رابطة "دودات الكتب " .. حياكم

[كلي أنوثة]

وي فن البساطة ماراح تحصلينه الا بشهر 10 لمن يفتح معرض الكتاب لان ماعندنا مكتبة العبيكان بالكويت

 

[Artist Q8]

امس شريتهم

في احد قاريهم ستايلهم مثل توايلات ؟

 

[نماين]

غميضة ..................... من زمان محد دش هني انصدمت لمن شفت تاريخ اخر مشاركة

وينك يا دودات اشتقنالكم ان شاءالله بتبدي العطلة و بنغوص مرة ثانية بكتبنا ..........

 

[حبيبه امها]

[b

]هلااااااااااااااااااااااااااااااااااااااااااااااااااااااااااااااااا دودات
شلونكم ؟؟
ذاكريني والا لا ؟؟
اذا نسيتوني ما الومكم
بس حبيت اسلم واقول اني ولهت عليكم وايد [/b]​

 

[lailosh]

امس خلصت روايه السماء تتهاوى للكاتب المبدع سيدني شلدون

عجييبه الروايه وايد حلوه وخصوصا اخر شي بس عندي روايته الي قبل احلى اقوى من هذي

يعتبر من الكتاب المفضلين عندي لان عن جد كاتب محترف بمعنه الكلمه ويعرف شلون يخلي القارئ يندمج للنهاية

 

[ra'3ad]

نماين
ايييي انا بعد اتابع من بعيد لي بعيد ماكو احححححححد من القدم هالفتره محولة الكتب الى انجليزي

حبيبة امها
وهل يخفى القمر اكيييييييييييد ذاكرينج ​

 

[نماين]

رغد
حبيبة امها
يا طول الغيبات
انا هالايام قاعدة اقرا الاغاثا اكتشفت انه عندي رواية لها اسمها ( السرو الحزين ) اتمهل فيها عشان ما تخلص بسرعة
وكنت مخلصة قبلها رواية ( ايمي ) من الادب الانجليزي بس شوي كانت طويلة ومتروسة كلام وتفاصيل .. ما بقت تخلص

 

[Bq]

هاي
شلونكم شخباركم ؟؟
حددددي مشتاقه لكم من زمان عنكم ؟
قريت قصة أغاثا كريستي (شركاء بالجريمة ) الصراحه ما كملتها مااندمجت معاها مثل باقي القصص
وقريت الأبعاد المجهوله الجزء الأول يا أخي والله عبد الوهاب السيد الكاتب المفضل عندي حددده خطييير المشاء الله
كلش ولا قصه من القصص توقعت هالنهاية يعني قصصه وااااايد اندمج معاها و أعيش الأحداث و ألحين بديت الجزء الثاني
وإذا فرغت أقرى شوي من خلف اسوار العلم نفس الكاتب المبدع عبد الوهاب .. حلوه معلوماته حبيته يعني

 

[miss-fofo]

السلام عليكم بنات

شوفوا اللحين على ابوظبي الاولى حاطين مقابلة مع الكاتبة ليلى العثمان

 

[عشق فرنسي]

دودات الكتب انا دودة مثلكم ابي احسن مكتبة بالكويت تبيع كل الروايات العالمية والكتب الحديثة والقديمة واذا تعرفون رقم واحد يوصل كتب للبيت يكون عنده كتب على مستوى مو التجارية المعروفة ياليت تعطوني رقمه .... ابي رواية الام الفتى فيرتير وين الاقيها لاني اقرااها من النت بس وتعبت من شاشة اللابتوب:eh_s(7):

 

[وصيّه جــــابر]

رد : رابطة "دودات الكتب " .. حياكم

التحمع حيل عجيب , ابي اسير دوده وياكُم

حاليًا قاعده اقرا كتاب " كيف تكون متميزاً " حييييييييل اللكتاب قيم


واليوم شفت مقطع عجييييييب باليوتيوب
http://www.youtube.com/watch?v=2bZKf-UCDOA

طبعا بالانجليزي و اسلوبه عجيب بس حاطين ترجمة وحييييل افكاره حلووة ^^


i will bak

 

[نماين]

يا هلا بالدودات الجدد ولكــــم ولكم
مختاله

جربي جرير يمكن تحصلين فيها الي تبينه

 

[ra'3ad]

صبـــــــــــــاح الخيــــــــــــــر :tek:


شنو اخر قراءاتكم؟؟

انا توني خلصت رواية أمـــــــــــــاديـــــــــا لدانيال ستيل

كلش ما عجبتني حسيتها فيلم هندي تضمنت حياه الام والاب وقت الحرب العالمية الاولى وبعدين حياة بنتهم ومعاناتها وقت الحرب العالمية الثانية يعني صار قصتين بدال قصة! قصة الام ومعاناتها وقصة البنت ومعاناتها .. ثانيا الترجمه ما كانت دقيقة لان المعاناه اللي كانوا يعانونها معظم القصة اهيا اضطهاد اليهود وقت الحرب العالميه الثانية مع هتلر وشلون رحلوهم وسجنونهم وذبحوهم بس مع الاسف الترجمه من اول الكتاب لين اخر الكتاب ما ذكرت كلمة يهود او يهودي الديانه!! ماني عارفه ليش!!​

 

[paraka]

دودات الكتب انا دودة مثلكم ابي احسن مكتبة بالكويت تبيع كل الروايات العالمية والكتب الحديثة والقديمة واذا تعرفون رقم واحد يوصل كتب للبيت يكون عنده كتب على مستوى مو التجارية المعروفة ياليت تعطوني رقمه .... ابي رواية الام الفتى فيرتير وين الاقيها لاني اقرااها من النت بس وتعبت من شاشة اللابتوب:eh_s(7):

يمكن تلاقينها بمكتبة جرير او العجيري

 

[^ليلاس^]

رد : رابطة "دودات الكتب " .. حياكم

ra'3ad

رغد زين قلتيلي لاني ناوية اشتريها بعض روايات دانيال فيها اطالة وايد وتملل مرات انا قريتلها قبل جم يوم رواية امرأة صالحة زينة بس وايد تمطيييط بالاحداث وهم من يومين قريت لها رواية التحرر coming out خلصتها بيوم واحد لانها ممله وفكرتها ما عجبتني عندها رواية دقة قلب حلوة عجبتني

 

[مزيـانه]

(صباح/مساء) الخير

اشلونكم يا حلوين ؟؟

ممكن أنضم معاكم بهالتجمع الحلوووو؟؟؟؟

نادرا ما أحصل أحد ميوله توافق ميولي .. أثاريكم متيمعين هني؟؟

خل أقول لكم ... انا حاليا قاعده أقرى رواية (المنتظرة - سر مريم المجدلة) بناءا على نصايح بعض البنات اللي قريتها بالمنتدى

لي الحين واصله نص الرواية .. و لحد الان .. ماشي حالها .. و يا رب ما تكون النهاية بايخة

 

[نبض الجود]

بنااات منو قرت رواية بنات ايران ؟؟

واللي قرت تنصحين من عمر جم تقدر تقراها

.... ؟

 

[فديت_روحي]

تجمعكم واااااااايد حلوووووووووو

انا هالفتره اقرا اكثر شي كتب تطوير الذات
خلصت جم كتاب بالفتره الي فااتت واستفدت وااااااايد

الحين صارلي مده عللا كتاب اهوا روووووووعه بس انا كل يوم اقرا منه جم صفحه ماعندي وقت صااير
اسمه المفاتيح السبع للشخصيه الناجحه
وكل جم يوم اطل على لاتحزن أسير عليه هههههه اقرا منه جم موضوع

 

[بسكوت دارسين]

بنااات منو قرت رواية بنات ايران ؟؟

واللي قرت تنصحين من عمر جم تقدر تقراها

.... ؟

الرواية واقعية،، يعني الاسلوب عادي سردي وحده وتكتب شاللي صار بحياتها بأسلوب عادي مو وااو وادبي وتشبيهات يعني عادي مذكرات عادية

صراحة الرواية فيها معلومات عن فترة زمنية ودولة ماكنت اعرف عنها شي


يعني كانها تعطيك نبذة عن الحياة بذاك الوقت

للامانة استفدت منها معلومات جديدة علي



بالنسبة للعمر.. عادي اي عمر يعني مو روايات +18


عادي مافيها شي مخل


قراءة ممتعة

 

[Miss Passion]

رد : رابطة "دودات الكتب " .. حياكم

مرحبا يا حلوات

بعد اذنكم راح انضم لكم و اصير دودة وياكم

هههههههههههههه

و الله استفدت منكم وايد

و إن شاء الله تستفيدون مني

مع حبي