيدر]

انا خدامتي الاندونيسية سافرت وردت قبل لاتسافر رحنا السفارة وعطوها ورقة وقعتها مضمةنها ان الناس اللي اشتغل عنده يحسنون معاملتي وارغب بالرجوع على مسئوليتي للعمل عندهم.

وسافرت وبمطار جاكرتا ردوا 10 خدم وياها بس هي و3 اللي قدروا يعبرون وطبعا عقب مافقيرة تلطمت ودفعت من جيبها حول 80 دينار بس عوضناها.

الحين وايد في تشدد على دخول العمالة الاندونيسية وقفوه.

فانتي ادرى اذا هي تقص عليج او لأ جم سنة صارلها عندج؟ بدر منها سوء من قبل؟ مو محتاجتها انتي ؟

 

[::كيك وعسل::]

واول مره اسمع بهالسالفه
...,,,

 

[شمحوطة 11]

انا خدامتي الاندونيسية سافرت وردت قبل لاتسافر رحنا السفارة وعطوها ورقة وقعتها مضمةنها ان الناس اللي اشتغل عنده يحسنون معاملتي وارغب بالرجوع على مسئوليتي للعمل عندهم.

وسافرت وبمطار جاكرتا ردوا 10 خدم وياها بس هي و3 اللي قدروا يعبرون وطبعا عقب مافقيرة تلطمت ودفعت من جيبها حول 80 دينار بس عوضناها.

الحين وايد في تشدد على دخول العمالة الاندونيسية وقفوه.

فانتي ادرى اذا هي تقص عليج او لأ جم سنة صارلها عندج؟ بدر منها سوء من قبل؟ مو محتاجتها انتي ؟

انا طلعت لها هالورقة وكلمتها عن طريق مكتبنا بالكويت وكلموها عن طريق المترجمة وقالت لها دبري نفسج انتي واذا رجعتي تعطيج معزبتج وانا ان شاء اذا صدقت وارجعت ناذرة اني اعطيها اللي دفعت ومعاش فري ادعوا انها تصدق وترجع يا رب