(تجمع مراجعات السلام)

[_j'aime mon mari_]

حلوة الروح ادري على حسب الغرفه
انا خذيت منهم الاسعار وحسبت حساب الجناح اللي ابيه مع ولاده طبيعيه او قيصريه والادويه طلعلي 1000 تقريبا
بس اللي قريته من المنتديات يقولج غرفه عاديه حتى مو جناح وطلعت عليهم 1800 واكثر @@

 

[أمواج^الكويت]

رد : رد: (تجمع مراجعات السلام)

أسعار الولادة في مستشفى السلام :

- ولادة طبيعية : 285

- ولادة بالمساعدة : 335

- ولادة قيصرية : 485

أسعار الغرف مع نوع الكلاس ( الليلة الواحدة ):

- غرفة مشتركة أ : 40

- غرفة مشتركة ب : 50

- غرفة خاصة : 89

- ديلوكس 2 : 99

- ديلوكس 1 : 110

- في آي بي 2 : 130

- في آي بي 1 : 140

- رويال سويت 3 : 160

- رويال سويت 2 : 180

- رويال سويت 1 : 195

- سويت السلام 2 : 285

- سويت السلام 1 : 310

- لولوة سويت : 400

- دسمان سويت ( 1 - 5 - 6 ) : 720

- دسمان سويت 2 : 980

- دسمان سويت 3 : 860

- دسمان سويت 4 : 880

- دسمان سويت 7 : 900

- دسمان سويت 8 : 800

ملوحظة :

- يتم إضافة مبلغ 100 - 155 دينار للأسعار السابقة قابلة للزيادة لصرف ادوية و تحاليل يتم طلبها بناء على تعليمات الطبيب المعالج

- في حال طلب مرافق لغرفة الولادة يتم إضافة مبلغ 40 دينار مع مراعاة أنه يسمح بمرافق واحد فقط في غرفة الولادة ​

ادعولي بنات الله يسهل علي ولادتي و أولد بالسلامة مع البيبي جزاكم الله خير

مشكوووره حبيبتي در البحور .. الصراحة سهلتي علي المهمة مع إني أدري على ولادتي إنشالله بعد 4 شهور ماراح تستقر الأسعار على ما إهيه عليه .. بس بقارن اشكثر راح يزيدون

والله يسهل عليج ولادتج ويقومج بالسلامة يارب :yaaaaaarb:​

 

[نور الضي]

رد: تجمع مراجعات الاستشارية د.امل عبدالعزيز الراشد فقط

والدكتوره امل اشلونها بالولاده اهم شي عندي نفسيتها هي من النوع اللي طول بالها عليج .وشلون خياطها وكمامها..انا سامعه ان كمامها قوي . وكم يكلفني اذا ابي اولد عندها علي خير .
جزاكم الله الف خير .

 

[opera]

رد : تجمع مراجعات الاستشارية د.امل عبدالعزيز الراشد فقط

سؤال

دكتوره امل عبدالعزيز مصريه ؟؟ ولا كويتيه؟؟


اهي للحين برويال حياه؟؟


شلون مواعيدها زحمه ولا اروح انطر دور؟؟

 

[شيخة البلادين]

حلوة الروح ادري على حسب الغرفه
انا خذيت منهم الاسعار وحسبت حساب الجناح اللي ابيه مع ولاده طبيعيه او قيصريه والادويه طلعلي 1000 تقريبا
بس اللي قريته من المنتديات يقولج غرفه عاديه حتى مو جناح وطلعت عليهم 1800 واكثر @@

صاجة...

انا لما اشوف الاسعار واحسب حسابي من المستشفى الاقيه بحدود 1000 دينار... بس اشوف البنات هني ماخذين شي بسيط ويتعدى هالمبلغ وااايد...!!!

مادري يمكن في اشياء احنا موعاملين حسابها... او انهم يفاجأونا بشي مو عالبال...!!

الله يعين بس..

 

[بنتي الغالية]

رد: رد : تجمع مراجعات الاستشارية د.امل عبدالعزيز الراشد فقط

سؤال

دكتوره امل عبدالعزيز مصريه ؟؟ ولا كويتيه؟؟


اهي للحين برويال حياه؟؟


شلون مواعيدها زحمه ولا اروح انطر دور؟؟

الدكتورة امل كويتية - وعيادتها موجوده بعيادات السلام الخارجية - اما عن مواعيدها عادية زينة بالايام العادية احسن من الويك اند - وهذا رقم عيادتها 22232419​

 

[فوفه 82]

رد : تجمع مراجعات الاستشارية د.امل عبدالعزيز الراشد فقط

اب اب

 

[Um 5aled]

رد: تجمع مراجعات الاستشارية د.امل عبدالعزيز الراشد فقط

اي والله ودنا نعرف اكثر شلون كماامها وخياطها ووقت الولادة شلونها

 

[بنتي الغالية]

رد: تجمع مراجعات الاستشارية د.امل عبدالعزيز الراشد فقط

انا اعرف بنات ولدوا عندها الكل يمدحها ويقولون انها تهبل وصبورة وايدها خفيفه
والله أعلم - اذا ولدت بقولكم تجربتي معاها ان شاءالله

 

[opera]

رد : تجمع مراجعات الاستشارية د.امل عبدالعزيز الراشد فقط

مشكوووره حبيبتي

يعني اهي ما تولد الا بالسلام ؟؟؟

 

[احلى من الحلى]

مو على كيفهم انا بعد بحروه 1000 اذا قالولى اكثر بشقهم شق ليش؟؟؟؟؟



اهم سكتى خلاص بس اذا ناشبتيهم يقولون ايه غلط بالفاتوره حراميه والله

 

[بوليانه]

رد : (تجمع مراجعات السلام)

ليش بنات أنا ولدت بالسلام وخذيت جناح رويال سويت (اتوقع يقولون له جناح الجوهره انا بس حافظه رقم الغرفه )
وغير المصوره الي خذيتها من المستشفى والكراسي الزياده (البنات يقولون ياخذون عليهم فلوس أنا مادري )والله ماتعدى ال 1000
والصراحه رعايه حلووووه وولادتي الثانية إن شاء الله هم بالسلام والسهالات من الله

 

[بوليانه]

رد : (تجمع مراجعات السلام)

ونسيت أقولكم عطوني المراجه بعد عشر أيام من الولاده الدخول مجانا
ومراجعه فحص حق البيبي مجانا وغير فحص الإذن مجانا
بس الشي الوحيد الي خذوا عليه فلوس سونار الحوض بعد مرور شهر من الولاده

 

[در الـبحـور]

رد: رد : رد: (تجمع مراجعات السلام)

مشكوووره حبيبتي در البحور .. الصراحة سهلتي علي المهمة مع إني أدري على ولادتي إنشالله بعد 4 شهور ماراح تستقر الأسعار على ما إهيه عليه .. بس بقارن اشكثر راح يزيدون

والله يسهل عليج ولادتج ويقومج بالسلامة يارب :yaaaaaarb:​

السلام عليكم شخباركم بنات

مشكورة حبيبتي أمواج^الكويت و جزاج الله خير عالدعوة الطيبة يا قلبي :tek:

و عسى ربي يسهل عليج بعد و تولدين بالسلامة مع البيبي

و اللي تستفسر اشلون تحجز موعد عند الدكتورة بصراحة أمس دقيت عالسلام و أخذت مواعيد الدكتورة نجمة لأن بإذن الله

ناوية أولد عندها :

رقم البدالة : 22232000

تطلع لج اختيارات ضغطي رقم 2 بعدها تطلع لج بعد اختيارات ضغطي رقم 1

مواعيد الدكتورة نجمة : جميع أيام الأسبوع ما عدا الجمعة :

دوام الصبح : ( 8 - 12 ) و إذا عندها ولادة تتأخر و ساعات توصل 9.30 ص

دوام العصر: ( 4 - 8 ) و إذا عندها ولادة تتأخر و ساعات توصل 5.30 م

 

[در الـبحـور]

تهبل والله وخياطها روووعه مع اني كنت اراجع عند ماجده واغلب اللي يراجعون كان تتولدهم ماجده
بس سبحان الله ارتحت لها حيل والسهالات من رب العالمين
بس هي نفسيتها حلوه تاخذ وتعطي معاج وتجاوب ع اسئلتج غيرها والله نفسيه وتحسسج جنج ماخذه من وقتها الثمين وودها تقولج قضبي الباب وطلعي خلصيني وراي غيرج!!
انا كنت بجريه ماااعرف شي كنت كله اسئلها كانت تجاوب وتطول بالها وقمه بالتعامل حتى وقت الولاده تقرى عليج وتهديج

الله يهون عليكم ويقومكم بالسلامه

ما شاء الله ، جزاج الله خير و حابة أضيف انا بصراحة ما جربت ولادة د. نهاد بس كنت أراجع مراجعة حمل عند دكتورة ثانية

بعيادة دار البراء فسبحان الله مرة من مواعيدي ما حصلت دكتورتي فدخلت على د.نهاد ما شاء الله عليها

هادية فعلا و اسلوبها راقي

 

[سمبتيكة]

رد: تجمع مراجعات الاستشارية د.امل عبدالعزيز الراشد فقط

اوبرا د.امل تولد بس بالسلام
بس بغيت اسال البنات اللي ولدو بالسلام وخذو جناح دسمان اي غرفه اخذتو وبجم احسبو الليله عليكم؟

 

[شوارفسكيه حمره]

بنات انا بمستشفى السلام الحين عند الدكتور عمرو عصام وانشاءالله بخليه اهوو يولدني

 

[شوارفسكيه حمره]

بنات انا عند عمرو عصام وايد زين ويهبل لا تخوفوني منه
الكل قاعد ياخذ عند حريم

مادري يقولون عمرو عصام بالولااده وايد زين

 

[نور الضي]

رد: تجمع مراجعات الاستشارية د.امل عبدالعزيز الراشد فقط


نبي نعرف اكثر عن الدكتوره امل عبدالعزيز وكم تكلف الولاده عندها .واشلون اخياطها .....
وعساها ما توهقنا وقت الولاده وتولدني الهنديه اللي عندها والله حزت الولاده ماتقدرين تسوين شي ؟؟؟

 

[Om_Ksha]

بنااااااااااااااات شكلي براجع بالسلام ..
وبولد فيه وبغير دكتورتي وابي اسماااء ادكتورات بالسلام بليييييييييز


جنه قالولي عن دكتوره اسمها شاديه اهيا بالسلام ؟؟؟

وشكرا