ابي مركز يستاهل

[ورود11]

السلام عليكم ورحمة الله وبركاته


خواتي انا بغيت اسئلكم شنو احسن مستشفى او مركز للعلاج الطبيعي؟سوا حكومي او خاص المهم ان علاجهم ممتاز

يكون نفس العلاج اللطبيعي با التشيك؟

وتكفون بنات اللي متاكده من علاج المركز اللي بتذكره ولا لاترد الله يجزاكم خير لني مابي اتوه

انا اراجع بابنتي با العدان قسم العلاج الطبيعي وصراحه مومقتنعه تعب على الفاضي تخيلو ساعه في السبوع مره باالله

شراح تفيد ها الساعه؟

ها الساعه تروح وهم يعلموني يقولون تعلمي شلون تسوين العلاج البنتج لنه فتره وخلاص ماراح نستقبلها

مع اني با امريكا والمانيا والتشيك حذروني اني اسوي لها تمارين نفس اللي يسوون يقولون احنا دارسين شلون نمسك العضله

وشلون نتعامل مع العصب ومع المفاصل انتي يمكن تسوين شي يضرها مايفيدها الي تقدرين تسوينه هو مساج عادي وحركه

ليدينها ورجولها منشان يتحرك الدم بجسمها وهاذول يقولون انتي سوي لبنتج مادري شنو شايفيني اخصئبه علاج طبيعي؟؟؟

انا اللي ابيه بنات الله يخليكم علاج طبيعي يستاهل التعب ونشوف منه فايده مومجرد اسم علاج طبيعي

والله يجزاها خير اللي ترد ويجعله بموازين اعمالها يوم لاينفع مال ولا بنون

 

[الصابرة المحتسبة]

هلا يالغالية

عندج هالرابط تفضلي
- - مستشفيات ومراكز وعيادات طبية منزلية !!!!!!!! (http://www.q8yat.net/showthread.php?t=348551)

 

[ورود11]

صباح الخير على الجميع


الصابره يعطيك العافيه على المجهود الصخي اللي تبذلينه لخدمتنا ياالغاليه والله لايضيع تعبك ولا تعب كل مسلم



شدعوه يابنات معقوله مافيكم اللي جريت مراكز علاج طبيعي؟؟


سوى خاصه او حكوميه؟ انا بس ابي اللي مجربين شنو يرشحون افضل مركز او مستشفى؟؟؟


منشان نستفيد ولانضيع وقتنا ونجهد عيالنا من غير نتيجه؟؟

 

[نشـــامي]

رد : ابي مركز يستاهل

مركز الفهد زين بالصباح بس التحويل له صعب

ودقي ع شركه العيسى يجونج البيت الجلسه ب12 زيدي ع الحكومه

ويمدحون بنات المنتدى دكتوره اسمها عايشه اعتقد عندي رقمها بس ماجربتها للامانه5645070

 

[وبعديين]

رد : ابي مركز يستاهل

اختي ورود

ماعندي فكره

بس حبيت ارفع موضوعج

الله يشفي بنتج وجميع مرضى المسلمين

 

[ورود11]

مشكوره الغاليه وبعدين الله يعطيج العافيه ويجزاج خير وماتشوفين مكروه بغالي يارب

ويعطيج العافيه اخت نشامي ماقصرتي حبيبتي بس مادري مركز الفهد تغير علاجهم ولا لا؟ لني كنت اراجع عندهم 2002

ياليت الي معالجين فيه يقولون لنا شلون العلاج فيه الحين ؟؟؟:eh_s(17):

 

[الصابرة المحتسبة]

رد : ابي مركز يستاهل

رفع

 

[ام نوونه]

انا دوورت ومالقيت شي عجبني نفس برا الا مركز فوزية السلطان بالسالميه

عندهم دكتورة من كندا وايد شاطرة بس مادري وين راح رقمهم دورية بقوقل ودفي عليهم

بس شي مضمون مو نفس اللي ييون البيت خرابيط

والله يشفي عيالنا انشالله

 

[اوووفه]

انا نفسك ادور شي زين ويكون قريب لي بالجهراء

 

[هرانية وأفتخر]

رد : ابي مركز يستاهل

أنا ما اعرف إلا الخرافي ومستواه توب


هرانية وأفتخر​

 

[أم عبدالرحمن 1]

صباح الخير على الجميع


الصابره يعطيك العافيه على المجهود الصخي اللي تبذلينه لخدمتنا ياالغاليه والله لايضيع تعبك ولا تعب كل مسلم



شدعوه يابنات معقوله مافيكم اللي جريت مراكز علاج طبيعي؟؟


سوى خاصه او حكوميه؟ انا بس ابي اللي مجربين شنو يرشحون افضل مركز او مستشفى؟؟؟


منشان نستفيد ولانضيع وقتنا ونجهد عيالنا من غير نتيجه؟؟

ان شاء الله يكون الدكتور هذا افضل 99919036