صباااااااح الخير بناااااات
حبيبت افيدكم بشغلات محتفظه فيها من قبل
خريجات: لا تنسون استمارة التخرج مع طلبتاها
+ ورقة اخلاء طرف فيه 5 تواقيع الاخيرة تخلينها لما تودينها عمادة الشويخ
يبقى عندج 4 تواقيع:
الاول: تروحين توقيعن عند رئيس القسم مال تخصصج الرئيسي، اذا تاريخ روحي عند رئيس القسم يوقعلج او عربي او انجليزي كل وحدة وحسب تخصصها
الثاني: اذا كنت اداب تروحين مكتبة جابر الاحمد بالشويخ وتوقعين وتسلمين كتيب الاستعارة الاصفر وتردين الكتب الي استعرتيها
الثالث: تروحين الخالدية مبنى الامن والسلامة تعطينهم بطاقتج ويوقعونلج مادري بالضبط وين مكانه بس قريب على كافتريا البنات
الرابع: الضمان الاجتماعي بكليتج او مكتب الخدمة الاجتماعية ( بنات كيفان صاير يم قاعة 101 الغرفة الي صايرة على زاوية يم مواقف المدرسين )
طبعا هذي الاوراق تسحبينها من موقع الجامعه
الشهايد تشترينها من الشويخ عند موظفات الاستقبال في مكان اجراءات الخريجين
وتنطرين احد مسج العماده عشان نستلم كل شي
وعلى فكرة بنات يقولون احنا مو شرط نودي الشهادة الديوان ونسجل " بالنت " من موقع الديوان نحط اسمنا ورقمنا المدني
والشهادة اهما يودنها من الجامعة الي الديوان دايركت
هذي طلبات العماده بعد
وطلباتهم: نسخة من البطاقة المدنية // نسخة من المؤهل // السجل الاكاديمي // وكل الاوراق الثبوتية مثل الجنسية والجواز وهالسؤال وحاولي تكررين النسخ علشان يكون عندج زود وما تضطرين تطقين طريج وتصورين // بالاضافة حق الصور الشخصية
________________________________-
اللي ما تدل العماده في شويخ
2- تروحين المبنى الي فيه بالوسط " الكره الارضيه " السوده الي يطلع منها ماي وتدور >> لوول مادري لاني مادل بالشويخ فماعرف رقم المبنى، المهم راح تلقين ورقة ملزوقة بالطوفه مكتوب استلام شهادات الخريجين اتبعي الاسهم وبتلقين باب القاعة يم المبنى يعني لا تدخلين المبنى كلش
3- بس تدخلين القاعة حاطين اسامي الكليات على بطاقات كبيرة، اداب، حقوق، علوم اجتماعية، علوم ادارية، علوم، شريعة إلخ.... روحي وقفي على الصف أو الاين مالج
5- لازم تودين معاج بطاقتج المدنية الأصلية + ورقة الاخلاء طرف الموقعة من 4 جهات مسبقاُ، بس توصلين عن الموظفة تاخذ منج البطاقة المدنية وورقة الاخلاء بعدها تعطيج كشف فيه اسماء، دوري اسمج ووقعي يمه وبعدها اخذي شهادة التخرج بستين ألف عافية عليج و الشهادة بيكون وياها ظرف فيها كل اوراق انتسابج للجامعة لما دخليتها اول مرة
6- قلتلها أبي أشتري نسخة من نماذج الشهادة بالعربي والانجليزي جان تقولي مو ألحين راجعينا الأسبوع الياي تقدرين تشترينهم، وانا أفضل بنات تاخذين من كل نوع 4 نسخ يعني شهادتج بالعربي فيها نوعين ( بتقديرات/ بدون تقديرات ) وشهادتج بالانجليزي ( بتقدريرات/ بدون تقديرات ) انتي اخذي من النموذجين 2 مع تقدير و 2 بدون تقدير يعني مجموع الشهادات كلهم 8 شهادات وسعرهم بيكون ( 13 دينار ) بنات نصيحة أحسن علشان لي توظفتوا ان شالله لا تطقون طريج الجامعة فيكونون جاهزين عندج ومفتكة من المشوار، وراح اراجعهم الاسبوع الياي علشان اخذهم .......... لا تنسون 13 دينار وياكم
اخذو معاكم دنانير حق الطوابع بعد
