باريس اب عيد الاضحى .. ابي خبرتكم يا جميلات ;)

[aLreeeM]

شلووونكم كويتيات مع الصيف و السفر انشالله انشوف تقاريركم الحلوه عشان نستفييد و نتشوق حق السفر

بسالكم بنات ودي اسافر بعطله عيد الاضحى و قررت اني اروح فرنسا

الخبيرات بفرنسا عفيه ساعدوني : اول شي صج عطلة العيد 10 ايااام ؟؟ عشان ما انصدم انها اقل

وبعرف الجو هناك اخر شهر 11 ؟؟ وايد برد ؟؟ وياي عيالي صغار اخاف يستبردون وما يستانسون

وثالث شي ابي اسافر على الكويتيه ابيها لانها دايركت اريح صراحه .. اتهقون لي حجزت امبجر تطلع علي ارخص ابي ارخص شي مابي اقط على التذاكر ابيهم حق السوووووووووووووووووووق )))

وبس مشكورين مقدما !!

 

[aLreeeM]

شدعوه لييييش ما اتردون علي

 

[شرطيه حلوه]

اكيد اذا حجزتي مبجر ارخص
باريس شهر 11 برد أنا رحتلها اخر 8 كان برد ومطر

 

[وافية*]

رد : باريس اب عيد الاضحى .. ابي خبرتكم يا جميلات

والله انا انصحج اذا تبين الوناسة لاتروحين بايس ممله حدها شوفيلج مكان ثاني احلى
والله يوفقكم

 

[احب المنتدى]

رد : باريس اب عيد الاضحى .. ابي خبرتكم يا جميلات

اب

اب

 

[aLreeeM]

ماقصرتو حياتي اللي رديتو علي والله مادري ابخاطري باريس يقولون اتونس و ودي اودي اليهال يورو ديزني

يالله انجرب اشورانا انزين برد يعني اللي وايد يذبح ولا عادي الحلو اللي نستحمله !!

ويييه عيل شهر 1 شنو انا كنت امخططه على عطله الربيع بس قلت هاذي العطله اقرب

فديت اللي يرفعووووون الموضوووع ;**

 

[كشخة عروس]

هلا اختي انا كنت بسأال البنات نفس السؤال يقولون باريس هالفترة باردة عشان جذي مترددة اخاف نروح ومانستانس من البرد بغيت اسأال شنو احسن دولة مناسبة هالوقت ياليت اللي يعرفون يفيدونا وشنو احسن الاماكن والاسعار وشنو دولة قريبة نقدر نمرها ؟؟؟
ورفع لعيونج

 

[ًwo0ow]

حبيبتي صح برد بس برادها حلووووو ينن ومطر رذاذ حلو بعد هذا اللي احنا ندور عليه ملينا من الحر انا رحت لها شهر 11 اللي طاف والله وناسه وديزني يا حلوها لليهال راح يستانسون بس صح برد بس هم ارد واقول برد حلو لبسي جاكيت كافي يعني ما تحتاجين داخليات وايد نفس برد الكويت تلبسين الف قطعه يلا تدفين بعد بردنا يدش بالعظم اهمه لا بس لبسي جاكيت شغلج يمشي
وسوري طولت عليج وانشالله افدتج

 

[كشخة عروس]

هلا واو الله يعطيج العافيه بعد اذن صاحبةالموضوع ودي اسالج شنو احسن الفنادق والاماكن اللي هناك وتكون اسعارها معقولة واماكن التسوق والتكاليف ياليت تفاصيل اكثر واذا فيه دولة قريبة نقدر نمرها غير لندن لان يبيلها فيزا ثانيه وسامحينا اذا ثقلنا عليج حبيبتي:27d66a9c24b146327bf

 

[عيون منوعه]

حبيبتي حجزي شهر 10 راح يكون رخيص اتوووووقع

وووووووو انا الصراحه ما احب باريس فما أقدر افيدج . . . .

 

[q8 nono]

رد : باريس اب عيد الاضحى .. ابي خبرتكم يا جميلات

سؤال اي يوم راح يصادف عطلة عيد الاضحى انشاءالله ؟؟؟

و مادري والله عن جو باريس بس اكيد اوروبا هالفترة راح تكون باردة و اذا بخاطرج كثري الملابس الثقيلة مثل جاكيتات و هيلاهوبات ثقيلة و الكبابيس و انشاءالله تستمتعين انتي و عيالج ...

 

[جوري 2007]

اوروبا كلها راح تكون باردة هالحزة ولازم تاخذين وايد هدوم خاصة ان معاج يهال

انا توني رادة منها

ماحبيتها كلش مافيها شي يونس غير يورو ديزني

زحمة وحر والسوق مولي هناك

 

[aLreeeM]

مشكووورين كل اللي ردو علي وانشالله الله يسهل و اسافر ابخاطري باريس من زماااان

حبيبتي العطله تبدي 21/11 ويقولون انها 10 اياام وناسه

ويلا ضبطولنا رحله اقتصاديه نبي همتكم يا خبيرات و وين اونس اماكن هنااااك ويعطيكم الف عافيه :**

 

[أم الحلوة جمان]

رد : باريس اب عيد الاضحى .. ابي خبرتكم يا جميلات

الوقفة يوم الاثنين 15 /11
العيد : الثلاثاء و الأربعا و الخميس ( 16 -17 - 18 /11 )
و ان شالله الأحد يعطونا اياه اجازة بما إنه بين السبت و الوقفة ...
فالإجازة حللوة يبيلها سفرة

 

[fashionistaq8tya]

رد : باريس اب عيد الاضحى .. ابي خبرتكم يا جميلات

انا رحت لها عيد الأضحى اللي طاف كان شهر 11 كاااانت بارده حييييييييييل يعني الحراره توصل صفر بالليل وبالنهار تقريبا من 5 درجات الى 8 وكااان فيها امطار وااايد يعني ثلاث أرباع سفرتي فيها مطر
باريس حلوه بس مااعتقد تناسب اليهال انا مافكرت أخذ عيالي ولا راح أخذهم تعرفين المشاهد اللي بالشوارع وغيرها
والجو باارد تعرفين عيالنا مااافي مناعه
وترى اسبوع كافي عليها

 

[aLreeeM]

fashionistaq8tya صاجه البرد مو مال يهال بس كلش ما اقدر اخليهم قلبي يعورني

وخصوصا لي رحت ديزني حرااام ما يكونون معاااي راح يضيييق خلقي

بسالج اشكثر صرفتو هناك تقريبا انتي وريلج ؟؟ اكل + مواصلات+ سوق ؟

بشوف تقريبا جم يبيلي مصرف غير السكن و التذاكر !!

 

[حضاره]

انا بعد قاعده اخطط لباريس حق نفس الفتره00وضاااااااااااااااااااايق خلقي موحابتها كلش !!

انا رحت لها من قبل ومادششششششششششت بالي 00سميتها العاصمه القبيحه من المناظر والصور اللي شفتها !!

عيالي مصريييييين يغيرون عن لندن هالمره ويبون باريس 00كله عشان هاليورو ديزني؟؟؟!!

الله يكتب اللي فيه الخير ويوفقنا معاج ب00هالسفره يارب00

 

[كتكوته كويتيه]

انا صدمت حياتي باريس
اوكي الاجواء حلوه برج ايفل باليل و القعده بالشانز بس ما تسو غلاها على شنو
و انصدمت بسوقها عاصمة الموضه و الاناقه بس بالجنط و الجواتي بس الملابس ما لقييييييييييييييييييييييييييت شي
حت الافييت على سمعته ما فيه شي و االي راحو هاسنه اكيد شافو
انا بالنسبه لي ما اكررها

 

[Queen_Angel]

^^ نفس الكلام بالضبط..

احلى شي في باريس يورو ديزني الشي الوحيد اللي ونسنا حق اليهال والكبار ,, وبرج ايفل..

اما الباجي ولا شي,, واهم شي ديري بالج من الحرامية الشانز كله حراامية مو امان,,

 

[عيش و مرق]

تونى يايه من باريس الاسم كشخه والديره ووصخه

اقول حق الى معاى كنى رايحه مصر ماااااااااافيها شي من الزود بايخه وحررررررر وزحمه ونفوسهم خايسه قطع هلفرنسين ولايساعدون

ودزنى تلوع الجبد العاب ماكو كم لبعه ومنثرين والشو خايس يفشل مادرى بالنسبه لى مالت امريكا وايد احلى اصلا ماتتقارن


وماراح اروح باريس مره ثانيه ........ وعلى فكره الكويتيه ماتروح دايركت تطب روما انا حجزت فيها على اساس دايركت واندقت وها ترانزيت 3ساعات بطياره ماتنزليييييييييين