باريس اب عيد الاضحى .. ابي خبرتكم يا جميلات ;)

[aLreeeM]

مجنونه الحسن اكييييييد بصعد برج ايفل بعد انا واصله اصلا ناطره اني اصور و يكووووون وراي
نونه الزعفرانه شوقتيني بسال عن الطيران وبخلي السفريات يضبطولي ..

 

[White Musk]

حيااتي والله ما قصرتو

وايت مسك حدج شوفتيني بس خلاص قررت بروح سالت على القطريه حدها رخيصه الكبير 205 و الصغير 170 ديناااار وناسه والله زين

وايت مسك عيالي اعمارهم 5 سنين و سنتين الله يحفظهم

بس وايد على ديزني 6 ايام بروح 3 ايام زين .. انزين المريديان شلونه نظيف ؟؟ انا مادحيلي الماريوت شرايكم
وناطره تقريرج حدي

حياج الله
انا بالنسبة لي 5 ايام زينة بديزني انتي وعيالج راح تقضون وقت ممتع
العروض باليوم 3 مرات الساعة 5 و7 ونص و9 ونص وبعد العشر العاب نارية
يعني بيضيع الوقت وهم يشوفون العروض ويحتاجون وقت للعب
الجو راح يكون بارد وشتوي وحلو احسن من الحر
المدينة تنقسم الى جزئين البارك فيها العروض والألعاب الي وعندكم الاستوديو كل واحد له بوابة منفصلة ويبيلة يومين
الاستوديو عروضة حلوة لليهال ماراح يملون ويسكر الساعة 7
بعدين حجزي الاوتيل مع التذاكر من الكويت ارخص
وهناك ماراح تصرفين اذا الفندق مع الريوق يس على ايس كريم وحلويات ووجبتكم
المشتريات ماراح تزيد عن 100 دينار
اول ما توصلين اشتري حق كل واحد لعبة من الشخصية الي يحبها يمسكونهم ويدورون فيهم
اهم شي العربانة نوعها زين حق بو سنتين
بديزني ممكن تأجرين عربانة
بس افضل العربانة مالتج راح تحتاجينها بكل مكان
المريديان ايتوال حلو ونظيف حدة ومقابل فندق كونكورد لافاييت
بس الكل يقول ان غرف المريديان ايتوال (ترا في 2 مريديان) اكبر من الكونكورد لافاييت
اهم شي حجزي الغرف الكونيكتيد لأن عندج يهال لازم الغرف مفتوحة على بعض
شوفي المريديان اتوال الغرفة ممكن يحطون لج فيها سرير حق البنت ام خمس سنوات وبوسنتين نوميه على سريرج بينكم
علشان تزيد الرومانسية ههههه

انشاء الله اول تقرير بحطة لكم راح يكون عن ديزني ومنفصل بموضوع بروحه
تصدقون اني هناك رديت لأيام طفولتي وتذكرت ايام ديزني لاند بالثمانينات كان بالنسبة لنا عالم غريب خصوصا ان بالكويت كان مافي مدينه ترفيهية
ولبست تاج ميني ماوس مع عيالي وصورنا وضحكنا واستانسنا
وااااي ابي اروووح مرة ثانية صج وناسة
ماكو الا تاخذوني قايد للرحلة ههههههههههههه

 

[aLreeeM]

وايت مسك بعد عمري والله صج صج ما قصرتي اصلا بروحه كلامج و شرحج تقريييير:*

اي انا قلت ماني امخربطه وايد بديزني حق اليهال لان هدومهم ما تعتبر كشخه كلها على شخصيات يعني يستانسون فيها اليهال فا باخذ شويه عن خاطرهم و لعبتين حق كل واحد ..

وبسالج متحف الشمع اي صوب ؟ اول مره اسمع فيه فباريس ؟


وانشالله بسوي اللي قلتيلي عنه وناااسه ما باقي شي ناطره السفره حدي

مشكووره يا عمري ومشكوريييين كلكم ماراح انساكم هناك :*

قهوه فرنسيه بعد ما تقصرين بس بسالج وين تقريرج قاعده ادوره بشوفه ؟؟