ودي اسافر امريكا مع عيالي .. بس محتارة .. شاركوني

[الكويتية28]

شلونكم بنات .. مبارك عليكم الشهر يا الغاليات وعسى ربي يعودة عليكم وانتم بصحة وعافية
بدخل بالموضوع على طول . انا والله بخاطري اسافر ا الصيف الجاي انشالله اسافر امريكا واخذ عيالي معاي .. بتقولون تو الناس على الصيف اقولكم ان هالموضوع شاغل بالي وودي اوصلة لحل فابي تشاركوني بالراي ..
عيالي الله يخليهم لي 3 عالصيف الجاي يصير عمره الكبيرة5سنين الثانية4 وولدي 3 واول مرة بسفرهم وودي دام بخاطري اروح امريكا اخذهم معاي .
فشرايكم اخذهم او لا ؟ و اذا باخذهم شلون عالفندق اخذ غرفتين او غرفة او شلون؟؟ وشلون عالنومة اخاف اذا نامو عالسرير الكبير يطيحون ففي سراير اطفال او شنو ؟؟
ياريت تردون علي لاني صج محتارة بهالموضوع وانا صج ودي اخذهم معاي لهالديرة ..

 

[MsKeNa]

يارب انشالله يكتبلج اسفر الصيف الياي حق هل ديره الي تينن
انصحج اخذي اعيالج معاج .. هل ديره وناسه حق لكبير ولصغير
واحسن شي تاخذين نظام رزورت يكون شقق

 

[om l3yal]

حبيبتي انا سافرت مع عيالي امريكا لما كان عمرهم 5 سنين وهم توأم وعندي 2غيرهم وقبلها رحت معاهم استراليا يعني الوضع طبيعي يمكن انا لان عندي بنتي كان عمرها 12سنة بس انصحج اخذي عيالج معاج راح يستانسون لا تقولين صغار وما يفهمون انا عيالي وااااااايد\ استانسوا ولما الحين يذكرون واذا الله عطانا عمر وياج راح اروح الصيف الياي هم انا من الحين قاعدة اخطط
بالنسبة للسكن انا كنت اخذ شقة اريح لي علشان الملابس والاكل لاني مو اي شي اكل
واذا انتي حابة فندق على فكرة انا استقر بمكان واحد واتنقل وارجع مرة ثانية حق مكاني الاصلي ولما كنت اتنقل ناخذ فندق غرفة وحدة اهم غرفهم كبار مو مثل اوربا وطلبي يكون سريرين اريح لج وتقدرين تطلبين سرير اطفال والله يكتب لج ولي اللي في خير وصالح

 

[عروس الدنيا]

رد : ودي اسافر امريكا مع عيالي .. بس محتارة .. شاركوني

شوفي ... 3 سمكن الاذيه بشي واحد ان الثلاث يبيلهم عربانات... خصوصا ان امريكا ديره كلها تمشي و مسافات طويله
اذا تقدرين اشتري عربانة توم و عربانه عاديه ... شوي ابوكم بيتعب بالدز لانه عربانة التوم تصير ثقيله ... و الصراحه على حسب نوعج تتحملين و لا مالج خلق عيالج يعني الشغله تعتمد عليج انتي و ريلج و بس

 

[فوشيه عجيبه]

انشالله البنات يفيدونج

 

[اول الزين]

رد : ودي اسافر امريكا مع عيالي .. بس محتارة .. شاركوني

مبارك عليكم الشهر بنات

روحي وتوكلي على الله اختي الكويتيه صج ديرة وناسه حيل وفيها مجمعات واسواق حلوه والعاب بعد حق اليهال
بس لاتردين من امريكا وانتي مارحتي لوس انجلوس كالفورنيا واخذو لكم سياره اجار وسافروا فيها من ولايه الي ولايه صج صج قمة المتعه والروعه والمناظر والجو فظيع غيم ومطر وترى اذا مارحتي اورلاندو في فلوريدا جنج ماسافرتي لها صج صج ماتخلصينها حتى لو تقعدين 4 ايام والسكن احسن شي شقق فندقيه احنا قلنا ماعندهم شقق طلعت تارسه الديره عندهم والليله اغلى شي 120 دولار
اتمنى لج التوفيق يارب

 

[afesa]

ايه صج تو الناس حيل ..عموما انا بعد مفكره اروح امريكا الصيف الياي اذا الله عطانا عمر ...بس اول شي بايمع لي تيميعه سنعه وساعتها افكر ...

 

[ام مهاوش]

خوش حلو التخطيط مبجر انا بعد مفكره بامريكا السنه اليايه وبخاطري نروح عايله كلنا خالاتي واختي وبنات خالاتي ورياييلهم بس المشكله الفيزا يقولون اطول حق الرياييل قاعده افكر اقول حق ريلي انطلعها من الحين بس اشلون يقتنع هههههههههههههه
الله يكتبلنا معاج رحلة ويوفقنا وكل المسلمين يارب

 

[الجعده]

شلونكم بنات .. مبارك عليكم الشهر يا الغاليات وعسى ربي يعودة عليكم وانتم بصحة وعافية
بدخل بالموضوع على طول . انا والله بخاطري اسافر ا الصيف الجاي انشالله اسافر امريكا واخذ عيالي معاي .. بتقولون تو الناس على الصيف اقولكم ان هالموضوع شاغل بالي وودي اوصلة لحل فابي تشاركوني بالراي ..
عيالي الله يخليهم لي 3 عالصيف الجاي يصير عمره الكبيرة5سنين الثانية4 وولدي 3 واول مرة بسفرهم وودي دام بخاطري اروح امريكا اخذهم معاي .
فشرايكم اخذهم او لا ؟ و اذا باخذهم شلون عالفندق اخذ غرفتين او غرفة او شلون؟؟ وشلون عالنومة اخاف اذا نامو عالسرير الكبير يطيحون ففي سراير اطفال او شنو ؟؟
ياريت تردون علي لاني صج محتارة بهالموضوع وانا صج ودي اخذهم معاي لهالديرة ..

شوفى حبيبتى اذا لج خلق تاخذيهم اخذيهم امريكا حلوه وونيسه واكو فنادق شقق فندقيه عجيبه اما بالنسبه حق الفيزا تو الناس تسوونها الحين تضيع عليكم سنه انا فى رايي تسووونها شهر 4 وما تاخذ وقت يومين او ثلاثه ايام وراح اييبوها لكم الى البيت واذا تبين اى شى انا حاضره:bye22:

 

[ام _خلودي]

حبيبتى اخذيهم راح يستانسون وايد

انا تونى راده خذيت بنتى حبيبتى عمره 5 سنين ولدى 3 سنين

وهديت لصغير عمره 5 اشهر

صج انه حووسه وتعب بس والله ونااسه كاافى عيالج يمج

وصج صج راح يستانسون ووايد لان الديره حلووه وتصلح

للياهل وبالنسبه لسكن كل الفنادق فيها شقق احسنلج علشان الغساله

والمطبخ احسهم شىء ضرورى

 

[دلع الكون]

من غير تفكير اخذيهم وان شاء الله سهالات

واخذيلج شقه عشان الغسيل والمطبخ عندج متى ماياعوووا تسويلهم شي ياكلونه احسن من ولا شي