لندن .. عيد الأضحى 2009

[<miss botamba>]

ذ\كرتيني فندق ماربل ارج لله على هالايام

صاجه لندن ماتنسى خصوصا بالشتا :eh_s(9):

لاطولين

ان شاء الله

ماشاءالله عليج00شوقتينا بالتفاصيل الحلوه 00جني هنااااااااااااااك

الله يهنيكم يارب00بس بليز نبي تفاصيل عن الجو أكثر 00انا تقريبا بسافر بنفس وقتج قبل العيد وقاعده احاتي الجو00

كان في غيم 00كان في مطر 00مطر خفيف ولا قوي 00<<<<لايفتر راسج من اسئلتي هههههه انا توني راده منها وكانت حاااره

الجو متقلب يوم شمس بس مو حاره وايد وايام رذاذ وايام مطر شوي قوي
بردهم يهبل كنت البس اندروير وادفى ولبسي نوعا ما كان مو ثقيل وايد
اهم شي القبعه والدسوس ويستحب بوت
دفي اطرافج تصيرين طبيعيه :eh_s(15):

وينج امتابعينج واي واي واي تقريرج يرد الروح والله حيل فرحت فية كملي واحنا معاج يا وناسة احب لندن حيل

مشكوره عالكلام الحلو

 

[<miss botamba>]

السلام عليكم

الجزء الثالث

طبعا بعد ماشفت الreviews الحلوة منكم قلت انزل لو جزء بسيط من الجزء الثالث



في هالجزء راح اعرض لكم اول يوم في لندن شلون قضيناه وانصح كل مسافر لاول مره سواء بلندن او غير لندن يسوي هالشغله والي اهيا "الباص السياحي" .

هاليوم بديناه شوي متأخر عشان كان يوم الوقوف في عرفه
اول شي نزلنا تريقنا
والريوق كان عادي بس منوع


• انواع بيض (مقلي – مخلوط – مسلوق)
• هاش براون او ايام بطاط مدور
• انواع كورن فليكس
• فواكه
• جبن
• هوت دوغ
• كرواسان ومفن
• مربي












بعد الريوق رجعنا الغرفه شفنا شوي من الوقفه



وبعدها انطلقنا خارج الفندق وتوجها الى كشك ال Big Bus
راح تلاقونا عند نزله محطه الماربل ارتش بعد كنتاكي

وراح تشوفون هالحبيب واقف



تحصلون عنده كل تذاكر الاماكن السياحيه

وشرينا منه تذكره متحف الشمع وتذكره عين لندن LONDON EYE

وللاسف نسيت الاسعار والنوت الي اكتب فيه ضايع

المهم بعد ما اخذنا التذاكر قالنا ننزل تحت في محطه الماربل ارتش مثل نفق علشان نروح عن محطه البيغ باص وللاسف مخه مادري شفيه ذاك اليوم والله يهداه خلانه نلف لفه كبيره بدال خطوتين

شوفوا شلون مشينا

اول شي النفق الي طلعنا منه



بعدها مشينا مسافه



بتقولون كاهو الباص لا مو اهوا احنا استانسنا حسبناه الباص والا يقولنا لا بعد كملو سيدا

ونمشي لين الهايد بارك



واخيرا وصلنا

اهوا كان يقدر يقولنا عبروا الشارع من عند الاشاره بدال النفق وصعدات ونزلات الدري جان وصلنا اسرع بس احتسنا شوي تحت والنفق طويل وامي تأذت من الدري بس يالله الحمدالله وصلنا
نطرنا تقريبا 10 – 15 دقيقه علشان هالباص كان مكتمل

وصورت جم صوره للهايدبارك على ما ايي الباص وكانت اول واخر مره للاسف
لان استغلينا الوقت كله على السوق

 

[<miss botamba>]

وصل الباص بس قبل لا ابدي خل نتكلم عن هالشركه شوي:

طبعا في اكثر من شركه بس البيغ باص تعتبر الارخص
البيغ باص موجوده في اكثر من دوله ومن ضمنها دبي
تذكرتنا كانت شامله ليومين فتقدرون توفرون مصاريف مواصلات اذا خلصتوا بيوم واحد
التذكره ايي معاها كروز بالنهر مجاني
وطبعا تدور على اغلب المعالم السياحيه بلندن

موقع الشركه لمزيد من المعلومات
http://www.bigbustours.com/eng/london/custompage.aspx?id=london_sightseeing_tour&chamsec=false

خريطه خط السير مال البيغ باص وبنهايه هالجزء راح احطها كامله و اكتب عليها بالعربي
للي حاب انها تكون بالعربي

http://www.bigbustours.com/UploadedFiles/SUMMERAPRIL09_MapPlain_medres_200904074943.pdf

الجزء الاول الانطلاق








انطلقنا من عند رقم 4 تحت بالصوره ومكان الفندق عند كلمه Marble Arch بالزاويه الي بالاحمر مو الاسود

بدايه الانطلاق

سينما ال Odeon في نهايه الاجوارد رود


الماربل ارتش



دخلنا الاوكسفورد ستريت ومثل ماهو مبين فندقنا




ومقابله حبيب كل الناس وشوفوا شلون الشعب محملين منه



ولفينا شارع الفندق


ومشينا الين وصلنا بيكر ستريت الي موجود فيه شنوو؟؟؟

عفيه عليكم



http://www.madametussauds.com/London/



طبعا الباص يوقف قريب من المتحف تنزلون وتروحون عن البوابه هذي اذا كنتوا قاصين التذاكر من البيغ باص واذا ماكنتوا قاصين التذاكر تروحون عند شباك التذاكر وعاد اذا زحمه الله يعينكم على النطره



طبعا المتحف مقسم على عده قاعات و قسم رعب عليه رسوم مادخلناه وفي مثل سياره تركبونها وتوريكم على ما اذكر لندن ايام الحريجه الي صارت فيها
ولمن تخلصون في محل يبيع هدايا تذكاريه وماي وعصاير وخفايف

لفه المتحف تاخذ منكم اذا كنتوا بطيئين مثلنا من ساعه ونص الى ساعتين

اول مادخلنا نطرنا شوي 10 دقايق وبعدها صعدونا فوق

 

[<miss botamba>]

بعض الشخصيات الموجوده:


Dived Beckham & Victoria



Johnny Depp




Madonna



Aishwarya




Sharokhan



Audrey Hepburn




James Dean



Humphrey Bogart


وبالخلف بوستر اشهر فلم له كازابلانكا
وانصحكم كلكم تشوفونه
Casablanca




المخرج العبقري
Alfred Hitchcock




واشهر افلامه سايكو وانصحكم بعد تشوفونه
Psycho



Princess Diana



British Royal Family
ما شاء الله كلهم صناقل
انا واصله عند كوع وليام اتوقع طوله 190





Queen Elizabeth with her husband
حتى الملكه صدمني طولها فيها تقريبا 160
لاتغركم بالتلفزيون قصيره



Shakespeare



Einstein



Ishaq Newton



Pope John Paul II


The Beetles

 

[<miss botamba>]

Beyonce


Britney Spears



Margaret Thatcher



Tony Blair


Mahatma Ghandi



لاا تعـليــــــق



Barak Obama




Madame Tussaud




هذي داخل السيارات الي قلت لكم عنها بالبدايه



Simon Cowell




الحكم الشهير في برنامج




و



Marlin Monro



وعند الطلعه في لوحه فيها مقارنه بين شاروخان الصجي والتمثال ويلاا منو يعرف اي واحد الصجي

 

[<miss botamba>]

راح اوقف لحد هني ومراح اكمل الا باجر العصر ان شاء الله

ادعولي باجر الصبح عندي امتحان :'(

وارجع اشكر كل من دش الموضوع وعلق وما علق

ماكملت الا عشانكم :d

 

[*وردة نرجيسية*]

احنا معاج ومتابعينج الله دخلتينا جو ممتع روووووووووووووووووووعة يارب يارب يارب يوفقج ويسهل عليج وتنجحين بتفوق

 

[fona]

الله الصور اتشووووووووووووق حسستيني اني معاكم بالرحله
الله يوفقج ويسهل عليج امتحاناتج
وكملي ترى ناطرين باجي التقرير على احر من الجمر

 

[غلآة امي]

خووش تقرير يعطيج العافية





متاابعه

 

[DốǾốDї]

قوود لااك حبيبتي


متااااابعه

 

[j.style]

وااي يهبل تقريرج شوقتينا على لندن
زين عادي تسافريين لندن وانتى موذاك بالانجليزي
لا يوقف

 

[<miss botamba>]

*وردة نرجيسية*

fona

غلآة امي

DốǾốDї

جوري ستايل


الشكر موصول لكم كلكم مشكورين وماقصرتو
وان شاء الله الساعه 1 بس ارجع من الجامعه اكمل لكم


وجواب على سؤال جوري
مادري انا الانجليزي مالي يعتبر الى حد ما ممتاز
بس اتوقع اذا اتعرفين تقرين او اتهجين بالاصح بتدبرين عمرج ممتاز

يعني اذا تبين تكون تنقلاتج مثلي بالباص والاندرقراوند واتعرفين اسامي المحطات بتكونين توب
وحق المحلات والمطاعم كافي تعرفين الارقام حق الحساب
وكافي تعرفين تقولين لهم اذا بالاكل في خنزير او كحول

اي شي ثاني مو مهم

اي امبلى لحظه وحق الفندق اتعرفين اسامي الاشياء الاساسيه بالغرفه اذا تبين زياده مثل المخده و الشرشف والصابون وكلينيكس .. الخ

بس هذول اهم 4 اشياء بالنسبه لي والي استخدمهم بالسفر

ماعدا ذالك شيليه من قاموسج لووول

 

[<miss botamba>]

السلام عليكم

طبعا بعد هالتشجيع الحلو قلت بكمل لكم باجي الجزء الثالث
ومشكورين عالدعوات الحلوة والحمدالله ان شاء الله سهالات
ادعولي الله يتمم على خير باجر اخر امتحان


الجزء الثالث (2)

بعد ماخلصنا من المتحف طلعنا بره عند محطه البيغ باص ومثل ماقلت لكم اهيا قريبه من المتحف بس عبره شارع
وراح تلاقون يم المحطه هالمحل



اذا دققتوا بالصوره ورا حييل بتشوفون المتحف ومثل ما اهوا مبين عاليمين شباك تذاكر للبيغ باص و عاليسار المحل
هالمحل كل شي عنده من تحف وملابس تنكريه بس الشي الي ابيكم تنتبهون له في صبي قاعد داخل المحل اول ماتدخلون على اليسار

تنبيه: لحد يشتري منه تذاكر المسرحيات لانه قص علينا وباقنا بس الحمدالله رحنا وكلمناه ورجع الفلوس

المحل بشكل توضيحي






من هالنقطه انطلقنا الى الريجينت ستريت وبعدها الى البيكادلي

خط السير



المحطه مالت الباص الموجوده اسفل الصوره هذي تنزل عند المحل تقدرون تركبون الباص الي يم الفندق (ثيستيل) وينزلكم عندها بس انتبهوا انه يتجه االى البيكر ستريت Baker Street



واطلقنا




حديقه الريجنت



ودخلنا الريجينت ستريت
طبعا الشارع متروس محلات من زارا و توب شوب الى بيربيري
و الي يدور محل ابروكرومبي اند فيتش موجود بالريجينت بس داخل داعوس
وفي وايد قهاوي ومطاعم بتشوفونها بالتقرير ان شاء الله

نبدي













ويفصل الريجينت نصين محطه الاندرقراوند اوكسفورد سيركس





واشهر محل العاب هامليز

 

[<miss botamba>]

ووصلننا البيكاديلي






على ما اعتقد هذا اغلى لوحه اعلانات ببريطانيا
هالمكان هذا يونس بليل كله يصير ليتات وفي اعلانات ملوت ماكدونالدز تونس تطلع مثل ورد او قبعه تقدرون جنكم تمسكونها او تلبسونها وتصورون واكو صوره مثل شمع ينطفى وتسوون روحكم انتوا اتطفونه
وناسه وخصوصا بعد وقت الكريسماس راح اوريكم قريبا صور العاب وفعاليات تصير بالبيكاديلي وقت الكريسماس



متحف صدق او لا تصدق
مادخلناه لان كنا داخلينا من زمان في استراليا و بلاك بوول
http://www.ripleyslondon.com/





النافوره المشهوره بالبيكاديلي



قبل لانطلع من البيكادلي نوريكم خط السير




وبعدها طلعنا من البيكادلي الى ساحه الترافلجار وبالطريج بتشوفون هالمطاعم وموجودين بشارع ال Hay Market







ووصلنا الساحه طبعا القعده بالمكان هذا عجيبه تونس وفي قهاوي لاصقه بالساحه مثل: بريت و نيرو
وبالساحه في الناشونال غاليري مثل متحف حق لوحات واشياء ثانيه وعلى ما اعتقد ماعليه رسوم

الموقع للي حاب يشوف معلومات عنه
http://www.nationalgallery.org.uk/






وهالمطعم بشارع فرعي للشارع الي ذكرته





الساحه



الشركه المنافسه للبيغ باص واسمها اوريجينال



شوفو شلون الساحه مزدحمه




وجدامنا كان

 

[<miss botamba>]

منطقه البرلمان




ساعه البيغ بين







نزلنا صورنا ورجعنا صعدنا علشان بنرجع لها باجر

 

[<miss botamba>]

بعدها رجعنا ركبنا وكنا كلش متليشين كان يوم حافل
بس قبل لا نرجع بوريكم صوره لخط السير مره ثانيه وصور من الطريج

 

[<miss botamba>]

وصلنا عند القصر







هني شفت شاحنه السانزبيري السوبر ماركت طالعه من القصر جان اقول حق اختي طاعي عشتو يودون الاغراض حق الملكه توصلها الماجله للبيت جان تقولي لاا تبين انتي يعني الي ايوبون لج بالبيت



مطعم شاكسبير




الهايدبارك كانت مسويه مثل كرنفال بالحديقه عشان الكريسماس وفيه العاب و حلقه تزلج

 

[<miss botamba>]

نطروني بالجزء الثالث الاخير

 

[<miss botamba>]

شدعوه ولا رد ترا ما اكمل

 

[meen_ana]

نااطرين التكمله ياقلبي شوقتيني على زيارة لندن جم كلفتج السفرة