همس حبيبتي
يعطيج الف عافية على ردج الراقي واللي يبين مستوى التعليمي العالي لمخرجاتكم مثل ماذكرت سابقا
تعرفت مرة على وحدة سعودية حبوبة بالعمرة سالتها عن وظيفتها فقالت انا مدرسة بالانتداب واخذ الفين ريال
وقلتلها التعيين عندكم فقالت لي - ما اتذكر للاسف - بس كان اقل من معاش المدرسة عندنا
هذا كلامها لي واللي على اساسه قلت وزارة التربية عندكم ترفع من مستوى معيشة المعلم، والحين انتي حسستيني انها جذابة !
التعيين مو مشكلة بالسعودية فقط ترى هم يطول عندنا
وانا وحدة منهم كان المفروض اتعين بعد اكثر من سنة بس اشفعت لنا ضربة القوات الامريكية للعراق
فصار نقص ودقوا علينا وتعينت عقب 9 اشهر من القعدة بالبيت
انا ما انكر انه عندنا نقص بالتربية ولا انا ضد تعيين الخليجيين، بالعكس ابرك الايام انشوفكم بينا وحوالينا ولانشوف الجاليات الثانية المرتزقة والحقودة من مصاروة وغيرهم اللي من فترة الى فترة امسوين عاهه باحد عيالنا من الطق
بس هم السعودية عندها بعد نقص، كل دول الخليج عندها نقص ولا راح اتوفيه
فمن باب اولى اتوظف كل مواطنيها وبعدين المتبقي اتخليه للي جايين من برة
و مثل ما قلتي ان الوزارة هناك راح اتعين بعض الخريجات باماكن ابعد حتى من الكويت، سؤالي ليش؟
ليش ماتسهل الامور على المعلمات؟ تتوظف الابلة بمنطقتها او قريب منها وخصوصا انها انثى مو ولد يقدر يدبر اموره
على العموم انا مالي دخل بالسالفه هذي
لان هذا شان خاص فيكم
اما عن قلة فرص العمل هناك فاتوقع لان الهجرات اللي جاية من برة استولت على وظايفكم لاسباب متعددة وهي الشيء بعد موجود عندنا ونعاني منه
انا ماطلوا في تعييني لان مافي لي مكان ابمدرسة (صاروخ) ولما تعينت
واتفاجا بكم الحصص بجدولي والنقص الموجود غير خمة المصاروة وكلامهم وريحتهم الزفرة من ياتحفة واضربك على راسك لبنات الابتدائي
منو اولى بوظيفة التدريس وحدة اتسب البنات ولا وحدة تبي اتدرس بذمة وضمير
واحب اعلق على ان الكويتيات اتجهوا للوظائف الادارية
صدقيني الكويتيات يحبون التدريس بس المقرف بالسالفة الظلم اللي نلقاه وعدم التقدير
يعني لما تكون رئيستج مصرية وموجهج مصري ويتفلسفون عليج وما يعجبهم اي شيء اتسوينه
ولا موجهه توها قايمة من النوم وبراسها اجندة كراف للمدرسة ومحد يوقف ابوجهها
ولا ناظرة طرارة تبيج اتقهوينها ولا تاثثين بيتها اقصد مكتبها ولا مافي امتياز
اكيد هالمعلمة بتخلي خياس التربية
دام ان المساله مو مسالة فرق معاشات بل مساله بعد وقلة فرص عمل التعليمية
فاتمنى ان وزارة التعليم هناك اتحل هالمشكلة اللي تقدر اتحلها
وينزاد معاشاتنا ككل كخليجيين
ونفتك من المرتزقة اللي من بين فترة وفترة نسمع بارصدتهم
ويطلعون خليجيين من اصل فلسطيني ولا باكستاني ولا غيره واحنا طايح حظنا ابسبتهم
الله يوفقج ويوفقنا كلنا
ياهلا ومرحبا تركوازية الله يعافيك
وتسلمين حبيبتي
هالموضوع يطول شرحة
ولا عندي من الخلفية او الخبرة اني ارد بالتفاصيل لان مادخلت في وظايف السعودية
بس اللي اسمعة واقراه
انه المشكلة اكثر بناتنا يتجهون للدراسة في التربية
والاغلبية الغالبة يبون التدريس
فصار عندنا فيض
وهالسنه لما فتح التسجيل لدفعة العام والمتعثرات عن التسيجيل واللي ماحالفهن الحظ العام
الشواغر الطلوبه 11,550وظيفة فقط
شوفي المتقدمات كم حبيبتي
300,000متقدمة
وين بيحطونهن
قولي وش يسووون بالباقي
ولافتحت المدارس
هناك الوالدة والمرضعة واللي عندها ظرف
صار عندنا توظيف على بند الاجور
مثل السعودية اللي شفتيها
ولارجعت المعلمة الاساسية
عطوها حقها وتوكلت على الله
وكسبت شهادة خبرة
وازيدك من الشعر بيت
اذا مديرة المدرسة تعرف احد دخلته يعني واسطة
اعرف صديقتي جاها تعيين بهجرة بالصمان صحراء لوجود شاغر هناك
ونقلوا اهلها على شانها لين الله كتبلها الرجوع بواسطة او وجد شاغر عندنا
ووحدة اعرفها تروح النعيريه ساعتين عن الخفجي وترجع يوميا لين يسهل عليها
ولانة رفض زوجها تتوظف بالكويت رغم قربها
وكثيير نفس الحالة
واحنا من زمان توجهت حكومتنا للسعودة بالمدارس وماعندنا اجانب وهم مو ملحقين
وموضوع التوظيف بعيد يقولون على حسب الشواغر والمملكة مثل ماتعرفون قارة مو دولة مترامية الاطراف
ويااخت تركوازيه
يقولون بيحلون هالموضوع موضوع الكم الهايل من الخريجات بس ماادري متى
والله يسهل الامور
وراتب المعلمة عندنا 6000
تقريبا نفس الراتب اللي ناخذة عندكم
ولو يتجهون البنات لتخصصات اخرى يمكن تنحل المشكلة
لكن بعض اهالي عندنا مايبون بناتهم غير مدرسات مايبونهم يدخلون تمريض ولا صيدلة ولا طب
خوفا من الاختلاط
والشباب بعد مايشجع
مايرتبطون عندنا بعضهم باللي تخصصها فية اختلاط
ومافي يااختي وظيفة بدون تعب ومشاكل وعقبات
بس الواحد يشتغل بضمير
ويحط اتكالة على الله
الله يوفقنا جميعا لما يحبة الله ويرضاه
طولت عليكم
والله يرزقنا واياكم صالح الاعمال
وشاكرة لك مرورك وخليك على تواصل
والمنتدى ياخواتي منتداكم واحنا الضيوف عليكم
