أكلمه ولا أسكت

[روحي ابوي]

بالطقاق لا يجيبون وعلهم ماجابو الحمدلله دامج انتي وابوها مو مخلين عليها قاصر
شتبين بهداياهم اف ياكرهي للتفرقه بين الجهال
عبالهم الجهال مايحسون مايدرون ان جهال هالوقت مفتحين باللبن ويشيلون بقلوبهم
يعني يا انهم ماايجيبون خير شر ياانهم يجيبون للكل

انا مع الاخت جواهر ..

 

[al-musk]

يعني بيروح يحاسب أهله هم مو حلوة..يابنت الحلال طاف وطنشي ولمحبة من الله لاتلزمينهم بشي مو من خاطرهم ومدام محترمينج هذا أهم شي ومايتجاوزون حدودهم معاج..

 

[الا يامطول صبري]

والله نصيحه اخت طنششششششششى ولاتحرقين دمج واهم شي ابو عيالج وعيالج والله بتتعبين من التفكير بهالامور طنششششششششي والله انا قبل نفسج عقب طنشت وارتحت

 

[روحي تحبه غصب]

موكل شي ينقال لريال وفي رياييل لو يشوفين الغلط بعيونهم من اهلهم مايتكلمون ولايعاتبون


انا عندي لج فكره تخلي ريلج يحس ويدري من غير ماتتكلمين


سوي حفله لبنتج في بيت اهلج وخلي البنت تستانس واكيد راح يجيها هدايه من اهلج

ولا تبطلين الهدايه الا في البيت جدام ريلج وكل هديه خلي بنتج تبطلها عشان ريلج يشوف قيمة الهديه عند بنته وشلون تستانس واهيا تفتح الهدايه

وانتي قعدي كلمي بنتج (الله شوفي فلانه ياحلات هديتها والا شوفي امي العوده شكثر تحبج )يعني من هالكلام

وليمن تخلص قولي لريلج ياحياتي حسيت ان بنتي كبرت عيوني دمعت وانا اشوفها مستانسه

وشكثر استانس بالحفله وليمن طفينا الشموع وعورت قلبي ليمن سألتني وين بابا؟؟؟؟؟؟؟


بس شوفي اذا سويتي الحفله في بيت اهلج وماياكم هدايه الله يعينج انتي اشتري الهدايه وغلفيها!!!!!!!!!هاهاهاهاهاهاهاها

وصدقيني راح ينتبه ويمكن يسال ليش ماسويتي الحفله عند اهلي او شنو يابواا خواتي ؟؟؟؟؟؟؟؟؟


ونصيحه لج لاتتكلمين عن اهل ريلج باي شي ضدهم


الله يخليكم لعيالكم ويخليهم لكم

 

[غيوره ومغروره]

الله يعينج انا حاسه فيج - بس هالموقف اهون من موقفي - مره حمولتي ردوا من السفر ويايبيين هدايا للكل الا اعيالي بصراحه حزت بخاطري - ومن بعدها سويت مثلهم اذا سافرت ما اييب لاحد شي طاااف - وكانوا دايما يفرقون بين اعيالي واعيال حماي ويزفووون ولدي ويقعد يبجي وولد حماي بس يلمونه ويهلون فيه - وولدي صار يكرههم
عبالهم اليهال مايفهمون
انتي سوي لبتج احلى عيد ميلاد بمطعم وعزمي الكل واهما لأ خل يحتروون ويعرفون انج مو بعازتهم

 

[ام شريفه]

صح كلام المميزه اهما ناطرينج تتشرهين عليهم و انتي خلج عااااادي الحقران يقطع المصران يا قلبي

 

[ام جروح 83]

انتي عطي بنتج هديه وخليهم لا تنطرين منهم شي
طبعا اذا عيد ميلاد عيالهم اكيد يبون هدايا صيري احسن منهم وهاديهم تكبرين بعين ريلج
ولا تقولين له عن شي سكتي احسن لان الريال مايرضى على اهله مهما كان هذول اهله*

 

[ناتشوو]

شنو الهدف من انج تقولين له؟
يكرههم
يشيل بقلبه عليهم
يروح يهاوشهم
ولا يجبرهم يشترون هدايا لعيالج؟
تعوذي من ابليس وكل حر بفلوسه وهداياه
ولا تقارنين نفسج ولا عيالج بالغير حتى لو عيال عمهم
الله يخليج لهم ويخلي ابوكم لكم
وانشغلي بنفسج وحياتج عنهم
بس مويعني تقاطعينهم عادي
بس الدنيا ماتسوى

 

[حياتي كلها لله.]

حبيبتي وايد ناس مايعترفون بالاعياد الميلاد ويقولون بدعه وانا منهم
مااروح اعياد ميلاد ولا نهدي لانها عااادت اليهود والنصااره واحنا مسلمين الحمدلله
الله اكرمنا ابعيدين الاضحى والفطر
ويمكن حمولتج ناس ملتزمه ماايعترف بالاشياء
بس لا تيبين لنفسج مشاكل ولا تكلمين ريلج
والله يخليلج هالبنت وتشوفينها عروس
ان شاء الله

 

[ساندريلا]

حبيبتي لاتضيقين خلقج ولاتهتمين الله يخلي عيالج لج ولابوهم يعني ترى موقفج يهوون وايد جدام مسلسلات الحموات العجيبه
تخيلي وحده من اهلنا من يابت بتنها لي يومج هذا الي بنتها كملت فيه 5 سنين ليلحين حمواتها حتى مسحه ما مسحوا على راس بنتها ولا جنها بنتهم وعمدا لا ايوا بنات ثانيين يبوسونهم ويحبحبون فيهم يبون يحرونها بس على قولتها بننتي مو ناطره الحنيه منهم عندها فيضان عطف وحنان مني ومن ابوها واهلي
حمدالله والشكر في ناس عقولهم صغيره حتى اليهال ماسلموا من حسدهم وحقدهم

 

[قلبي سلومي]

خل يولون طنشي
يعني ماتعرفين الحمولة
مو شي جديد

 

[Tulips]

ما راح تستفيدين شيء لما تقولين حق زوجج

 

[lovely jojo]

كلام الاخت عوبة صح

 

[هنـــــد]

رد : أكلمه ولا أسكت




تنّش تعش تنتعش يا آلبي ،
وبنوتج سويلها عيد ميلاد يجنن وعزمي خواتج ورفيجاتج عليه
وصوري فيـه وهايطي .. وعقب راوي حمولتج الصور خل يموتون قهر لانج عطيتيهم أم الطاااف
ووسعي صدرج ولا تقولين لرجلج شي نصيحه خليج بعينه الأكبر دوم
وربي يسخره لج ويسعدكم ويحفظ لكم عيالكم

 

[mn.mn]

صراحة الموضوع كلش ما يسوى لا تسوين حق روحج سوالف مع ريلج من غير داعي

ما بينج وبينهم غير السلام وبس لا توطدين العلاقات من غير داعي ووخري عن المشاكل

زوري وطلعي وانتي مو شايلة منهم وقطي كل شي ورا ظهرج اهم شي ريلج دامه زين خلاص

 

[!الجادل الصعب!]

هم ما قدروا البنت .. طيب الرجال شكو تغثينه ..

دام انتي وابوها موجودين ماعليج من الباقي وشتبينه يسوي ؟ يقولهم ليش ماجبتوا هديه لبنتي ..

مره ثانيه سوي عيد ميلادها عند خوالها والله يخليكم لها ..

 

[DooLy88]

طاااف

 

[بولندية]

سوي لها حفلة و عزمي اهلج انتي مو اهله

 

[كتكوتة قلب ميدو]

انا لويصير فيني جذي عادي اتحجى مافيها شي .. عشان ريلي يفتح عدل ويعرف اللي قاعد يصير

بس مااقوله كل شي بالتفصيل .. اذا شي يسوى ومبين اشكره عيني عينك طبعا تكلمي بعدين يصير شي ماشيات ضدج الا ريلج مايدري ويفاجئونه بشي مثلا حزتها بيصدقهم لأن ماشاف عليهم شي من قبل ولامنتبه لحركاتهم ..
هذي نصيحة مني ولايهمج اللي تقول سكتي ولاتقولين لزوجج انا من كنت اسكت ماقول ولاشي فعلا طعنوني بظهري جدام زوجي وحزتها زوجي قلب علي لأن ماكان يدري عن نواياهم من قبل وعن سوالفهم معاي لأني كنت طرمة ماأتحجى واخشها بقلبي ..

بس الحمدلله عدت الامور على خير ومن وقتها اي شي جايد يصير اقوله .. فتلاقينه مفتح باللبن وعارف نوايا كل واحد واهو الحين اللي قاعد يقارن وانا سااكتة

خلج شطورة وذكية واخذيها من ناحية ان اليهال مايصير يحسو بالتفرقة وانج مستغربة وجذي...لاتنتقدين احد او تذكرين اسامي
بس قطي نغزات مرة ومرتين وذكري جم موقف وخليه اهوا الحكم .. واذا كان فهمان بيعرف شاللي قاعد يصير






اسفة طولت عليج بس حبيت افيدج بتجربتي يمكن افيدج بشي ولوبسيط

:denya:

 

[ديانا سبنسر]

بالطقاق لا يجيبون وعلهم ماجابو الحمدلله دامج انتي وابوها مو مخلين عليها قاصر
شتبين بهداياهم اف ياكرهي للتفرقه بين الجهال
عبالهم الجهال مايحسون مايدرون ان جهال هالوقت مفتحين باللبن ويشيلون بقلوبهم
يعني يا انهم ماايجيبون خير شر ياانهم يجيبون للكل

:eh_s(15):