رحـــلـتـي إلـــى صلنــفـه

[miss-manal]

انا توني من آسبوع رديت من صلنفه .. منطقه حلوه وشعبها هادي.. الضيعه الي سكنا فيها اسمها باب عبدلله .. بس مافيها شي يونس بس طبيعه ..!

لا سوق ولا شي حدي تحبطت ..!

بس الاماكن السياحيه حليوه .. السبع بحيرات روعه ..

وقالولنا عن الشلالات .. ولما تعنينا ورحنا ونزلنا الوادي طلع شووووية ماي نازل من فوق الجبل ..

توقعت شلااااالاااات نفس الي بالتلفزيون .. بس الصراحه ذقت من الماااي عذب وباااارد يهبل ..

هلا حبيبتي اشكرج على الرد بالعكس في أماكن سياحيه حلوه وفي سوق حنا رايحين رادين عليه راح أحطه من ضمن التقرير
ان شاءالله تشوفينه وتابعي التقرير وراح تشوفين الاماكن السياحيه اللي رحنا لها

 

[يالبيه 17]

رد : رحـــلـتـي إلـــى صلنــفـه

مشاءالله تبارك الرحمن


كل مانروح سوريا نروح للزبداني ولا مره رحنا لهمنطقه


وورعانكم نفس ورعانا هههههههههههههههههه ذبحونا بهالبقاله الي جمب بيتنا والله محد ربحهم الا احنآآآ


الحمدلله على سلآآمتكم :hjy5jewf:

 

[فوشيه 2010]

منوول الحمدالله ع السلاااامه والموضوع يجننننن
مشكوووره ع الصور
وتكفيييييييييين كملي الموضوع يجنن

 

[!الجادل الصعب!]

انا توني من آسبوع رديت من صلنفه .. منطقه حلوه وشعبها هادي.. الضيعه الي سكنا فيها اسمها باب عبدلله .. بس مافيها شي يونس بس طبيعه ..!

لا سوق ولا شي حدي تحبطت ..!

بس الاماكن السياحيه حليوه .. السبع بحيرات روعه ..

وقالولنا عن الشلالات .. ولما تعنينا ورحنا ونزلنا الوادي طلع شووووية ماي نازل من فوق الجبل ..

توقعت شلااااالاااات نفس الي بالتلفزيون .. بس الصراحه ذقت من الماااي عذب وباااارد يهبل ..

 

[!الجادل الصعب!]

سوري تكررت المشاركه .. .. انا عجبتني كمنطقه هاديه بس ماعرفت افرفر فيها عدل


آكيد متابعه .. كملي يالغلا

 

[نعومه حدي]

انا رحت صلنفه والزبداني
بس سوريا كلش ماعجبتني من ناحية الطبيعه طبيعتهم حلوه
بس مو مثل الدول الثانية يهتمون وجذي لاكلش مافي سنع
وااايد عادية ماعجبتنا وشعببها بصراحه يعني لاتعليق يعني صج في ناس طيبين واايد
بس هم في نناس بس يعرفونن انج كويتيه لالالالايحوشج

وشكرا

 

[عادت ذكرياتي]

متبعينج منول
رووووووعة ما شاء الله

 

[miss-manal]

مرحبا بنات أشكركم مره ثانيه وعدنا من جديد !

دخلنا فيلاتنا الجديده وقطوا الرياجيل قطيه بينهم عشان الريوق والعشا والغدا وأي شي نحتاجه المهم حنا ماجبنا معانا مواعين راحت مرت عمي وشرت صحون وجدور عشان نطبخ فيهم لأن بصلنفه طبخهم للعيش مو شي المهم مرت عمي ماشرت ملاس ف عمي راح طرش أخوي يجيب ملاس هههههههه وأخوي مالقى إلا هالملاس وجابه قال قضوا حاجتكم فيه لين نلقى واحد سنع شوفوا الملاس​

وهذي صورة الملاس مع الجدر <<<< الملاس أكبر من الجدر​

وهذي صورة للمعبوج <<<<<نط عرج الكويتين​

صوره للمرق​

الشكل النهائي​

وهذي صور من بلكونة الفيلا​

أحلى صوووووووووووووره​

وبعد الغدا هجيييينا للسوق وهذي صور عن السوق اللي طحنا فيه والصبيان والورعان سرداد مرداد عليه وعلى الكونتر اللي فيه وحنا بس عند راعية المكياج اسم محلها ( هنادي ) اتوقع فلوسنا خلصت عندها <<<< ياخبل الحريم​

بعد الفجر إن شاءالله اكتب لكم عن رحلتنا إلى قمة جبل النبي يونس عليه السلام والأجواء الخياليه هنااك :bye22:​

 

[مدرسة84]

يعطيج العافية

عاد احنا ودنا نروح لها يقووولون جها حلووو.

بس حابه اعرف الفيلا اشكثر خذوا عليكم باليوم.

وهل فيها فنادق.

وكملي تقريرج حبوووبه.

بانتظارج.

 

[miss-manal]

يعطيج العافية

عاد احنا ودنا نروح لها يقووولون جها حلووو.

بس حابه اعرف الفيلا اشكثر خذوا عليكم باليوم.

وهل فيها فنادق.

وكملي تقريرج حبوووبه.

بانتظارج.

هلا فيج

الفيلا باليوم 5 ألاف ليره يعني 30 دينار وحنا حجزناها 10 أيام طلعت علينا ب 50000 ألف ليره بعني بالكويتي تقريبا 300 دينار
فيها فنادق وفي نظام عمارات وشقق الأجارات رخييييييصه حيييل ... :eh_s(8):

 

[البيداء_77]

خووووووش تقرير متابعين

 

[فوشيه 2010]

والله روووعه شويه علييه يسلموو
كممممممممممممممممممممممملي

 

[على الدنيا سلام]

يا حليّل سوريا حليلااااااااااااه ذكرتني بالذي مضى ....

 

[om_dodo]

عليكم بالعافية

 

[حصووونه]

ماشالله شوقتوني ربي يهنيكم

 

[& مــشــايــخ &]

ماشاء الله

روعه

ناطرينج

 

[miss-manal]

مرحبا !

اليوم مثل ماقلت لكم راح أحط لكم عن قمة جبل النبي يونس عليه السلام الجو هناااك فضييييع غيييم تشوفييينه لما تشبعين لا ويمر عليج بعد ماااشااء الله رووووعه شوفوا الصور وركزوا على الغيم تبارك ربي سبحانه​

وفي الطريق تلقين مثل الوادي منحدر فيه حمير مدري حصن تركبين عليها الدوره ب 50 ليره​

أيضا صور من الجبل​

وبعد ماخلصنا من الجبل بنت عمي كانت تستكشف حوالين الجبل ولقت هالقبر وقالوا لها قبر النبي يونس عليه السلام وأنا أتوقع وحسب معلوماتي المتواضعه إن مو صحيح لأن الأنبياء لا أحد يعلم مكان قبورهم عدا سيدنا إبراهيم ومحمد عليهم الصلاة والسلام​

ورحنا بعد لقلعة صلاح الدين الأيوبي بس طبعا بيوم ثاني مو بنفس اليوم​

عشان توصلين للقلعه لازم تصعدين 140 درجه واضحه بالصوره​

القلعة من الداخل [/CENTER]

نسيت أقولكم معلومه الطريق اللي يودي للقلعة يخرع يخرع يعني طول الطريق حاطه ايديج على قلبج الطريق يبين في بعض الصور​

هني سياراتنا مصورتها وأنا في أعلى القلعه يماااا دخت وأنا أصور ماده ايدي ومغمضه عيوني مدري شنو اللي حادني أصور​

:dddds:

أمام القلعة يوجد جبال خضرااااء​

بعد شوي أكمل إذا مانمت :dddds:​

 

[البيداء_77]

نوم العوافي

ناطرينج......

 

[الماسه.80]

سبحان الله سوريا ماحبها مدري ليش
.... وجهة نضري من مرة رحنالها وياليتنا مارحنالها
... يتحرشون بخواني الكبار وعيبون عليهم انهم كويتين واثاري خطتهم اذاااا طقوهم يدفعولهم فلوس
....وهذي خطتهم بلخليج اكرهم ............(((((((((((((طلعت بره موضوعج اسمحيلي بس ماسولكم سوالف هنصابين

 

[أسـيـل]

حمدالله على السلامه وخوش تقرير