وليعااااااااااااااااااااااااااااافيكم عطوني حل.......!!!!!!!!!!!!!!!!!

[جرحني وراح]

اقري سورة البقرة وكثري من الاستغفار >> نصيحتي الذهبية لكل مشكلة

وطبعا الادعية العادية وأدعية هداية الزوج

مشكووره وماقصرتي يالغلا والله مو مقصرم من هالناحيه

 

[توووفية]

حبيبتي هذا طبع ماله شغل بالعمر بس بادام صغير تقدرين تغيرين افكاره الله يهديكم حق بعض ويصبرج عليه

 

[بـاسي قــوي]

رد : وليعااااااااااااااااااااااااااااافيكم عطوني حل.......!!!!!!!!!!!!!!!!!

حبيبتي بعد عمري لا يضيق خلقج قولي الحمدالله على كل حال في غيرج مايحصلوون و لا فلس و فكري بالاشياء الايجابيه اللي فيه يشتري ماجلت البيت و اذا انتو بشقه يدفع ايجارهاا و يخاف عليج ,, و حسسيه انه طيب باللي يسويله لج و تقدرينه عشان يحس على روحه ,, و لا تفكرين تنفصلين هذا مو حل ابغض الحلال عند الله الطلاق ,, مالج الا الدعااء على ويه الفير و الله يسر اموورج و يعينج و يحقق اللي في بالج

 

[om Firas]

اقري سورة البقرة وكثري من الاستغفار >> نصيحتي الذهبية لكل مشكلة

وطبعا الادعية العادية وأدعية هداية الزوج

هذا احسن حل:eh_s(7):

 

[عاشقه رويشد]

الله يفرجها عليج الله يعينج صراحه ماتحمل ريال بخيل

 

[ســكره ورديه]

كلميه واجهيه


حبيبتي هذا حقك وفي الشرع

كلميه قولي لمتى هالبخل يعني هذ مو حياه والافضل تخلين ابوك يكلمه بصرامه انا ثنتين من بنات خالاتي نفس الشي وفي بداية الزواج بس كلموا اهاليهم ومسكوا ازواجهم الحين كل وحده يجيها المصروف اللي تبيه وهو يضحك

تصرفي حياتي كذا ماينفع والله

والله ييسر لك امورك يارب

 

[memories*]

الله يعينج و يهديه يارب

 

[ام كوشه منكووشه]

رد : وليعااااااااااااااااااااااااااااافيكم عطوني حل.......!!!!!!!!!!!!!!!!!

حبي اخذيـــــــــــه بالحجي الحلو تاخذين اللي وراه ودونه صيري عياره لا تطلبين بذل وجنج تستعطفينه لا طلبي بثقه
والله يعينج عليه

 

[غير كل الناس]

البخل عدو المرجله

 

[غصن الغلا]

شوفي حبيبتي لاتفكرين بالطلاق انسي شيء اسمه طلاق تحملي لما توظفين (حاولي تحلين المشكله بالمسايس والدعاء وربج يفرجها)


وثانيا لاتكشخين حقه طنشيه كم يوم بالفراش إذا قال ابي حقي الشرعي ردي عليه قوليله وانا وين حقي الشرعي بالنفقه متعه بعطيك وين نفقتي (ومن هل الكلام الحلو تقدرين تسحبين منه كل شيء) مثلن قولي خواتك وخواتي وامي يتطنزون على لبسي يقولون ليش فلان مايصرف مايعطيج فلوس قولي حقه انا ما اطلعك انت الشين وانا احاول امدحك عندهم الناس لها الظاهر وملابسي وطلبي من المطاعم دليل على انك تعطيني والبنات يطلبون من المطعم وانا انحرج وانتفشل ماعندي اطلب معاهم وكم بجيه على كم عنفوصه وحاوليه معاه وربج كريم.

 

[Um Turki]

الله يعينج

 

[ياعشيري جعلك السلال]

رد : وليعااااااااااااااااااااااااااااافيكم عطوني حل.......!!!!!!!!!!!!!!!!!

قوليله يسويلج تحويل على طول من ينزل معاشه ولا تقعدن تطلبين منه ويصرخ عليج

 

[نبض انثى]

الله يعييييييييييييييييييييييييييييينج ..:eh_s(11):

50 بس وفوق هذا يتحلطم !!! :eh_s(12):

الله يسخره لج .. حآولي تقعدين معـآه وتفهمينه .. قولي له اذا ماعطيتني مصروف من بيعطيني عيل .. أخذيه بتفآهم حلـو .. وكثري من الاستغفـآر ..

وموفقهـ ​

 

[السهم الصويب]

اختي اسمحيلي اشويه ....

انتي سألتي وقلتي ( اهوا يوم تزوج مايدري ان الزواج مسؤوليه ؟)
طيب انتي ماسالتي نفسج هالسؤال ؟

23 سنه ياهل توه متوظف ومعاشه رايح وقلبه طاير شلون رضيتي فيه ؟
غير عن واحد أكبر منه وأعقل وفاهم واجباته وحقوقه ويصرف عليج
شلون قطيتي نفسج عند واحد امنتف ؟

عيل مصروف 50 دينار ؟
عفوا بس راتب خادمة 60 دينار !!

الحمدالله عالنعمة و50 دينار نعمة بس لازم يبديج
في واحد يعطي 50 دينار بس ماعنده غيرهم ومستعد يعطيج ماي عيونه لو عنده
وهذا 50 دينار ويتنحش !!
دخلي أحد من أهلج بالموضوع

والله يعينج

 

[Tutti-Frutti]

8
8
8
8

الـمـسـألـه مـو مـسـألـه عـمـر
فـي شـبـاب صـغـار بـس قـد الـمـسـؤولـيـه وريـايـيـل صـكـو الـ 30 ولـيـلـحـيـن بـعـمـر الـمـراهـقـه

الـبـخـل عـاده كـلـش كـلـش مـو حـلـوه
مـادري شـقـولـج بـس الله يـعـيـنـج وحـاولـي مـعـاه
انـشـالله يـلـيـن

 

[ابلة لولوة]

ابنك على ماتربيه وجوزك على ماتعوديه

عوديه يصرف عليج ولاتسكتين , انا مابيج تتطلقين منه , بس كلمي ابووه او امه او اي شخص له كلمه عليه

صدقيني اذا ريلج ماتغير راح اتعبين معاه العمر كله , وزوجج صغير ممكن تشكلينه وتغيرينه , حاولي معاه

 

[جوري وبنفسج]

السلام عليكم

الله يعينج يا قلبي

وترى في ناس وايد نفسج يعانون مو بس أنتي . في رياييل ما يبخلون على نفسهم بس كل بخلهم على زوجاتهم .

عندي لج نصيحة طبقيها والله راح يفرج همج > أقرأي سورة الأنبياء بعد كل صلاة وأن شاء الله تشوفين اللي يسرج ​

 

[أبله كويتيه]

اي شافج مسكينه طيبه تستحين تطلبين منه

قال استغلها

خلج عوبه وعياره ويحطج فوق راسه ويشتريلج الي تبينه

شوفي حبيبتي لا تستكتين له قوليله يافلان ترا انا محتاجه سوالف ابي وابي وابي وابي

يا تعطيني مصروفي او تروح تشتريلي الاغراض

قطيها بويهه اذا اهو يقص عليج ويبخل عليج ومايقدرج انتي ليش تستحين منه وتقدرينه وساكته ؟!!!

من الاخير يبه اذا تميتي جذي بيستغلج اكثر وماراح يعطيج ولا فلس

هذا وانتي مو موظفه ولا طالبه عيل لو موظفه جان ماخذ معاشج كله ولا مخلي اغراض البيت كلها على راسج

انا نصحتج وانتي كيفج

لا تستكتين عن حقج كلش

 

[روحي تحبه غصب]

حبيبتي كل شي يترقع بالريال الا البخل ماتقدرين ترقعينه

وفشله لو اهلج بيصرفون عليج وانتي عند ريال ولا بعد رااااااااااح يملون

عطيه هالحلين يا اما انه يسويلج استقطاع شهري من معاشه لحسابج الخاص ويتحمل مسئوليتج او يوظفج باي مكان حتى لو بالجمعيه

ولا انج تطرين منه شهر ايه وشهر عنده ظرف طارئ



والله يفرج لج من عنده ووسع عليج

 

[أبله كويتيه]

8
8
8
8

الـمـسـألـه مـو مـسـألـه عـمـر
فـي شـبـاب صـغـار بـس قـد الـمـسـؤولـيـه وريـايـيـل صـكـو الـ 30 ولـيـلـحـيـن بـعـمـر الـمـراهـقـه

الـبـخـل عـاده كـلـش كـلـش مـو حـلـوه
مـادري شـقـولـج بـس الله يـعـيـنـج وحـاولـي مـعـاه
انـشـالله يـلـيـن

انا معااج حبيبتي

ماله شغل العمر

اكو رياييل عمرهم فوق 35 ومايتحملون مسؤليه ولا يدرون وين الله قاطهم والعكس صحيح

العمر مو مقياس ابدا

وحببيبتي صاحبة الموضوع

انسي موضوع الطلاق والانفصال ماعليج من البنات

شنو كلمة انفصال شويه عندكم

حتى لو بخيل يتعدل مع الوقت بس مو تنفصل عن ريلها وعندها عيال

احنا بمجتمع يرفض كلمة مطلقه وعيالها شلون تقدر تربيهم بروحها

اذا البنت لا موظفه ولا طالبه من وين بتصرف عليهم

ولا كبروا شنو بتسوي ؟!!

عالاقل الحين يمكن فتره وتعدي ميكن تقدر تحل المشكله اذا دخلت احد من اهله او من اهلها واتكلم عن شخص واحد ثقين فيه او اهو ريلج يثق فيه ويسمع كلامه

ولا انتي تسوين حركات تخلينه غصب يصرف عليج

بس مو طلاق والله نصيحه لج حياتي انسي هالسالفه ماعليج من البنات عياره فيهم

خلج بيت ريلج ومع الوقت انشاءلله بتعدل واذا ماتعدل يمكن بس يكبرون عياله يتعدل