سراميك الشطرنج

[العجميه سبشل]

صباح\مساء
الخير


بصراحة ودي اخذ رايكم
انا قاعدة اسوي نيولوك لغرفة نومي
كنت صابغتها احمر مع البيج
بس احس اني كرهتها كرهتها لدرجه اني صرت ماانام فيها قررت اني اغير كل شي فيها

صبغتها ابيض
وافكر اركب سراميك الشطرنج
بس مو بالالوان الي تعودنا عليها
بركب ثلاث الوان

اللي افكر فيه الحين (ابيض - اصفر - والبنفسجي )

انتم شرايكم



وشاركوني افكاركم

 

[العجميه سبشل]

افااااااااااااااا

36 ومحد رد

 

[mayosh]

رد : سراميك الشطرنج

ركبي باركية ارقى واحللى من السيراميك الملون او ان تحطي سيراميك لون واحد احلى

 

[.:!:. ونس .:!:.]

لا خلي لون واحد احلى
احنا الشطرنج مسوينها بالمطبخ

 

[اخت فروحه]

انا عن تجربه افضل البيج السادة لاني تكلفت بالسيراميك وكله تقريبا تغطة بالاثاث والسجاد

 

[لحون العود]

الباركية حلووو ..

 

[مشاعر]

خل اقولج

حطي لون ارضيه ولون اطوف تركب علي كل الالوان ....يمكن انتي مثلي بين فتره وفتره ازهق واحب اغير فشنو سويت؟؟ خليت طوفتي بيضه و الارضيه لحمي فاتح ..وبين وقت ووقت اذا مليت العب بالستاير وكفر السرير واللوحه واكسسوارات

فكري يمكن تعجبج طريقتي

 

[العجميه سبشل]

مشكورين للي ردوا علي


انا غيرت رايي وبركب لون لون واحد مثل ماقالت مشاعر
عشان اذا مليت اغير بالالوان


انا بطبعي ملول
بس مادري شنو الالوان الاكسسوارات اللي بحطها

 

[Ameeraaaaaa]

حبيبتي الشطرنج صار موديل قديم
سوي لون واحد تقدرين تخلين الارضية بيج فاتح وفيه خط خفيف اغمق
وبعدين اشتغلي علي الستاير ( شنو رايج لون بنفسجي ))))
مع فضي !! روعة يطلع
وكيفج

)))))

 

[قطوة@@]

رد : سراميك الشطرنج

الشطرنج قديم

و تكرمين مسويته بحمامي و من اول اسبوع تحسفت لو مخليه الارضيه لون واحد وايد احلى

 

[العجميه سبشل]

حبيبتي الشطرنج صار موديل قديم
سوي لون واحد تقدرين تخلين الارضية بيج فاتح وفيه خط خفيف اغمق
وبعدين اشتغلي علي الستاير ( شنو رايج لون بنفسجي ))))
مع فضي !! روعة يطلع
وكيفج

)))))

بصراحه انا من زمان بخاطري البنفسجي الداكن
بس خفت تصير غرفتي غلقة
وانا احب البرايت عرفتي

 

[العجميه سبشل]

رد: رد : سراميك الشطرنج

الشطرنج قديم

و تكرمين مسويته بحمامي و من اول اسبوع تحسفت لو مخليه الارضيه لون واحد وايد احلى

ادري ان الشطرنج قديم

بس انا ماكنت ابي الالوان التقليدية لأ
كنت بدخل 3 الوان مع بعض

بس غيرت رايي بالحظة الاخيرة

 

[العجميه سبشل]

والحين بختار الوان الديكورات

لا تنسون انا احب البرايت

شرايكم بهالالوان اي اخار

التفاحي - او الليموني - او الازرق الفسفوري - او الفوشي


يلا عطوني افكاركم وخبراتكم

 

[جـ&ـوجـ&ـو]

أنا مع البناات

 

[Ameeraaaaaa]

عجمية سبشل
))
انا اقولج الوردي الفوشي
صج روعة واذا اكسسوارت حلوووووووووووووة وياه يطلع حلوو
تطلع الغرفة روعه ,,
الازرق ما ادري احسه بايخ جنه غرفة عزوبي )
الاخضر حلو بدرجاته : مثل التفاح الاخضر
ممكن ايضا الوان التوتي فروتي : عرفتيهم , يعني لون الفراولة والتوت والمشمش والاخضر التفاحي
)))

 

[العجميه سبشل]

ممكن ايضا الوان التوتي فروتي : عرفتيهم , يعني لون الفراولة والتوت والمشمش والاخضر التفاحي
)))

افكارج وايد حلوة وذوق

 

[العجميه سبشل]

الازرق ما ادري احسه بايخ جنه غرفة عزوبي )

)))

ضحكتيني والله
بصراحة ذكرتيني بغرفة اخوي لما كان عزوبي

 

[Ameeraaaaaa]

حبيبتي العجيمة

تدلليين يا العجمية
وحاضرييين للمقترحات
))))))

ان شاء الله غرفة الهنا والسعادة
))

 

[العجميه سبشل]

اجمعين ياحياتي انتي
صبغت الغرفة
ركبت جرانيت اللون الابيض مايل للون العاجي

وقررت تكون الاكسسوارات بالون الاخضر التفاحي

 

[ألماسهABM]

عاد تصدقين ياحلوه إني من شهر5 مسيفه صورة غرفة أطفال تجنن

صبغها باللون التفاحي بدرجتين والليموني والبيج وأرضيتها بيج تييننننننننن

وكنت ناويه أسوي نفسها لغرفة عيالي لكني متردده وموضوعج شجعني وقرارج بعد ،،

و إنشاءالله ببتدي فيها بعد العــيــــــد ،،،

*******
موفقـــه واللــه يهــنيــج