علاج الكلف بالصور

[شيختهم_كلهم]

مساءكم شهد وصباحكم فل

شخباركم

موضوعنا اليوم لمشكله تعاني منها بعض السيدات اثناء فتره الحمل

وهي من اسواء المشاكل اللي تخفي ملامح المراه ( الكلف )

اتركم مع الصور وبعدين بنتناقش في العلاج المستخدم






























العلاج المستخدم اسمه dermamelan وهو عباره عن ماسك ينحط لمدة 8 ساعات

وبعدها تتقشر طبقة الوجه وتظهر طبقة جديده وبعدها تستخدمي كريم يغنيج على مستحضرات عنايتج ويحوى على نسبة واقي شمس



فاللي جربته ولا عندها اي استفسار تتفضل

 

[حضرة سمووي]

مرحبا حبيبتي
إنتي إستخدمتيه يعني إهو مقشر طب ينحط على كل الوجه وكم مرة نحطه
وعواااافي ياقلب إختج

 

[حلم الليالي]

السلام عليكم بنات اشلونكم؟ انا عضوه جديده في المنتدى اتمنى قبولي عضوه معكم:وباالنسبه لموظوع التقشير انا جربته من سنه انا واختي ظبط مع اختي اكثر مني ,عليها روعه صفاء لبشرتها وتوحيد لون

 

[ميسم]

حبيبتي جم سعرة ؟؟؟؟؟؟؟؟

ومن وين ؟؟؟

تسلميييييييييييييييييييييين

 

[ميسم]

حبيبتي جم سعرة ؟؟؟؟؟؟؟؟

ومن وين ؟؟؟

تسلميييييييييييييييييييييين

 

[حلم الليالي]

تلقينه عند الدكتور ايمن بالاوروبي واتوقع بميه وشوي

 

[miss angel]

مشكوره حبيبتي

 

[آبـلـہ نـونـو]

يعطيج العافية ،

..

 

[حقوقيه زوغه]

ممكن توضحين اكثر عن العلاج وسعره ومكانه وماكو الا هالدكتور والا في عيادات ثانيه ؟؟ وشنو يسوي هالعلاج بالبشره ؟ واهوا علاج مؤٌقت والا دائم ؟؟ لان الكلف اساسا يكون من الداخل يعني التقشير ممكن تطلع طبقه صافيه بعدين يرد يطلع كلف مره ثانيه ؟؟

يزاج الله خير

 

[شيختهم_كلهم]

تسلمون على طلتكم


وبصراحه انا ماجربت العلاج

بس زميلتي بالدوام جربته ويها صار احمر لمده 10 ايام وبعدها نور واااااااااااايد


و العلاج عباره عن :

ماسك تحطه لج الدكتور لمده 8 ساعات ، يقشر الويه ويخليه ينور بعد 10 ايام، وقيمتة 1500 درهم

وكريم للعنايه اليوميه من نفس ماركه الماسك وقيمتة 900 درهم

 

[شيختهم_كلهم]

ممكن توضحين اكثر عن العلاج وسعره ومكانه وماكو الا هالدكتور والا في عيادات ثانيه ؟؟ وشنو يسوي هالعلاج بالبشره ؟ واهوا علاج مؤٌقت والا دائم ؟؟ لان الكلف اساسا يكون من الداخل يعني التقشير ممكن تطلع طبقه صافيه بعدين يرد يطلع كلف مره ثانيه ؟؟

يزاج الله خير

العلاج هذا يخلي طبقة جديد تظهر لج ومو علاج مؤقت لان يقشر الويه ويصير ويهج احمر لمدة 10 الى 15 يوم تقريبا


يعني يخلي ويهج ينور

 

[ذهب]

ما اعتقد علاج هذا بس تقشير للبشرة و بعد قترة من الزمن راح يرجع الكلف لان الكلف لابد تعالجين الهرمونات اولا

و اذا كان من القولون تعالجين القولون و هكذا

 

[مزيونه وشقره]

مشكوره ياحياتي



مع تحياتي ياحياتي

مزيونه وشقره ​

 

[وروود]

ما ادري ليش علاجات البشره اسعارهم غاليه
والمشكله مو مضمونه:rgewrg:


مشكوره

 

[om-mubarak]

السلام عليكم ورحمة الله وبركاته

خواتي حبيباتي بالنسبة للعلاج المذكور أعلاه آنا جربته وسويته مع الدكتور بشور منذو مبطي وتقشر ويهي لمدة اسبوعين وعقب ويهي صار صافي ومنور ويلق لق لمدة شهرين مادري ثلاث نسيت ( من الوناسه قمت اتميلح كل عشر دقايق جدام المنظرة ) وتالي سلامة عمركم رجع ملعون ابو المترس والشهير بلقب الكلف الى ويهي المنكوب

فنصيحة اللي تبي الكلف يروح منها لازم اتسوي فحص دم وهرمونات ( لأن طلع السبب معاي هرموناتي ودمي اشوي اخواره ) واتحاول ان اكلها يكون صحي واهم شي ان ما تشت بره البيت الا واهي لايصه ويها بكريم الحماية من الشمس

وسلامتكم وتعيشون

 

[شيختهم_كلهم]

السلام عليكم ورحمة الله وبركاته

خواتي حبيباتي بالنسبة للعلاج المذكور أعلاه آنا جربته وسويته مع الدكتور بشور منذو مبطي وتقشر ويهي لمدة اسبوعين وعقب ويهي صار صافي ومنور ويلق لق لمدة شهرين مادري ثلاث نسيت ( من الوناسه قمت اتميلح كل عشر دقايق جدام المنظرة ) وتالي سلامة عمركم رجع ملعون ابو المترس والشهير بلقب الكلف الى ويهي المنكوب

فنصيحة اللي تبي الكلف يروح منها لازم اتسوي فحص دم وهرمونات ( لأن طلع السبب معاي هرموناتي ودمي اشوي اخواره ) واتحاول ان اكلها يكون صحي واهم شي ان ما تشت بره البيت الا واهي لايصه ويها بكريم الحماية من الشمس

وسلامتكم وتعيشون

كلامج عين العقل والمنطق

اولا علاج الهرمون ومن ثم علاج الكلف

 

[::كيك وعسل::]

يعطيج العافيه : )

 

[شيختهم_كلهم]

تسلمون على طلتكم