عزمت أسوي عملية طفل انابيب

[هيبة ملك]

السلام عليكم ورحمة الله وبركاته

بنات عزمت إن شاء الله اسوي عملية طفل أنابيب عند د:مدحت بمركز العرف

بمره هالشهر لما تجي الدورة وبسوي كل الفحوصات


بشنو تنصحوني؟؟؟

خبراتكم يابنات ونصايحكم

أدعوا لي تنجح

 

[فانتا ستروبري]

الله يوفقج يارب وتكون سهالات عليج ويرزقج بالذرية الصالحة

حدي مدي ما عندي اي فكرة بهالموضوع بس حبيت ادش

ادعي لج حبيبتي ​

 

[شهرزاااد]

انتي مو دورتج 7-8 معاي يعني احتمال انج حامل..يارب تكونين حامل..ادعيلي اكون حامل لأني حللت بالبيت طلعلي خط خفيف ادعوولي

 

[احلى سماء]

الله يوفقج

بس شنو المشكله اللي فيج؟
ضعف بزوجج

والا مشكله فيج؟

 

[هيبة ملك]

الله يوفقج يارب وتكون سهالات عليج ويرزقج بالذرية الصالحة

حدي مدي ما عندي اي فكرة بهالموضوع بس حبيت ادش

ادعي لج حبيبتي ​

ياعمري أنت

تسلمين ياقلبي

 

[هيبة ملك]

انتي مو دورتج 7-8 معاي يعني احتمال انج حامل..يارب تكونين حامل..ادعيلي اكون حامل لأني حللت بالبيت طلعلي خط خفيف ادعوولي

إيه دورتي بهاليوم وماني حاسة بأي شئ من أعراضها لكني خفت أحلل وأطلع مو حامل

يارب يرزقج ياقلبي يارب يفرح قلبج وكل محروم

 

[هيبة ملك]

والله لافيني ولافيه

كل التحاليل تقول جذيه ودورتي منتظمه والتبويض عندي زين

حتى حجم البويضة لكن ربج ماكتب

عاد أنا حدي مستعجلة

 

[بغمزة اطيح خمسة]

الله يوفقج ويتمم عليج على خير ان شاء الله
اقري قران واشربي ماي زمزم واذا تقدرين لا تعلمين احد انج بتسوينها حتى لو حملتي لا تقولين انابيب قولي عالج وحملت بس لاتعلمين نصيييييحة

 

[احلى سماء]

دام مافيكم شي
ليش انابيب

صبروا

وادعوا ربكم

 

[هيبة ملك]

فديتج بغمزة


مشكورة عالنصيحة وفعلا أنا مو ناوية اعلم حد

 

[هيبة ملك]

آخخ يا أحلى سماء

العمر يمشي

أحس ماعاد في أصبر

 

[chanel N22]

الله كريم ياقلبي وان شاء الله تحميلن تفائلي خير واحسني الظن بالله
انا نفسج مافيني ولاريلي الحمدلله بس ربج ماكتب ناويه اسوي تلقيح بعد الاشعه اذا رديت الكويت والله كريم
يارب فرح قلبج وقلبي وقلب كل محروم

 

[شوق شوقى]

الله يرزقج بالذريه الصالحه

 

[eng-khadkhad]

الله يوفقج يارب ما عندي فكرة عن الموضوع .. ماحبيت امر بدون رد

 

[رووحي لغاليها]

رد : عزمت أسوي عملية طفل انابيب

باذن الله انا ناوية اسوي مجهري عند دكتور مدحت بس بعد العيد بس كثري الدعاء والاستغفار وانشاء الله نحمل بدون اعلاج والله كريم

 

[لآفنـدر]

رد : رد: عزمت أسوي عملية طفل انابيب

والله لافيني ولافيه

كل التحاليل تقول جذيه ودورتي منتظمه والتبويض عندي زين

حتى حجم البويضة لكن ربج ماكتب

عاد أنا حدي مستعجلة

حبيبتـي لا تلعبيـن بعمـرج !!
دام مـافيج شي ليـش مستعجله !!!
السالفه مـو بهـ السهوله العـالج يلعب فيج لعـب وقتهـا
هرمونـات و آبـر ولـويه ><

الله كريـم​

 

[هيبة ملك]

الله يجزاك خير جميع

ويرزقنا ويرزقكم

 

[هيبة ملك]

سبحان الله رحمة الله واسعة

كنت انطر الدورة عشان أسوي انابيب والحمدلله ماجت وطلعت حامل
وعندي أحلى ولد بالدنيا

رفعت الموضوع للتفاااااااااااااااءل

 

[شنوووفه]

ماشاءلله اي والله صج تفااؤل

 

[كويتيه فرنسيه]

مشاء الله
صج رحمة الله وسعت كل شي

الله يخليه لج ويرزقج باخوان وخوات له