كويتيات ممكن تساعدوني في .....

[~ ميساء ~]

السلام عليكم ورحمة الله وبركاتة ..

الله يباركم لكم في شعبان ويبلغكم رمضان وانتو بصحه وعافيه ياكريم ...

بنات حبيت اسئلكم جم سؤال وابيكم تساعدوني ,,,

كيف ارتب واجهز شنطه شهر العسل شنو اخذ وشنو مااخذ ؟

كم عبايه اخذ ؟ وكم جزمه (وانتو بكرامه )؟ وكم فستان ؟ وكم قميص .....الخ

واخذ وياي مبخره وعود ..؟ وكم عطر اخذ وياي ؟

شنو بعد بسئل


والله يعيني من شوشتي شلون استشورها <<<سؤال غبي

يارب ينعم شعري . اخذ سشوار واحد ؟



وطبعاً ماادري وين بروح لاني مااكلمه ..


انتظركم بنات

الله يجزاكم خير ويوفقني ويوفقكم يارب

 

[ميمي الحلوه]

حبيبتي انتي..ربي يتمم لج على خير

والله ما ادري بصراحه اتمنى البنات يفيدونج

لكن لاتنسين الفوط الصحيه ضروري...واهم اذا لج شوشه قويه ماتنفع بالاستشوار..اخذي معاج بعد فوقه فير سراميك يخلي الشعر مثل اليابانيات


واتمنى غيري يفيدج^_^

 

[شغفني حبآ.~]

هلا وغلا

اول شي حبيبتي لازم تعرفين وين بتروحين عالاقل احد من اخوانج يسئله قبل العرس بجم يوم

يقوله عشان ابلغ العروس لأن لازم تعرفين الديره حاره او بارده واذا عرفتي اخذي الاغراض اللي ممكن

تلبسينها هناك واهم شي اهم شي

تاخذين ماكينة للشعر يعني تشيلين شعرج فيها لان ماتدرين جم المده اللي بتقعدون ومو زين يطلع لج شعر وانتي عنده

لأنه بيلاحظ كل شي وانتي بمكان ماتعرفين فيه احد ،، وبالنسبه للبس اخذي قمصان نوم وبجامات وملابس

ناعمه وقصيره مو تاخذين دراريع و تنانير طويله مادري شنو لأن هذا زوجج ومن حقه يتمتع بجمالج وكشختج

واخذي مكياج واكسسوارات ناعمه وجواتي مرييييحه مو كعب بالموت تمشين فيه ،، واذا بتروحين دوله عربيه

او زوجج ما يرضى تقطين العبايه اخذي 3 او ثنتين لأن ماراح تلبسينهم الا وقت الطلعه ،، اما اذا ديره برا

وعادي تقطين اخذي بدلات ولا تنسين معطرات الجسم بس بخور أظن ماله داعي لان بالفندق في انذار الحريق

اخاف من يطلع الدخان يطلع صوت الانذار خخخخخخخخخخخ عطور كافي ..

واستشوار اخذي واحد بعد ليش اكثر ؟ واخاف تجيج الدوره هناك اخذي العده معاج لزوم الاحتياط هع

والله يوفقج ..

 

[don-3]

شوفي انا خذيت استشوار وما استخدمته لان ماكو وقت حسيت اني غلطت يوم خذته بس اشوه كنت ماخذه معاي كريم لورريال احطه بشعري على ما اترك واغسله يهبل خلا شعري جنه مستشور
والمكياج تحسفت كنت ماخذه كل مكياجي هم ماكو وقت نقوم نطلع نرد نريح ونقيل ونقوم نرد نطلع فماكو وقت ولما نرد بالليل يكون هو تعبان من الفراره فما كو وقت يادوبك شور سريع وميك اب خفيف يعني اخذي كحل قلم وساثل وبودره مثل كانيبو حلوه بعكس الكريم مع الوقت والحر يقطع واخذي قلوسات وحمر حلوه واضاءه لونها طبيعي ومحدد وكحل ابيض حطيهم بمقلمه واخذي لوشن وديودرنت وبودره جونسون وسليبات قطن كثري مننها للطلعه انا قشيت من رد تاغ خذيت 10 ب4 دنانير حتى اشكالهم نايس واخذي كير فري حطي عالبكيني بودره جونسون والبسي كير فري واخذي الويز احتياطيا واخذي اوراق شاي اخضر واوراق شاي زعتر حق سوالف المغص لان بالفندق يحطون غلايه واستشوار واوتي يعني ماله داعي تاخذين اوتي ولا غلايه ولا استشوار واخذي معقم للايد ومعقم الاماكن الحساسه واخذي شامبو وسنفره وكريم شعر وعدسات اذا تحبين
وعبايات على حسب المده بس عالاقل اخذي 4 لانج مو كل يوم بتغسلين وموحلو تلبسين العبايه اكثر من مره بدون غسل تكون ريحه الجسم فيها واخذي مناديل مالت العبايات ومناديل جونسون حق جسمج
واخذي بناطيل وبديات ولقنات وطبعا قمصانج النوم وكرتون علك وجنطه صغيره على صوب وامطه

والجواتي كافي 2 وقمصانج اخذي على عدد الايام

ولاتاخذين مبخر مايحتاج بس معطر جو او فواحه وعطور اخذي عطرين كافي واحد للنها وواحد لليل واخذي عطر للشعر
وفساتين مايحتاج لان احسبيها تقومون سيدا وتطلعون ولما تردون تدورون النوم بس بترتاحون ولا جا الليل طبعا قميص فماله داعي فساتين انا شاريه بديات ذربه وفساتين حلوه ما لبست ولا واحد بالسفره

واتمنى اني فدتج والله يوفقج ومبارك عليج الشهر واي سؤال انا احاضره

 

[~ ميساء ~]

ميمي الحلوه : انا شوشتي مو خشنه بالمره ماشي حالها لكن تتكرمش وخصوصاً الغره : (

الف شكر لج ومبروك عليج رمضان

هلوله : انا مااقط العبايه لاني منقبه حتى لو رحت اوربا لكن جذي اخذ جم عبايه 3 او 2 ؟

صح المبخره مالها داعي خخخخ كنت ناويه اشيلها معاي

ياروحي الله يسعدج ومبروك عليج الشهر الفضيل


دون ثري : الله يسعدج ويوفقج بس حبيت اسئلج اخذ فواحه وعطر مفرش ولالا ؟ وجم عطر اخذ وياي ؟

تصدقين ودي اييبج تساعدني احتست وياي خلاقيني

الف شكر والله يوفقكم ويسعدكم ياكريم

استفدت وايد

 

[حور العيون]

رد : كويتيات ممكن تساعدوني في .....

ماشاء الله البنات كفوو ووفوو
بس حبيت اضيف كم شغله

اخذي علبه بديكير ومانيكير وعلبه خياطه مهمه حيييييييل وشاحن للموبايل << شكو لوووول لأني دياما انساه
واخذي الرشاش مال الملابس اللي يمنع الملابس ماتتكهرب نسيت اسمه لووول
عشان ملابس ماتتلصق ع بعض

وكريمات ترطيب لجسسمج ووبعد اخذي الجنطه الي تعلقينهاا ع الكتف مو جنطه مالت الطلعه لااااا تكون جنطه شكلها حلو وذرب عشان تحطين الأشياء المهمه فييها وتكوون فيهاا سحابات عشان تضمنين انها ماتنباق تحطين فيها فلوسج وجوازاتكم

اممم اهم شي لازم تصورون نسخه من جوازاتكم حطيها داخل الجنطه ووحده بالفندق سبحان الله يمكن تنباق الجنطه ولا شي

شكلي طلعت عن الموضوع بس حبيت اقولج عشان مااتوهقين مع ابو الشباب لووول

والله يوفقج ويتمم علييج

 

[فيلامودا]

بنات بلييييييييز من وين ناخذ االمعطرات للشعر يريت تفيدونا؟

 

[تبطي عظم!]

ماشاء الله البنات ماقصرو

لاتنسين تاخذين مسكن لآلام وحبوب بندول وبلاستر للجروح <<< رايحه حرب هههه

 

[حرم_طيار]

رد : رد: كويتيات ممكن تساعدوني في .....

بنات بلييييييييز من وين ناخذ االمعطرات للشعر يريت تفيدونا؟

الشايع حلوين:icon30: