جم كان مصروفج ؟؟

[حناينq8]

Muna 93

حلت ايامج حبيبتي

Johnson

حياج الله حياتي

 

[حناينq8]

 

[iron women]

الله يحلو ذيج الايام ذكرتينى باللذي مضى ايام الابتدائي والمتوسطه ماذكر مصروفي بالظبط

بس بالثنوية كان دينار لا ويزيد بعد يالله من فضلك وبالجامعه كنت متزوجه ابو الشباب اهوا اللي يدفع مصاريفي

وعيالي الحين اللي بالابتدائي واللي متوسط على دينار ونص ولا دينارين باليوم لا وموعاجبهم ايتحلطمون بعد

يحلونا اول طرق البيبسي وهالصمونه المعلجه اللي بالمقصب نسد يوعنا بالفرصه ولي ردينا البيت انتغدى حالنا حال الناس

الحين اعيالي بمدرستهم مومقصف تقولين بوفيه ياكلون ويخربطون ويردون البيت مايتغدون يعني ان عطيتهم المصروف اويلاه وان نقصته هم اويلاه

يعطيج العافيه قلبي

 

[حناينq8]

الله يحلو ذيج الايام ذكرتينى باللذي مضى ايام الابتدائي والمتوسطه ماذكر مصروفي بالظبط

بس بالثنوية كان دينار لا ويزيد بعد يالله من فضلك وبالجامعه كنت متزوجه ابو الشباب اهوا اللي يدفع مصاريفي

وعيالي الحين اللي بالابتدائي واللي متوسط على دينار ونص ولا دينارين باليوم لا وموعاجبهم ايتحلطمون بعد

يحلونا اول طرق البيبسي وهالصمونه المعلجه اللي بالمقصب نسد يوعنا بالفرصه ولي ردينا البيت انتغدى حالنا حال الناس

الحين اعيالي بمدرستهم مومقصف تقولين بوفيه ياكلون ويخربطون ويردون البيت مايتغدون يعني ان عطيتهم المصروف اويلاه وان نقصته هم اويلاه

يعطيج العافيه قلبي

الله يعافيج حياتي وشاكره مرورج الغالي

 

[MoonDiamond]

ربع للابتدائي ولحقت على دفتر الطوابع

نص للمتوسطه

دينار للثانوي

وخمسه للجامعه ومرات تصير دينارين اذا ابوي الله يرحمه معصب

 

[يا حبنـي له..}]

رد : جم كان مصروفج ؟؟

ربع بالابتدائي

نص بالثانوي والمتوسط

الحين يروحون بشنطة فيها اكل وفوقها مصروووف؟؟

 

[النشبه88]

انا بالابتدائي امي يا نظر عيني تسوويلي الصمونة وتحطلي العصييير وساعات اخذ بطاط والا ككاو
ونفس الشي بالمتوسط امي تسوويلي اخييييه ..ونفس الشي الثانوي ..وقبل لا نطلع نلقاها حاطة لنا كورن فليكس او تفاحة ..
بس على اخر سنين الثانوي امي لهت صار عندها احفاااااااااد .. وطنشتنا لول عاد ابوي قام يشتريلناااا من الصمون الجاهز نفسه الللي ينباع بالمقصف وعصير والحين بالجامعه الحالة كسيفة ما اتريق او قبل لا اطلع اكل عنب او تمر او اشرب ماي واحيان قليلة اكل بالكلية راحت ايام العز...<<< بعد كملي قصة حياتج شناطرة

 

[!! الواصليّـــــة !!]

يآحليلكم بنات

انا احسن منكم اموفره حيل ع اهلي ههههههه

من الابتدائيه لين الثانويه ربع دينار

والعصر مية فلس للبرد ههههههههههههههههههه

بالمعهد دينار لا وارد البيت ومعي خرده ..
الا يوم الاربعا يزيد مصروفي 5 يعني أفلها اخر الاسبوع مع رفيجاتي لأننا نطقها بسطه ..

..

ياحلو ايامنا ورب الكعبه اشتقت للبساطه في كل شي .

 

[So0oKaRa]

انا معاناه مع المصروف
يبتيها عالجرح يا صاحبه الموضوع
الله يسلمكم ايام الابتدائي كان ربع عاد امي كانت تعطيني خرده وكنت دااااااااايما اضيعهم والله شكلهم كانو ينباقون مني لانه مو معقوله كل يوم يضيعون وانا حاطتهم بالجنطه
فكرت شلون احافظ عليهم عاد يتني فكره لوووووول صج ياهل
قمت اتيبهم قبلها بيوم قبل ما انام اييب الخرده والف عليهم لزاق عشان ما يضيعون
واقعد اعابل فيهم من الفرصه الاولى لي الهده ماقدر ابطلهم لوووووووووول صغيره حدي وملزقتهم حيل ماقدر افجهم
ولي ايام المتوسط والثنوي كان مصروفي ربع بس كنت اخذ اكل معاي من البيت
>>>قنووووعه :/

 

[داريني]

موضووعج حلوو
بالابتدائي كنت دلوعه ما احب اصف بالطابور واشتري اكل كنت قزمه وعصله اخاف يفقصوني ويكسروني
امي تحط لي اكل من البيت

وبالمتوسط 350 ونص وايد كان فيه خير وبركة
وبالثانويه ابوي يعطيني دينار وامي نص دينار

وبالكلية على حسب مرات ابوي يعطيني عشره حق اسبوع كامل
ومرات باليوم اخذ 3 دنانير وخرده خخخ
لما نزلت اعانتي ما تهنيت فيها نزلت لي كروس وبعدين عرست وقطعوها عني

 

[حناينq8]

MoonDiamond

الله يرحم الوالد حبيبتي ومشكوره على المشاركه

يا حبنـي له..}

اي جنطه اكل ومصروف ومرات يردون يا بجنطه الاكل او الفلوس او بدونهم اثنينهم

النشبه

يعني ما تعودتي تاخذين مصروف لان الاكل جاهز
بس لازم تاكلين حبيبتي دامج بالجامعه ومن قاعه لي قاعه وتعب

!! الواصليّـــــة !!

ماشالله عليج جان زين الربع يكفي الحين
بالابتدائي ويبي نص او دينار يقول ما يكفي حق الفرصتين والبرد

So0oKaRa

والله ضحكتيني على سالفه اللزاق
والله يعوض عليج

 

[مارغريتا]

الابتدائي ربع
المتوسط نص
وهمن الثنوي نص بس ماسوي فيهم شي
اجمعهم واخرتها نص يضيع ونص سلف ونص اشتري لاخواني بطاط وككاو ههه

 

[Tutti-Frutti]

رد : جم كان مصروفج ؟؟

موضوعج حلو
بس انا غير عن البنات


اهلي ما عطوني مصروف

امي الله يخليها من الابتدائي لي الثانوي تحطلي كل شي ابيه
عصير ماي صمون ككاو بطاط حلاو
حق الفرصه الاولى والثانيه
واي يوم حبيت اشتري اقولها وتعطيني على حسب الشي اللي ابيه

وحتى الحين بالجامعه اذا ابي شي وناقصه فلوسي او مخلصه الاعانه يعطوني

 

[مزونة]

ايام ياحلوها الي اذكرة لما كنت بالابتدائي كانت معاي جنطة الاكل والمتوسط يمكن ربع دينار
لما وصلت لثانوية نص او دينار ما كان ثابت
والكلية 10 او خمسة علي حسب محاضراتي

 

[جلاديلياس]

خووووووووش موضوووع يقلبي رديتيني سنييين ورا للأيام الحلوه الي كنت اخذ فيها مصروف للمدرسه الابتدائي ربع والمتوسط نص

والثانوي نص بعد

 

[حناينq8]

مارغريتا

قلبج على اخوانج الله يخليج لهم


Tutti-Frutti

حلت ايامج حياتي منوره

مزونه

اي والله حلات هالايام ببساطتها

جلاديلياس

يعني الربع اهو نجم هالموضوع
منوره حبيبتي

 

[! بــدويه وآآيــد !]

،


انا مصروفي بـ الأبتدآآئي نص


ومتوسط 750

وثآنوي دينآآر


ومن دشيت المعهد إعآآنتي محد يسألني عنهآآيعني مطآعم وطلعآت مع رفيجآآتي وسآعآت يزيدوني لأن بنآت وطآلعين مع بعض نشتري ملآفع وترآجي وبدل وميك اب وجوآآتي اكرمكم الله واشيآء وآآيد .... إلخ وبـ المعهد مصروفي 3 د.ك يوميآآآ وكل أحد 20 دينآآآر لأن عندنآ كفتيريآ وكوفي اذا نقص مصروفي اليومي ازيد من هـ العشرين ويعبي لي رصيد ابوي كل اسبوع 5 د.ك وهذآآ المصروف مو كله من ابوي اسبوع ابوي واسبوع امي واسبوع منهم كلهم لووول "عسى الله يخليهم لي ويطول لي بأعمآآرهُم يآآآرب ولآيحرمني منهم "



خوآآتي وحده متوسطه والثآآنيه ثآنويه الصبح دينآآر والعصر نص دينآآر عشآن لمآ يمر برد او شي لوول واذا طلعوا مع رفيجآتهُم اكيد يعطونهُم وجذي


بس الحين اليهآآل تغيروا كل وآحد يبي تليفون ويبي يطلع ويروح ويرد بس انا معآآآج المفروض مآتعطينه أكثر من حآجته بس تشترين له كل الي نفسه فيه بدون لآتحطين بإيده لأن اليهآآل مآيدرون شنو يسوون فيهآآ


مششكوره ع الموضوع

 

[**وقفة فرس**]

الله عليج ذكرتيني بأيام مضت ياليتها تعود...والحصااااااااااله الله الله الله...
مطعم المدرسة مالحقت عليه بس لحقت على 100فلس...يعني بالإبتدائي بين ال100 والربع دينار...والمتوسط نص دينار...والثانوي نص دينار أو 750...وكان عندي معاش إختي اللي ماسكته وتصرف علي هذا غير اللي كان يعطيني إياه الوالد رحمة الله عليه...ومن دخلت الكلية إختي سلمتني معاشي غير الإعانة واللي آخذه من الوالد يعني مدلللللللعة على الآخر...
وولدي ألحين بالإبتدائي لازم ياخذ دينار وأكيد معاه جنطة الأكل ودينار أخشه له بمكان سري بالجنطة سبحان الله يضيع منه يكون عارف عنده غيره وما أسمحله يصرف أكثر من الدينار وآنا واثقة إنه يصرف الدينار كله لأن الوجبة بالمدرسة تكلفه نص بيتزا وعصير ونص يايشتري ذرة ولا دونات ولا يخشه فديت روحه...زمنا غير زمنهم...الله يعينا

 

[عرش الأنوثه]

ربع دينار كنت اخذ الله ذكرتيني بهالايااااااااااااااااام الحلوا جان زين لو ترجع :*

 

[وهج الحب]

السلام:
ذكرتيني بالي مضى ..
انا في طفولتي كان مصروفي يومي يعطوني ريال قطري وسبحان الله تشتري اللي تشتريه وما تخلص ..
بالاعدادية صار ابوي يعطينا 500 ريال الى الثانوية ...
وكنت اصرفها على الكتب وشراء الطوابع وعلى ابن اخي اللي يلعب علي اشتري له سيارات اللعبة اللي كان يحب يجمعها فديته ..
بالجامعة كان يعطيني ابوي 1000 ريال ومعاش الجامعة 3000 ريال بس بعدين انا قلت لابوي ان ما يعطيني مصروف بس الله يرحمة رفض وبعد دخولي بفترة توفى ...
ولان ما ما عندنا ام صار كل المصروف بيدي وصرت اكتفي بمعاش الجامعة عشان احافظ على الميزانية تكفي لاخر الشهر واصرف على اخواني بطريقة انهم ما يحسون بوافاة ابوي ..