زوجج يدري بال...........

[المدرسه (مس)؟]

مرحبا بنات شلونكم ان شا الله الكل بخير :eh_s(6):
اليوم اجه على بالي سؤال بما ان كلنه نستخدم هذا الموقع المميز ونتحاور من خلاله هل زوجج يعرف بيه
هل يعرف انج تكتبين فيه وانج عضوه واذا يعرف فهل يعرف النك نيم حكج واذا يعرف هذا بعد زين يعرف الباس وورد
انا عن نفسي يعرف اني اكتب فيه واني عضوه بس ما يعرف اسمي منعا للاحراج
اكو كثير من الموضيع عن الزوج وعن الحموله وعن الاهل ما تبين زوجج يعرف بيها صح كلامي وله لا
يالله عطونه الي تعرفونه وسلامتكم:ggdw:

 

[الاحساس والطيبة]

رد : زوجج يدري بال...........

اية يعرف النك نيم ويعرف الباس وورد يعني عادي الي اكتبة وجهتة نظري واكيد اهو عارفها قبل لااكتبها

 

[فاقده ابوهاااا]

انا ريلي يعرف كل شي عني النك نيم وجم موضوع انزل باليوم وشنو ردودي ومشاركاتي والرسايل الخاصه وكل شي حتى ايميلي والباسورد وتليفوني ورفيجاتي وطلعاتي كلها معاااه وبس ويعرف جم قلاص ماي اشرب باليوم وتكرمون جم مره ادش الحمام :eh_s(3): علبالكم اتغشمر لأ وراسكم وكاهو يمي ويشوف الحين اشقاعده اكتب :O_SHH_:

 

[دكتوراه أنوثه]

لا طبعا مايعرف ...........وإذا عرف بروح فيها انا امصخرته بالنت ههههههههههههههههههههههههه

 

[( المـلاك )]

اي طبعا
زوجي يدري اني بهالمنتدى و يعرف نكي و الباسوورد بعد


و المواضيع الموجوده شي طبيعي انه زوجي ماراح يشوفها لانه ماراح يدش المنتدى

 

[miss-winter]

اي يعرف بس مايهمه كله عنده خرابيط حريم وماعندنا سالفه ولايهمه هههههههههههههه بس اكيد يدري اني بالمنتدى بس محد يعرف نكي ولا باسوردي لووول احسن شي

 

[فاقده ابوهاااا]

لا طبعا مايعرف ...........وإذا عرف بروح فيها انا امصخرته بالنت ههههههههههههههههههههههههه

هههههههههههههههههههههههههههههههههههههههههههههههه ضحكتيني عيل لا يطيح عليج تروحين فيها :eh_s(2):

 

[@ام ضاري@]

رد : زوجج يدري بال...........

انا وحده من الناس يعرف النك والباسبورد

ويعرف ايميلاتي كلهااا

ويعرف اني ماقول اشياء خاصه فيني

اشوف اللي يمشي صح مايخااف من شي وفي عضوات عندنا

ارجالهم يدرون حتى في مواضيعهم الخاصه وعندهم الوضع عادي

وفي عضوات من يدري رجلها في اسمها شنو ع طول تطلب في حذف المواضيع

 

[ريماا]

رد : زوجج يدري بال...........

اكيد يعرف انى احب هالمنتدى بس مايعرف النك نيم ولاباسوورد ولاعمرة سألنى عن المنتدى احلى مافية مايحب سوالف الحريم ههههه بس كلمااقولة شغلة يقولى قصووو عليج؟ اخر مرة قتلة عن حملة للحج ومدحتها قالى العبارة المشهووورة هااقصو عليج؟
هههههههه

 

[mn.mn]

إي والله يدري وساعات جدامه اقعد واكتب الحمد الله ما عندي شي أخشه

اللي ماشي سيده ما يخاف

 

[المدرسه (مس)؟]

انا ريلي يعرف كل شي عني النك نيم وجم موضوع انزل باليوم وشنو ردودي ومشاركاتي والرسايل الخاصه وكل شي حتى ايميلي والباسورد وتليفوني ورفيجاتي وطلعاتي كلها معاااه وبس ويعرف جم قلاص ماي اشرب باليوم وتكرمون جم مره ادش الحمام :eh_s(3): علبالكم اتغشمر لأ وراسكم وكاهو يمي ويشوف الحين اشقاعده اكتب _shh_:

من صجج الله يكون بعونج والله يديم المحبه بينكم ولا يفرقكم

 

[DooLy88]

مممممم

يعرف اني مشتركة

واني عضوة بمنتدى نسائي


يعرف نكي اكيد لان اسمي الصجي دلال واسم الدلع والنك بكل مكان

بس مايعرف الباس ولو طلبه << بعطيه

وادري انه ماراح يدش بس مجرد فضول

فعادي - حتى لو قرا شي انا ماجذبت ولا قلت الا الصج عن اهله لووول ماتجيت فيهم الا بالزين

 

[أغلى حبيبه]

رد : زوجج يدري بال...........

اي يعرف كل شي

لانه مسيفتهم باللبتوبات

 

[++MesK++]

؛
؛



يعرف المنتدى و نك نيمي

لاني ما اكتب شي خاص

مواضيعي كلها عااامه


؛
؛

 

[الا انــــــا]

ايه يدري اني عضوه بكويتيات

ويعرف النك نيم مالي بس مايعرف الباسوورد لاني ما اسجل خرووووج

 

[روحي ابوي]

اي عادي يعرف ويعرف النك نيم .. منتدى نسائي محترم يخدمني ويخدم غيري ويحب اني استفيد وافيد

 

[ريتااجي]

رد : زوجج يدري بال...........

إي عااادي وش فيها

يعرف نكي بس أما الباسوورد مايعرفه

 

[روق العـريـدي]

رد : زوجج يدري بال...........

اكيييد يدري بس كل مايعجبني شي اقوله يقولي ماخربج الا نت بشيله عنج

:denya:


بالاصح هذي سالفتنا كل يووم:eh_s(2):​

 

[ام كوشه منكووشه]

رد : زوجج يدري بال...........

ريلي عند خبر اني مشتركه بالمنتدى ويعرف النك نيم والباسورد موصعب لاني احط باسورد واحد حق كل شي وهالباسورد مشترك بيني وبين ريلي يعني الحياه سعيده بينا اهوا يقدر يطلع على ايميلاتي وانا نفس الشي والحمدالله مافيه شي اخشيه او استحي منه وبالعكس اول ما اشتركت بالمنتدي في شغلات ما اعرفها كان اهو يعلمني عليها

 

[eng.meema]

يدري اني ادش بس ما يدري اني عضوه لأنه له نظرة غريبه بهالموضوع (( عنده اي شي متعلق بالنت يعني خراب )) حتى لو يشوفني قاعده اشوف ايميلي ايقوللي اي اي اختربتي مادري ليش متعقد من النت يعني لو درا اني امسجله بعد برووح فيها لووووول