حبيبتي همس ليش تضايقتي من سؤالي ؟؟
والله انا حابه اتناقش معاج وناخذ ونعطي
وشفيه تفكيري الله يهديج ترى ماقت شي يزعل ولا يضايق
انا كل اللي قلته ان هل مو المساواه ان يتساوى المواطن والغير مواطن لاتزعلين علي بس هذه الحقيقه
ترى والله انا احب السعودية واحب كل دول الخليج وماننسى وقفتكم معانا بالغزو واحنا ماننكر طيبكم انتم بالذات والله والله يشرفنا انكم تكونون
مدرسات لعياليا بالعكس احسن من الغريب
بس انا اللي بقوله ان دايما المواطن بديرته يكون له وضع خاص غير عن الغير مواطن والا شحقة قالوا هذا كويتي وهذا غير كويتي وهذا مصري وهذا اماراتي وهذا لبناني>>> اكيد ياختي كل واحد بديرته غير
وعلى فكره عنواج مو لا يق مع فكره الموضوع >>>صح احنا خليج واحد وايد وحده بالمحن والمشاريع والمعاهدات والروابط الا قتصادية والسياسية الله لا يفرقنا امين ويخلينا عزوه لبعض
بس لما نتكلم عن حقوق المواطنين اكيد اهني كل دوله بتميز مواطنينها عن غيرهم صح والا لأ؟؟
اذا الكويت بتساوي كل الموظفين بالكويت سواء مواطنين والا وغيره بنفس المميزات ونفس العلاوات >>> عيل وين تميزه كمواطن وبديرته بلييييز لا تزعلين بس هذا الصج.... يعني الحين بالسعودية الموظف المصري نفس السعودي؟؟؟؟ّ!!!
يعني احس ان المواطن لازم يتميز بديرته بصرااااااحه
وانتوا على العين والراس بس لازم تكووون هناك مميزات للمواطناااات بديرتهم والحمدلله هذا اللي صاير
حبيبتي انتي لاتزعلين وتقبلي مروري
ياهلا ومرحبا تيفان
والله ماني متضايقة
بس انا امس مرة تعبانة ونفسيتي تعبانه
اخوي مرقد بالمستشفى ولاادري وش بيصير معه
ومو مرقد عندنا مرقد بالدمام
وافكر فيه
ادعوله يابنات ان الله يشفيه ويرده بالسلامه
امي مرة تعبانه على شانه
اعذريني اذا غلطت بشي
وانا والله احاول مااضايق احد اوازعل احد من الاخوات مني
وكلامك على العين والراس اختي
وانا ماني زعلانة منك
والعنوان سببلي مشكله
انا سمعت ان حكومتنا الموقرة متفقة مع دول الخليج بمعاملة المواطنين بكافة دول الخليج
اقصد الموظفين بنفس المعاملة
واكتشفت انه مو صحيح هالكلام
وفيه وحدة تاكد انه الكويتيه تشتغل عندنا باقل من راتب السعودية
انا الصراحة ماكنت ادري
وانصدمت من هالكلام
وفكرت فعلا خليجنا واحد بتحقيق قرارات حكوماتنا
وهذا سبب وضعي للعنوان
وهذا من حسن نيتي
وانا معاك باللي تقولينه
وانا احبكم مووووووووووووت
اهلي وديرتي
والله يهنيكم ويزيدكم من فضله
ولما قلت تفكيرك مااقصد اهانة والله
بس لاني ماني فاهمة ايش تفكرين فيه من سؤالك
انتي عسل
وكلامك عذب بحلاوتك
وجوابا لسؤال البنات كم راتب المعلمة السعوديه
سالت وتقولي صديقتي
تقول على حسب المربوط
بداية 6000تقريبا
وزيادة سنويه 400ريال
واذا على مربوط 2و5
8490
وانشالله فهمت رسالتها صح
لانها جاوبتني برسالة هي بالامارات,,,,الله يهنيها
وكل رسالته مرابيط وارقام
تقريبا نفس الراتب اللي بناخذة عندكم
وادعوا لي ولكم بالهداية والصلاح والتوفيق لما يحبه ويرضاه
شاكرة لك مرورك الطيب
وخليك على تواصل
