يمكن عندج حل لمشكلتي

[SaD FaCe]

الله يهديج

كثري من الاستغفار ولا تخلين صلاتج

 

[A7la KatkoOota]

رد : يمكن عندج حل لمشكلتي

الله يهديج ويثبتج انشالله

 

[Tom ♥ Jerry]

.

لا حول و لا قوة الا بالله العلي العظيمـ !
خلي الافلام الي تشوفينهآ و العآده السريه الي تسوينهآ تولي
مآ رآح تفيدج و رجعي حق ربج يا قلبي
و شي حلو أنج دريتي بخطئج بهالوقت
رمضان على الابوآب توبي لربج .. و خلي النت يولي !
اذا دريتي أنه رآح يخربج
.

 

[حـوريـه]

لآ تدخلين النت بغرفتج أو بروحج

أشبكي بالصاله بين الاهل و عند التلفزيون


وتعوذي من بليس قبل تقعدين على النت


و حطي عهد ووعد لنفسج انج بتتوبيــن

وعاقبي نفسج اذا رجعتي للاشياء القديمه

والله يقويج ويهديج ويثبتج يارب

 

[nadoy]

انا ودي ارد عليج عن العاده السريه والزواج

بس اللي اقدر اقوله حبيبتي ابتعدي عن هالشي اولا وعن الافلام الاباحيه

لانه هالشغلات راح تلهيج عن صلاتج

وبعدين ماراح تستفيدين منها اذا صار فيج شي لاسمح الله واتوقع فاهمه قصدي

فـ حاولي على كثر ماتقدرين انج تهدين هالشغلات

وتوبي لله .. وخلي وقت الشبك مع اهلج واذا تقدرين تمسحين المقاطع او المواقع اللي تعرفينها عن هالشغلات نصيحه مسحيها

لانه ماراح تستفيدين منها شي غير الذنوب

الله يصلحج ان شاء الله

 

[glitter sweet]

رد : يمكن عندج حل لمشكلتي

الله يغفر لج ويثبتج على الهدايه ...............

:yaaaaaarb::yaaaaaarb::yaaaaaarb:
واكثري يا أختي من الاستغفار

وكل ما دخلتي على النت تذكـــــــــري دائما.....

ان الله يراك فكيف تحبينه ان يراك؟؟؟!![/COLOR]​

 

[( المـلاك )]

حبيبتي اهم شي انتي نادمه على اللي صار
و توبي توبة نصوحه
و بلشي حياتج اليديده من رمضان
و توكلي على الله
و ادعي ربج وانشالله تتسهل امورج
و بعدي عن النت و خليج رقيب لنفسج
و كلش ولا صلاتج
لا تخلينها
ترى الصلاه تنهى عن الفحشاء و المنكر
اذا ماصليتي شي طبيعي بتروحين للغلط بنفسج

وعسى الله يهديج و يوفقج =)

 

[creamy]

بنات اقدر لكم وقفتكم معاااي

وان شاء الله احاول اتغيييير بس موب بالشي السهل

الله يعييييييين

 

[طويت صفحة الماضي]

اهم شي التوبه الخالصه لوجه لله وتذكري القبر وحشته وظلامه

 

[مــرح]

حلووووووووو

اول شي برافوو عليــج لانج انتبهتي لنفسج وحاســه بالغلط

ثانيــاً رمضـــآن فرررررررررصه جتج على طبق من ذهب

توبي واستغفري ربج وتقربيله اكثر بهالشهر واذا عالنت انا اقولج لاتقطعينه لانج اكيد بترجعين

بس خففي من قعدتج عالنت ومثل ماقوالو البنات اشبكي بين اهلج وخواتج واكتفي بالمنتدى وتفاعلي مع المواضيع
واحنا اعتبرينا خواتج ورفيجاتج ... معاج على طوووووول

 

[lovely jojo]

توبي وانا اختج

 

[UNICORNA]

انا اليوم قولت لاختى هذا النت راح يجننا

صراحه صرت حيل مستاءه منه

احسن شى تقطعينه فتره وتردين لاصحابك ولاقاربك وتدخلينه مره باليوم مثلا نص ساعه او مره كل كم يوم لمن تحتاجين غرض معين

ترا والله يخلى الواحد منبوذ ومايهتم بأحد ويلغى الحياه الاجتماعيه تماااااما

انتبهى لحالك حبوبه وربى يكرمك ويجعل رمضان بدايه خير لك ولك البنات

 

[creamy]

بس بنات انا مااعرف كيف ارجع لربيعاتي ؟؟؟

ساعدوني =(

 

[ريماس21]

عااادي ابدي بلمسجات اسالي عنهم شوووي شووي وكووني علاقاات


وان شااء الله تردين لهم

 

[مذهــلــه]

الله يهديج حبيبتي

وشي حلو انج بديتي تنتبهين لنفسج .... كثري من الاستغفار والصلاة والدعاء

وبالنسبة للنت مثل مافيه الاشياء الشينة فيه الزين والنافع ... وكل واحد حسب توجهه... فحاولي تغيرين ميولج تدخلين منتديات تستفيدين وتفيدين

وبالنسبة لصديقاتج .... عادي حبيبتي ابدي بمسجات وايميلات ..واكيد بترجع علاقتكم مثل اول

لاتعقدين هالموضوع ... وربي بيسهل الامور بويهج دامج صادقة بالتوبة

وأهم شي صـلااااااااااااااااااااااااااااااااااااااااااااااااااااااتج

وربي يهديج ان شاء الله

 

[بنت عطا]

الله يهديج ويثبتج يارب

والبنات ماقصروا

 

[حرم القيصركمودس]

رد : يمكن عندج حل لمشكلتي

انتي عرفتي غلطتج ورحمه الله واسعه استغفري ربح
واهتمي بصلاتج لانها عماد الدين والله يهديج ويوفقج
وصديقاتج راسليهم لاقيهم تواعدو بمكان سلمي عليهم

 

[عجهرس]

السلام عليج ورحمة الله وبركاته اختي اول شي انتي غلطتي ومتعرفه بغلطتج وهذا شي ايجابي حبيبتي ردي لربج واشتيكيله تراه قريب ومجيب لدعاء قومي صلي هالحين وانتي ساجده اشتكي بكل اللي بقلبج وقولي هالكلام كله واذا في اكثر وماقدرتي اتقولينه قوليه لربج ترى ربج يفرح بتوبة عبده تعرفين شنو يفرح الفرح شي كبير عتد الانسان اشلووون عند ربج بيكوون ؟؟
بعدها دامي على صلاتج لاتهدينها ابد لو شيصير بالاول بتحسين بثقل وبعد اسبوعين بتعرفين انتي اشكنتي فاقده ؟؟ فاقده لذه الدنيا الراحه اللي محد يحس فيها خلي الناس وشيبون ينفعونج فيه ترى الناس مابيدنهم شي ردي حق امج وابوج تراهم ابواب للجنه وربعج اللي هم صالحين رديلهم اسالي عنهم وان قالوولج وشكرج فينا قولي الشهر الكريم اقبل وبهنيكم فيه وبالنسبه للعاده السريه وجذي ربج كل هذا وساتر عليج تهقين مايستر عليج بعدها لا حبيبتي ربج ستاااااااااااااار ولا تشلين غير هم رضاء ربج بس وكل ماحسيتي بشي يجذبج للخرابيط انا اقولج وش تسوين طوااااااااااااااااااااااااااااااااااااااااااالي امسكي اصابعج واقعدي استغفري ويوميا القران ماتهدينه ترى القران سحر للنفوس ويارب اتجربين اللي بقوله وعجزانه لاعبر عنه اختي انا بضربلج مثل فيني انا انا اقعد عالنت منتدى كويتيات وغيره اقولج شسوي 24ساعه اذا انا شابكه ((ومو دايم اشبك لاني اجتماعيه واحب الناس وبس اقرق )) بس دايم عاليوتيوب وربي ماخليت محاظره لمحمد العريفي ماشفتها وكل المشايخه كلامهم رووووووووووعه سبحان الله احب محاظرات الدنيه وحتى برامجهم اللي طافتني حلقاتها وايد المشايخه بعد عبدالمحسن الاحمد وسجلي بمنتديات دينيه اذا انتي هوايتج النت يعني اقلبي استخدامج من سيء لايجابي وترى كل بيدج انتي وحدج واذا جاج واهسس مو زين اعرفي انه الشيطان عانديه لانه بيضيعج وان اتبعتيه بتضيعين اكثر وماراح تقدرين اتردين عشان جذي اعرفي انه الشيطان ولاوسوسلج سيده اقعدي استغفري
قولي
استغفر الله استغفرالله استغفرالله ترى الاستغفار يجلب الرزق وكل سي حلووو ويااااارب اسمع عنج احللى الاخبار ويشرفني اذا ودج انتواصل ارسليلي عالخاص واعتبرني رفيجتج هالشي يشرررفني وعسى ربي يريحج ويسسر امرج

 

[يبيلك قلب مايتعب]

الله يهديج

حبيبتي قبل لاتسوين أي شي تذكري كلام الله [ ومن ترك شيئا لله عوضه الله خيرا منه ]


وتذكري بعد كلام الله [ ومن اعرض عن ذكري فإن له عيشتنا ضنكا ]

اما صديقاتج سهله ابدي بالمسجات بعدها اتصالات دور صديقات بدوامج او بجامعتج ..

أتمنى لج حياه سعيده مملوئه بذكرالرحمن

 

[ترانيم القصيم]

طالما إنّكـ ندمانـة فـ الحمد لله أنتِ إنسانة فيكـ الخيـر بس موب قادرتن تحركه

وضعكـ يتعدّل بإذن الله ( إذا الزمتِ بالصّلاة بوقتها )

كثري من الإستغفار و الإستماع إلى المحاضرات الدّينيـة

اتركي العادة السّريـة يا وخيتي و إلا تبين تهدميـن مستقبلكـ ؟ بكرة ما تقدرين تتزوّجيـن يختي !

يكفي إنها حرام , يفزّ قلبي من الخوف لامني سمعت ببنت تسووي هالأشياء ,

التزمي بالصّلاة و اتركي عنكـ هالأمور و تتعدّليـن إن شاء الله