أكلمه ولا أسكت

[شربات]

قوة بنات

بدخل بالموضوع على طول ، كتبت مرة موضوع شنو نظام الحمولة والبنات ما قصرو

بس ألحين اكتب لكم وقلبي يطحن ونار في جوفي ودي اتكلم مع بوعيالي بس خايفة يزعل ويطنقر

كنت على اتم الاستعداد ومكلمة حماتي اني بسوي عيدميلاد اليهال عندهم يوم الجمعة اللي طاف

طبعاً انجلوني وعطوني طاف حده " الحمدالله والشكر " وكنسلو الزوارة

وبنتي صار لها يومين تروح عندهم حتى ماشفتها طالعة وبيدها شي ، يعني حتى الياهل عطوها سكب وما كلفو روحهم بهدية

لها ، الحمدالله بنتي ما عليها قااااااااااااااااااااااصر كلش ولا هديتهم ما تنقص منا شي ، بس حز بخاطري ان يوم عيدميلاد بنت

حماي ترسوها من الهدايا :jbdwjbd: وبنتي لأ ليش .



آنا عمري بحياتي ما كلمت زوجي عن اهله ، بس والله ألحين حده طفح فيني الكيل من اللي اشوفه من معاملة تبط الجبد

مع اني مالي شغل فيهم اللهم اني أزور وأطلع بس من 4 سنين

آنا بقلبي كلمة تقرقع ودي اقوله عن التفرقه اللي بين اليهال وبالأخير " بختمها بأن الله يخليه لنا ولا يعوزنا لأحد "

شرايكم بنات ابي مساعدتكم و نصايحكم لأنكم أهل خبرة

 

[شذى الحب]

مافي الا انتي تقولين بنتج انا وبابا نحبج وعطيناج هديه عشاان تحس انه امهاا وابوها يحبونهاا

لا تخلين عيالج عندهم مالت عليهم من اهل الزوج خلي اعيالج عندج

الله يهديهم لا تكلمين زوجج عنهم

 

[غلاتي غلا]

طنشي شلج بعوار الراس
اهم شي انتي وزوجج اوكي والباجي خليه كله ورا ضهرج
والله يسخر لج زوجج يارب

 

[المميزه84]

نصيحه لاتكلمينه عنهم لانج ماراح تستفيدين شي مهم تكلمتي وقلتي راح يسمع من اهني ويطلع من اهني لانهم اهله ويمكن بعد يتضايق منج

حبيبتي الموضوع ممايسوى لو انا منج اسوي احى عيد ميلاد حق بنتي وببيتي واطرش لهم من الكيكه واذا راحت لبسيها وكشخيها وتكشخي وتمكيجي وروحي سوي نفسج موهامج ولاتطرين الموضوع صدقيني الحقررررران يقطع المصراااااااان لاتعطينهم الاجابه اهم ينطرونج تشرهين عليهم بس عطيهم طااااااااااف طااااااااف طاااااااااااف
وبنتج مو ميته على هذاياهم بالطقاق هذي نصيحتي وانتي وكيفج

 

[om MaRyooM]

انا لويصير فيني جذي عادي اتحجى مافيها شي .. عشان ريلي يفتح عدل ويعرف اللي قاعد يصير

بس مااقوله كل شي بالتفصيل .. اذا شي يسوى ومبين اشكره عيني عينك طبعا تكلمي بعدين يصير شي ماشيات ضدج الا ريلج مايدري ويفاجئونه بشي مثلا حزتها بيصدقهم لأن ماشاف عليهم شي من قبل ولامنتبه لحركاتهم ..
هذي نصيحة مني ولايهمج اللي تقول سكتي ولاتقولين لزوجج انا من كنت اسكت ماقول ولاشي فعلا طعنوني بظهري جدام زوجي وحزتها زوجي قلب علي لأن ماكان يدري عن نواياهم من قبل وعن سوالفهم معاي لأني كنت طرمة ماأتحجى واخشها بقلبي ..

بس الحمدلله عدت الامور على خير ومن وقتها اي شي جايد يصير اقوله .. فتلاقينه مفتح باللبن وعارف نوايا كل واحد واهو الحين اللي قاعد يقارن وانا سااكتة

خلج شطورة وذكية واخذيها من ناحية ان اليهال مايصير يحسو بالتفرقة وانج مستغربة وجذي...لاتنتقدين احد او تذكرين اسامي
بس قطي نغزات مرة ومرتين وذكري جم موقف وخليه اهوا الحكم .. واذا كان فهمان بيعرف شاللي قاعد يصير






اسفة طولت عليج بس حبيت افيدج بتجربتي يمكن افيدج بشي ولوبسيط

 

[بنت عطا]

عادي مايشوفون شر

اهم شي بنتج ماعليها قاصر منج

 

[جـــواهر]

بالطقاق لا يجيبون وعلهم ماجابو الحمدلله دامج انتي وابوها مو مخلين عليها قاصر
شتبين بهداياهم اف ياكرهي للتفرقه بين الجهال
عبالهم الجهال مايحسون مايدرون ان جهال هالوقت مفتحين باللبن ويشيلون بقلوبهم
يعني يا انهم ماايجيبون خير شر ياانهم يجيبون للكل

 

[Tom ♥ Jerry]

>


لا لا تكلمينه و لا شي !
زوجج مآله شغل بخوآته مآ يقدر يقصبهم يعطون بنتج هديه
الهديه اذا مآ طلعت من القلب و بدون لا أحد يقول
مآلها دآعي الصرآحه !

خليهم جذي و طنشششششي ..

:|

 

[مناوي الكويت]

سمعيني ياقلبي عيشي حياتج قالو حق ريلج ولا ماقالوا لا تهتمين محد يستاهل انج تهتمين فيه واذا فرقوا لا تحطين ببالج ولا تحسسين اعيالج بالشئ هذا

ولا تعاتبين ولا تقولين حق زوجج لان الموضوع مومهم فكري بنفسج وبيتج ما عليج من احد بس اذا صار عندهم مناسبه لا تودين هديه لا تقدرينهم روحي حفلتهم بس لا تقدرينهم عززي نفسج

 

[.،:"$الـعـوبــــة$":،.]

والله ياقلبي ، اسمحيلي مالك حق اتكلمين زوجك ولا اتحلطمين الا اذا ناوية تجيبين لنفسك مشاكل وتكرهينهم فيك و فالجاهل أكثر !!
كيفهم ! موملزومين يجيبون لكم ولا يحطون لكم ! ومو ملزومين يحبونكم غصب !!
دامهم ماتعرضولك شخصيا مالك حق اتحاسبينهم ليش ماجبتولنا والا ليش ماعطيتونا !!!
وعيالك انتي وابوهم يكفيهم حبكم لهم ،، وانتي كيفك ،،
​

 

[انتظر حبه]

رد : رد: أكلمه ولا أسكت

نصيحه لاتكلمينه عنهم لانج ماراح تستفيدين شي مهم تكلمتي وقلتي راح يسمع من اهني ويطلع من اهني لانهم اهله ويمكن بعد يتضايق منج

حبيبتي الموضوع ممايسوى لو انا منج اسوي احى عيد ميلاد حق بنتي وببيتي واطرش لهم من الكيكه واذا راحت لبسيها وكشخيها وتكشخي وتمكيجي وروحي سوي نفسج موهامج ولاتطرين الموضوع صدقيني الحقررررران يقطع المصراااااااان لاتعطينهم الاجابه اهم ينطرونج تشرهين عليهم بس عطيهم طااااااااااف طااااااااف طاااااااااااف
وبنتج مو ميته على هذاياهم بالطقاق هذي نصيحتي وانتي وكيفج

اناا معا الاخت وان اسوي اعياد الميلاد ببيت اهلي صج اعيالي يستانسون ويفرحوون مع اعيال خوالهم

 

[حجيه هيونه]

شلج فيهم خل يولون لاتحترين ولاشي الحمدالله والشكر يبون يحرونج حتى الياهل ما يعطونها ويه ليش جذي !!

ومني ورايح مثل ما يعاملونج عامليهم

 

[عيش و مرق]

والله ياقلبي ، اسمحيلي مالك حق اتكلمين زوجك ولا اتحلطمين الا اذا ناوية تجيبين لنفسك مشاكل وتكرهينهم فيك و فالجاهل أكثر !!
كيفهم ! موملزومين يجيبون لكم ولا يحطون لكم ! ومو ملزومين يحبونكم غصب !!
دامهم ماتعرضولك شخصيا مالك حق اتحاسبينهم ليش ماجبتولنا والا ليش ماعطيتونا !!!
وعيالك انتي وابوهم يكفيهم حبكم لهم ،، وانتي كيفك ،،
​

صاجه ماتلزمين الناس ايبون وله ما ايبون كيفهم لاتكبرين الموضوع وتقولين حق زوجج شكو فى اشياء اهم من جذى بدنيا انتى سوى حق بنتج بلبيت بروحكم وله وديها حدا هلمطاعم يصفقون ويغنون لها وتستانس وبس

 

[*ريما*]

رد : أكلمه ولا أسكت

طنشي
اهم شي انتي وابوها
ومرة ثانية سوي لها ببيت اهلك احسن

 

[UNICORNA]

فى ناس لمن تحقرينهم يطلبون ودك ولمن تهتمين بهم يعطونك طاف

خلى عيالك عندك وانتى جيبلهم هديه وطوز فيهم

ولا تكلمين زوجك هو بروحه يعنى مو شايف ؟؟؟ احتمال شايف ومطنش او انه مو منتبه

ولو كلمتيه ماراح يقدر يسويلك شى ولا يكلم اهله

ادرى شى يحز بالخاطر بس عطيهم بدل الطاف طافين

 

[عيون زوجها]

لا تفاتحينه بشي بس مفروض اهو يلاحظ ودام انه مالاحظ ان اهله مفرقين او ماعطو بنته هديه بعيدميلادها معناته اهو مو هامته هالسوالف فحتى لو فاتحتيه بيقولج طاف او عادي او او او
طنشي حبيبتي وانتي بعد عامليهم بجفا وبحدود
وجبيهم واهم شي امه وابوه والباجي طاف

 

[يا حبنـي له..}]

رد : أكلمه ولا أسكت

يامعوده بنتج انتي غرقيها هدايا ومالج شغل بالناس

 

[آجمل نسآء آلدنيآ]

رد : أكلمه ولا أسكت

آهيــآ سـج سـآلفه تبـط آلجبـد و حركتـــهم شـريره

بـس لو تكلمتــي بتطيييــح برآســج .. آقـل شـي بيقـول آنتـي تدوريـن آلمشـآكل ..

ومــآتبين آهلـــي و مـآتحبيـنهم .. و آفـلآم آلريـآييـل عـآد .. لآن لو شنـو آلغلـط آللي طـآلع منهـم

رآح يستسهلــه ..

So

آنتــي سوي حـق بنتـج عيـد ميــلآد فـ بيـت آهلــج وخلـي آلبنيــه تستــآنس

موووفقــــهـ *_*​

 

[Little_Queen]

والله ياقلبي ، اسمحيلي مالك حق اتكلمين زوجك ولا اتحلطمين الا اذا ناوية تجيبين لنفسك مشاكل وتكرهينهم فيك و فالجاهل أكثر !!
كيفهم ! موملزومين يجيبون لكم ولا يحطون لكم ! ومو ملزومين يحبونكم غصب !!
دامهم ماتعرضولك شخصيا مالك حق اتحاسبينهم ليش ماجبتولنا والا ليش ماعطيتونا !!!
وعيالك انتي وابوهم يكفيهم حبكم لهم ،، وانتي كيفك ،،
​

:eh_s(15):

 

[جوري وبنفسج]

السلام عليكم

شوفي يا قلبي نصيحة مني لا تفتحين الموضوع مع زوجج ولا تقولين له ولا تبينين له شيء

يعني بفهم شنو بيسوي ريلج بيهاوشهم ويجبرهم يجيبون هدية لبنتج

الهدية أن ما جت من الناس بطيب خاطر ما أبيها حتى لو كانت ملايين

ويا زينها لما تكون من ناس تحبج حتى لو كانت قيمتها 100 فلس

الهدية ذوق وأخلاق وشيء معنوي قبل ما تكون شيء مادي

أنتي اللي عليج كل ما تبين تونسين عيالج سوي لهم حفلات ببيت أهلج

ولا تنطرين شيء من حمولتج

وأي مشكلة تصادفج من أهل زوجج تجاهليها وأنسيها ولا تقولينها لزوجج لأن مهمها كان هذولي أهله وراح يتعاطف معاهم ويطلعج أما غلطانة أو ما عندج سالفة


وحتى عيالج مو لازم يحسون أن العلاقة بينج وبين أهل زوجج متوترة لأن مهما كان هذولي أهلهم .​