أنا 20/6 رجعت من برشلونه وايد حلوه وعجبتني حيل وبسرعه راح تدلين فيها
أشهر الأماكن ** اللارامبلا شارع طويل تتمشين في وفي ناس تسوي عروض وحركات وسيده يطلعج علي البحر ومجمع ماريماقنام
** الكاتالونيا بالنص تصير نفس البيكادللي بلندن فيها حمام ونافوره
** إخذي باص التور نصيحه أول يوم يفر فيكم
المجمعات بكتبها لج كلها رحت لها :
1_ La maguinista
2_ Lilla Diagonal
3_ Diagonal mar
4_ centro comercial barcelona
5`- شارع باسيو دي جراسيا (( شارع الوحيد اللي في ماركات بربري وقوتشي وغيره ))
6_ أوت لت (( La roca ))
وفي مدينة ملاهي بس مادري إذا معاكم أطفال
وتري الأسبان مايتكلمون إنجليزي دشي النت طلعيلج جم كلمه إدبرين أمورج لأن بس اللي بالفنادق يتكلمون
وإذا بتروحين أي سوق أو أي مكان الأحسن إنج تكتبين السوق اللي تبينه بورقه للتاكسي يوديج سيده
وأتمني إني أفدتج لأن أ،ا هذي كانت أول مره أروح لها
وعجبني حلو شعبي عندهم الكل ياكل منه إسمه (( شورس & شوكولا )) بحطلج صورته نصيحه جربي
إي نسيت وإنت تتمشين باللارامبلا في سوق خضره مشهور عندهم يهبل إسمه La Boqueria market تشتري فاكهه مقطعه وبالكيلو
