شنو راح اتسوون حق رمضان

[رقي]

سلام عليكم
اللهم بلغنا قيام رمضان وصيامه
يارب
بنات انا السنه راح اعزل بالفطور
عن حمولتي
ومادري شسوي بروحي
ابي مساعده
قلت بشتري هالمقالي
وهالسوالف
ابي احد يفيدني
شنو اقدر اشتري غير الكبب
لاني ثقيله وبكون بالسابع وماعبر اسوي شي
ووين احصلهم

 

[سنبلة]

في حريم وايد عندهم شغلات حلوه ويديده يعني مو بس كبب وسمبوسه في الشنغالي وفي معجنات غريبه العام طلبت منهم روعه حتى ورق العنب تاخذينه جاهز منهم

 

[رقي]

اذا جربتيه وحلو
عطيني رقمهم

 

[Saroona86]

أخذي من اللحام استيك لحم ودجاج وتبلية وحطي كل قطعتين او3بكيس
وبس ترجعين من الدوام حطية بصينية الفرن مع خضار سوتية او اشوية
علي التاوه وضيفي بطاط مهروس او خضار وسلطة ومقالي ورز ابيض
مع الكريم كراميل والجلي يكون بالثلاجة دائما:eh_s(15):
لاتنسين المقالي اخذي من الجمعية اللي يبيع سنبوسة مجمده وقلي علي حسب عددكم مع كبة وعصائر وبس
يوعتيني :eh_s(12):
:eh_s(8):

 

[رقي]

تسلمين سارونه عالفكرة

 

[همسات ليالي]

بعد عمري انا من سكنت بشقه وانا اتفطر بروحي مع ريلي وعيالي

تدرين شتسوين؟؟؟؟؟؟؟؟؟؟؟؟؟؟؟؟

اشتري صنواني الالومونيوم اللي بالجمعيه ولفي ورق عنب او ملفوف وحطيه بالفليزر

واشتري كبب وسمبوسه مثلجه وعرايس صغار مثلجه

واخذي لحم مفروم وحمسيه وحطي معاه خضرا وحطيه بالفليزر للمعكرونيه

يصير بس عليج العيش والتشريبه والشوربه

والقطايف ما يبيله شي حشي وقلي

واخيرا الله يهون عليج ويوفقج

 

[atooma]

داشه استفيد معاج

 

[*سكون*]

يعطيكم العافيه

 

[الفنانه79]

اي والله رقي على قولتج ترى الواحد مايرتاح الا في بيته انا اول سنه برمضان كنت توني حامل وكنت كل يوم عندهم ازعاج ولويه لا ونساة وكنت توني عروس تخيلي كل يوم تكشخي ورزي نفسج وجابلي الناس بعد الفطور اوووووووووووه شقول وشخلي
السنه اللي بعدها كانوا عندي اعيالي اسم الله عليهم اصغار عزلت نفسي قمت اروحلهم يومين بالاسبوع او ثلاثه اذا كثرت
المهم اروح امجل قبل ارمضان طبعا من الجمعيه
امي اللي يخليها لي اتسويلي هالمحاشي والملفوف والورق عنب واثلجه
اتبل الربيان والستيك والدجاج التكا واثلجه
اسوي شوربة العدس او الخضار كامله واعبيها بصحون واتثلج بس اطلعها واحمسلها ابصله واشوية طماط واحط عليها الشعريه واتخلص
الكبب والسنبوسه الله ماطثرها والله كنت احمس هالحمسات الزينه بالبيت (لحم مفروم وبزاليا - بطاط بأجار المانجا - جبن الفونك والزيتون الحار )واوديهم عند واحد مال سنبوسه بخيطان يلفهم لي
اييب عجينة الجلاش واحشيها على قعدة الخدم واحطها بالفريزر
والحلو اعلم هالخدم يسوونه بالليل من جيلي ومحلبيه وووالخخخ
ومن هالشغلات ماابي اطول علشان ماتقولين قراقه بس لاني حسيت بمعاناتج
بس استعدي قبلها وارمضان خيره وايد:eh_s(7):

 

[عنايد]

ماشاء الله عليكم بنات افكاركم حلوه
وصج مايبي له شي
بس انا ودي رمضان هذا اذا كنا من الحيين يكون اكلنا صحي اكثر خصوصا للي ماشي على ريجيم زي حالاتي مادري شسوي.؟؟

 

[منوووووله]

بنااااااااااااااااااات يوعتووني

هههههههههه ماشا الله احنا بعد قاعدين نستفييد

 

[رقي]

انا احاتي الاكل
وعيالي صغار ودي اصومهم بس رمضان بيي بالصيف
وبالحر وحزت المدارس
بعد بنات كملووو

 

[عطر الشوق]

صباح الخير
حبيت اسئلج رقي انتو من النوع اللي تاكلون خفيف ولا لازم ايدام ؟

 

[رقي]

اكل كل شي
واحب انوع
بس ريلي موزود مع الايدام

 

[عطر الشوق]

طلبي كبب وسوالف ثانية من اللي يسوون انا العام طلبت وفي كتاب بتول الكندري فيه سلطات وايد وسهل شغلها وشوربة والحلويات عندج كتاب بنت عبدالله وصج وايد استفدت منهم العام عندج المعجنات فيه مقادير عجينة تصير بسرعة وتصلح حق كل شي

 

[رقي]

طلبي كبب وسوالف ثانية من اللي يسوون انا العام طلبت وفي كتاب بتول الكندري فيه سلطات وايد وسهل شغلها وشوربة والحلويات عندج كتاب بنت عبدالله وصج وايد استفدت منهم العام عندج المعجنات فيه مقادير عجينة تصير بسرعة وتصلح حق كل شي

مشكورة
افدتيني

 

[*سكون*]

ومنكم نستفيد

عسا الله يبلغنا رمضان وإياكم

 

[FANDA]

انه صار لي 3 سنوات من تزوجت ولا مره تفطرت في شقتي بروحي يوم في بيت اهلي ويوم بيت حمولتي ......>>> عجازه درجه اولي خخخ

بس من الي اسمعه واقراه واشوف امي اوقات تسويه
1- المقليات من كبب وسبرنج رول والذي منو تجهزه قبل رمضان وتفرزه في اكياس او علب
2- ورق العنب بعد تجهزه من قبل تلفه وتفرزه ويوم الي تبينه تطبخه
3- قريت وايد بنات يسوون عجينه متعدده الاستخدامات ويحشونها حشوات متنوعه ويسوون منها فطاير وبيتزا ويدخلونها الفرن شوي وبعدين يبردونها ويحطونها في الفريز ......>> بس انه اخاف انها ما تطلع فريش في الشكل
4- تقدرين تسوين المعكرونه بالبشاميل وتحطينها في القوالب الاولمينوم ( البارسلات) وتثلجينها ووقت الي تبين اطلعينه وتدخلينه الفرن
5- الحلويات الي تدخل الثلاجه جهزيها من الليل وخليها بالثلاجه واذا مسوه
6- تقدرين نسوين بسكويتات متنوعه مره بالاسبوع وتحفضينها في علب للحفظ واطلعين منها كل يوم

هذا الي في بالي حاليا وان شاء الله اكون افدتج

 

[ام الدلال]

ياحلو سوالف رمضان التشريب والمحلبيه والجلي والهريس والجريش وصب القفشه والحين صيف يعني الحلو البارد قايم حظه انا وحده الف السبرينج روول بالبيت واسوي خلطة السمبوسه واوديها الهندي يلفها والكبب اشتريها جاهزه والشوربه كل يوم بيومه لانه الفطور الوجبه الرئيسيه ايدام واقلي كبب وسمبوسه وشوربه وصينيه او طبق معكرونه حمسات او محاشي جاينييز وبالنسبه للجلي والمحلبيه والحلو اسويه بالليل كلش والله وقت السحور زوجي وعيالي ياكلون اكثر من الفطور وبالتوفيق جميعا الله يعودنا عليه

 

[رقي]

امين
شكرا بنات