رجيم الموز والحليب من تبي اتشارك انتو بس طاوعوني لمدة اسبوع وشفو النتايج الفتاكه

[BiiShOoO]

ان شاء الله ياااارب و يعطيج العافية

بس من متى راح تسوينه؟؟ عشان نبدي مع بعض

 

[QT]

رد : رجيم الموز والحليب من تبي اتشارك انتو بس طاوعوني لمدة اسبوع وشفو النتايج الفتاك

حياتي


ترى يجيب الاسهال

اشربي ثلاث قلاسات وشوفي


فما بالج اسبوع ؟


منو ه>ي اللي ناقله الموضوع عنه ؟


هل جربتيه ؟؟؟


عطيني خبر بكل نتايجج

 

[كويتيه87]

ماشالله موضوعج وايد حلو بس انا مسويه رجيم انشالله ابلش فيه بعدين لاني اموت عالموز

 

[passion.666]

ان شاء الله ياااارب و يعطيج العافية

بس من متى راح تسوينه؟؟ عشان نبدي مع بعض

ان شاءالله باجر ببلش فيه اذ كنا من الحيين
وراح احط تقريري اول بأول
موفقين​

 

[passion.666]

رد: رد : رجيم الموز والحليب من تبي اتشارك انتو بس طاوعوني لمدة اسبوع وشفو النتايج ال

حياتي


ترى يجيب الاسهال

اشربي ثلاث قلاسات وشوفي


فما بالج اسبوع ؟


منو ه>ي اللي ناقله الموضوع عنه ؟


هل جربتيه ؟؟؟


عطيني خبر بكل نتايجج

هلا وغلى حبيبتي
مشكوره على المشاركه
اولا: قريتي الموضوع من اوله وفوائد الموز
ثانيا:الموز مايسهل بطن بالعكس يمشي البطن يحركه
ثالثا: انا ما جربته ومن باجر راح اجربه ان شاءالله وراح اذكر نتائجه واعراضه
رابعا: راح اطبقه لمدة 4 ايام او 5 لأن مابي ينقص وزني اكثر
خامسا: ما احب احط موضوع وخاصة بالرجيم وانا ماجربته لازم اجربه علشان الكل يعرف
سادسا: موفقه ان شاءالله​

 

[passion.666]

ماشالله موضوعج وايد حلو بس انا مسويه رجيم انشالله ابلش فيه بعدين لاني اموت عالموز

حياج الله معانا بالعين وبالقلب​

 

[kittynony]

مايسبب اسهال بس مثل ماكالت باشن يلين البطن
ومريح و يشبع مرات كنت اكل موزة وحده لان ماكنت جوعانة

هذه تجربتي
وان شاء الله راح ارجع اسويه من جديد بعد الريجيم الي ماشية عليه الحين

 

[passion.666]

مايسبب اسهال بس مثل ماكالت باشن يلين البطن
ومريح و يشبع مرات كنت اكل موزة وحده لان ماكنت جوعانة

هذه تجربتي
وان شاء الله راح ارجع اسويه من جديد بعد الريجيم الي ماشية عليه الحين

ان شاءالله انشوف تجربتج حطيلنا يومياتج مع اللصور اذا امكن​

 

[passion.666]

بسم الله الرحمن الرحيم
اشلونكم يابنات
طبعا انا امس يتلي الدوره واليوم عوار بطني وظهري
المهم ياحبايبي انا بلشت الرجيم الموز اليوم وطبعا راح احط يومياتي مع اللصور بنهاية اليوم بالليل
وراح احط تقريري يوميا بالصور ومثل ما قلتلكم راح اسويه 4 او5 ايام
وموفقين ياعسولات​

 

[BiiShOoO]

اهليين باشن
انا ببلش فيه من باجر ان شاء الله

لانه يتلي الدورة امس و ماقدرت اليوم لاني تعبانه حدي

 

[passion.666]

اهليين باشن
انا ببلش فيه من باجر ان شاء الله

لانه يتلي الدورة امس و ماقدرت اليوم لاني تعبانه حدي

الحال من بعض بس انا بلشت بالرجيم لعيونكم
تابعوني الحين بحط التقرير قاعده انزل اللصور​

 

[passion.666]

بسم الله الرحمن الرحيم

الأربعاء الموافق 28/7/2010
اليوم اول يوم لي رجيم الموز والحليب
راح ابلش بيومياتي اليوميه مع اللصور ونبي تشجيع
هل مره تقرير غير علشان اشجعكم

طبعا اليوم قمت الصبح متأخر اول ماقعدت غسلت وعلى طول شربت قلاس ماي من الفلتر

عقب ريحت اشويه قعدت الوي علشان اجهز غراضي حق السفره للبحرين عندي امتحانات الفاينل وبعدن جهزت الريوق السنع
موووووووووووووووووووووز وحليب خالي الدسم

جهزت الجنطه حطيت كتبي وابحاثي وحطيتلي بندلة حليب واخذت موز معاي جيسته وحطيته بالجنطه

وهذا الموز اللي خذيته ماشاءالله عليه ابداع صج اراده وقوه وعزيمه قولو ماشاءالله

وهني حطيته بجيس ودفنته داخل الملابس

عقبها رحت البيت اهلي قطيت عيالي وعقبها يتلي السيارة المطار خذتني على الساعه 2:15 ورحت المطار وخلصت اجراءات الجوازت وصعدت القاعه دسمان طبعا هالقاعه لدرجة الأعمال والبزنيز
طبعا البفيه موجود كل شي من الذ وطاب

طبعا صورت وانا خايفه جازفت خفت من اللي معطيني مقفاه الريال يجكني وانا اصور
المهم حطيت جنطتي وقلت ابي احطلي موز وحليب

طبعا الحظ ما كان من صالحي رحت ركن الفاكهه لقيت كل شي حاطينه منجا عنب برتقال فراوله اللى الموووووووووووووووز اهم فاكهه بحياتي علشان انا امبلش رجيم الموز
الموز موموجود طبعا رديت وطلبت جاي

عقبها قعدت اشرب الجاي واطالع التلفزيون

​

 

[om-3abodey]

باشن موفقة وبانتظارج

 

[passion.666]

يتبع

طبعا طرت بالسلامه وصلت بالسلامه البحرين
وصلت الشقه اخليكم مع اللصور

وظفيت اغراضي وحطيت الموز اجبالي والحليب بالثلاجه وشوفوه خاليه مافي غير الحليب

وعقبها حطيت راسي ونمت ماقعدت لما زوجي اتصل علي قالي يالله قومي درسي على الساعه 9:30

جهزتلي العشا اللي هو موز وحليب

الحين راكتب شنو السلبيات والأيجابيات
للرجيم الموز والحليب

اولا الموز يشبع ويثقل على المعده ما حسيت بيوع وعلى فكره كان غذاي بالمطار اللي هو جاي فقط
ثانيا حسيت بالوعه وجبدي تقلب بس ماني عارفه علشان الدوره علي او بسبب الموز
ثالثا ماحسيت بدوخه او عوار الراس ابدا
رابعا حسيت ان مشا بطني مع اني معاي امساك مزمن بس الحمدالله حسيت بطني لين بس مو اسهال وانتو بكرامه
هذا تقريري اليوم وان شاءالله التقي معاكم باجر بيوميات جديده وادعولي ان ربي يوفقني في الأمتحانات​

 

[passion.666]

up up up up up up up up up

 

[صدى الأفراح]

ماشاءالله تصويرك روووعه والحمدالله على سلامتك والله ينجحك يااااارب

بس احكيلي كم بنزل وزن هالنظام؟؟؟ وممكن تشربي بين الوجبات اعشاب او تاكلي خس او تفاح؟؟؟

 

[passion.666]

ماشاءالله تصويرك روووعه والحمدالله على سلامتك والله ينجحك يااااارب

بس احكيلي كم بنزل وزن هالنظام؟؟؟ وممكن تشربي بين الوجبات اعشاب او تاكلي خس او تفاح؟؟؟

الله يسلمج ويخليج يارب
بالنسبه كم ينزل على حسب جسمج اذا وزنج من 60 فوق راح تنزلين بالأسبوع 5 كيلوات واذ تبين اكثر مع رياضة المشي
بين الوجبات سوائل من غير الممنوعات
واذا تبين اجربين الخس او الخيار ممكن وراح ينزل وزنج من 2 الى 3 بس لازم تتحركين على الأقل مشي نص ساعه
وموفقه يارب ان شاءالله تنزلين على صحه وعافيه​

 

[؛؛حلاوه؛؛]

رد : رجيم الموز والحليب من تبي اتشارك انتو بس طاوعوني لمدة اسبوع وشفو النتايج الفتاك

موفقه والصور توسع الصراحه كل يوم بدش اشجعج

اتوقع ببلش فيه بس مادري متى

 

[BiiShOoO]

خووووش تصوير ما اشاء الله و الله يوفقج ياااا رب و يسهل عليج امورج

انا اليوم ما تريقت بس ماي

و تني شربت قلاص لبن بدال الحليب و ما عندي موز بشتري اليوم ان شاء الله

 

[passion.666]

خووووش تصوير ما اشاء الله و الله يوفقج ياااا رب و يسهل عليج امورج

انا اليوم ما تريقت بس ماي

و تني شربت قلاص لبن بدال الحليب و ما عندي موز بشتري اليوم ان شاء الله

مشكوره يابعد قلبي والله انتي دايما رافعه موضوعي الله يرفع مقدارج يارب
الله يضعفج يارب على صحه وعافيه يارب​