اي استفسار لطلبة الحقوق - جامعة الكويت

[SKY--NA]

السلام عليكم بنات تدرون متى موعد التسجيل والمقابلة الشخصية؟؟؟

كلمتني وحده اليوم الظهر وبشرتني بالقبول

وقالت المقابله الشخصيه 20-9

والتسجيل مادري يمكن 26-9 بعد المقابله

 

[miss disaster]

مبروووووك عل قبووول بنات



وترى مو الحين التسجيل تو النااااس .. شهر 9

مشكوره حبيبتي وما قصرتي لاني والله صج حدي كنت مخترعه :0bee2e8d89: وبالتوفيق للكل


:tek:

 

[miss disaster]

miss disaster

انا بعد علمي بس كله واحـد الحقوق حلوه

وانا سمعت ان مو كلها حفظ فيها حفظ وفيها فهم والله يكتب اللي فيه الخير

ويوفقج ويوفق الجميع

انا ما قلت شي وادري انها حلوه:icon30: بس ما ادري ليش متصروعه:eh_s(12): ؟؟!!

وانا محد دق علي وقالي متى المقابله ليش مو عاجبتهم ؟؟؟؟!!!!!:080402ask_prv:

واتمنى نصير صديقات سوون

 

[SKY--NA]

انا ما قلت شي وادري انها حلوه:icon30: بس ما ادري ليش متصروعه:eh_s(12): ؟؟!!

وانا محد دق علي وقالي متى المقابله ليش مو عاجبتهم ؟؟؟؟!!!!!:080402ask_prv:

واتمنى نصير صديقات سوون

ههههههههههه لا حياتي انتي سمي بسم الله

وعلى قولت يدتي سهل الله ماكان جااايد ، يمكن ماحطيتي رقمج عند الاتحاد نسيتي وقت التسجيل

اي شي تبين انا حاضـره والخوات مايقصرون معانا ان شاءالله

اتشرف بمعرفتج

 

[miss disaster]

حبيبتي وانا اكثر

 

[eva beach]

Miss disaster

حبيبتي ترى عاادي الخوووف والخرعه شعور طبيعي

لانج مقبله على مرحله يديده بحياتج

وكلنا مرينا بهالمرحله يعني لاتحاتين كللللللللش

صدقيني باجر بتضحكين على نفسج لانه سهالااااااااااااااااااااات مافي شي يسوا

وان شالله كل اموورج تتسهل وتتيسر ... وارد واقولج احساس طبيعي لانه ماتدرين

شلون صايره هالمرحله وخاصه انها بعيده كل البعد عن الثانويه هههههههههههه

وادري باجر بتحاتين كل التفااااصيل وادقها بعد .. بس عقب ماتدوامين يبيلج

اسبوع .. اسبوعين .. 3 على ماتتأقلمين وبعدين يصير وضعج زي الفل وعال العال

خخخخخ

واي شي تبينه لايردج الا كيبوردج سالينا كلنا خوات نعين ونعاون

 

[MiSs_CRaZya]

رد : اي استفسار لطلبة الحقوق - جامعة الكويت

وناسه قبلوني حقوق و اخيرا ارتحت

ما بقى الا المقابله و تسجيل المواد و انا حدي متصروعه

 

[يمة يادلبي]

شمعنى احنا شهر 9 والكليات الباجي هالشهر ؟

 

[روح الغلا]

بنااات شنو شغلت الباحثه القانونيه ؟؟
وابي اعرف الوظاايف الثاااانيه غير المحامااة ؟؟

وحدي خااااااايفه ؟؟ لاني علمي ؟؟ وكنت ابي هندسه بس ع حظي رفعوا المكااافئ ولا كاااان العاام 80 ؟؟
بلييييييييييز جابوا

 

[بقايا العطر..}]

الحلوه

لووووووووووووووووووووول ربي يرررررزقج بأحلى سفرة تغسل قلبج من هم الصيفي :**
الله يسلمج يا الغالية اي والله الحمد لله استانست وطلعت الطاقة السلبية اللي جمعتها من الفاينل

3ian-el7r & روح الغلا & MiSs_CRaZya & يمه يادلبي
ألف ألف ألف مبروووك القبووول عزيزاتي وشدوو حيلكم وبس تنزل الجدااول بنساعدكم ان شاء الله
وبالنسبة حق سؤالج " دلبي " فأنا أقولج لانج مميزة تسجيلج يكون عقب الناس كلها لووول
الله يسلمج يتراوالي عشان احنا نظامنا سنوي فلااازم يشووفوون منو الدكاترة اللي بينزلون حق هالسنة يعني السالفه فيها واايد لوويه

miss disaster

السلام عليكم ..
شلونكم بنات ؟ شخباركم ؟
وعليكم السلام ورحمة الله وبركاته ،، تمام بخير حبيبتي :**

الحمدالله اليوم طلع قبولي حقوق بس حبيت اسأل كذا سؤال ويا رييت تجاوبوني باسرع وقت
ع البررررررررررررررررركة خيتوووو وحياج الله زميلة بينا وشدي حيلج

1- المقابله شنو يسئلون فيها ؟ اسئله صعبه ولا لا (اانا علمي واقبولي حقوق فما اعرف شي !!!)
المقابلة شكلية الغرض منها يعرفون انتي مخيرة ولا مجبورة تدشين حقوق !! الكل مقبول عدا اللي يقول انه ما يبي الكلية وانه مجبور عليها + الاشخاص الغير أسوياء " الجنوس والبويات" + اللي يتهاوش مع الدكاترة في المقابلة .. ومافي فرق بين العلمي والادبي في المقابلة ردي ع الصفحات القديمة وراح تقرين مقابلات دفعتي 2009 في منها الجاد وفي منها اللي يضحك ..

2- سنه اولى شنو المواد اللي باخذها ؟
6 مواد 5 اجباري
أصول قانون ، دستوري ، مبادئ اقتصاد ، مدخل شريعه ، قاعة بحث 1
ووحدة اختياري " حقوق انسان ، علم اجرام ، تاريخ قانون " << تختارين وحدة من هالثلاث

3- جم سنه واتخرج ان شاء الله ؟
انتي واجتهادج المفروض 4 سنوات بس في ناس تعيد سنه 2 لان معدلها يكون تحت ال 70% فتتأخر سنه !! + في ناس يقسمون سنة 4 يعني يتخرجون ب5 سنوات ..

4- هل الحقوق يعتبر تخصص نادر ؟
للأسف لا جان زين نتعب ونشقى وآخرتها حالنا حال باجي الكليات :/

5- الجدول انا اسويه ولا اهم يعطوني اياه ؟
لا انتي تسوينه تروحين الmtcبحسب الوقت اللي راح يدزونه لج وتسجلينهم عند احدى الموظفات هناك

ومشكورين مقدما p:

وحيااج الله عفوااااا :**

وجيكي ع الخاص

السنعة 2 \ 3ian-el7r \يمة يادلبي

آخر شهر 9 حسب علمي انه 26\9 تسجيل المستجدين و 20\9 المقابلة نتأكد ونبلغكم

SKY--NA

لووووووووووول لا ماكو شي 2
حبيبتي حياج الله خوات نعين ونعاون

 

[3ian-el7r]

حقوقياآآت ليش التجمع طاير ورى
خلوه جدام مرتز ههههههههههه

واللهـ يوفقآآآ

اي سؤال

سنه اول الجدول ثاابت يعني المواد ثابته

بس سنه ثانيه وثالثه ورابعه شنو انا اختار المواد

ولا لأأ

يعني كل سنه لها موادها؟؟
وان شاءالله فهمتوا قصدي

والله يعطيكم العافيه

 

[anjelena]

رد : اي استفسار لطلبة الحقوق - جامعة الكويت

^^

هلا عين الحر شلونج ؟

فاهمة سؤالج

كل السنوات بالحقوق لهم مواد ثابتة ولازم يسجلونها كلهم

بالضبط مثل سنة اولى

كل سنة لها موادها الثابتة

ثانية وثالثة ورابعة

 

[anjelena]

رد : رد: اي استفسار لطلبة الحقوق - جامعة الكويت

بنااات شنو شغلت الباحثه القانونيه ؟؟
وابي اعرف الوظاايف الثاااانيه غير المحامااة ؟؟

وحدي خااااااايفه ؟؟ لاني علمي ؟؟ وكنت ابي هندسه بس ع حظي رفعوا المكااافئ ولا كاااان العاام 80 ؟؟
بلييييييييييز جابوا

هلا حبيبتي هذا اقتباس من اختي ايفااا :*

الله يخليها لنا :**

صباح النور

الله يعافيج حبوبه

الله يسلمج تقدرين تشتغلين باي اداره قانونيه بكل الوزارات او الشركات

لان كل مكان لابد انه يكون فيه اداره قانونيه

واذا ودج تشتغلين بوزاره من اول ماتتخرجين تقدرين تتوظفين بسلاسه ويسر خخخخ

وعندج اماكن 2 التقديم يكون بعد الاعلان عن الحاجه لشغر وظائف

مثل

التحقيقات - الفتوى - البنك المركزي - ديوان المحاسبه - مجلس الامه

معهد الابحاث - التامينات الاجتماعيه - الهيئه العامه للصناعه

وامممم وااااايد اماكن

وبصرااحه اجذب عليج اذا قلت لج مايبون وااااسطه !!

شووفي في اماكن تاخذ نسب + واسطه

وفي اماكن تعتمد على الوااااااااااااااااااااااااسطه بشكل كلي

وفي اماكن عل نسب فقط !!

واكيييييييييييييييييييييييييييييد الوااااااااااااااااااااااسطه تلعب دوووور كبير في كل مكان

طبعا اخذيها قاعده بالنسبه للوظيفه لاااتتخيلين اذا كانت نسبتج حيييل عاليه

راح تتوظفين باي مكان تبينه !!! عاااادي يشقحوونج وياخذون اقل منج !!

حتى لو كنتي الاولى عل دفعه !! يعني لاازم تكون رووحج رياضيه

ههههههههههههههههههههههههه

طبعا كل مكان وعلى حسب سياسه التوظيف عندهم

وفي اماكن يبووون نسب عااااااااااااااليه وماياخذوون اي معدل حييل يراعون هالشغله

يعني باختصاااار الطريق مو ممهد بالوروود >> جمله متعوب عليها واايد ههههههه

لازم تشدين حيلج وتاخذين نسبه وتحطين كل واااااااااااااااااااااااسطااتج الي تعرفينها والي ماتعرفينها

هههههههه

وعادي حبيبتي اذا قدمتي اي مكان وخذوا ناس اقل منج بواااااااااااااااااااااايد >> لاتتحبطين هذا الواقع

ادري راح تتحسفين عل معدل وعل يوم الي شديتي فيه حيلج وتفوقتي

وعل يوم الي قررتي تدخلين فيه الحقوق !!!


>>>قررررررررقت وااايد بس قلبي متروووس ههههههههه

كفت ووفت :*

هذي حق ايفاااا :tek:



^^

اقوووول افوووي تدرين هذي شيسمونها ؟













































فصلة اخر الليل :dddds:

 

[anjelena]

رد : رد: اي استفسار لطلبة الحقوق - جامعة الكويت

شمعنى احنا شهر 9 والكليات الباجي هالشهر ؟

يقولج الحقوق غيير

بكل شي ...

بطبيعة المواد ونظامها السنوي وبالتسجيل بعد

حتى طلبتها غييير


عشان نصير special وغيرر عن الكليات الثانية :eh_s(21):

خلونا بموعد بعيد عنهم


وعلى فكرة ترا كلمة غير راح تسمعينها واايد بالكلية من الدكاترة

كل ما قلنالهم شي قالولنا انتوا غير

 

[SKY--NA]

انجلينااا

ولكمووو اي والله صاجه الحقوق بكل شي

غيــــــر

والله يوفقنا بدكاتره سنعين ويسر امورنا بأول سنه

مانبي عسااره :>

 

[anjelena]

رد : اي استفسار لطلبة الحقوق - جامعة الكويت

^^

اهلين سكاااي شلونج ؟

عسى الله يوفقجكم انشالله وتكون سنة خير عليكم يارب واتيبون النسب العالية باذن الله وصدقوني ترا سهلة واايد بس يبي وحدة تدرس

هاا شلونج وشلون العطلة معااج ؟

استانسوا وحللوا العطلة عدل

باجر بالداوم تدورون العطلة دوارة لوووول

 

[MiSs_CRaZya]

رد : اي استفسار لطلبة الحقوق - جامعة الكويت

لووووووووووووووول احس حده اكشن الحقوق صج احب هالكلية من صغري

انشالله اتوفق فيها بفضل ربي و بمساعدتكم لنا :$

 

[miss_mazajyh]

حقوقياآآت ليش التجمع طاير ورى
خلوه جدام مرتز ههههههههههه

واللهـ يوفقآآآ

اي سؤال

سنه اول الجدول ثاابت يعني المواد ثابته

بس سنه ثانيه وثالثه ورابعه شنو انا اختار المواد

ولا لأأ

يعني كل سنه لها موادها؟؟
وان شاءالله فهمتوا قصدي

والله يعطيكم العافيه

حبيبتي احنا نظام سنوات كل سنه لها مواد محدده وثابته وماتقدرين تختارين فيها
اللي تقدرين تختارين فيه وقت الماده انها راح تكون الساعة جم مثلا والدكور بس ,,

يعني مثلا كل بنات اولى نفس المواد ياخذون بس تختلف الساعات و الدكاتره

فهمتي قصدي ..

ولو حياج الله oster_av1:

 

[miss_mazajyh]

رد: رد : اي استفسار لطلبة الحقوق - جامعة الكويت

لووووووووووووووول احس حده اكشن الحقوق صج احب هالكلية من صغري

انشالله اتوفق فيها بفضل ربي و بمساعدتكم لنا :$

الله يوفقج يارب ...

موصج الا ابو الاكشن خصوصا ايام الانتخابات راح تستغربون من اللي تشوفونه
:eh_s(20):

 

[انتا غير الناس]

باركولـــــــــــــــــــــــــــــــــــي نقبلت بالحقوووووووق <واخيراااااا
بصير زميلتــــــــــــــــــــــــــــــــــــــــكم يا الحقوووقيات <<كشخه كشششخه
وابارك حق كل وحده دخلت معاي وبدفعتي