ممرضة سعودية في الكويت ..

[يآسمين]

السلام عليكم ورحمة الله وبركاته


صباح الخير على الجميع


بنات انا ان شاء الله كلها 3 شهور وبستقر في الكويت بحكم زواجي

بس المشكلة اني حاليا موظفة حكومية في وزارة الصحة السعودية وحابة انقل اوراقي لمستشفى الجهرا ..

بس مو عارفة كيف الطريقة .. ولا اعرف اي شي عن وضع الممرضات الخليجيات في الكويت من ناحية التوظيف والراتب والاجازات واذا فيه فرق بين الفنية والاخصائية ..الخ

واللي عندها اي معلومات عن هذا المستشفى او صور له ياليت ماتقصر معي .. الله يعافيكم ..​

 

[يآسمين]

رد : ممرضة سعودية في الكويت ..



مافي تجاوب ؟

 

[شقرديـه عالطل]

هلا حبيبتي انشالله البنات يفيدونج لان ماعندي فكره
والله يوفقج

 

[يآسمين]

رد : رد: ممرضة سعودية في الكويت ..

هلا حبيبتي انشالله البنات يفيدونج لان ماعندي فكره
والله يوفقج

تسلمين الغلا ..

اتمنى احد يفيدني

 

[يآسمين]

رد : ممرضة سعودية في الكويت ..

المستشفى العسكري مو الجهرا .. احد يعرف عنه شي ؟

 

[~ غـــيـــر البِشـــر }}]

المستشفي العسكري لا مو بالجهراء بعيد عنها


ونصيحه اشتغلي بمدرسه ممرضه بمدرسه اريح واللحين مطلوبات

 

[عشق]

رد : ممرضة سعودية في الكويت ..

المستشفى العسكري بعيد وايد عن الجهرا اذا كنتي تبين تسكنين بالجهرا

واللي اعرفه ان الممرضات اللي فيه اغلبهم روسيات

هذا اللي اعرفه

السموحه

 

[أريج الشوق]

اب لعيونج....

 

[يآسمين]

رد : رد: ممرضة سعودية في الكويت ..

المستشفي العسكري لا مو بالجهراء بعيد عنها


ونصيحه اشتغلي بمدرسه ممرضه بمدرسه اريح واللحين مطلوبات

تسلمين على تجاوبك الغلا

انا عارفه انه العسكري مو في الجهرا

لكن مضطرة اكون فيه بحكم انتقال زوجي للعمل فيه

ومو عارفه كيف النظام ..

 

[يآسمين]

رد : ممرضة سعودية في الكويت ..

المستشفى العسكري بعيد وايد عن الجهرا اذا كنتي تبين تسكنين بالجهرا

واللي اعرفه ان الممرضات اللي فيه اغلبهم روسيات

هذا اللي اعرفه

السموحه

عادي حبيبتي المسافة مو مهم

بحكم تعودي على هالشي في الرياض

لاني حاليا اطلع قبل دوامي بساعتين عشان اوصل

بس ابي اعرف اذا فيه سعوديات بالعسكري او لا وسهل التوظيف او فيه مشاكل ..؟

 

[ليالى الحنين]

المستشفى العسكرى موجود بلجهراء صارله تقريبن سنتين مبطلينه
بنسبه للممرضات ماشفت خليجيات كلهم اجنبيات اغلبهم روسيات