- إنضم
- 6 يونيو 2009
- المشاركات
- 21,541
- مستوى التفاعل
- 28
- النقاط
- 0
أخواتي العزيزات
موضوعي يتكلم عن الذئاب البشرية اللي تنقض على فريستها وتترك فيها أثر سلبي ونفسي
هذا الموضوع اللي ينتج عنه الكثير من المشاكل
وطبعا الذئب البشري ما يتواجد من دون فريسة
والفريسه السهلة اهي ما تعرف شلون تتصرف لي وقعت بالفخ
أقصد بالذئاب البشرية (الشباب) المستهترين اللي يقصون على البنات بكلام الحب
المزيف وايهامهم بالزواج وتقديم الهدايا لهم
ولو كان قصده شريف يروح يخطبها من اهلها ولا يضيع وقته بالكلام الفاضي
هذي النوعية من الذئاب البشرية ماخذين البنت للتسلية ومعتبرينها مثل اللعبة لي ملّو منها
يهدونها بأي وقت
وهذا دليل على الفراغ اللي عايشينه في حياتهم ويتسلون
وعدم مراقبة الأهل لهم ورفقاء السوء لهم دور بعد
وقلة الوازع الديني بعد وعدم المخافة من رب العالمين من عواقب الشي اللي يسوونه
في البنات
وكثرة المال احيانا تساعد على انحراف الشباب بشكل سلبي
الانترنت من العوامل المساعده على فساد الشباب من ناحية استخدام الشات
بالتلاعب بالبنات ويحاول انه ياخذ صورتها ..وعقبها اذا حصّل صورة لها
ممكن انه يهددها لو ما سمعت كلامه رح ينشر صورها سواء بالنت او استخدام البلوتوث
والاهل لهم دور في توعية ابناؤهم في معرفة الصح من الغلط
لكن اللوم الاكبر يقع على عاتق البنات
والشباب مهما سوو مارح يهمهم ولا تفرق وياهم
ومعظم البنات لما تسيطر عليهم العاطفة تجعلهم يصدقون كلام الذئاب البشرية
ويجعل منهم فريسه سهله للشباب
والبنت اللي تهمها سمعتها وسمعة اهلها لازم تحاول تبتعد عن هذي الذئاب البشريه
اللي ما يي من وراهم الا المشاكل وعوار الراس سواء لج او لاهلج
والندم مارح ينفعج بالآخر
وفي نهاية كلامي
ماقدر اقول غير الله يهدي شباب وبنات المسلمين
والله يوفق الجميع
كنتم مع قلمي الخاص
أختكم
نهى الأحمد
