ميزانيتها 2500بس وين اروح شهر العسل؟

[ام خدود ورديه]

السلام عليكم

بنات بلييييييييييز حدي متوهقه
مادري وين اروح شهر العسل
ريلي يبي يروح امريكا ديزني وانا قالولي روحي اوربا أونس
احنا بنروح اسبوعين
وهذي ميزانيتنا
وين تنصحوني؟واتهقون اتكفي؟ طبعا هذي كل ميزانيتنا سكن وتذاكر ومصرف مناك حق وين اتكفي؟

 

[غلاي غير]

اولا الف مبروك والله يهنيكم منه المال ومنج العيال ان شاء الله
الميزانيه تكفيكم لاي مكان انتم تبونه بي بحدود المعقول
اول شي تحجزون التذاكر والسكن مايكون 5 ***** طبعا ولا ماراح تكفيكم والتذاكر كل شوي شيكوا في طيران ارخص من طيران وفي الي عليهم عروض
انصحكم من الحين تحجزون اذا سفرتكم بعد العيد
والباقي خلوه مصروف واصرفوا على قدكم لان الميزانيه ماتسمح لتسووق الا اذا بتروحون امريكا لان سوقها ارخص من اوربا (مااتكلم عن الماركات)
وفي بعض الولايات رخيصه لاتروحون الغاليه

 

[أم سارونه المزيونه]

أنصحج لا تروحون أمريكا صج المعيشة فيها رخيصه واكو فنادق تناسب ميزانيتكم
لكن التكت راخ تاخد مبلغ كبير من فلوسكم تقريبا 1000 دينار تداكر او ختقول 900
خلج على دول شرق آسيا تايلند حلوه حق العسل بوكيت رحلاتها تهبل
واوربا اد من دون سوق يكفيخ المصرف

 

[قـہۈه فـرنسيـہ™]

ما تكفي .. اسبوعين ...

اذا اسبووع اوكي بس مو اوربا ولا أمريكا ...بعد شهر عسسسسسسسسسسسل رايحين تستانسون مو تظغطون على أعماركم ...

الله يوفقكم

 

[+بسبوسة+]

حبيبتي روحي امريكا وايد وايد احلا بس ظروفي ماتسمح امريكا

التذكرة حجزي مبجر رفيجتي الحين هنالك ماشاء الله حاجزة مبجر التذكرة 230دينار
وبنتها تالي قررت تروح تذكرتها اب500دينار نفس الخطوط تخيلي...اعتقد الاماراتية

ومعيشة امريكا وايد وايد ارخص وروحي الولايات الرخيصة موالغالية
وكل شي يخطر على بالج موجود عندهم

 

[souhaila]

badak nassy7ty ro7y 3ala Mauritius
kol 3erssan europa we amrica bero7o 3ala mauritius
deshy 3ala google we ray7a tshofy 3ajb saj paradis
aye esstefssar dezily 3ala elkhas ana belkhedma

 

[ام خدود ورديه]

مشكورين بنات ماقصرتو
احنا زدنا الميزانيه 500 يعني 3000 وبنروح دايركت يقولون ارخص عالقطريه
وناوين انروح ديزني أحسها أونس ولا شرايكم؟ انا اموت بشي اسمه شخصيات دزني فودي حيل أني اروحلها

 

[عروس الدنيا]

رد : رد: ميزانيتها 2500بس وين اروح شهر العسل؟

مشكورين بنات ماقصرتو
احنا زدنا الميزانيه 500 يعني 3000 وبنروح دايركت يقولون ارخص عالقطريه
وناوين انروح ديزني أحسها أونس ولا شرايكم؟ انا اموت بشي اسمه شخصيات دزني فودي حيل أني اروحلها

3000 تكفيج تروحين امريكا و تقعدين بفنادق 5 نجوم ... و تشترين واااااااااااااااااااااايد اغراض بعد ...
شوفي حبيبتي بس قوليلي متى السفر و انا انشالله اقولج شلون تضبطينها ... بس غالبا قعدي بنيويورك 4 ايام و 10 باورلاندو
و راح تشوفين ديزني و كل الشخصيات

 

[أم منصـ 85 ـور]

رد : ميزانيتها 2500بس وين اروح شهر العسل؟

ودي أروح أمريكا بس اخاف منها خصوصا انه اول مره لازم نروح ويا قروب والقروب ملاغة ما احب اتقيد اللي عندها خبره خل تفيدنا بليز

 

[ام هالدنيا]

ما عمري مارحت امريكا حدي دبي وخليج وبس وشنو قروب اسمع تقولون قروب قروب تقصدون قروب مالت الايميلات او شي ثاني
وتقبلوا مروري

 

[شموع & دافئه]

امريكا 14 ساعه طيران والتذكره غاليه
انصحج روحى 10 ايام باريس ومنها طلعى للدزنى قعدو هناك على كثر ما تبون
راح تستانسين اكثر بباريس
امريكا كبيره

 

[ChOcoLaTe 'n MarShMaLlOw]

اكيد امريكا بس خطيطي لها عدل

و راح تستانسين ... مدامج توج عروس و خفيفه

روحي ديزني و يونيفيرسال امبية وناسة .. و مري لاس فيقاس حق الشوووووز

( 5 ايام اورلاندو 4 ايام لاس فيقاس و 3 ايام نيويورك حق التسوق و يومين ميامي في كروز حق بهامس )

 

[أم سيف وسلطان]

احس بتضغطون على عماركم وايد

شوفي حد سايرلها ورتبي وياها احسن

وبالتوفيق

 

[ام خدود ورديه]

مشكورين بنات ماقصرتوو بعد عمري :* :* خلاص احنا نوينا امريكا ان شاء الله
بس بلييز شلون نبدي يني طريقة الفيزا والسفاره يقولون من النت عندكم فكره ؟

 

[مساء مونترو]

اذا تبين تروحين لاوربا عندج سويسرا وفرنسا تقدر تروحين جولة لجزر منها المالديف وموريس..

 

[سموة الزين]

الله يهنيكم يارب بنات علمونا الطريفه شلون التذاكر والسكن جم تكلف؟؟ انا مثلج اذا بطلع من النفاس ابي اسافر اسبوعين امريكا ابخاطري ديزني واولاندو

 

[^مرايم^]

اب اب

 

[لوازم العائلة]

روحي امريكا اوروبا تقدرين تروحين لها باي وقت
الميزانيه كافيه
روحي حجزيلج كروز لمدة اسبوع عن طريق ميامي

 

[om dalia]

نصييييييحه لاتروحين مع قروب وييييييييع مايصلح شهر عسل وانا اقترح عليج روحي فيينا 4 ليالي وطلعو لزلامسي 3 ليالي وعقبها من فيينا روحي اسبوع فرنسا ولاتسكنون بفنادق 5 نجوم وتقدرين تروحين لفيينا على طيران الوطنيه رخيييص ونظيف وحده يكفيج حبيبتي امريكا ما اعتقد تكفيج 3000 بس اذا رحتي ولايتين مثلا نيويورك 3 ليالي لان فنادقها غاليه واسبوع لوس اجلوس او اورلاندو هم وناسه يكفيج اذا ولايتيتن لان معيشتها رخيصه بس اوربا صج شهر عسل احلى

 

[بناتي زينة حياتي]

الله يهنيكم ويسعدكم _‏
ماعندي فكره عن أمريكا_بس حبيت أدعيلج