مواقفكم أيام الغزو؟؟؟؟

[كندية]

اول شيء اسلم عليكم كلكم يااحلـــى بنات ديرتي....

قبل لا ابد الموضوع الله يخليكم مانبي سب مانبي تجريح ....الموضوع حاطته لان على كلام علم النفس ...اذا الواحد مر في حادث ولي الحين متأثر فيه ...احسن شيء الواحد يتكلم عنه مع ناس عاشوا نفس الحادث....

طبعا الكل عارف 8/2 الاسبوع الياي والله لا يعودة على الكويت ..ومانبي يصير حق اي دولة مسلمة....

اول شيء (اللهم ارحم شهداءنا واسرانا وادخلهم فسيح جناتك)


بسم الله بدينا

طبعا اكثرنا مرينا في مواقف منها تقطع القلب ومنها على الوضع بس كانت حلوه وحتى تضحك ولما تذكرين تقعدين تضحكين وماتصدقين على اللي كنا فيه صار الموقف....

انا بحط لكم اسألهم وانتوا جاوبوا عليها


1. باي منطقه كنتي

2. اوصفي اول يوم

3. موقف يخوف

4. موقف طريف

5.شنو اكبر شيء الغزو غير فيج ​

 

[منوووووله]

انا بحط لكم اسألهم وانتوا جاوبوا عليها

انشالله
1. باي منطقه كنتي

احنا كنا بمنطقة صباح السالم بس ماكناموجودين بالكويت


2. اوصفي اول يوم

طبعاا يووم رهيب اول ماسمعنا الاخبار وماصدقنا طلعنا من الديره الي كنا فيها وبغينا نرجع الديره مارضوو رحنا على مصر ..

3. موقف يخوف
بما اني ماكنت حاضره بالغزوو بس مناظر الدبابات كانت اتخرع

4. موقف طريف
لما خلصت الحرب سمعنا انه الجيش المصري كان ماخذ دباباتنا معاهم ؟؟ (( بووق عيني عينك )) لوووول

5.شنو اكبر شيء الغزو غير فيج

يريتاا غير فيني وبس غير الكويت كلها

من بعد الغزوو الكويت تغيرت واايد وكل يووم تتغير اكثر واكثر

ويسلموو على موضوعج قلبتي المواجع

 

[OmRashed]

1. باي منطقه كنتي
مشرف

2. اوصفي اول يوم
كان رعب انا لابسه وبروح الدوام امي توديني انشوف كل الشوارع مسكره
الباصات واقفه والناس يمشون بالشوارع وماكنا ندري شسالفه طبعا ردينا البيت
ماقدرت اروح الدوام من الشوارع الزحمه ومسكره لقينا اخوي يدق على البيت
وقال ان العراقيين دشو علينا

3. موقف يخوف
طبعا وايد مواقف بس بذكر واحد نزلونا العراقيين من السياره انا وامي وخواتي
عشان كانت وحده من خواتي قاعده وره وحاطه ريل على ريل عمرها كان اعتقد 13 سنه يعني صغير ووقفنا بالشمس لمدة 4 ساعات يقول عشان انتو الكويتيين رافعين
خشمكم على شنو يابه هذا كلامه طبعا

4. موقف طريف
لما خلص الطحين (( لان قمنا نخبز بالغزو )) كان هذا بايام الحرب لان احنا تمينا
يالكويت ماطلعنا وكنا جم عايله ابيت واحد عشان السرداب وضطرو يسوون خبز
من الطحين اللي كان فيه فاااار شيسوون عشان يوكلونه :eh_s(6):

5.شنو اكبر شيء الغزو غير فيج
ان محد له اماااااان -
سبحان الله صبحنا لقيناهم وهم صبحنا مالقيناهم الحمدلله على كل حال
ماانسى يوم التحرير لان كنت بالكويت

مشكوره على هالموضوع اللي خليتينه نكتب ايامنا اللي عشناها بالغزو
ولو اكتب كل اللي صار ماراح اخلص من كثر المواقف

 

[lolo77]

وااااااااااااااي
موضوووووع يعور القلب ويعيد الذكريات ايام المراهقه

1. باي منطقه كنتي​

كنت بالاحمدي واول اسبوع رحنا بيت يدي برميثيه ولمن شفنا السالفه امطوله ردينا الاحمدي

2. اوصفي اول يوم​

واي قعدنا على صوت امي تقولنا قوموا العراق دشت الكويت
وكانت اختي اللي الكبيره بالجامعه وعندها امتحان وماقعدت راحت عليها نومه وقعدت الا غزونا العراق
وشي اذكره اني كنت اخر يوم علي الدوره ((شكووو)) بس اذكره عدل مدل هاليوم ويعني كنت خايفه حتى ادش تكرمون الحمام

3. موقف يخوف ​

اكثر موقف يخرع لمن دشوا الجنود يفتشون بيتنا وشفناهم بدريشت غرفتنا ماسكين الرشاشات والبازوكات واااااااااااااااااااي حدهم يخرعون

4. موقف طريف​

اذكر اختي الصغيره كان عمرها بالغزو سنتين وكانت ما تعرف تتكلم عدل واحنا واقفين بالسيطره جان تقول " جككين مارين جيش ""
امبيه متنا من الخوف لو فاهمين كلامها جان رحنا فيها ههه
ولمن طفنا قمنا نضحك

وموقف ثاني كنا كل يوم نروح الخباز ونصف دور عشان نحص خبز وطبعا كنا نروح مشي وعشان نونس نفسنا كنا نسوي حركات واحنا نمشي وحده وحده وورا بعض امبيه شكلنا فصلنا

مواقف واااااااااااااااااااااااايده حاليا هذا اللي اذكر

5.شنو اكبر شيء الغزو غير فيج ​

وايد واهم شي الخووووووووووووووووووووووووف
صرت خوافه درجه اولى
الاعتماد على النفس


واي قلبي عورني وانا اكتب

 

[كندية]

انا بحط لكم اسألهم وانتوا جاوبوا عليها

انشالله
1. باي منطقه كنتي

احنا كنا بمنطقة صباح السالم بس ماكناموجودين بالكويت


2. اوصفي اول يوم

طبعاا يووم رهيب اول ماسمعنا الاخبار وماصدقنا طلعنا من الديره الي كنا فيها وبغينا نرجع الديره مارضوو رحنا على مصر ..

3. موقف يخوف
بما اني ماكنت حاضره بالغزوو بس مناظر الدبابات كانت اتخرع

4. موقف طريف
لما خلصت الحرب سمعنا انه الجيش المصري كان ماخذ دباباتنا معاهم ؟؟ (( بووق عيني عينك )) لوووول

5.شنو اكبر شيء الغزو غير فيج

يريتاا غير فيني وبس غير الكويت كلها

من بعد الغزوو الكويت تغيرت واايد وكل يووم تتغير اكثر واكثر

ويسلموو على موضوعج قلبتي المواجع

هلا والله يابعد شبدي....مشكووووووووووووووره على مرووورج...
بس لما الواحد يتكلم تهون عليه شويه.....
وحلوه هذي مالت مصر عادي ياخذون تذكار هههههههههههههه ​

 

[كندية]

1. باي منطقه كنتي
مشرف

2. اوصفي اول يوم
كان رعب انا لابسه وبروح الدوام امي توديني انشوف كل الشوارع مسكره
الباصات واقفه والناس يمشون بالشوارع وماكنا ندري شسالفه طبعا ردينا البيت
ماقدرت اروح الدوام من الشوارع الزحمه ومسكره لقينا اخوي يدق على البيت
وقال ان العراقيين دشو علينا

3. موقف يخوف
طبعا وايد مواقف بس بذكر واحد نزلونا العراقيين من السياره انا وامي وخواتي
عشان كانت وحده من خواتي قاعده وره وحاطه ريل على ريل عمرها كان اعتقد 13 سنه يعني صغير ووقفنا بالشمس لمدة 4 ساعات يقول عشان انتو الكويتيين رافعين
خشمكم على شنو يابه هذا كلامه طبعا

4. موقف طريف
لما خلص الطحين (( لان قمنا نخبز بالغزو )) كان هذا بايام الحرب لان احنا تمينا
يالكويت ماطلعنا وكنا جم عايله ابيت واحد عشان السرداب وضطرو يسوون خبز
من الطحين اللي كان فيه فاااار شيسوون عشان يوكلونه :eh_s(6):

5.شنو اكبر شيء الغزو غير فيج
ان محد له اماااااان -
سبحان الله صبحنا لقيناهم وهم صبحنا مالقيناهم الحمدلله على كل حال
ماانسى يوم التحرير لان كنت بالكويت

مشكوره على هالموضوع اللي خليتينه نكتب ايامنا اللي عشناها بالغزو
ولو اكتب كل اللي صار ماراح اخلص من كثر المواقف

هــــــلا والله حبيبتي ام راشد ...مشكوووووووووووووره عمري على مرووورج..وااااااااااااي ذكرتيني سالفة الخبز والله تعلمنا الطبخ السنع ايام اخزو ماظل شيء ماسويناه ههههههههههههههههههههههه ..وكل بصوب ودياي البيضان اللي مافي غيره ههههههههههههههه تطبخينه طول اليوم ويوم بس اتعلجين فيه ههههه......

وسالفة التفتيش كنا لما انمر اقعد على اعصابي وماكنا نطلع اللي لضروره​

 

[كندية]

وااااااااااااااي
موضوووووع يعور القلب ويعيد الذكريات ايام المراهقه

1. باي منطقه كنتي​

كنت بالاحمدي واول اسبوع رحنا بيت يدي برميثيه ولمن شفنا السالفه امطوله ردينا الاحمدي

2. اوصفي اول يوم​

واي قعدنا على صوت امي تقولنا قوموا العراق دشت الكويت
وكانت اختي اللي الكبيره بالجامعه وعندها امتحان وماقعدت راحت عليها نومه وقعدت الا غزونا العراق
وشي اذكره اني كنت اخر يوم علي الدوره ((شكووو)) بس اذكره عدل مدل هاليوم ويعني كنت خايفه حتى ادش تكرمون الحمام

3. موقف يخوف ​

اكثر موقف يخرع لمن دشوا الجنود يفتشون بيتنا وشفناهم بدريشت غرفتنا ماسكين الرشاشات والبازوكات واااااااااااااااااااي حدهم يخرعون

4. موقف طريف​

اذكر اختي الصغيره كان عمرها بالغزو سنتين وكانت ما تعرف تتكلم عدل واحنا واقفين بالسيطره جان تقول " جككين مارين جيش ""
امبيه متنا من الخوف لو فاهمين كلامها جان رحنا فيها ههه
ولمن طفنا قمنا نضحك

وموقف ثاني كنا كل يوم نروح الخباز ونصف دور عشان نحص خبز وطبعا كنا نروح مشي وعشان نونس نفسنا كنا نسوي حركات واحنا نمشي وحده وحده وورا بعض امبيه شكلنا فصلنا

مواقف واااااااااااااااااااااااايده حاليا هذا اللي اذكر

5.شنو اكبر شيء الغزو غير فيج ​

وايد واهم شي الخووووووووووووووووووووووووف
صرت خوافه درجه اولى
الاعتماد على النفس


واي قلبي عورني وانا اكتب

هلا والله حبيبتي لولو...مشكوووووووووووووووره على مروووورج ...والله ذكرتيني ايام الخباز ياحلاتهم شبابنا عيني عليهم باردة وهم يخبزون......اذكر كنا نروح مجموعه كلنا بنات والله شجعان هههههههههههه....واحنا ننطر جان اي باص جنود وياخذون الخبز كله وانا واقفين ميتين من الخوف....بس مساكين الشباب اقعدوا وتاخروا وسو خبز مره ثانيه وعطوا كل واحد 5 خبزات....​

 

[بتبوتااا]

انا بحط لكم اسألهم وانتوا جاوبوا عليها

انشالله
1. باي منطقه كنتي

احنا كنا بمنطقة صباح السالم بس ماكناموجودين بالكويت


2. اوصفي اول يوم

طبعاا يووم رهيب اول ماسمعنا الاخبار وماصدقنا طلعنا من الديره الي كنا فيها وبغينا نرجع الديره مارضوو رحنا على مصر ..

3. موقف يخوف
بما اني ماكنت حاضره بالغزوو بس مناظر الدبابات كانت اتخرع

4. موقف طريف
لما خلصت الحرب سمعنا انه الجيش المصري كان ماخذ دباباتنا معاهم ؟؟ (( بووق عيني عينك )) لوووول

5.شنو اكبر شيء الغزو غير فيج

يريتاا غير فيني وبس غير الكويت كلها

من بعد الغزوو الكويت تغيرت واايد وكل يووم تتغير اكثر واكثر

ويسلموو على موضوعج قلبتي المواجع

انا نفسها لاني كنت معاها وحبيت ازيد على كلامها
انه بمصر فتره الغزو كانو حاطين لنا مدرسه خاصه حق الكويتين
ودرسنا هناك سنه وبعدين ردينا دريتنا

 

[..may..]

الله لا يعودها عليكم من أيام .. و يديم عليكم العز و الأمان يا رب ..

كملو كملو بناات >> تموووت على هالسوالف ..

 

[كندية]

عــاااااد الحين انا برد على أسالتي ههههههههه


1. باي منطقه كنتي

اول شيء بيان بس بعدين صار حيل خطر لان امي حامل فرحنا الدسمه عن خالي ولما امي اولدة رحنا حولي عن بيت يدي....

2. اوصفي اول يوم

اول يوم والله كنا في الاندلس نايمين بيت عمي لان على اساس الخميس يدتي توصل الكويت ..حتى يوم الاربعة بليل انطقينا طق من عمي لان مو راضين انام...ولما قعدنا الصبح الكل كان قاعد وعمي الثاني عندنا وشكله جنه احد مات...هو كان دوام لان في الجيش..فقاعد يقول شنو صار..ويقول الله ستر علينا ومادري شلون انحشنا وقلينا ملابسنا العسكره...فقلنا انروح بيتنا بيان على اساس اكبر وطبعا طريجنا من الاندلس لي بيان كان منظر ماانساه كل شيء قاعد يحترق والجنود في كل مكان..بس وصلنا بسلام..حتى كنت قاعدة على الدريشه واشوف الهلكبترات تمر فوق البيت وتشوفين العلم العراقي..
والله كنت ميته من الخوف لان اذكر كانوا قايلين انهم طلعوا كل الحيوانات من الحديقه شكووووووووووووووووووووو مادري...وكنت كل خايفة الاسد بيدخل من الدريشه

3. موقف يخوف

والله الاول لان بيتنا يم القصر فكل الضرب صوبنا..والجنود كل عندنا...بس يوم يو الفريج ودخلو بيت بيت ..وبيتنا صاير اول شيء فيعني من بيتنا تشوفين كل الفريج..وكانوا واقفين عن الباب وكنا ميتين من الخوف لان عمي حماية شخصيات وكنا خايفين عليه وكان هو وابوي يراكضون يخشون البطاقه مالته...وكانوا يقولونا شنو انسوي...بس سبحان الله مادخلو جنه ماشافوا البيت ...

والثاني عمي كان ياي عندنا وتعرفون قبل اي واحد في الجيش يسون لهم بطاقات مزوره وحطون مدرس او شغلات جذي..فعمي وقفوه وشكو في بطاقة وقالوا له اصفط ..فعمي يقول مادري ليش كملة وبدو يرمون السيارة بس الله ستر وكل صار بسيارة لما وصل بيتنا انا فجيت له الباب...وعمري ماراح انسى شكله من الخرعه...وبسرعه خشو السيارة ونحشوه اذكر لبسوه عباية امي ونقابها هههههههههههههههههه لا وكان لابس انعال التميمه يقول مادري شلون الله ستر وماشافوا...


4. موقف طريف

على سالفة الخبز يدتي الله يهديها اللى بتخبز ورحنا الصطح ههههههههههه وتخيلوا اشكالنا مسوين حطب ونار وحالتنا حله وبعدين شفنا الهلكبترات قامت اتحوم علينا فخالي سحب يدتي وقالها نزلي لا يشكون فيج هههههههههههههههههههههههههههه....

والوقف الثاني لما صار القصف الجوي امي مسكينه باخر شهر شالتنا ونزلتنا تحت السلم وعاد 6 نايمين تحت السلم والمكان صغير ..وكل شيء واحد تكرمون بروح الحمام ويدوس في بطون الكل هههههههههههههه


5.شنو اكبر شيء الغزو غير فيج


ممممممممممممممممممممم والله شقول لكم...للاسف صار قلبي حيل قاسي يعني اول مره اعرف شنو الموت والتعذيب...وصار عندي مناعه منه..وصرت اشوف كل المقاطع والصور

الله لا يعودها من ايام..سووووووري طولت عليكم​

 

[كندية]

هلا والله حبيبتي شبدي بتبوتااااااا ...اي اذكر لان كان وقت صيف والكل كان بروه الديرة صيف...انا واحد من عمامي راحوا مصر ...

May هلا والله اختي وشكرا على مروووورج​

 

[شندوخه]

1. باي منطقه كنتي

كنت في قلب الحدث "الجهرا"

2. اوصفي اول يوم

الدنيا كلها غيم اسود واشوف مدرعات بكل مكان وناس لابسه جيش

3. موقف يخوف

موااقف مو موقف
*اول شي انا ابوي اتصلوا عليه من الليل وقالوله تعال لانه عسكري وقال لامي روحي بيت اهلج ومادري شنو بيصير ووصيتج البنات والله اذكر امي تبجي وخدودها حمررره ومن باجر ولد خالي مر علينا اخذنا بسيارته ورحنا بيت يدتي ام امي وكان جبالهم براحه عوووده والله اذكر المنظر جنود عراقيين قاعدين وحاطين عندهم غوري جاي ويشربون عساه سم على قلبهم
*ثاني موقف هاجرنا بيت يدتي ام ابوي بالسره لان بيتنا خلاص مستحيل نتم فيه لانه بالجهرا وثاني شي مراقب كل شوي عسكريين يطقون الباب يبون ابوي وكان نازل له مذكره اعدام اعوذ بالله وبس وصلنا امي تتصل عالمسعكر يقولوها بوفلان خذا سلاحه وطلع والله اذكر حرييم عمي ملتفين على امي ويهدون فيها ويقولولنا صلوا وادعوا لابوكم
*طبعا بس يرن التلفون على طول نحس فيه مراقب وكان ابوي ينخش من بيت لي بيت مره بيت يدته ومره بيت يدتي امه ومره عند عمامي بالخالديه وكيفان والشاميه وكان في واحد يوصلنا خبر انهم لقوا مكانه فا يتصل بسرعه يبلغه انه يطلع من المكان بظرف خمس دقايق كانوا طابين عالبيت اللي كان فيه ابوي العراقيين مره والله مانساها ابوي شفته مصكر ليتات الغرفه ظلمه صخه ويبجي ويقول لامي الكويت خلاص راحت واللله كل ماتذكر الموقف اتحطم4. موقف طريف

ماظن بذاك الوقت في مواقف طريفه كنا برعب والله
بس الحمدالله اللي ردلنا ديرتنا
5.شنو اكبر شيء الغزو غير فيج
صرت خوافه من شي اسمه حرب حشد غزو احلام كوابيس على طول بالغزو وصدام

 

[كندية]

1. باي منطقه كنتي

كنت في قلب الحدث "الجهرا"

2. اوصفي اول يوم

الدنيا كلها غيم اسود واشوف مدرعات بكل مكان وناس لابسه جيش

3. موقف يخوف

موااقف مو موقف
*اول شي انا ابوي اتصلوا عليه من الليل وقالوله تعال لانه عسكري وقال لامي روحي بيت اهلج ومادري شنو بيصير ووصيتج البنات والله اذكر امي تبجي وخدودها حمررره ومن باجر ولد خالي مر علينا اخذنا بسيارته ورحنا بيت يدتي ام امي وكان جبالهم براحه عوووده والله اذكر المنظر جنود عراقيين قاعدين وحاطين عندهم غوري جاي ويشربون عساه سم على قلبهم
*ثاني موقف هاجرنا بيت يدتي ام ابوي بالسره لان بيتنا خلاص مستحيل نتم فيه لانه بالجهرا وثاني شي مراقب كل شوي عسكريين يطقون الباب يبون ابوي وكان نازل له مذكره اعدام اعوذ بالله وبس وصلنا امي تتصل عالمسعكر يقولوها بوفلان خذا سلاحه وطلع والله اذكر حرييم عمي ملتفين على امي ويهدون فيها ويقولولنا صلوا وادعوا لابوكم
*طبعا بس يرن التلفون على طول نحس فيه مراقب وكان ابوي ينخش من بيت لي بيت مره بيت يدته ومره بيت يدتي امه ومره عند عمامي بالخالديه وكيفان والشاميه وكان في واحد يوصلنا خبر انهم لقوا مكانه فا يتصل بسرعه يبلغه انه يطلع من المكان بظرف خمس دقايق كانوا طابين عالبيت اللي كان فيه ابوي العراقيين مره والله مانساها ابوي شفته مصكر ليتات الغرفه ظلمه صخه ويبجي ويقول لامي الكويت خلاص راحت واللله كل ماتذكر الموقف اتحطم4. موقف طريف

ماظن بذاك الوقت في مواقف طريفه كنا برعب والله
بس الحمدالله اللي ردلنا ديرتنا
5.شنو اكبر شيء الغزو غير فيج
صرت خوافه من شي اسمه حرب حشد غزو احلام كوابيس على طول بالغزو وصدام

هلا والله حبيبتي شندوخه...والله ذكرتيني بجيرانا مادري منو فتن عليه بس مسكين مالحق يطلع وخذوه اسير..بس وللله الحمد رجع..وعمي اقدروا اهربونه بره الديرة...واذكر مسكين خالي منحش عسكري والجنود خذو رقم السيارة ومادري شلون طلعوه وامسكوه ونطق طق سنه بساعه على قولته بس مارضى يقولهم وينه ومادري شلون خلوه ...
مشكوووووووووووووره على مرووورج حبيبتي

 

[DLOOL]

* المنطقه *
الفروانيه ستي
*وصف اول يوم *
كنا نايمين لان كانت ليله امبارح جدا مثيره كلها لعب وناسه وانطقينا من اختي الكبيره لانه كان طالع على البرنامج الثاني فليم روائع القصص ومنتبها هي واختي
وقومتنا امي تقول قوموا لكويت راحت دش عليكم صدام طبعا انا كنت ام 7 سنين ما اعرف شنو حرب وغزو كملت النومه قمت على العشر تقريبا وسالت امي وين ابوي قالت راح والا تجينا مرت جيرنا تبجي وخايفه
*موقف يخوف*
اهيا واجد المواقف
1 - لما درينا ان المشاتل صارت معسكر وقمنا نسمع صوت الدبابات ونشوف عامود دخان منها قام يطلع اليوم هذا كان هادي وما نسمع الا صوت الدبابات واهم يصفونهم داخل المشاتل وكنت من الخوف ما اطلع بالحوش
2- لما طلعنا من الكوةيت اتذكر ابوي كان مسرع وكنا خايفين على عمي لان سيارته مرسيدس سنتها وطايرين الله يرحمك ياجدي كان منحشر بالكشن اللي قدام مع اخوي وكل اشوي ابوي يقول شوفوا عمكم ورنا نقوله ايه ورنا
ونشوف اعراقين موقفين سياره قدامنا ومطلعين منا رقي وهالخرابيط
3- بدايه الحرب الجويه لما قام صدام يقصف لارياض بالصواريخ احنا كنا خايفين والسعودين يتراكضون بيشوفون الصاروخ فوق السطح واحنا قاعدين بزاويه ونرجف من الخوف وشابين التلفزيون ونسمع صوت الصاروخ واهو يطير فوقنا ويطيح
4- لما صارت غاره و اخوي بره البيت وامي تببجي
*اكبر شيء فيني تغير*
اطلعت فيني خرعه بس على كبر ما احب صوت البرق اتكرفس بزاويه ولا احب صوت الطيارات القريب وما اقول لم تصير فيني هلاحاله الا الله ياخذك يا صدام من غير شعور وناهيك عن كره الحروب ومعرفه شنو يعني وطن من صغري وانا ما كنت ادري ان بالدنيا غير لكويت بالعالم لما قال لنا ابوي بروح السعوديه انصدمت ؟؟؟؟؟ عبالي بنعبر شيء عشان نروح السعوديه ما توقعدت ولا خطر على بالي انه في دوله غير لكويت

 

[DLOOL]

والله ما اتذكر مواقف تضحك غير الخوووووووووف اللي بيرد الصدر من الشعور بالعجز مع صغر سني بس هذا شعوري

 

[كندية]

والله ما اتذكر مواقف تضحك غير الخوووووووووف اللي بيرد الصدر من الشعور بالعجز مع صغر سني بس هذا شعوري

هلا والله اختي دلول..مشكوووووره على مرووورج...هههههههههههههه حتى انتي انطقيتي نفسنا...
مثل ماقلتي اعتقد 99% خوف..واذا طلع واحد من الريايل نقعد على اعصابنا..انا ابوي كان يطلع كان امام في المسجد اللي يمنا لان صار كل شيء عفيسه والله يخلي شبابنا اللي قاموا بديرة ....
ومثل ماقلتي على صغر سنا بس بوقتها تكبرين سنين....

 

[الجــادل]

1. باي منطقه كنتي

انا من اهل الفحيحيل بس بالغزو كنت بلندن

2. اوصفي اول يوم

كنت توني قاعده من النوم واتريق كورن فلكس والخدامه بالمطبخ بس المطبخ كان نظام امريكي يعني قاعده تطالع تلفزيون معانا المهم صرخت وقامت تبجي
لان التلفزيون كل ما نحط على قناه نلقا صور دبابات وانا ما كنت فاهمه لاني ثانيه ابتدائي بس خدامتنا فهمت تعرف انجليزي

ومن خرعتها دشت على امي وابوي تبجي

3. موقف يخوف


قبل الحرب الجويه خوالي كانوا بالسعوديه وامي كانت تبي تشوفهم وداها ابوي جان تصير الحرب الجويه والصورايخ متنا من الخوووف بس ردنا بعدين ابوي لندن

4. موقف طريف


كانت بلندن تصير مسيرات ومره رايحين مسيره من سفاره الكويت الى ساحه الحمام .. وضيعنا ابوي بالمسيره فلما تجمعو الناس بساحه الحمام قامو حطو الجهال عند المنصه عساس يصورونا عاد جاني مصور قالي سوي علامه النصر سويتها ثاني يوم صوري بالجرايد وحطوني في فيديو كليبات الاغاني الوطنيه بعد الغزو اذكرها كانت تبقا الكويت عاليه انا اكنت مسويه علامه النصر واختي ام كاريه مسوسه سنونها خخخخخخخخ ولما داومنا بالمدرسه بعد التحرير الابلات والبنات يسالوني انتي اللي طلعتي بالنلفزيون خخخ صرت مشهوره


وفي موقف ثاني

كان بابا سعد مجتمع بالكويتين بلندن وكنا رايحين وهمن ضيعن ابوي خخخخخخ اذكر رحنا لولد سعاد الصباح اللي اسمه محمد وقلناله نبي نسلم على بابا سعد ولما جا يطلع ودانا وسلمنا عليه وسالنا انتو عيال منو وقلناله قال ونعم

عاد انا طيحت الميانه وقلت له ليه ما تعطيني قنابل على ميكي وسنفور ونقطها عالعراقيين ما يشكون فينا <<<< حدي بريئه خخخخخخخخ

قال حق اللي يمه هذي تربيه الكويت ما تضيع الكويت دام صغارنا يطالبون فيها شلون كبارها <<< دمعت عيني

5.شنو اكبر شيء الغزو غير فيج

احس صرت اقوى واكبر من سني لاني كنت اقرا واقرا واقرا الجرايد قبل وكنت ادش بنقاشات واتكلم بثقه خصوصا عن قضيه الكويت بذاك الوقت

 

[كندية]

1. باي منطقه كنتي

انا من اهل الفحيحيل بس بالغزو كنت بلندن

2. اوصفي اول يوم

كنت توني قاعده من النوم واتريق كورن فلكس والخدامه بالمطبخ بس المطبخ كان نظام امريكي يعني قاعده تطالع تلفزيون معانا المهم صرخت وقامت تبجي
لان التلفزيون كل ما نحط على قناه نلقا صور دبابات وانا ما كنت فاهمه لاني ثانيه ابتدائي بس خدامتنا فهمت تعرف انجليزي

ومن خرعتها دشت على امي وابوي تبجي

3. موقف يخوف


قبل الحرب الجويه خوالي كانوا بالسعوديه وامي كانت تبي تشوفهم وداها ابوي جان تصير الحرب الجويه والصورايخ متنا من الخوووف بس ردنا بعدين ابوي لندن

4. موقف طريف


كانت بلندن تصير مسيرات ومره رايحين مسيره من سفاره الكويت الى ساحه الحمام .. وضيعنا ابوي بالمسيره فلما تجمعو الناس بساحه الحمام قامو حطو الجهال عند المنصه عساس يصورونا عاد جاني مصور قالي سوي علامه النصر سويتها ثاني يوم صوري بالجرايد وحطوني في فيديو كليبات الاغاني الوطنيه بعد الغزو اذكرها كانت تبقا الكويت عاليه انا اكنت مسويه علامه النصر واختي ام كاريه مسوسه سنونها خخخخخخخخ ولما داومنا بالمدرسه بعد التحرير الابلات والبنات يسالوني انتي اللي طلعتي بالنلفزيون خخخ صرت مشهوره


وفي موقف ثاني

كان بابا سعد مجتمع بالكويتين بلندن وكنا رايحين وهمن ضيعن ابوي خخخخخخ اذكر رحنا لولد سعاد الصباح اللي اسمه محمد وقلناله نبي نسلم على بابا سعد ولما جا يطلع ودانا وسلمنا عليه وسالنا انتو عيال منو وقلناله قال ونعم

عاد انا طيحت الميانه وقلت له ليه ما تعطيني قنابل على ميكي وسنفور ونقطها عالعراقيين ما يشكون فينا <<<< حدي بريئه خخخخخخخخ

قال حق اللي يمه هذي تربيه الكويت ما تضيع الكويت دام صغارنا يطالبون فيها شلون كبارها <<< دمعت عيني

5.شنو اكبر شيء الغزو غير فيج

احس صرت اقوى واكبر من سني لاني كنت اقرا واقرا واقرا الجرايد قبل وكنت ادش بنقاشات واتكلم بثقه خصوصا عن قضيه الكويت بذاك الوقت

هلا والله اختي الجادل...اشعليج من قدج مطيحه سوالف مع بابا سعد هههههههههههههههه....اصلا لو انا منج ماتحاجا هههههههههههه ...اتعرفين شغل اليهال قبل نتشيحط...

مشكوووووووووووره حبيبتي على مرووورج

 

[$$درر والماس$$]

الله لايعيدها من ايام

sorry بنات كان ودي اشارك فالموضوع لإنه عجبني بس

ماراح تاخذون مني لاحق ولا باطل لإن عمري بوقتها كان 7 شهور ههههههه يعني

ماراح تستفيدون مني بس عالعموم كانت محنه صعبه مرت فيها الكويت والله

لايعيدها من ايام ... والله يديم نعمة الأمان على الكويت ويحفظها من كل مكروه

آمييييييييين يارب العالمين​

 

[كشموووشه]

تدرون وين كنت؟؟؟؟؟؟؟؟؟؟؟ظ
لاتنصدمون





بين حدود تركيا والعراق
تخيلو كنت بالمتوسطه وكنا مسافرين مع اعمامي بالسياره بتركيا قعدنه فتره تالي بنرجع الديره و1/8 ابوي كلم اخواني قالهم بنرجع وقالوله لاترجع من طريق العراق تعالو من السعوديه بس الوالد الله يحفظه ماعبرهم لأن طريق العراق اسرع وماندري شالسالفه واليوم الثاني الصبح حركنه ووصلنه حدود تركيا وقفونه وقالولنه الخبر المأساوي ولاتشوفون اعمامي وابوي اشلون يلمون بعض ويبجون
الموقف اللي يخوف اهو لمن نبي نروح السعوديه لازمندش الأردن والله لايراويكم ماشفتو اشسوو فينه كانو يحذفونه بقواطي ويسبوووون ويقولون تستاهلون وواحد من اعمامي ماتحمل وسبهم فخفنه ان يسوون فيه شي او يطقونه اويذبحونه
الموقف اللي المضحك
والله ماأتذكر شي يضحك اتذكر شي مبكي اللي اهو لقاء امي مع اخوي اللي كان بالمقاومه وصادوه وعذبوه تالي قدر بالفلوس ينحاش منهم وبعدها يالنه السعوديه لمناتذكر اخوي اشلون يلم امي واشلون يبوس ريلها وابوي يبجي و يقول حق اخوي انا مااقدر اعيش من غيركم اموووووووت