مواقفكم أيام الغزو؟؟؟؟

[DLOOL]

ام الجدايل انت قلاده نفس ريوقي ذاك اليوم كورنفلكس
يليت تقوليلي في اي اغنيه وطنيه القاج ودي اشوفج

 

[الجــادل]

خخخخخخخخخ الجادل مو ام الجدايل


الاغنيه يا طويله العمر كانت تبقا الكويت عاليه


وانا لابسه بلوفر بنفسجي من ماركس اند سبنسر ومسويه علامه النصر<<< خطيره ذاكره الملابس

واختي ام كاريه واقفه يم لوحه



اساسا كنا نجمات الصحافه بذاك الوقت خخخخخخخ

 

[الجــادل]

الموقف اللي يخوف اهو لمن نبي نروح السعوديه لازمندش الأردن والله لايراويكم ماشفتو اشسوو فينه كانو يحذفونه بقواطي ويسبوووون ويقولون تستاهلون وواحد من اعمامي ماتحمل وسبهم فخفنه ان يسوون فيه شي او يطقونه اويذبحونه

يعلهم السلال انا دول الضد هذي لو شنو ماراح ارد العلاقات معاها ولا اشتري منتجاتهم يا علهم ما يربحون صج صج انذاااااال


شعوب مرتزقه .... لا لها مبدا ولا ضمير



سوري بنات على الالفاظ بس رغم كنا اطفال بذاك الوقت لا يمكن ننسا اللي صار


ونرد نسامح لان للحين عندنا زوجه الشهيد وعيال الشهيد وام الشهيد وابو الشهيد


وكذلك اهل الاسرى اللي ماتوا قبل ما يدرون عن مصير عيالهم


وانا لازلت افهم هالشي لطالباتي بالمدرسه لانهم ما عاشوا فتره الغزو

ولازلت افهم اخواني واطفال عيالتنا واذكرهم باللي صار


ولن ننسا

 

[..may..]

http://www.youtube.com/watch?v=kaeeHzv45Cs

الجادل هذا المقطع ^_^ ????

 

[الجــادل]

http://www.youtube.com/watch?v=kaeeHzv45Cs

الجادل هذا المقطع ^_^ ????

ايواااا


هذا هو


انا واختي وخالي طالعين فيه

تدرين عايله فنيه :eh_s(3): ههههههههههههههههههههه

 

[جروح تبتسم]

1. باي منطقه كنتي
بيان

2. اوصفي اول يوم
كنت نايمه وماكنت ادري شالسالفه بس ولد عمي كان زايرنا يقول حق ابوي لاتروح الدوام صارت حرررررب

3. موقف يخوف
الصراحه موقف لمن كنا بالسرداب وسمعت انه في جنود يايين بيفتشون وبالسرداب كان فيه شباب 2 منهم شرطي ونقيب معانا .. وخشوهم تحت السرير ويدتي الله يرحمها نامت على السرير عشان توهمهم وبالفعل لمن دشو شافو يدتي نايمه واطلعو ...........!!!!!!!!!! اهني كنت ميته خوف من الرشاشات اللي بايدهم لايطيحون علينا خاشين الشباب

4. موقف طريف
ماذكر ....

5.شنو اكبر شيء الغزو غير فيج
احس ان الغزو غير فيني شي كبير بس ماني عارفه شنو أهو !!!!!

 

[عطر البوادي]

من أسمع أغنية وطنية تخنقني العبرة الله يخليلنا الكويت وأهلها

1. باي منطقه كنتي
الشامية بس كنا مسافرين

2. اوصفي اول يوم
كان عمري 9 سنين
أول ما قعدت من النوم ولا أشوف أبوي الله يرحمه حالته حاله والدموع بعينه >>>>> شالسالفة الصاير وقال لنا العراق دخلت الكويت عاااد أنا ببراءة الطفولة ... يعني شنوووو ؟ وبعد شرح مفصل من الوالد فهمت شالسالفة وقلت شلون يعني ماراح نرد الكويت أنا بس مليت برجع قال ان شاالله نرد الكويت

3. موقف يخوف
مو موقف يخوف بس موقف محزن لما سمعنا بإستشهاد الشيخ فهد الأحمد وشلون كان ردة فعل الوالد والوالدة وشنو كان خوفنا على الكويت وأهلها

4. موقف طريف
أذكر الوالد قرر يدخلنا المدرسه علشان ما تطوف السنه علينا طبعا أنا مابي ألا أدرس بديرتي وطنية شسوي فشفت أمي بتروح السوق ألا وأتغافل الكل وأنط بالسياره وقلت لها يمه عاد مو تقولين حق أبوي ماني رايحة المدرسة وأبي أروح السوق معاج
وأخواني بس أستمرو يومين جان ينحاشون من المدرسة وقالو حق أبوي بصراحه ما نبي ماكو على الكويت

5.شنو اكبر شيء الغزو غير فيج
زاد تعلقي للكويت أكثر وأكثر خاصة لما حسينا أنها راح تروح منا
وعلى قولتهم قلبي وروحي للكويت وأهلها

 

[الســ بنت ـلطان]

1-بأي منطقة..​

كنت بالدوحه..​

2-اوصفي أول يوم..​

كنت قاعده من الساعه 6 ولابسه على شان بروح النادي.. قاعده انطره.. واسمع القنابل واشووف دبابات.. كان بيتنا قريب من الشارع العام..ولا امي تقول العراق دشوا علينا.. عاد انا كنت بروح النادي والباص يه وكانوا البنات فيه .. بس قلت له روح.. ماني رايحه.. ودايما افكر انا لو رايحه النادي جان شنو صار فيني .. وهالبنات الي راحوا شنو صار فيهم..​

3-موقف يخوف..
​

والله وايد.. بس الي اتذكره مره دشوا علينا يفتشون البيت.. وحاسوا فيه لي قالوا بس.. خالتي كانت معلقه صور فنانين بدارها.. وخاشه صوره خالي بكبتها... لانه اول ما دشوا احتارت وين تخشها فاحضفتها بالكبت بين الملابس.. وكان مصور بلبس الشرطه.. اول ما دش الدار يفتش .. لهى بصور الفنانين.. واكثر الصور كانت حق عبدالله رويشد.. واهم كانوا يموتون فيه.. وفتش على السريع وما انتبه للصوره..​

4- موقف طريف..​

نفس الموقف الي فوق.. انه خالي كان بالجيش.. وكان منخش عنهم.. يوم دشوا البيت كان نايم بسريره.. قامت مرته ما خلت بطانيه ولا كفر الي وحطته على السرير.. ويوم دشوا داره ما شافوه.. على بالهم كفرات بس.. لانه خالي كان نعوم .. واندحس تحتهم.​

5.شنو اكبر شيء الغزو غير فيج​

غير حياتي كلها ..انه حرمني من خالي .. ومن بعده ما شفنا لا سعاده ولا هنا.. وحتى فرحتنا ما تكمل.. بكل يمعه نقول مو ناقصنا الي اهو..
الله يرحمه .. لانه ما ندري اذا كان عايش ولا ميت

تسملين على الموضوع مع انه قلب علينا المواجع..

تقبلي تحياتي
بنت السلطان​

 

[كندية]

الله لايعيدها من ايام

sorry بنات كان ودي اشارك فالموضوع لإنه عجبني بس

ماراح تاخذون مني لاحق ولا باطل لإن عمري بوقتها كان 7 شهور ههههههه يعني

ماراح تستفيدون مني بس عالعموم كانت محنه صعبه مرت فيها الكويت والله

لايعيدها من ايام ... والله يديم نعمة الأمان على الكويت ويحفظها من كل مكروه

آمييييييييين يارب العالمين​

هلا والله اختي درر والماس...على قولتهم ماطافج شيء..على الاقل ماكنتي تدرين بدنيا....

مشكووووووووووووره على مروووورج​

 

[كندية]

تدرون وين كنت؟؟؟؟؟؟؟؟؟؟؟ظ
لاتنصدمون





بين حدود تركيا والعراق
تخيلو كنت بالمتوسطه وكنا مسافرين مع اعمامي بالسياره بتركيا قعدنه فتره تالي بنرجع الديره و1/8 ابوي كلم اخواني قالهم بنرجع وقالوله لاترجع من طريق العراق تعالو من السعوديه بس الوالد الله يحفظه ماعبرهم لأن طريق العراق اسرع وماندري شالسالفه واليوم الثاني الصبح حركنه ووصلنه حدود تركيا وقفونه وقالولنه الخبر المأساوي ولاتشوفون اعمامي وابوي اشلون يلمون بعض ويبجون
الموقف اللي يخوف اهو لمن نبي نروح السعوديه لازمندش الأردن والله لايراويكم ماشفتو اشسوو فينه كانو يحذفونه بقواطي ويسبوووون ويقولون تستاهلون وواحد من اعمامي ماتحمل وسبهم فخفنه ان يسوون فيه شي او يطقونه اويذبحونه
الموقف اللي المضحك
والله ماأتذكر شي يضحك اتذكر شي مبكي اللي اهو لقاء امي مع اخوي اللي كان بالمقاومه وصادوه وعذبوه تالي قدر بالفلوس ينحاش منهم وبعدها يالنه السعوديه لمناتذكر اخوي اشلون يلم امي واشلون يبوس ريلها وابوي يبجي و يقول حق اخوي انا مااقدر اعيش من غيركم اموووووووت

هلا والله اختي كشموووشه..واااااااااااااااااي الله يعينكم والله...
مشكوووووره اختي على مشاااركتج​

 

[كندية]

1. باي منطقه كنتي
بيان

2. اوصفي اول يوم
كنت نايمه وماكنت ادري شالسالفه بس ولد عمي كان زايرنا يقول حق ابوي لاتروح الدوام صارت حرررررب

3. موقف يخوف
الصراحه موقف لمن كنا بالسرداب وسمعت انه في جنود يايين بيفتشون وبالسرداب كان فيه شباب 2 منهم شرطي ونقيب معانا .. وخشوهم تحت السرير ويدتي الله يرحمها نامت على السرير عشان توهمهم وبالفعل لمن دشو شافو يدتي نايمه واطلعو ...........!!!!!!!!!! اهني كنت ميته خوف من الرشاشات اللي بايدهم لايطيحون علينا خاشين الشباب

4. موقف طريف
ماذكر ....

5.شنو اكبر شيء الغزو غير فيج
احس ان الغزو غير فيني شي كبير بس ماني عارفه شنو أهو !!!!!

هلا والله اختي جروح تبتسم ..يعني كنا في نفس المنطقه...بس مااذكر وين بضبط بس قراب على الجمعية....

مشكووووووووووووووره على مشاركتج ​

 

[كندية]

من أسمع أغنية وطنية تخنقني العبرة الله يخليلنا الكويت وأهلها

1. باي منطقه كنتي
الشامية بس كنا مسافرين

2. اوصفي اول يوم
كان عمري 9 سنين
أول ما قعدت من النوم ولا أشوف أبوي الله يرحمه حالته حاله والدموع بعينه >>>>> شالسالفة الصاير وقال لنا العراق دخلت الكويت عاااد أنا ببراءة الطفولة ... يعني شنوووو ؟ وبعد شرح مفصل من الوالد فهمت شالسالفة وقلت شلون يعني ماراح نرد الكويت أنا بس مليت برجع قال ان شاالله نرد الكويت

3. موقف يخوف
مو موقف يخوف بس موقف محزن لما سمعنا بإستشهاد الشيخ فهد الأحمد وشلون كان ردة فعل الوالد والوالدة وشنو كان خوفنا على الكويت وأهلها

4. موقف طريف
أذكر الوالد قرر يدخلنا المدرسه علشان ما تطوف السنه علينا طبعا أنا مابي ألا أدرس بديرتي وطنية شسوي فشفت أمي بتروح السوق ألا وأتغافل الكل وأنط بالسياره وقلت لها يمه عاد مو تقولين حق أبوي ماني رايحة المدرسة وأبي أروح السوق معاج
وأخواني بس أستمرو يومين جان ينحاشون من المدرسة وقالو حق أبوي بصراحه ما نبي ماكو على الكويت

5.شنو اكبر شيء الغزو غير فيج
زاد تعلقي للكويت أكثر وأكثر خاصة لما حسينا أنها راح تروح منا
وعلى قولتهم قلبي وروحي للكويت وأهلها

هلا والله اختي عطر...وااااي سالفة المدارس اذكر لما صار الوقت ان نرجع محد راضي رجع كنا ميتين من الخوف...وكل كنا انخاف ان انلاقي جنود او شيء....والبنات الكبار كانوا يخوفونا ويقولون لها في ميتين فوق ....

مشكوووووووره اختي على مشااااركتج​

 

[كندية]

1-بأي منطقة..​

كنت بالدوحه..​

2-اوصفي أول يوم..​

كنت قاعده من الساعه 6 ولابسه على شان بروح النادي.. قاعده انطره.. واسمع القنابل واشووف دبابات.. كان بيتنا قريب من الشارع العام..ولا امي تقول العراق دشوا علينا.. عاد انا كنت بروح النادي والباص يه وكانوا البنات فيه .. بس قلت له روح.. ماني رايحه.. ودايما افكر انا لو رايحه النادي جان شنو صار فيني .. وهالبنات الي راحوا شنو صار فيهم..​

3-موقف يخوف..
​

والله وايد.. بس الي اتذكره مره دشوا علينا يفتشون البيت.. وحاسوا فيه لي قالوا بس.. خالتي كانت معلقه صور فنانين بدارها.. وخاشه صوره خالي بكبتها... لانه اول ما دشوا احتارت وين تخشها فاحضفتها بالكبت بين الملابس.. وكان مصور بلبس الشرطه.. اول ما دش الدار يفتش .. لهى بصور الفنانين.. واكثر الصور كانت حق عبدالله رويشد.. واهم كانوا يموتون فيه.. وفتش على السريع وما انتبه للصوره..​

4- موقف طريف..​

نفس الموقف الي فوق.. انه خالي كان بالجيش.. وكان منخش عنهم.. يوم دشوا البيت كان نايم بسريره.. قامت مرته ما خلت بطانيه ولا كفر الي وحطته على السرير.. ويوم دشوا داره ما شافوه.. على بالهم كفرات بس.. لانه خالي كان نعوم .. واندحس تحتهم.​

5.شنو اكبر شيء الغزو غير فيج​

غير حياتي كلها ..انه حرمني من خالي .. ومن بعده ما شفنا لا سعاده ولا هنا.. وحتى فرحتنا ما تكمل.. بكل يمعه نقول مو ناقصنا الي اهو..
الله يرحمه .. لانه ما ندري اذا كان عايش ولا ميت

تسملين على الموضوع مع انه قلب علينا المواجع..

تقبلي تحياتي
بنت السلطان​

هلا والله اختي بنت السلطان...الله يرحم جميع شهدائنا واسرانا .....
مشكووووووره اختي على مشااااركتج​

 

[MaYoOoma]

. باي منطقه كنتي
كنا بصباح السالم بس طلعنا من اول يوم لان اختي الله يرحمها كانت وايد مريضه وامي كانت توها طالعه من المستشفى وعلى وش ولاده رحنا اول شي البحرين ولدت امي هناك وبعدين طرنا لندن عشان علاج اختي

2. اوصفي اول يوم
كان شي يخرع امي وابوي قعدونا من النوم ومختبصين واللي يصيح واللي يدعي انا كان عمري 7 سنين ماكنت ادري شالسالفه الا لما طلعنا شفنا الخبصه بالطريج

3. موقف يخوف
لما قالوا لنا ان عمي مسكوه ، الله يرحمه ان شاء الله اذا كان ميت او عايش

4. موقف طريف
ما اذكر ان كان في موقف طريف كلش !

5.شنو اكبر شيء الغزو غير فيج
ماعندي جواب هني لان انا كنت صغيره وبنفس اليوم طلعنا فما حاشنا شي نفس اللي كانوا بالكويت

 

[كندية]

. باي منطقه كنتي
كنا بصباح السالم بس طلعنا من اول يوم لان اختي الله يرحمها كانت وايد مريضه وامي كانت توها طالعه من المستشفى وعلى وش ولاده رحنا اول شي البحرين ولدت امي هناك وبعدين طرنا لندن عشان علاج اختي

2. اوصفي اول يوم
كان شي يخرع امي وابوي قعدونا من النوم ومختبصين واللي يصيح واللي يدعي انا كان عمري 7 سنين ماكنت ادري شالسالفه الا لما طلعنا شفنا الخبصه بالطريج

3. موقف يخوف
لما قالوا لنا ان عمي مسكوه ، الله يرحمه ان شاء الله اذا كان ميت او عايش

4. موقف طريف
ما اذكر ان كان في موقف طريف كلش !

5.شنو اكبر شيء الغزو غير فيج
ماعندي جواب هني لان انا كنت صغيره وبنفس اليوم طلعنا فما حاشنا شي نفس اللي كانوا بالكويت

هلا والله اختي مريوممم مشكوووووره حبيبتي على مشاركتج....والله يرحم عمج ان شاءالله وجميع شهدائنا واسرانا.....

والله الحمدالله امج اولدت بره الكويت...لان انا امي اولدت في الغزو والله ستر عليها......

 

[nono78]

1. باي منطقه كنتي
هدية

2. اوصفي اول يوم
كانت صدمه بعدين صار خوووووووف

3. موقف يخوف

يوم كنا بالسرداب بيت عمتي ايام الأخيره الحرب الجويه
كل يوم بليل يدشون جنود ويحوسون بالحوش
عاد ابوي قال اكيد يبون ياخذون الشباب وقتها كانوا يلمون الشباب الكويتين ويحطونهم بالباصات الله يلعنهم عاد ابوي وخالي ورياييل عماتي
كل واحد مسكله شي الي مسك سجينه والي مسك ساطور والي مسك مقص الزرع والي مسك الي يكسر الثلج وقالوا اذا طقوا علينا الباب مال الصاله
لازم ندافع عن نفسنا

عاد عمتي الكبيره طاحت على طولها
وانا حزتها كان عمري 12 سنه قاعده اقول بقلبي امبييييييييه هذيلا اشفيهم ميانين العراقين عندهم رشاشات وهذيلا ماسكين سجاجين

امبيييييييييييييييييه كان يوم مرعبببببببببببببببببببببب
بس الله ستر وماطقوا الباب وبعدها بيوم صارت الخرب البريه


4. موقف طريف
اول ايام الحرب كنا في بيتنا
ونايمين تحت بالصاله
عاد انا نايمه صوب الباب وامي كل يوم مخرعتني تقولي ترى مكانج مو امن اذا دش صاروخ لا سمح الله ترى سيدا صوبج
وانا معانده مرتاحه من مكاني

المهممممممم مره كنت نايمه ولا اسمع صوت انفجار قوي وهزه ارضيه
وبيبان البيت زين ما انشلعت عاد كلام امي يا براسي ومن الخرعه قمت
بنحاش ما ادري وين بروح جان ادش بالباب وطق راسي طقه قويه
جان ارد انام بفراشي
الصبحححححححححححح قعدت ولا الكل يقولي سالفتي ويطفروني
ولا امي العزيزه كانت قاعده ترضع اخوي وشايفه الموقف
وضاحكه علي والصبح انتشر الخبر
طبعا ليي يومكم هذا يطفروني بالموقف واخوي ما شاء الله اول ما تزوجت
قاااال حق ريلي!!!!!!!!!

والموقف الثاني

قالوا لنا طلعوا كبروا الأقمار الصناعيه بتصور
طلعنا يم بيتنا
وابوي ماسك مكبر الصوت

الله اكبر الله اكبر الكويت للجميع الكويت للجمييييييييييييييع

احنا اهني متنى من الضحك

قمنا نقول شتقووووووول انت

الكويت للكويتييين

جان يستوعب ويغيييييييييييييييييييييير الموجه


5.شنو اكبر شيء الغزو غير فيج

غير وايد اشياء اولها
واحلى شي

انه البدو والحضر والعيم صاروا ايييد وحده

 

[كندية]

1. باي منطقه كنتي
هدية

2. اوصفي اول يوم
كانت صدمه بعدين صار خوووووووف

3. موقف يخوف

يوم كنا بالسرداب بيت عمتي ايام الأخيره الحرب الجويه
كل يوم بليل يدشون جنود ويحوسون بالحوش
عاد ابوي قال اكيد يبون ياخذون الشباب وقتها كانوا يلمون الشباب الكويتين ويحطونهم بالباصات الله يلعنهم عاد ابوي وخالي ورياييل عماتي
كل واحد مسكله شي الي مسك سجينه والي مسك ساطور والي مسك مقص الزرع والي مسك الي يكسر الثلج وقالوا اذا طقوا علينا الباب مال الصاله
لازم ندافع عن نفسنا

عاد عمتي الكبيره طاحت على طولها
وانا حزتها كان عمري 12 سنه قاعده اقول بقلبي امبييييييييه هذيلا اشفيهم ميانين العراقين عندهم رشاشات وهذيلا ماسكين سجاجين

امبيييييييييييييييييه كان يوم مرعبببببببببببببببببببببب
بس الله ستر وماطقوا الباب وبعدها بيوم صارت الخرب البريه


4. موقف طريف
اول ايام الحرب كنا في بيتنا
ونايمين تحت بالصاله
عاد انا نايمه صوب الباب وامي كل يوم مخرعتني تقولي ترى مكانج مو امن اذا دش صاروخ لا سمح الله ترى سيدا صوبج
وانا معانده مرتاحه من مكاني

المهممممممم مره كنت نايمه ولا اسمع صوت انفجار قوي وهزه ارضيه
وبيبان البيت زين ما انشلعت عاد كلام امي يا براسي ومن الخرعه قمت
بنحاش ما ادري وين بروح جان ادش بالباب وطق راسي طقه قويه
جان ارد انام بفراشي
الصبحححححححححححح قعدت ولا الكل يقولي سالفتي ويطفروني
ولا امي العزيزه كانت قاعده ترضع اخوي وشايفه الموقف
وضاحكه علي والصبح انتشر الخبر
طبعا ليي يومكم هذا يطفروني بالموقف واخوي ما شاء الله اول ما تزوجت
قاااال حق ريلي!!!!!!!!!

والموقف الثاني

قالوا لنا طلعوا كبروا الأقمار الصناعيه بتصور
طلعنا يم بيتنا
وابوي ماسك مكبر الصوت

الله اكبر الله اكبر الكويت للجميع الكويت للجمييييييييييييييع

احنا اهني متنى من الضحك

قمنا نقول شتقووووووول انت

الكويت للكويتييين

جان يستوعب ويغيييييييييييييييييييييير الموجه


5.شنو اكبر شيء الغزو غير فيج

غير وايد اشياء اولها
واحلى شي

انه البدو والحضر والعيم صاروا ايييد وحده

هلا والله اختي نونو....ابييييييييييييييييييييييييه صج موقف مال الباب ههههه
لا والتكبير هذا تحفة احنا كنا نقعد على الغاز هههههههههههه ونكبر ...

وصح كلامج بهذا الوقت مافي شيء اسمه جنسيه ومذهب الكل كان على قلب واحد.....
مشكوووووووره اختي على مشاركتج

 

[katko0ota]

كنت ايامها من سكان منطقة الجابرية
ذيك الأيام كان عمري تقريبا 9 شي جذي ’ ما انسا هذا اليوم كنا نايمين و الوالد رايح الدوام المهم جدي اتصل على امي و قالها انت و عيالج تعالي الدسمة بسرعه ( بيت يدي بالدسمة) و الوالده قطتنا بالسياره مع جم قطعة هدوم على السريع, و الحمد لله عدة على خير طبعا اذكر انه الوالده كانت تسوق و هي امتنحه هههههه. المهم وصلنا بالسلامه و الا الخالاات كلهم اهناك. و الوالد كان بالدوام يدوب خذا الأشياء المهمه (كان مدير في احدى البنوك) و لحقنا لأقرب مكان و هو بيت يدي الي بالدسمة.

بالنسبة للمواقف اللي تخوف, مره طلعت مع الوالد و الوالده بالسيارة في جوله تفقدية على قولتهم و احنا بالسيارة الوالده من النوع المجازف فكانت حاطة كاميرا الفيديو من تحت جم العباية و تصور مع تعليق هههه و الوالد يسوق اذكر كنا بالشويخ صوب المصانع و مره وحده و الا واحد من الجنود يطلع بويه السيارة فتخيلو ههههه طبعا الوالده تعومست و على طول قطت الكاميرا تحت ريولها حصلنا جم كلمه ليش ياييين هني و من هل حجي بس الحمد لله عدة على خيييير بس عقب ما نشف دمنا .

و من المواقف الطريفه, مره من المرات ريل خالتي اتصل علينا اب بيت يدي يقول حق خالتي تعاليلي المكان الفلاني و يبيلي هدوم و لما سألته ليش قالها مجموعه من الجنود وقفوني و فصخوني هومي خلوه بس بالمكسر و الفانيلله الداخليه ههههههه و لما راح يدي معاها السالفه طلعت صج و لي يومكم لما اذكر افطس من الظحك و غيرها من الواقف ههههه .

و اكثر شي غيرا فيني الغزو صرت قاسية و ما اثق في احد

 

[كندية]

كنت ايامها من سكان منطقة الجابرية
ذيك الأيام كان عمري تقريبا 9 شي جذي ’ ما انسا هذا اليوم كنا نايمين و الوالد رايح الدوام المهم جدي اتصل على امي و قالها انت و عيالج تعالي الدسمة بسرعه ( بيت يدي بالدسمة) و الوالده قطتنا بالسياره مع جم قطعة هدوم على السريع, و الحمد لله عدة على خير طبعا اذكر انه الوالده كانت تسوق و هي امتنحه هههههه. المهم وصلنا بالسلامه و الا الخالاات كلهم اهناك. و الوالد كان بالدوام يدوب خذا الأشياء المهمه (كان مدير في احدى البنوك) و لحقنا لأقرب مكان و هو بيت يدي الي بالدسمة.

بالنسبة للمواقف اللي تخوف, مره طلعت مع الوالد و الوالده بالسيارة في جوله تفقدية على قولتهم و احنا بالسيارة الوالده من النوع المجازف فكانت حاطة كاميرا الفيديو من تحت جم العباية و تصور مع تعليق هههه و الوالد يسوق اذكر كنا بالشويخ صوب المصانع و مره وحده و الا واحد من الجنود يطلع بويه السيارة فتخيلو ههههه طبعا الوالده تعومست و على طول قطت الكاميرا تحت ريولها حصلنا جم كلمه ليش ياييين هني و من هل حجي بس الحمد لله عدة على خيييير بس عقب ما نشف دمنا .

و من المواقف الطريفه, مره من المرات ريل خالتي اتصل علينا اب بيت يدي يقول حق خالتي تعاليلي المكان الفلاني و يبيلي هدوم و لما سألته ليش قالها مجموعه من الجنود وقفوني و فصخوني هومي خلوه بس بالمكسر و الفانيلله الداخليه ههههههه و لما راح يدي معاها السالفه طلعت صج و لي يومكم لما اذكر افطس من الظحك و غيرها من الواقف ههههه .

و اكثر شي غيرا فيني الغزو صرت قاسية و ما اثق في احد

هلا والله اختي كتكوته..,مشكووووووووووووره على مروووورج...

زين انتي ابوج راح ياب اوراق مهمه...انا ابوي الشاطر كل اوراقنا الشخصيه في الدوام عني امان وهو مدير فيعني محد يدخل مكتبه....وبعد الغزو مالاقا ولا شيء مادري شكو ماخذينهم بلاغة شف......

سؤااااااااااااااااااال شموديكم تتفقدون ...انا والله لصقة في البيت ماتزحزحت ههههههههههههههههههه بس طلعنا مرة وحده حق بيت عمي لان عمي كانوا يدورونه ومايقدر يطلع فرحنا له الاندلس وياااااااااااااااااااااااا طول الطريج من بيان...بس والله الله ستر عليكم

وعن سالفة ريل خالتج يبه الملابس فدوه على قولتهم اهم شيء ماخذوهم هم...بس ابييييييه اتخيل اشكالهم لو انا من خالتج جان صورتهم ههههههههههههههههههههه

 

[عيون اختها]

up
up
up


:eh_s(1):