يمكن عندج حل لمشكلتي

[creamy]

السلام عليكم والرحمه

قووه بنااات ؟؟

اخباااركم ؟

بنات انا عندي مشكله وبكتبلكم عنها على امل القى حل

انا عضوه معروفه بس مسجله بنك نيم ثاني

المهم . .

انا كنت انسانه اخااف ربي وكنت ملتزمه وكل الصفات الزينه فيني كان الكل يمدحني على طيبتي

وخفة دمي وكيف الوقت يمر بسرررعه معاااي

ماعرف شو صاار يوم عرفت عالم الانترنت والمشكله صار لي وقت اكووون بروووحي

وقت فراااااغ قمت اتعرف على النت اكثر واكثر واكثر شفت مقاطع اباحيه (والسموحه على هالكلمه)

وقمت ارمس شباااااب وصرت غيييير . .

اتغيرت صرت دووم بروحي حتى ربيعاتي مادري عنهم .. عقب يتني سنه من حياتي اتحسنت واااايد

وصارلي ربع والكل كان يحسدني على ربيعاتي وبدون مبالغه تيلفوني كان يرن كل 10 دقااايق

والسنه اللي عقبها رجعت اسوأ من الاول حتى ابتعدت عن ربي ونسيت شي اسمه صلاه ولاقران

حتى يوم حد يشغل قران ماقدر اقعد ولا اقوله سكره بس بطريقه غير مباشره لانه (قرآن)

ومن مشاكلي ادمنت على العاده السريه وهاذا بسبب المقاطع الوصخه اللي كنت اشوفها وانا ندمت ندم فضييييييييع

والحين انا وحيده لاربيعات والله تيلفوني مايدق ابد ابد وصرت خجوووووله بزياده وماعندي شخصيه

يارييييت لو حياتي القبلية ترجع .. بنات ابا نصايحكم والله محتااااجه لنصاااااايح

انا قلت برمضان ببدأ حياه يديده اباكم اتساعدوني .. والله اني محتاجتكم

وآسفه ع الاطاله

 

[ريماس21]

اهم شي انج هديتي وتووبي لربج وربج ماينسى عبده

الا صلااتج ماتهملينها

الله يهديج ويهدينااا ويهدي جميع المسلمين

 

[*الشيـــهـانـة*]

باب التوبه مفتوح توبي ولا تتركين صلاتج وادعي ربج وان شاء الله ترجعين مثل اول واحسن وكثري من الاستغفار

 

[wedifeek]

الحمدالله انج عرفتي غلطتلج

والله يهديج يارب

وصدقيني النت على اللي يستخدمه وصج فيه خراب بيوت

وانتي خلي توبتج نصووحه لله عزوجل

واقطعي هالعاده السريه اللي تسوينها

لان اذا انت مو متزوجه راح تندمين طوول عمرج

لان الزوج يعرف اذا كانت الوحده تمارس العاده السريه ام لا

والله يهديج يالغلاا ويهدينا جمييييييييييييييييع


ودي

 

[bnt_shyo5]

الله يهديج اهم شي انج عرفتي رببج
واذا على الصديققات احنا مني كلنا صديقاتج و خواتج
ارجعي لربج وصلي

 

[ديانا سبنسر]

توبي والله يهديج

 

[om_dodo]

الله يرفع عنج

 

[حلاتي بتواضعي]

صلااااتج اهيا اللي تحميج وتبعد عن كل شي يضرج صدقيني حااااافظي على صلاتج باوقاتها واذكري ربج دايما

واكثري من الاستغفاااااااار وربي يهديج ويبعدج عن كل شر ان شاء الله

واحنا اهني كلنااااا خوااااااتج

 

[يوآش يوآش]

رد : يمكن عندج حل لمشكلتي

الله يهديج يارب

واذا انتي عندج الاراده انج تتغيرين

راح تتغيرين صدقيني

بس اهم شي صلاتج ..

 

[miss-winter]

الله يهدييج يارب

 

[creamy]

تسلمون بنات رفعتو معنوياتي

بس صدق ان الريال يعرف اذا زوجته تمارس العاده الخبيثه ؟

 

[*ريما*]

رد : يمكن عندج حل لمشكلتي

الله يهديك

 

[فطفط نجد]

اهم شي صلاااااااتج حبيبتي لاتخلينها نصييييييييحه

 

[so_what]

الله يهديج ان شاء الله و يثبتج

 

[ملآمح يوسفيه]

رد : يمكن عندج حل لمشكلتي

الله يهديج يالغلا
ويثبتج
​

 

[ام كوشه منكووشه]

رد : يمكن عندج حل لمشكلتي

الله يهديج ويثبتج انشالله

 

[DaLa3 BeBe]

السلام عليكم

اعتقد انج من الامارات الحبيبه :3lm1:

بما انج ذكرتي ان من تعرفتي على عالم الانترنت تغيرت حياتج فهذي اهي مشكلتج الاساسيه

ماعرفتي تستخدمين الانترنت بشكل صح

اعتقد انج ادمنتي عليه وانصحج بدايه تحاولين تبتعدين عنه حتى لو تقطعينه واذا بتردين

حسسي نفسج انه شي مو اساسي عندج مولازم كل يوم تشبكين لاتتعلقين فيه حيل

لان اللي صار معاج خلاج تحسين بأنج اجتماعيه داخل النت لكن خارجه صرتي انطوائيه وتخليتي عن صديقاتج

ونصيحتي حاسبي نفسج وراقبي نفسج بنفسج وتذكري ان الله يشوفج واللي تشوفه عينج من حرام راح تشتكيه عند خالقها

واللي تشوفينه يأثر عليج الحين وبعد ماتتزوجين وترا كله خيالي يعطيج تصورات خاطئه

حبيبتي انصحج بالزواج عشان يحفظج ويصونج اذا فيه احد متقدم لج او ممكن امج تكلم خطابه

عشان لاتندمين تركي كل شي سيء تسوينه واستغفري ربج واكثري من الاستغفار والله غفور رحيم

وردي لصديقاتج ابدي انتي بالسؤال عنهم واختاري الصديقات الخلوقات

وان شاءالله بهالشهر الفضيل تقربي الى الله اكثر صلي وقيمي الليل وختمي القرآن وادعي ان الله يهديج

والله يهديج ان شاءالله ويوفقج ويرزقج بالزوج الصالح

 

[nora al]

رد : يمكن عندج حل لمشكلتي

تقربي من الله سبحاانه بكل شي

وردي حق رفيجاتج

 

[انا طال عمري]

تدرين ليش صار فيك كل هذا>>>>>>> بكل بساطة لانك ابتعدتي عن الله وعن صلاتك
قووي علاقتك بربك وكل الهموم اللي بقلبك تزول ان شالله
والله يهديك ويسعدك ياااارب

 

[أم علي الرفاعي]

اول شي قطعي هالنت ...

او بالأحرى خففي استخدامج له,,

يعني بوقت الضرورة بس دشي عليه


ثانيا :
الصلاة عمود الدين ان قبلت >> قبل ما سواها
وان ردت >> رد ما سواها


داومي على صلاتج وشوفي شلون
بتتغيرين 360 درجة

((ان الصلاة تنهى عن الفحشاء والمنكر))

وهالمقاطع الاباحية اهيا اللي
تحرك الشهوة وتخليج ما تقاومين روحج

طبعا ,, عالم يديد وشي مو موجود بحياتج
وتبين تعرفين عنه اكثر >> فضول ,,
وهالنت ولد حلال اللي تبين تعرفينه
تلقينه فيه على طبق من ذهب !!!!

حلاتها البنت لي تزوجت
تتعلم على ايد ريلها وتكتشف هالعالم
وهي متزوجة ..

الله يرزقج ولد الحلال ان شالله

والله الهادي
^_^