كويتيه خلاص احطلكم هني صورتي بدال صورة الهايدبارك..أقولكم شي لاتنصدمون من الاسعار لما تفتحون سايت الجواتي كملوا بعد لي ال آخر راح تلاقون فيه شغلات مخفض عليها واسعارها زينه..طرشت السايت حق بنتي ألحين بتستخف..بقولكم شي ويمكن ماتأيدوني عادي احترم آرائكم..بصراحه آنا أحس الشي الغالي سعره فيه يعني لاتقولين لي مايفرق عن بريمارك وإلا هالطقه..العام ناس من أهلنا جهزوا بناتهم حق العرس من سيلفريجز وهارودز وهالمحلات ماشاءالله تشوفينهم بالمناسبات والاستقبالات صج عرايس من البدله لي الجوتي والسكارف والجنطه..آنا مبدئي إني اشتري كم قطعه عدله يبينون علي لما ألبسهم ولا أخم شغلات رخيصه ..وما أقول المحلات العاديه ويع وإلا ماينشرى منها..بس ما أقط كل فلوسي عليها ياربي لبس هالمحلات الغاليه ذرب ويبين سعره فيه.
