ديوانية شموسه ورينبو...الي ولادتها بالصيف تتفضل تقرق معانا

[شمس و قمر]

تصبحون على خير والله قمت اغفي وانا قاعده

اوش اوش

لاتقاطعين ترى عليج يومين غياب

 

[أوشال]

تصبحون على خير والله قمت اغفي وانا قاعده

اوش اوش

لاتقاطعين ترى عليج يومين غياب

كنت تعبانه وبيت الوالدة
وحبيت اطل عليكم

وانتي من اهل الخير

شمووس:eh_s(2): ما مليتي ؟؟ ماتبي تولدين:eh_s(2):
حدددي تعبانه

 

[makeup story]

لووووووووووووووول
السلام عليكم يالبطات تكسرون الخاطر الله يسهل عليكم لووول << عشتووو
طبعا انا ولدت والحمدالله يوم 17 \7 كنت ابي هذا التاريخ
الله يسهل عليكم
شموووسه شنوو ناطره <<< لووول لله يسهل علييج

 

[ام حمووودي]

هلا ببنات الدوانيه الحبيبه والله ولهت عليكم . . .

بفضل الرحمن ولدت يوم الثلاثـــــــــاء 17 - 7 - 2007 . . .

بمستشفى دار الشفا , وولدتني الدكتوره الحبيبه ( ناهده العلي ) . . .

ويبت الغالــــــــي :eh_s(21): ( أحمـــــــــــد ) :eh_s(21): . . .

وانشاء الله أقولكم القصة بالكـــــامل بس أفضى شوية . . .

الحمدلله على سلامتج نونيا ومبروك ماياج ويخليلج احمداني يارب :eh_s(8):

 

[ام حمووودي]

وااااي صخه الدوانيه انا دشيت متأخره الظاهر

شكلي بقعد وسولف بروحي

 

[أوشال]

ام حموودي أنا هني

أنتي لي الحين صامدة

 

[ام حمووودي]

اهلييييييين اوشال انا صارلي يومين ادش وماالقاج قلت شكلها سوتها وولدت قبلي .... انا ليلحين صامده وماكو اعراض ولاده ومسويتلي دارسين بس ماشربت منه ماني قادره أتأقلم معااااه مادري شالحل والله نفسيتي تحت الصفر دشيت الشهر العاشر الحين ... اليوم عندي موعد عند طبيبتي بشوف شتقووووول والله كريم

 

[أوشال]

الله يكون بعونج أنا باقي لي 18 يوم وكلش موو مستحمله
..بس أنتي دشيتي العاشر مبين عليج صبوورة

رحت لمراجعتي اليوم واستغربت دكتورتي ما فحصتني
وسونار مبين كل شي تمام ..

وأنا هاليومين كنت عند ماماتي وكل يوم تمشيني على اليال
وشربت زنجبيل ودارسين وكلت تمر وخالتي بتيب لي عشبه يسموونها كف مريم ..
كل هذا سويته وما شفت شي ابدا ...

 

[ام حمووودي]

والله اوشال شسوي لوبيدي اولد اليوم قبل باجر ... والمشي هاليومين كل يوم اروح الممشى امشيلي نص ساعه والخروع وشربت واناناس وكليت بس باقي الدراسين وماني قاعده اشربه كلش المطاره عندي بس جذي رازتها ... اتصدقين النومه بالحسره والطلعه مالي خلق اروح مكان ولا لي خلق اشوف احد تلقيني يااما بشقتي ولا عندي اهلي ... انشالله اروح اليوم الموعد وتقولي ولاده

 

[أوشال]

انتي جربتي الطلق الصناعي من قبل؟؟!!
يمكن تولدج الدكتورة بما أنج مطوفه موعدج ؟
خالتي طوفت موعدها بس بيومين دخلتها دار الشفا وطلق صناعي اقل من يوم
والله سهل عليها ...

 

[ام حمووودي]

لا والله ماجربته ... انا بولادتي ببجري يبته قبل الموعد اللي معطيتني اياه بيومين والحمدلله كلشي طبيعي ... بس الحين طوفت موعدي وبيني وبينج خايفه تقولي طلق صناعي لاني اعرف وايد حريم اشتكولي منه ... انا اللي مستغربته يوم الثلاثه اللي طاف الرحم مفتوح 2 سانتي يعني معقوله ليلحين ماكو تطور ؟؟

 

[rainbow_brite]

قوه بنات

ياكروشااات يا حوامل انا الحين مو منكم خخخخخخخخخ

الحمدلله ولدت بالسلامه ولاده طبيعيه في مستشفى الصباح ويبت ولد عنونوو سميته عبدالله بتاريخ 19-7-2007 يوم الخميس الساعه 7 الصبح ، الله يجعله من الذرية الصالحة

الله يسهل على كل اللي ماولدو ومبروك حق اللي ولدو

وتفاصيل ولادتي أقولكم بعدين لما شوي ارتفع

ادعولي أعدي الاربعين من غير شر لأني من اليوم بلشت أبجي من غير سبب والحمدلله على كل حال

نشوفكم على خير

 

[أوشال]

لا تحاتين
2 سم خير ونعمه
يمكن تووسعج الدكتورة ...وتقول شربي خروع ثاني مره
وتتسلك المسائل

صدقيني أنا متأكده أنج بتولدين قبلي خخخخخخخخخخخ
يعني بووواسيج

تصدقين اذا ولدتي انتي وشموس وقعدت برووحي أكيد بنتحر

واااااااااي الله يعين دونات اشبتسووي صج بديت أحس فيها

 

[أوشال]

قوه بنات

ياكروشااات يا حوامل انا الحين مو منكم خخخخخخخخخ

الحمدلله ولدت بالسلامه ولاده طبيعيه في مستشفى الصباح ويبت ولد عنونوو سميته عبدالله بتاريخ 19-7-2007 يوم الخميس الساعه 7 الصبح ، الله يجعله من الذرية الصالحة

الله يسهل على كل اللي ماولدو ومبروك حق اللي ولدو

وتفاصيل ولادتي أقولكم بعدين لما شوي ارتفع

ادعولي أعدي الاربعين من غير شر لأني من اليوم بلشت أبجي من غير سبب والحمدلله على كل حال

نشوفكم على خير

هلالالالالالالالالالا رينبووووووو

مبروووووووك ماياج حبيبتي


ويتربى بعزززكم البيبي العنووووووني


هالمره يااج الطلق ولالالا انبط جس الماي طمنينا ... وأشلون كانت ولادة الصباح خخخخخخخخ

مافيني صبر للقصة

 

[ام حمووودي]

رينبوووووووو الحمدلله على السلامه ومبروك ماياج ويتربى بعزكم انشالله ... عاد عباديكم مانطر عبادينا الله يهداااه؟؟؟ لوووووووول

وانشالله يارينبو تعدين الاربعين من غير شر ويلا ناطرين قصة ولادتج ؟؟؟؟

 

[ام حمووودي]

الله كريم اوشال ... والله حتى انتي شكلج بتولدين قبلي وانا بقعد مع كاشونه وبولد عقبها بعد لووووووووول

 

[أوشال]

ادعولي أعدي الاربعين من غير شر لأني من اليوم بلشت أبجي من غير سبب والحمدلله على كل حال

الله يسهل عليج رينبوو
وخلج قووويه

اااااااي يبه هذي مو أول مره خلج كوووول خخخخخخخخ
ما ادري شفيني شكلي بييييين اليوم

كثري من الذكر ولا تنسينا ذكار الصباح والمسا

تخفف من كأبة النفاس ...

 

[ام حمووودي]

استغفر الله بالتاسع كآبه وبالنفاس كآبه ولا طلعتي من النفاس اول شي وناسه وبعدين سكتي ولدج كآبه × كآبه <======== يبتي الكآبه حق الاوادم

 

[أوشال]

استغفر الله بالتاسع كآبه وبالنفاس كآبه ولا طلعتي من النفاس اول شي وناسه وبعدين سكتي ولدج كآبه × كآبه <======== يبتي الكآبه حق الاوادم

اي والله يا ام حموودي صاجه
بس شنسووي هالهرمونات وماتسووي :eh_s(11):

 

[ام حمووودي]

يالله الله كريم ... اليوم حمولتي بيروحون شاليه حاجزين اسبوع بياخذون ولدي معاهم ... يعني بنثبر بروحي بالبيت ... ملو مني مساكين خالتي كل يوم اتقولي اليوم ولاده انشالله لوووووووووووووووول ...

اليوم مادري شياني مشتهيه اروح السوق اشتري اي شي بس طبعا ملابس نو واااااااااي ... حنيت على ريلي ودني السوق ... ماعطاني ويه وزادت الكآبه عندي